അത് കേട്ട അയാളുടെ ഹൃദയമിടിപ്പ് കൂടാൻ തുടങ്ങി… നെറ്റിയിലൂടെ വിയർപ്പ് തുള്ളികൾ ഒഴുകിയിറങ്ങി
ഒരു സഹായമെന്നോണം കൈയിലെ വടിയിൽ ശക്തിയിൽ പിടിച്ചു
എന്നിട്ടും പറ്റില്ലെന്ന് മനസിലായ ആയാൾ ടേബിളിന്റെ അടിയിലെ അറ തുറന്നു
അതിൽ രണ്ടു തോക്കുകളും അവയുടെ കുറച്ചു ബുള്ളറ്റുകളും ആയിരുന്നു
ദിർതിയിൽ അവയെല്ലാം തട്ടി മാറ്റി ഒരു ഗുളികയുടെ പാക്കറ്റ് എടുത്തു
അതിൽ നിന്നോരെണ്ണം വിഴുങ്ങി അയാൾ കസേരയിൽ ഇരുന്നു
മുൻപിലെ കണ്ണാടിയിൽ അയാൾ തന്റെ മുഖം നോക്കി
പാതി കത്തി കരിഞ്ഞ രൂപവും ബാക്കി തുന്നിക്കൂട്ടി വികൃതമായ ആ രൂപം കണ്ടു അയാൾ തന്നെ മുഖം തിരിച്ചു
കൊറച്ചു നേരം പലതും ഓർത്തു മനസ്സിൽ കണക്ക് കൂട്ടി അയാൾ വീണ്ടും ഫോൺ എടുത്തു
കൊറച്ചു നേരം അതിൽ പരതി… പക്ഷെ അന്വേഷിച്ചത് ലഭിക്കാത്ത അയാൾ ഷെൽഫിൽ നിന്ന് ഒരു ചെറിയ കവർ എടുത്തു
അത് ചെറിയൊരു കീപാട് ഫോൺ ഉണ്ടായിരുന്നു
മുകളിൽ നിന്ന് ചെറിയൊരു ആന്റിന വലിച്ചു പൊക്കി വച്ച ശേഷം അയാൾ അതിൽ ഒരു നമ്പർ ഞെക്കി വിളിച്ചു
കൊറച്ചു നേരത്തിനു ശേഷം മറുവശത്ത് കാൾ എടുക്കപ്പെട്ടു
“”ഹലോ… ആൽഫ്രഡ്…””
അയാൾ തന്നെ ആദ്യമേ സംസാരിച്ചു തുടങ്ങി
“”പറയു…. സുൽത്താൻ ശേഖർ ഭായ്…””
************************
നേരം പുലർന്നു
ബാംഗ്ലൂർ നഗരം പതിയെ ചൂടുപിടിച്ചു തുടങ്ങി
സ്കൈലാൻഡ് അപ്പാർട്ട്മെന്റിൽ നിന്നും ആളുകൾ ജോലിക്കായി ഇറങ്ങി തിരിച്ചു
112B റൂമിലെ സോഫയിൽ മയങ്ങി കിടക്കുവായിരുന്നു ക്രിസ്റ്റി
അരികിലെ ടീപ്പോയിലിരുന്ന ഫോൺ റിങ് ചെയ്യാൻ തുടങ്ങി
നല്ലൊരു ഉറക്കത്തിൽ നിന്നും അവൻ ഞെട്ടി ഉണർന്നു ചുറ്റിനും നോക്കി
പിന്നെ ആണ് കണ്ടത് റിങ് ചെയ്യുന്ന ഫോൺ
ബാബ എന്ന് എഴുതിയ ആ കാൾ അവൻ എടുത്തു കാതോരം ചേർത്തു
“””ഗുഡ് മോർണിംഗ് ബാബ…”””
അവൻ അയാളോട് പറഞ്ഞു
“””ഗുഡ് മോർണിംഗ് ക്രിസ്റ്റി…അവിടുത്തെ താമസമൊക്കെ എങ്ങനെ ഒണ്ട്..?
“””വലിയ കുഴപ്പങ്ങൾ ഒന്നുമില്ലായിരുന്നു..”””
അവൻ സോഫയിൽ നിന്ന് എണീറ്റുകൊണ്ട് പറഞ്ഞു
പിന്നെ അടുക്കളയിലേക്ക് പോയി ഫ്രിഡ്ജ് തുറന്നു നോക്കി
“””ഹ്മ്മ്….കഴിഞ്ഞ ദിവസത്തെ പണി എങ്ങനെ ഉണ്ടായിരുന്നു… ന്യൂസ് കണ്ടിരുന്നു.. എത്രപേർ..?
ബാബ ചോദിച്ചു
“””കൃത്യമായി അറിയില്ല… ഏകദേശം മുപ്പതിന് അടുത്ത് കാണും…”””
“””സമീർ ഇല്ലായിരുന്നോ..”””
“””ഉണ്ടായിരുന്നു…”””
ബാബ ഒരുനിമിഷം ആലോചിച്ചു… ശേഷം ചോദിച്ചു
“””ബോക്സ് അയച്ചു കൊടുത്തില്ലേ..”””
“””അത് ഇന്നലെ തന്നെ അയച്ചു…”””
“””ഇനിയെന്താ അടുത്ത പദ്ധതി..?
ബാബ ചോദിച്ചു
ക്രിസ്റ്റി ഒരുനിമിഷം ആലോചിച്ചു
“””ഇനി എട്ടോളം പേര് കൂടെ ഒണ്ട്… അവർ ഈ നഗരത്തിൽ തന്നെ ആണ് എന്നാണ് അറിയാൻ കഴിഞ്ഞത്…അടുത്ത മെസ്സേജ് വരുന്നത് വരെ എനിക്ക് ഇവിടെ നിന്നെ പറ്റു…”””
“””ഓക്കേ… സാറ്റ്ഫോൺ കയ്യിൽ ഇല്ലേ..”””
“””ഒണ്ട്…”””
“””അത് ഒരിക്കലും നഷ്ടപ്പെടുത്തരുത്..”””
അതും പറഞ്ഞു കാൾ കട്ടായി
ബാൽക്കണിയിലേക്ക് ഇറങ്ങി ക്രിസ്റ്റി ചുറ്റിനും നോക്കി
തണുത്ത കാറ്റ് മെല്ലെ വീശുന്നത് ആസ്വദിച്ചുകൊണ്ടവൻ അവിടെ നിന്നു
കുറച്ചു നേരം അവിടെ ചിലവഴിച്ച ശേഷം അവൻ റൂമിലേക്ക് കയറി ബാഗ് എടുത്തു തുറന്നു
അതിൽ നിന്നൊരു ലാപ്ടോപ് എടുത്തു ബെഡിൽ വച്ചു പിന്നെ ശേഖർ ഭായുടെ കയ്യിൽ കണ്ടത് പോലൊരു സാറ്റ്ഫോണും
അത് എടുത്തു റൂമിൽ തന്നെ ചാർജിന് ഇട്ട ശേഷം ഡ്രസ്സ് മാറി വേറൊരു ബാഗിലെക്ക് ലാപ്ടോപ് ഇട്ടു ഫ്ലാറ്റ് പൂട്ടി പുറത്തേക്ക് ഇറങ്ങി
ഫ്ലാറ്റിലെ താമസക്കാരായ ചിലർ ക്രിസ്റ്റിയെ ശ്രദ്ധിക്കുന്നുണ്ടായിരുന്നു