മനസ്സിൽ തോന്നിയ ഒരു കള്ളം ഞാൻ പറഞ്ഞൊപ്പിച്ചു…
അവൾ എന്നെ തന്നേ നോക്കി നിൽക്കുന്നു ഞാൻ അവൾക്കു മുഖം കൊടുക്കുന്നതുമില്ല..
അപ്പോഴേക്കും ബസ് വന്നിരുന്നു..
അവൾ ബാഗുകളുമെടുത്തു ബിസിനടുത്തേക്ക് നടന്നു..
“ടൊ താൻ വരുന്നില്ലേ ഇതിൽ സീറ്റ് ഉണ്ട്, “
അപ്പോഴേക്കും അവളുടെ ദേഷ്യമൊന്നും കുറഞ്ഞിരുന്നു..
അവളെ എതിർക്കാൻ കഴിഞ്ഞിരുന്നില്ല.. ഞാൻ എന്റെ ബാഗുമെടുത്തു ബസ്സിലേക്ക് കയറി, ഏറ്റവും പിറകിലെ മൂന്നുപേർ ഇരിക്കുന്ന സീറ്റിന്റെ വിൻഡോ സൈഡിലേക്ക് ഞാനിരുന്നു.. എനിക്ക് തൊട്ടടുത്തു മീരയും. ബാഗുകൾ ഒതുക്കി വെച്ചു ഞാൻ പുറത്തേക്ക് നോക്കിയിരുന്നു… കണ്ടക്ടർ വന്നു ടിക്കറ്റ് എടുത്തപ്പോഴാണ് ഇത് കൊല്ലം വഴിയാണ് പോകുന്നതെന്ന് അറിഞ്ഞത്.. എന്നിരുന്നാലും ഞാൻ ബസിൽ നിന്നും ഇറങ്ങിയില്ല.. കൊല്ലത്തേക്ക് ടിക്കറ്റ് എടുത്തു.. ആ കാര്യം അബിയെ വിളിച്ചപ്പോൾ പറയുകയും ചെയ്തു..
കുറച്ചു കഴിഞ്ഞു വണ്ടി പുറപ്പെട്ടു.. പരിചയക്കാർ ആയിട്ടും ഞാനും അവളുടെ അപരിചിതരെ പോലെ ഇരുന്നു.. മുഖത്തേക്കടിക്കുന്ന കാറ്റും, ഇന്നലത്തെ ഉറക്ക ക്ഷീണവും എന്നെ…. ഉറക്കത്തിലേക്കു നയിച്ചു പിന്നെ ഞാൻ ഉണരുന്നത് മീര വിളിക്കുമ്പോഴാണ്…
മര ചുവട്ടിൽ ഇന്നലെ നടന്ന കാര്യങ്ങൾ ചിന്തിച്ചിരിക്കുമ്പോളാണ് ഫോൺ റിങ് ചെയ്തത്..
“അമ്മയാണല്ലോ, ഹലോ അമ്മേ “
ഫോൺ എടുത്തപ്പെടെ ഞാൻ ചോദിച്ചു..
” അമ്മയല്ല മീനാക്ഷിയാണ് ഏട്ടാ.. “
“നീ ആയിരുന്നോ.. എന്താടി..? നീയെന്താ അമ്മേടെ ഫോണിൽ..? “
“ഏഹ്.. ഇന്നലെ ഞാൻ പറഞ്ഞാരുന്നല്ലോ എന്റെ ഓഫർ തീർന്നുന്നു, “
“അഹ്. ഞാൻ മറന്നു.. അല്ല നീ വിളിച്ചകാര്യം പറ.. “
” മം.. അപ്പ പറഞ്ഞിട്ട് വിളിക്കുവാ, ഏട്ടൻ വരുന്നില്ലേ ഉച്ചയാവുന്നു.. കാലത്തും ഒന്നും കഴിച്ചില്ലല്ലോ?. “
അപ്പോഴാ ഞാനും സമയം നോക്കുന്നത് 12 കഴിഞ്ഞിരുന്നു..
“അഹ് ഞാൻ ദേ വരുന്നടി.. നീ ഫോൺ വെച്ചോ “..
“അഹ് ശരിയേട്ടാ “..
ഫോൺ കട്ട് ചെയ്തു ബൈക്കുമെടുത്ത.. ഞാൻ വീട്ടിലേക്കു തിരിച്ചു.. പോകുന്ന വഴിക്ക് മീനാക്ഷിടെ ഫോണിലേക്കു ഓഫറും ചെയ്തിരുന്നു.. വീട്ടിലെത്തിയപ്പോൾ അമ്മയും മീനാക്ഷിയും സിറ്റ് ഔട്ടിൽ ഉണ്ട്.. .
“ഇപ്പോൾ പോയത മോനേ നീ, നിനക്ക് ഒന്നും നിന്നനും കുടിക്കാനും വേണ്ടേ…? “
അമ്മയുടെ സ്നേഹത്തോടുള്ള ശാസന കേട്ടുകൊണ്ട് അമ്മയോടൊപ്പം ഞാൻ അകത്തേക്ക് കേറി.. ..
“പോയി കൈ കഴുകിട്ടു വാ, ഊനെടുക്കാം.. കുറെ നാളായില്ലേ ഞാൻ ഉണ്ടാക്കുന്നത് കഴിച്ചിട്ട്. മോളെ മീനു ഊണ് വിളമ്പിക്കോ “..
അകത്തേക്ക് നോക്കി അമ്മ മീനൂനെ വിളിച്ചു പറഞ്ഞു..
ഞങ്ങൾ ചെന്നപ്പോഴേക്കും മീനു എല്ലാം പ്ലൈറ്റിലേക്ക് വിളമ്പിയിരുന്നു..
അഹ് അമ്മയുടെ കൈകൊണ്ടു ഉണ്ടാക്കുന്ന ആഹാരത്തിനു ഒരു പ്രത്യേക രുചിയാ.. എല്ലാത്തിനും എന്താ ഒരു രുചി ..
” മീനു, നിനക്ക് ഓഫർ ചെയ്തിട്ടുണ്ട്.. കേട്ടോ. “?
കഴിക്കുന്നതിനിടക്ക് ഞാൻ മീനിനോട് പറഞ്ഞു.. അവൾക്ക് എന്തോ ഒരു അത്ഭുതം കേട്ടതുപോലെ നിൽക്കുന്നു.. അല്ല അതിനും കാരണമുണ്ട്.. ഇതുവരെ എന്റെ കൈകൊണ്ടു അവൾക്കൊന്നും വാങ്ങിച്ചു കൊടുത്തിട്ടില്ല.. അപ്പോൾ പിന്നെ അവൾ അത്ഭുത പെട്ടതിൽ അതിശയമില്ല..
” മോനേ നമുക്ക് അഭിയുടെ വീട്ടിലൊന്ന് പോകണ്ടേ.. അമ്മുനെ ഒന്ന് കാണണമായിരുന്നു “.
“അഹ് അയ്യോ അമ്മേ അവൻ അമ്മുനേം കൊണ്ട് തിരുവനന്തപുരത്ത് പോയേക്കുവാ.. വൈകിട്ടാകും വരാൻ. “..
“അയ്യോ… ഇപ്പോൾ എന്താ ചെയ്യുക..? “
“കുഴപ്പമില്ല രാവിലെ പോകാം “.
” അഹ്.. മോനേ അമ്മക്കു ഒരു പ്രധാന കാര്യം പറയാനുണ്ട്..”
“എന്താമ്മേ? പറ “.
“മോൻ കഴിക്ക് അമ്മ പറയാം. “.
ഊണും കഴിഞ്ഞു കൈയും കഴുകി ഞാൻ എന്റെ മൂറിലേക്ക് പോയി. ഞാൻ കാട്ടിലേക്ക് കിടന്നു.. അപ്പോഴേക്കും അമ്മേം കയറി വന്നു എന്റെ അരികത്തു ഇരുന്നു..
“എന്താ അമ്മേ എന്തോ പറയാനുണ്ടെന്ന് പറഞ്ഞല്ലോ? എന്താ കാര്യം “
ഞാൻ അമ്മയോട് ചോദിച്ചു..
” അഹ് മോനേ.. വേറൊന്നുമല്ല നിന്റെ കല്യാണക്കാര്യം തന്ന.. നിനക്ക് ഈ മകരത്തിൽ 25 തികയും.. ഇപ്പോൾ നിനക്ക് സമയമാണ് എന്ന അമ്മാവൻ പറഞ്ഞത്… മോനെന്തു പറയുന്നു. “.
” ഇപ്പോൾ വേണ്ടമ്മേ.. കുറച്ചു കഴിയട്ടെ.. ഞാൻ പറയാം.. “.
“. എന്നാലും നമുക്ക് ഒന്ന് ഉറപ്പിച്ചു വെച്ചൂടെ.. “
അമ്മ പറയുന്നത് ഞാൻ ഒന്ന് മൂളികേട്ടു..
അപ്പോഴാണ് എന്റെ ഫോൺ റിങ്ങ് ചെയ്തത് നോക്കിയപ്പോൾ.
മീരയാണ്..
ഞാൻ call എടുത്തു..
തുടരും……………………
________________________________________________________________________________
ആദ്യ പാർട്ടിൽ തന്ന സപ്പോർട്ടിന് നന്ദി..
ലാഗ് ഉണ്ട് എന്നാലും ക്ഷമിക്കുക. അഭിപ്രായം പറയുക.. തെറ്റുകൾ ചൂണ്ടി കാട്ടുക..
പേജ് കുറവുണ്ടെൽ ക്ഷെമിക്കണം
എന്ന്
അഭിമന്യു ശർമ്മ