“ഇടട്ടെ ?”
ഞാൻ അവളെ വെള്ളത്തിലിടുന്ന പോലെ ഭാവിച്ചുകൊണ്ട് ചോദിച്ചു .
“ഡാ ഡാ ..വേണ്ടാ ട്ടോ…”
മഞ്ജുസ് നനയുമെന്ന പേടിയിൽ എന്റെ കഴുത്തിൽ അള്ളിപിടിച്ചുകൊണ്ട് കൊഞ്ചി .പക്ഷെ ഞാൻ വിട്ടില്ല.
“സോറി ചക്കരെ …”
ഞാൻ ചിരിയോടെ പറഞ്ഞതും അവളെ വെള്ളത്തിലേക്ക് ഇട്ടതും ഒപ്പമായിരുന്നു . എന്റെ കയ്യിൽ നിന്ന് മഞ്ജുസ് വെള്ളത്തിലേക്ക് നടുവും കുത്തി വീണു . ചുറ്റും കൂടിനിന്ന ടീമ്സ് ഒകെ അതുകണ്ടു ചിരിക്കുന്നുണ്ട് .
വീണയുടനെ അവളുടെ ഫ്രോക് വെള്ളത്തിന് മീതെ ഉയര്ന്നു പൊങ്ങി . കഷ്ടിച്ച് തുടയോളം മാത്രം വെള്ളം ഉള്ളതുകൊണ്ട് മഞ്ജുസ് കാര്യമായി നനഞ്ഞില്ലെങ്കിലും മൊത്തത്തിലൊന്നു മുങ്ങിപൊങ്ങി ! ഫ്രോക് ഒകെ ശരിയാക്കി മഞ്ജുസ് നനഞ്ഞൊട്ടി എണീറ്റു . വായിൽ കയറിയ വെള്ളം അവള് തുപ്പിക്കളഞ്ഞു .നനഞ്ഞ മുടിയൊക്കെ ശരിയാക്കി മഞ്ജുസെന്നെ ദേഷ്യത്തിൽ തറപ്പിച്ചു നോക്കി .
മനസുകൊണ്ട് അവളെന്നെ കുറെ തെറിവിളിച്ചു കാണുമെന്നുറപ്പ് ! അത്രക്ക് ദേഷ്യമുണ്ട് മുഖത്ത് . അതുകൊണ്ട് തന്നെ ഞാൻ വേഗം പുറകോട്ടു വലിഞ്ഞു .മഞ്ജു ആണേൽ എന്നെനോക്കി പല്ലിറുമ്മുന്നുണ്ട് .
“തെണ്ടി ….നിനക്ക് ഞാൻ തരാടാ”
മഞ്ജുസ് ആരോടെന്നില്ലാതെ പറഞ്ഞു എന്റെ നേരെ വെള്ളം കാലുകൊണ്ട് തട്ടി തെറിപ്പിച്ചു . പക്ഷെ അപ്പോഴേക്കും ഞാൻ ഒഴിഞ്ഞു മാറികൊണ്ട് കരയിലേക്ക് ഓടി .
“ഡാ നിക്കെടാ അവിടെ ..”
വെള്ളത്തിലൂടെ ചാടി ചാടി ഓടുന്ന എന്നെനോക്കി മഞ്ജുസ് വിളിച്ചുകൂവി . പിന്നെ എന്റെ പുറകേയായി അവളും വെള്ളം തെറിപ്പിച്ചുകൊണ്ട് ഓടി . അവിടെ കൂടിനിന്നവരൊക്കെ ആ കാഴ്ച കണ്ടു ചിരിക്കുകയും അടക്കം പറയുകയുമൊക്കെ ചെയ്യുന്നുണ്ട് .
ഞാൻ കരയിലേക്ക് ഓടി നേരെ ഞങ്ങളുടെ റിസോർട്ടിലേക്കുള്ള വഴിയിലേക്ക് തിരിഞ്ഞു . മഞ്ജുസും പിന്നാലെ നനഞ്ഞൊട്ടികൊണ്ട് എന്റെ പുറകെ വേഗത്തിലോടി . ആദ്യത്തെ ദിവസം ഞാൻ മണലുവാരിയിട്ടപ്പോൾ കണ്ട മഞ്ജുസ് ആയിരുന്നില്ല ആ സമയത് , ഇത്തവണ പെണ്ണിന് എന്നേക്കാൾ വേഗമുണ്ട് . എന്നെ തൊട്ടു തൊട്ടില്ലെന്ന മട്ടിലാണ് അവൾ എന്നെ ചേസ് ചെയ്യുന്നത് .
“കവി ..മര്യാദക്ക് നിന്നോ അവിടെ ..”
മഞ്ജുസ് ഓടുന്നതിനിടെ മുടിയൊക്കെ പുറകിലോട്ടു തട്ടികൊണ്ട് കൂവി .
“മ്മ്..ഇപ്പൊ നിക്കും ..ഒന്നുപോടി..”
ഞാൻ അവളെ നോക്കാതെ തന്നെ വിളിച്ചു പറഞ്ഞു കണ്ടൽ ചെടിക്കിടയിലൂടെ വെട്ടിത്തിരിഞ്ഞു . പക്ഷെ ഇത്തവണ അവൾക്കെന്റെ ടി-ഷർട്ടിൽ പിടികിട്ടി ! ഈ തെണ്ടിക്ക് ഇത്ര സ്പീഡിൽ ഓടാൻ പറ്റുമോ എന്ന് എനിക്ക് അത്ഭുതം തോന്നിയ സമയമായിരുന്നു അത് .”നിക്കെടാ തെണ്ടി ..അങ്ങനെ പോയാലോ ”
മഞ്ജുസ് എന്റെ ടി-ഷർട്ടിൽ പിടിച്ചുവലിച്ചു എന്നെ നിലത്തേക്ക് തള്ളിയിട്ടു . പൂഴിമണൽ ആയതുകൊണ്ട് കാര്യമായ പരിക്കൊന്നുമില്ല . കമിഴ്ന്നടിച്ചു ഞാൻ ആ മണൽമെത്തയിലേക്ക് വീണു .വീണയുടനെ വീണ്ടും എണീറ്റു ഓടാൻ ഞാൻ ശ്രമിച്ചെങ്കിലും മഞ്ജുസ് എന്റെ പുറത്തേക്ക് ചാടിവീണു . അതോടെ പട്ടിലോക്ക് ആയി !
എന്റെ പുറത്തേക്ക് ചാടിക്കയറി ഇരുന്ന മഞ്ജുസ് എന്റെ പുറത്തു നല്ല രണ്ടു കുത്തു കുത്തി !
“തെണ്ടി …ചെറ്റേ ..”
മഞ്ജുസ് പിറുപിറുത്തു എന്റെ മുടിയിൽ പിടിച്ചു വലിച്ചു .
“ആഹ്…ആഹ്….എടി എടി …എന്റെ തല ”
ഞാൻ ആരോടെന്നില്ലാതെ പറഞ്ഞു ചിരിച്ചു .
“തല അല്ല കൊല”
മഞ്ജുസിനു അതിനു മറുപടി പറഞ്ഞു പല്ലിറുമ്മി .
അപ്പോഴേക്കും അവളുടെ പ്രതികാര നടപടി എത്തി കഴിഞ്ഞിരുന്നു . എന്റെ പുറത്തിരുന്നുകൊണ്ട് തന്നെ മഞ്ജുസ് കയ്യെത്തിച്ചു പൂഴിമണ്ണ് വാരിയെടുത്തു. പിന്നെയത് എന്റെ ഷോർസിനുള്ളിലേക്ക് കൈകടത്തികൊണ്ട് അകത്തു നിക്ഷേപിച്ചു .
എന്റെ ഇലാസ്റ്റിക്കിൽ അവള് പിടിച്ചപ്പഴേ എനിക്ക് സംഗതി കത്തിയിരുന്നു.
“മഞ്ജുസേ വേണ്ട ..എന്റെ കയ്യിന്നു കിട്ടും ..”
ഞാൻ കുതറി മാറാൻ ശ്രമിച്ചുകൊണ്ട് പറഞ്ഞെങ്കിലും അവളതു ഇട്ടു കഴിഞ്ഞിരുന്നു .എന്റെ നഗ്‌നമായ ചന്തിക്കു മീതെ ആ മണൽ തരികൾ വന്നു വീണതും ഞാൻ കണ്ണിറുക്കി പല്ലുകടിച്ചു .
“മൈര് …”
ഞാൻ ആരോടെന്നില്ലാതെ പറഞ്ഞു നിലത്തു കമിഴ്ന്നു കിടന്നു .
“ഹി ഹി ഹി …”
മഞ്ജുസ് അതുകേട്ടു ചിരിച്ചു എന്നെ തിരിച്ചു കിടത്തി . അതോടെ ഞാൻ അവൾക്കു മുൻപിൽ മലർന്നു കിടന്നു . ആ സമയത്തു എനിക്കാണേൽ അവളെ ഒന്നും ചെയ്യാനും തോന്നുന്നില്ല ! കക്ഷി അതൊക്കെ നല്ലോണം എന്ജോയ് ചെയ്യുന്നുണ്ട് .
അതുകണ്ടതോടെ എനിക്കും ദേഷ്യമായി . ഞാൻ പെട്ടെന്ന് അവളെ കയ്യെത്തിച്ചു പിടിച്ചു എന്നിലേക്ക് ചേർത്തു. മഞ്ജുസ് കുതറിമാറാൻ ശ്രമിക്കും മുൻപേ ഞാനവളെ പിടിച്ചു ആ പൂഴിമണലിൽ കിടന്നു രണ്ടു വട്ടം ഉരുണ്ടു . വെള്ളത്തിൽ മുങ്ങി വന്ന കാരണം ആ നീക്കത്തിൽ മഞ്ജുസിന്റെ ദേഹത്താകെ മണലുപറ്റി. അവളുടെ നനഞ്ഞ മുടിയിഴയിലും ഫ്രോക്കിലും കാൽമുട്ടിലും കൈകളിലുമെല്ലാം പൂഴിമണൽ പറ്റിച്ചേർന്നു .മഞ്ജുസ് നിസ്സഹായതയോടെ എന്റെ കൈകൾക്കിടയിൽ കിടന്നു ഞെരങ്ങിയെങ്കിലും ഞാൻ അവളെ വിട്ടില്ല.
ഒടുക്കം ഒരു കള്ളച്ചിരിയോടെ അവളെ എനിക്കടിയിലാക്കികൊണ്ട് ഞാൻ എഴുനേറ്റു മാറി . മുഖത്തൊഴികെ മഞ്ജുസിന്റെ ബാക്കിയെല്ലാ ഭാഗവും മണലിൽ കുളിച്ചപോലെ ആയിരുന്നു !
“ആഹഹാ ..നല്ല ലുക്ക് ആയിട്ടുണ്ട് ”
ബലാത്സംഗം കഴിഞ്ഞപോലെയുള്ള അവളുടെ കിടത്തം നോക്കി ഞാൻ ആരോടെന്നില്ലാതെ പറഞ്ഞു . മഞ്ജു അതിനു മറുപടി ഒന്നും പറയാതെ എന്നെ നോക്കി മലർന്നു കിടന്നു. ഞങ്ങൾ കിടന്നുരുണ്ട ഭാഗത്ത് മണലൊക്കെ നീങ്ങിപോയിട്ടുണ്ട് .
“പോടാ ..തെണ്ടി ..”
മഞ്ജുസെന്റെ ചിരി നോക്കി കിടന്ന ശേഷം പയ്യെ പറഞ്ഞു ചിരിച്ചു . പിന്നെ എനിക്ക് നേരെ ഇരുകയ്യും നീട്ടി .കാര്യം മനസിലായ ഞാൻ അവളെ കൈചേർത്തു പിടിച്ചു എഴുന്നേൽപ്പിച്ചു .
“എന്തുവാടാ ഈ കാട്ടിവെച്ചേക്കണേ ?”
മഞ്ജുസ് എഴുനേറ്റു നിന്ന് സ്വയം ഒന്ന് വിലയിരുത്തികൊണ്ട് എന്നെ നോക്കി .അവളുടെ മുടിയിലടക്കം മണൽ തരികൾ വേണ്ടുവോളം ഉണ്ട് .എന്റെ ദേഹത്തും ആവശ്യത്തിന് ഉണ്ടെങ്കിലും മഞ്ജുസിന്റെ ദേഹത്ത് നനവുള്ളതുകൊണ്ട് കൂടുതലായി ഒട്ടിച്ചേർന്നിട്ടുണ്ട് .
“അത് സാരല്യടി മുത്തേ..കുളിച്ചാൽ പൊക്കോളും ”
അപ്പോഴത്തെ ആവേശത്തിന് ചെയ്‌തെങ്കിലും മഞ്ജുസിന്റെ ചിണുക്കം കണ്ടപ്പോൾ എനിക്ക് പാവം തോന്നി . ഞാൻ പയ്യെ അവളെ കെട്ടിപിടിച്ചു ചുണ്ടിലൊന്നു മുത്തി .
“ഞാൻ ചുമ്മാ പറഞ്ഞതാടാ ..ഇതൊക്കെ ഒരു രസം അല്ലെ ..”
മഞ്ജുസ് എന്നെയും പയ്യെ വരിഞ്ഞുകൊണ്ട് ചിരിച്ചു .
“ആണോ ? എന്ന നമുക്ക് ബീച്ചിൽ പോയി കുളിച്ചാലോ ?”
ഞാൻ അവളിൽ നിന്നും അകന്നുകൊണ്ട് ചിരിയോടെ തിരക്കി .
“മ്മ് ..പോകാം ”
മഞ്ജുസ് എന്റെ ചോദ്യത്തിന് പെട്ടെന്ന് തന്നെ മറുപടി നൽകി .
