പെട്ടെന്ന് ഒരു ഇടവഴിക്ക് എതിരായി അവൻ നിന്നു
അപ്പോഴാണ് അവന് താൻ എവിടെ ആണെന്ന സ്വബോധം ഉണ്ടായത്
ദീർഘമായി ഒന്നു ശ്വാസമെടുത്തുകൊണ്ട് അവൻ ചുറ്റിനും നോക്കി
രണ്ടു വലിയ കെട്ടിടങ്ങൾക്ക് ഇടയിലൂടെ ഒരുത്തൻ വേഗത്തിൽ നടന്നു പോകുന്നത് അവൻ ശ്രദ്ധിച്ചു
നിറയെ പഴയതുണികളും ചാക്ക് കെട്ടുകളും വേസ്റ്റ്കളും കൊണ്ട് നിറഞ്ഞ ആ വഴിയിലൂടെ ഒരുത്തൻ വേഗത്തിൽ നടന്നു
ഇടയ്ക്കിടെ പരിഭ്രമിച്ചുകൊണ്ട് ചുറ്റിനും നോക്കുന്നുണ്ടായിരുന്നു
അങ്ങനെ പിറകിലോട്ട് തിരിഞ്ഞു നോക്കിയപ്പോ ആണ് അവനെ തന്നെ നോക്കി നിൽക്കുന്ന ക്രിസ്റ്റിയെ അവൻ കണ്ടത്
പെട്ടെന്ന് തന്നെ ക്രിസ്റ്റിയിൽ നിന്ന് ഒളിച്ചു നിൽക്കാനായി മറ്റൊരു ഇടവഴിയിലേക്ക് കേറി അവൻ ഓടി
ഇതെല്ലാം കണ്ടുകൊണ്ട് തന്നെ ക്രിസ്റ്റി അവിടെ നിന്നു
പിന്നെ പതിയെ അയാൾ പോയ വഴിയേ അവൻ നടന്നു
മറ്റവൻ ഒളിച്ചു നിന്ന ഇടവഴിയിലേക്ക് അവൻ കയറി
കൊറച്ചു മുൻപോട്ട് പോയപ്പോ ക്രിസ്റ്റിയുടെ മുഖത്തൊരു ചിരി ഉണ്ടായി
മുൻപിലെ അടച്ചിട്ട ഒരു ഗേറ്റ് ആയിരുന്നു ക്രിസ്റ്റിയുടെ ചിരിക്ക് കാരണം
രണ്ടു സൈഡിൽ കൂട്ടി ഇട്ട ചാക്കുകൾക്ക് മറവിൽ ലാപ്ടോപ്പടങ്ങിയ ബാഗുമായി അയാൾ പതുങ്ങി നിന്നു
പക്ഷെ ക്രിസ്റ്റിക്ക് അവനെ കാണാൻ പറ്റുന്നുണ്ടായിരുന്നില്ല
പതിയെ നടന്നു വന്ന ക്രിസ്റ്റി കണ്ണുകൾ അടച്ചു
രണ്ടു പേർക്ക് മാത്രം നടന്നു പോകാൻ പറ്റുന്ന ആ കെട്ടിടങ്ങൾക്ക് നടുവിലൂടെ ക്രിസ്റ്റി നടന്നു
ഒപ്പം ഒരു കൈ ഉയർത്തി ഇടതു വശത്തെ കെട്ടിടത്തിന്റെ കരിയും പൊടിയും പിടിച്ചു തുടങ്ങിയ ഭിത്തിയിലൂടെ വിരലോടിച്ചു
അവന് തന്റെ വിരലുകളിൽ പരിഭ്രാന്തി കൊണ്ട് വേഗത്തിൽ ഇടിക്കുന്ന ഒരാളുടെ ഹൃദയതാളം അനുഭവപ്പെട്ടു
തന്റെ മുന്നിൽ നിൽക്കുന്നവന്റെ പേടി മനസിലാക്കിയ ക്രിസ്റ്റി മനസ്സിൽ ചിരിച്ചു
അവനരികിൽ എത്താനായപ്പോ തന്നെ മറവിൽ നിന്ന് ഒരു പിച്ചാത്തിയുമായി അയാൾ ക്രിസ്റ്റിക്ക് മുന്നിലേക്ക് ചാടി വീണു
ഒരു തമിഴൻ ആയിരുന്നു അത്.. കറത്തു ആ രൂപത്തിൽ കണ്ണുകൾ മാത്രം തിളങ്ങി നിന്നു
പഴകി പിഞ്ചി തുടങ്ങിയ ഒരു ഷർട്ടും പാതി മടക്കി വച്ച ഒരു ക്രീം കളർ പാന്റ്സും ആയിരുന്നു ആയാളുടെ വേഷം
വള്ളിച്ചെരുപ്പുകൾ ധരിച്ച അയാളുടെ കാലുകൾ നിലത്ത് ഉറക്കുന്നുണ്ടായിരുന്നില്ല
പേടി കാരണമോ അല്ലെങ്കിൽ മറ്റെന്തോ കാരണം അയാൾ കയ്യിലെ കത്തി മുറുകെ പിടിച്ചു ആടി ആടി നിന്നു
ഇതെല്ലാം കണ്ട ക്രിസ്റ്റി ചിരിച്ചു കൊണ്ട് നിന്നു
മെല്ലെ അവൻ പറഞ്ഞു
“”ഇങ്ങനെ മുൻപിൽ ചാടി വീഴാൻ ആണേൽ നീയെന്തിനാടാ ഇവിടെ വന്നു ഒളിച്ചു നിന്നത്…?
കത്തിയുമായി നിൽക്കുന്നവനെ ക്രിസ്റ്റി കളിയാക്കി
“””അത് എന്റെ ഇഷ്ടം… നീ ആരാടാ എന്നോട് ചോദിക്കാൻ…”””
അയാൾ കത്തിയിൽ ബലമായി പിടിച്ചു കൊണ്ട് മുരണ്ടു
“””ഓ നിന്റെ ഇഷ്ടം…നിന്റെ കയ്യിൽ ഉള്ള ബാഗും അതിലുള്ള ലാപ്പ്ടോപ്പും എന്റെയാ… അത് എടുത്തോണ്ട് പോകാൻ നീ ഏതാടാ…””
ക്രിസ്റ്റി ചോദിച്ചു
“””എനിക്ക് തോന്നുന്നത് ഞാനെടുക്കും.. നിന്ന് ചെലക്കാതെ ഒള്ള ജീവനും കൊണ്ട് പോകാൻ നോക്കെടാ ചെക്കാ…”””
അയാൾ അലറി പറഞ്ഞു
പക്ഷെ മറുപടി ആയി കൈ മടക്കി ഒറ്റ അടിയായിരുന്നു തമിഴന്റെ ചെകിടു നോക്കി
കയ്യിലെ കത്തിയും ബാഗും താഴെ ഇട്ടു വലതു കവിൾ പൊത്തി പിടിച്ചുകൊണ്ടയാൾ നിലത്തിരുന്നു
“””കഴുവേർട മോനെ…വേണ്ട വേണ്ടാന്ന് വെച്ചപ്പോ നിന്ന് കുരക്കുന്നോ…”””
മുഖം പൊത്തി നിലത്തിരിക്കുന്ന തമിഴനെ നോക്കി ക്രിസ്റ്റി പറഞ്ഞു
പിന്നെ നിലത്തു നിന്ന് ബാഗ് എടുത്തു തോളിലിട്ടു
“””നിന്റെ പേരെന്താടാ…?
ക്രിസ്റ്റി ചോദിച്ചു
“””ര… രഘു…”””
കവിളിലേ വേദന കടിച്ചമർത്തി അയാൾ മറുപടി പറഞ്ഞു