“ട്രൗസർ നനഞ്ഞോന്നു നോക്കിക്കോ ഡാ..ചിലപ്പോ മുള്ളികാണും ”
താഴെ ഇറങ്ങിയ ഉടനെ മുടിയൊക്കെ കോതി ശരിയാക്കികൊണ്ട് മഞ്ജുസ് കൌണ്ടർ അടിച്ചു .
“നിന്നെ ഞാൻ മുള്ളിക്കുന്നുണ്ട് ..”
അതിനു അർഥം വെച്ച് തന്നെ ഞാൻ മറുപടി നൽകി ചിരിച്ചു . മഞ്ജുവും അതുകേട്ടപ്പോളൊന്നു പുഞ്ചിരിച്ചു .”ഇനിയെന്താ പരിപാടി ?”
ഞാൻ അവളെ നോക്കി സംശയത്തോടെ ചോദിച്ചു .
“സ്‌നോർക്കലിംഗ് പോയാലോ ?”
മഞ്ജുസ് ആവേശത്തോടെ പറഞ്ഞു എന്നെ നോക്കി .
കടലിന്റെ അടിത്തട്ട് കണ്ടുകൊണ്ടു നീന്തുന്ന ഒരു പരിപാടിയാണത് .സ്‌നോർക്കൽ എന്നുപേരുള്ള ചെറിയൊരു കുഴൽ വായിൽ ഘടിപ്പിച്ചുകൊണ്ട് വെള്ളത്തിൽ കമിഴ്ന്നു കിടക്കണം . കണ്ണിൽ വെള്ളം കയറാത്ത ടൈപ്പ് ഒരു കണ്ണടയും മുഖത്ത് ഫിറ്റ് ചെയ്തു തരും . ഒപ്പം ലൈഫ് ജാക്കറ്റ് പോലെ വെള്ളത്തിൽ പൊങ്ങി കിടക്കാൻ പറ്റുന്ന ആവരണവും ഉണ്ടാകും .അതെല്ലാം അണിഞ്ഞുകൊണ്ട് കടലിന്റെ അടിത്തട്ടും പവിഴപുറ്റുകളും വർണമൽസ്യങ്ങളെയും കണ്ടുകൊണ്ട് അങ്ങനെ നീന്തി നീങ്ങാം .
“അതിനു നീ തന്നെ പൊക്കോ ..എനിക്ക് ഇൻട്രോ ഇല്ല ”
മഞ്ജുസിന്റെ ആവേശം കണ്ടതും ഞാൻ സ്വല്പം വെയ്റ്റ് ഇട്ടു .
“ഓക്കേ ..എന്ന ശരി…”
പക്ഷെ എന്നെ ഞെട്ടിച്ചുകൊണ്ട് അവള് ഗമയിൽ തിരിഞ്ഞു നടന്നു . സ്വല്പം വേഗത്തിലാണ് നടത്തം .
“ഡീ ഡീ മിസ്സെ…നീ എവിടെ പോണു ?”
നടന്നു നീങ്ങുന്ന മഞ്ജുവിനെ നോക്കി ഞാൻ പിറകെ ഓടികൊണ്ട് തിരക്കി .
“നീ ഇല്ലെന്നല്ലേ പറഞ്ഞെ ? അതുകൊണ്ട് ഞാൻ പോയിനോക്കട്ടെ ”
മഞ്ജുസ് ഗൗരവത്തിൽ തന്നെ പറഞ്ഞു പുച്ഛമിട്ടു .
“എന്ന പോയിട്ട് വാ ..ഞാൻ റൂമിൽ കാണും ..”
അവളുടെ പോസ് കണ്ടു ഞാനും സ്വല്പം വെയ്റ് ഇട്ടു തിരിഞ്ഞു നടന്നു . ആദ്യം അത് ഞാൻ ചുമ്മാ പറഞ്ഞതാണെന്ന് കരുതി മഞ്ജുസ് ചിരിച്ചെങ്കിലും ഞാൻ അവളെ തിരിഞ്ഞു നോക്കാതെ നടന്നു നീങ്ങി . അതോടെ കക്ഷി എന്റെ പിറകെ ഓടാൻ തുടങ്ങി .
“ഡാ ഡാ പോവല്ലേ …നീ കൂടെ വാ ..”
മഞ്ജുസ് ചിണുങ്ങിക്കൊണ്ട് എന്റെ പുറകെ പിള്ളേരെ പോലെ ഓടി .
“ഞാനില്ല ..”
ഒറ്റവാക്കിൽ പറഞ്ഞുകൊണ്ട് ഞാൻ വേഗത്തിൽ നടന്നു . പക്ഷെ അപ്പോഴേക്കും മഞ്ജുസ് ഓടിവന്നെന്നെ പിടിച്ചു നിർത്തി . ചെറിയൊരു കിതപ്പോടെ അവളെന്നെ നോക്കി കണ്ണുരുട്ടി . കടൽ തീരത്തിനടുത്തായിരുന്നു ഞങ്ങളുടെ നിൽപ്പ് . പക്ഷെ തിരമാലയോ ഓളമോ ഒന്നുമില്ല , തെളിഞ്ഞ പളുങ്കു ജലം !
“എന്താടി നോക്കണേ ?”
അവളുടെ കണ്ണുരുട്ടിയുള്ള പേടിപ്പിക്കൽ കണ്ടു ഞാൻ ഗൗരവത്തിൽ തിരക്കി .
“നീ പിന്നെ എന്ത് അണ്ടിക്കാ ഇങ്ങോട്ടു പോന്നത് ? ഫുൾ ടൈം എന്റെ കൂടെ കിടക്കാനോ ?”
മഞ്ജുസ് പയ്യെ ചിരിച്ച്‌‌കൊണ്ട് എന്നെ നോക്കി .
“അതാ സുഖം …”
ഞാനും വിട്ടില്ല .
“അയ്യടാ …”
എന്റെ മറുപടി കേട്ട് മഞ്ജുസ് മുഖം വക്രിച്ചുകൊണ്ട് ചിരിച്ചു .
“ഒന്ന് വാ കവി ..നീയിങ്ങനെ എന്നെ കളിപ്പിക്കല്ലേ …”
എന്റെ അടവൊക്കെ മനസിലായെന്ന മട്ടിൽ മഞ്ജുസ് എന്റെ കയ്യിൽ പിടിച്ചു ചിണുങ്ങി .
“വരണോ ?”
ഞാൻ അവളെ സംശയത്തോടെ നോക്കി .
“മ്മ്…വേണം ..”
മഞ്ജുസ് പ്രതീക്ഷയോടെ തലയാട്ടി .
“ഓക്കേ ..എന്ന വാ …”
ഞാൻ ചിരിയോടെ പറഞ്ഞു അവളെ ചേർത്ത് പിടിച്ചു . പിന്നെ സ്‌നോർക്കലിംഗ് സംഘടിപ്പിക്കുന്ന ടീമിന്റെ അടുത്തേക്ക് നീങ്ങി . നീന്തൽ വസ്ത്രങ്ങളും കുഴലും കുന്തവുമൊക്കെ ആയി അങ്ങനെ ഞങ്ങളതിന് തയാറായി . പിന്നെ ലൈഫ് ജാക്കറ്റുമിട്ടു പയ്യെ വെള്ളത്തിലേക്കിറങ്ങി . കുഴൽ വായിൽവെച്ചുകൊണ്ട് മഞ്ജുസ് ആണ് ആദ്യം വെള്ളത്തിലേക്ക് കമിഴ്ന്നുകിടന്നു കാഴ്ചകളിലേക്ക് ഊളിയിട്ടത് . അടിത്തട്ടിൽ കൈകൊണ്ട് പരതികൊണ്ട് തന്നെ മഞ്ജുസ് ആ വെള്ളത്തിലൂടെ തുഴഞ്ഞു നീങ്ങി .മടിച്ചു നിൽക്കുന്ന എന്നെ കണ്ടതും അവൾ വെള്ളത്തിൽ നിന്നും ഉയർന്നു നേരെ നിന്നു.
“ഡാ നല്ല രസം ഉണ്ട് ..വാ ”
മഞ്ജുസ് കുഴൽ വായിൽ നിന്നെടുത്തു മാറ്റി എന്നോടായി പറഞ്ഞു .
“ആഹ്..വരുവാ”
അതിനു പയ്യെ മറുപടി നൽകികൊണ്ട് ഞാൻ തയ്യാറായി.പിന്നെ അവൾക്കൊപ്പം വെള്ളത്തിൽ കിടന്നു മുങ്ങിതപ്പി കടലിന്റെ അടിത്തട്ട് വളരെ അടുത്ത് കണ്ടു ആസ്വദിച്ചു . പവിഴ പുറ്റുകളും പല വർണ്ണത്തിലുള്ള മത്സ്യങ്ങളും ഞങ്ങളുടെ കണ്മുൻപിൽ മനോഹരമായ കാഴ്ചകളായി മാറി . പക്ഷെ അതിനെ പിടിക്കാനോ തൊടാനോ ഒന്നും അനുവദനീയമല്ല , ചുമ്മാ കാണം അത്രതന്നെ ! ഈപാരാസെയ്‌ലിംഗ് , സ്‌നോർക്കലിംഗ് പോലത്തെ ടൂറിസം പരിപാടികൾക്കൊക്കെ ഏകദേശം ഇന്ത്യൻ മണി പത്തുപതിനായിരം രൂപ ഒക്കെ ആണ് ചാർജ് !
ആ പരിപാടിയും അതികം വൈകാതെ അവസാനിപ്പിച്ച് , നീന്തൽ വേഷങ്ങളൊക്കെ ഊരിവെച്ചു ഞങ്ങൾ പഴയ വേഷങ്ങളെടുത്തണിഞ്ഞു .തലമുടി നനഞ്ഞതൊക്കെ തുടച്ചുകൊണ്ട് ഞങ്ങൾ തിരിച്ചു നടന്നു .അവിടെ ഏൽപ്പിച്ചിരുന്ന മഞ്ജുസിന്റെ പേഴ്‌സും അതോടെ കാലി ആയി .
“കിടു സംഭവം ആണല്ലേ ?”
നടക്കും വഴി എന്റെ കയ്യിൽ ചുറ്റിപിടിച്ചുകൊണ്ട് മഞ്ജുസ് ചോദിച്ചു .പിന്നെ കാലിയായ കുഞ്ഞു പേഴ്‌സ് അവിടെ കണ്ട വേസ്റ്റ് ബാസ്കറ്റിലേക്കിട്ടു . ആവശ്യത്തിനുള്ള പൈസ മാത്രമേ അവൾ പുറത്തിറങ്ങുമ്പോൾ എടുത്തിരുന്നുള്ളു .
“ആഹ്..”
ഞാനതിനു ഒഴുക്കൻ മട്ടിൽ മൂളി .
“എന്തൊരു സാധനമാടാ നീ ?എന്ത് പറഞ്ഞാലും ഇതേ ആറ്റിട്യൂട് ആണല്ലോ ”
എന്റെ പെരുമാറ്റം അത്ര രസിക്കാത്ത മഞ്ജുസ് എന്റെ കയ്യിൽ നുള്ളികൊണ്ട് പല്ലിറുമ്മി .
“ആഹ്….എടി എടി..”
അവളുടെ നുളളിൽ വേദന എടുത്ത ഞാൻ ആരോടെന്നില്ലാതെ പറഞ്ഞു .പക്ഷെ അവൾക്കതൊന്നും വിഷയമല്ല . ഇളിച്ചുകൊണ്ട് എന്റെ മുൻപിൽ കേറി നിൽപ്പുണ്ട് .
“മഞ്ജുസേ ഒടുക്കം ഞാൻ പിടിച്ചു കടലിൽ തള്ളുന്ന വരെ ഉണ്ടാകും ട്ടോ ..”
ഞാൻ പറഞ്ഞത് കേട്ടിട്ടും ചിരിച്ചു നിൽക്കുന്ന അവളെ നോക്കി ഞാൻ പല്ലിറുമ്മി .
“അയ്യടാ …എന്ന നിനക്ക് എന്റെ കയ്യിന്നു കിട്ടും ..”
മഞ്ജുസും വിട്ടില്ല .
അതോടെ എനിക്ക് ചെറിയൊരു ആവേശം കയറി . അങ്ങനെ ആയാൽ പറ്റില്ലല്ലോ . മഞ്ജുസിനിട്ടൊരു പണികൊടുക്കണം !
“കാണണോ ?”
ഞാൻ ഗൗരവത്തിൽ തന്നെ ചോദിച്ചു പെട്ടെന്ന് അവളെയങ്ങു വാരിയെടുത്തു . പെട്ടെന്ന് അങ്ങനൊരു നീക്കം പ്രതീക്ഷിക്കാത്തതുകൊണ്ട് അവൾക്കു എതിർക്കാനും കഴിഞ്ഞില്ല .”ഏയ് കവി …ഡാ ഡാ ”
ഞാൻ വാരിയെടുത്തതും അവള് കിടന്നു പിടഞ്ഞു .
“പോകാം ?”
ഞാനവളെ മുറുക്കി പിടിച്ചു ചിരിയോടെ തിരക്കി . പിന്നെ അവളെയും എടുത്തുകൊണ്ട് മുന്നോട്ട് നടന്നു .
“ദേ കവി..വേണ്ട …വേണ്ട ..”
ഞാൻ അവളെയും എടുത്തു കടലിലേക്ക് ഇറങ്ങിയതോടെ മഞ്ജുസെന്റെ കഴുത്തിൽ കൈചുറ്റി പിടിച്ചു കിടന്നു പിടഞ്ഞു .
ഞങ്ങൾക്ക് സമീപത്തുള്ള ടൂറിസ്റ്റുകളായ സഞ്ചാരികളും കപ്പിൾസുമൊക്കെ ആ കാഴ്ച നോക്കി രസിക്കുന്നുണ്ട് . അവരെ നോക്കി ചിരിച്ചുകൊണ്ട് ഞാനും മുന്നോട്ട് നടന്നു . കടലിൽ ഇറങ്ങി എന്റെ മുട്ടോളം വെള്ളമായതോടെ ഞാൻ മഞ്ജുവിനെ നോക്കി .
