” അയ്യോ അത് വേണ്ട… വീട്ടിലറിഞ്ഞാൽ പ്രശ്നമാകും.. ”
ഐശ്വര്യ പറഞ്ഞു.
” വീട്ടിൽ അറിയാതിരിക്കാൻ നോക്കിയാൽ പോരേ… ചോദിച്ചാൽ അങ്ങേര് കടം തരും ഉറപ്പാ.. ”
നമിത ആത്മവിശ്വാസത്തോടെ പറഞ്ഞു.
” എടീ അത് വേണ്ട.. എനിക്ക് നല്ല പേടിയുണ്ട്. ”
ഐശ്വര്യ ആശങ്കയറിയിച്ചു.
” നീ പേടിക്കാതിരി. ഇതല്ലാതെ നമുക്ക് വേറെ വഴിയില്ല… ”
” കടം വാങ്ങിയ കാശ് നമ്മൾ എങ്ങനെ തിരിച്ചു കൊടുക്കും..? ”
” അതിന് വഴിയുണ്ട്.. ”
നമിത പറഞ്ഞു.
” എന്തു വഴി..? ”
” വിഷു അല്ലേ വരാൻ പോകുന്നത്.. വീട്ടുകാരുടെയും, ബന്ധുക്കളുടെയും കൈയ്യീന്ന് നമ്മക്ക് രണ്ടുപേർക്കും കൈനീട്ടം കിട്ടില്ലേ.. അത് വെച്ച് കടംവീട്ടാം… ”
” എന്നാലും അത് വേണോടീ…? ”
ഐശ്വര്യ വീണ്ടും ആശങ്കയോടെ ചോദിച്ചു.
” ഇങ്ങനെ പേടിച്ചു നിന്നാൽ ഒന്നും നടക്കില്ല… നീ ധൈര്യമായിരിക്ക് എല്ലാം നല്ലതിന് വേണ്ടിയല്ലേ…”
നമിത അവളെ പറഞ്ഞ് സമ്മതിപ്പിച്ചു.
ഇവരുടെയും തൊട്ട് അയൽവക്കത്താണ് കേശവൻ മാമന്റെ വീട്. കേശവന് ഇപ്പോൾ 65 വയസ്സ് കഴിഞ്ഞു. കഷണ്ടി തലയും,കുടവയറും ഉള്ളതുകൊണ്ട് കാഴ്ച്ചയിൽ വയസിനെക്കാൾ പ്രായം തോന്നിക്കും. 30 വർഷത്തെ പ്രവാസജീവിതം അവസാനിപ്പിച്ച് ഇപ്പോൾ വീട്ടിൽ തന്നെയാണ്. ഭാര്യയുടെ പേര് രാധ, പ്രായം അമ്പതോട് അടുത്തു, പിന്നെ ഉള്ളത് രണ്ടു പെൺമക്കളാണ് സുമയും, സന്ധ്യയും. അവരെ ഗൾഫ്കാർക്ക് കെട്ടിച്ചയച്ചു. വിദേശത്തുപോയി ഉണ്ടാക്കിയ സമ്പാദ്യം കൊണ്ട് വലിയ വീടും വെച്ച് ജീവിതത്തിന്റെ ബാക്കിയുള്ള കാലം ആസ്വദിക്കുകയാണ് അയാൾ.
പിറ്റേദിവസം തന്നെ ഇരുവരും കേശവൻ മാമന്റെ അടുത്തുചെന്നു. വീടിന്റെ വാതിൽ അടഞ്ഞു കിടക്കുകയാണ്. നമിത കോളിംഗ് ബെൽ അടിച്ചു.
ഇപ്പോഴും ഐശ്വര്യയുടെ മുഖത്ത് നല്ല പേടിയുണ്ട്.
അല്പസമയത്തിനുശേഷം കേശവൻ വന്ന് വാതിൽ തുറന്നു.
” എന്താ പിള്ളേരെ വിശേഷം..? രണ്ടിനെയും ഇങ്ങോട്ടൊന്നും ഇപ്പൊ അധികം കാണാറേയില്ലല്ലോ..? നിങ്ങളുടെ പ്ലസ് ടു റിസൾട്ട് വന്നതൊക്കെ ഞാനറിഞ്ഞു… രണ്ടാൾക്കും നല്ല മാർക്കുണ്ടല്ലോ…? ”
കേശവന്റെ ചോദ്യത്തിന് മറുപടിയായി ഇരുവരും ചിരിച്ചുകൊണ്ട് തലകുലുക്കി.
” ഇനി എന്താ നിങ്ങളുടെ അടുത്ത പരിപാടി..? ”
” കോളേജിൽ പോണം…”
ഇരുവരും ഒരേ സ്വരത്തിൽ പറഞ്ഞു.
” ഹും… ”
” രാധചേച്ചി ഇല്ലേ..? ”
നമിത ചോദിച്ചു.
” ഇല്ല… അവള് അവളുടെ നാട്ടിൽ പോയിരിക്കുവാ.. വൈകിട്ടോടെ ഇങ്ങ് എത്തും. ”
” കേശവൻ മാമൻ ഇപ്പോ ഇവിടെ ഒറ്റക്കാണോ..? ”
ഐശ്വര്യ ചോദിച്ചു.
” അതെ. ഈ വയസ്സാൻ കാലത്ത് എന്നെ ഇവിടെ ഒറ്റയ്ക്കാക്കിയിട്ട് നാട്ടില് പൊറുതിക്ക് പോക്ക് എന്റെ കെട്ടിയോൾടെ സ്ഥിരം ഏർപ്പാടാ… ”
അയാൾ ഭാര്യയെ കുറ്റപ്പെടുത്തിക്കൊണ്ട് പറഞ്ഞു.
അതുകേട്ട് ഐശ്വര്യയും, നമിതയും പുഞ്ചിരിച്ചു.
” അല്ല.. ഞാൻ ചോദിക്കാൻ വിട്ടുപോയി.. എന്താ വിശേഷിച്ച്..? ”
കേശവൻ ചോദിച്ചു.
” അത് പിന്നെ കേശവൻ മാമാ… ”
അവർക്ക് പറയാൻ ചെറിയ മടി തോന്നി.
” മടിക്കാതെ കാര്യം പറ പിള്ളേരെ.. ”
അയാൾ നിർബന്ധിച്ചു.
” ഞങ്ങൾക്ക് ഒരു സഹായം വേണായിരുന്നു..”
ഇരുവരും ഒരേ സ്വരത്തിൽ പറഞ്ഞു.
” എന്തു സഹായം..? ”
കേശവൻ സംശയത്തോടെ ചോദിച്ചു.
” കുറച്ച് കാശ് കടം വേണമായിരുന്നു.. ”
നമിത പതിയെ പറഞ്ഞു.
” കാശോ..? നിങ്ങൾക്ക് എന്തിനാ ഇപ്പൊ കാശ്..? ”
” അടുത്ത ആഴ്ച ഞങ്ങടെ 10th ബാച്ചിന്റെ ഗെറ്റുഗദറാണ്… പുതിയ ഡ്രസ്സ് ഒന്നും കയ്യിൽ ഇല്ല. ”
നമിത പറഞ്ഞു.
” നിങ്ങടെ അച്ഛനോട് ചോദിച്ചോ..? “
” ചോദിച്ചു. ഇപ്പൊ തരാൻ കാശില്ലാന്നാ പറയണത്. ”
” ശരി നിങ്ങൾക്ക് എത്ര കാശാ വേണ്ടത്..? ” അയാൾ ചോദിച്ചു.
ഐശ്വര്യയും, നമിതയും പരസ്പരം നോക്കി.
” ഒരു 1000 വേണം.. ”
അതു കേട്ട് അയാൾ പുഞ്ചിരിച്ചു.