ശ്യാം ;”മ്മ്..മതി മതി..നാണം കെടുത്താതെടെ “
അവൻ പതിയെ പറഞ്ഞു.
അപ്പോഴേക്കും മായാ മിസ്സും ബാക്കിയുള്ള ടീച്ചേഴ്സുമെല്ലാം എത്തിയിരുന്നു .
കുറച്ചു കഴിഞ്ഞതോടെ ക്ളാസ് ആരംഭിച്ചു. മഞ്ജുവിന്റെ പിരീഡ് സെക്കൻഡ് അവറിൽ തന്നെയുണ്ട് . അതാലോചിച്ചപോൾ എനിക്കൊരു വല്ലായ്മ തോന്നി.
അങ്ങനെ ആദ്യ പിരീഡ് ഒരുവിധം തള്ളിനീക്കി . രണ്ടാമത്തെ പിരീഡിന് മഞ്ജു എത്തി . പതിവ് പോലെ പെർഫ്യൂമിന്റെ സുഗന്ധം പറത്തികൊണ്ട് , മുടിയിഴകൾ കട്ടിൽ അലസമായി പറത്തികൊണ്ട് അവൾ വന്നു!
അവൾ വരുവാല..
ഉടഞ്ചു പോണ എൻ നെഞ്ചേ ഒട്ടിവെയ്ക്ക
അവൾ വരുവാല ….
എന്റെ അവസ്ഥ അപ്രകാരം ആയിരുന്നു. തകർന്ന മനസു ഇനി നേരെയാവണമെങ്കിൽ മഞ്ജു തന്നെ വിചാരിക്കണം. വീണ്ടുമുടക്കാൻ ആണ് ഭാവം എങ്കിൽ എന്റെ മൂടൊക്കെ പോകും !
മഞ്ജു ക്ളാസ്സിൽറെ ഒത്ത നടുക്ക് ഫാനിന്റെ ചുവട്ടിൽ വന്നു നിന്നു . ഞാൻ അവരെ ശ്രദ്ധിക്കാൻ പോയില്ല. ഞാൻ തല താഴ്ത്തി നോട്ടുബുക്കിൽ ചുമ്മാ കുത്തി വരച്ചു , പിന്നെ ഓരോ രൂപങ്ങൾ വരച്ചുണ്ടാക്കി..
മിസ് എന്നെ ശ്രദ്ധിക്കുന്നുണ്ടാകും എന്നെനിക്കു തോന്നിയതുകൊണ്ട് തന്നെ ഞാൻ മുഖം ഉയർത്തിയില്ല.
ഒരു നിമിഷത്തെ നിശ്ശബ്ദതക്കു ശേഷം മഞ്ജുവിന്റെ ശബ്ദം മുഴങ്ങി.
മഞ്ജു ;”ഓക്കേ..ലിസ്സൻ..ഇന്നലെ എവിടെയാ പറഞ്ഞു നിർത്തിയത്..”
മഞ്ജു മുൻപിലത്തെ ബെഞ്ചിലിരുന്ന പെണ്കുട്ടികളോടായി ചോദിച്ചു
അവരെന്തോ അതിനു മറുപടി പറയുന്നത് ഞാൻ അവ്യക്തമായി കേട്ടു.
അന്നത്തെ ദിവസം ആദ്യമായി ഞാൻ മഞ്ജു മിസ്സിനെ നോക്കാതെ കഴിച്ചു കൂട്ടി . സത്യം പറഞ്ഞാൽ മുഖം ഉയർത്തി നോക്കിയത് പോലുമില്ല . മിസ്സും അത് ശ്രദിച്ചിരുന്നു . ആ പിരീഡ് കഴിഞ്ഞുള്ള ബെൽ മുഴങ്ങിയപ്പോഴാണ് എനിക്കൊരു ആശ്വാസം ആയത്. ഞാൻ ഒരു ദീർഘ ശ്വാസം വിട്ടു മുഖം ഉയർത്തി..
മഞ്ജു അപ്പോൾ രണ്ടു കയ്യും മാറിൽ കെട്ടി ക്ളാസ്സിനു നടുക്ക് നില്പുണ്ട് . കുറച്ചു പേര് അപ്പോഴേക്കും ക്ളാസ്സിനു വെളിയിലേക്കു ഇറങ്ങിയിരുന്നു. ഇന്റർവെൽ സമയം ആയതുകൊണ്ട്.
മഞ്ജു കൈകെട്ടി എന്നെ നോക്കുന്നുണ്ട് .ആ മുഖത്ത് ഗൗരവമോ ദേഷ്യമോ എന്താണെന്നു എനിക്ക് പിടികിട്ടുന്നില്ല.
ഞാൻ പെട്ടെന്ന് നോട്ടമവരുടെ മുഖത്ത് നിന്നും മാറ്റി, പതിയെ എഴുനേറ്റു മുന്നിലേക്ക് നടന്നു. മുഖം താഴ്ത്തികൊണ്ട് മഞ്ജു നിൽക്കുന്നതിനടുത്തുകൂടെ പുലർത്തേക്കിറങ്ങി. ഞാൻ നടന്നു നീങ്ങുന്നത് അവർ ശ്രദ്ധിക്കുന്നുണ്ട്. ഞാൻ പുറത്തിറങ്ങിയ ശേഷമാണ് മഞ്ജു അവിടെ നിന്നും അനങ്ങുന്നത്.
“ഹോ..രക്ഷപെട്ടു “
ഞാൻ മനസിൽ പറഞ്ഞുകൊണ്ട് പുറത്തേക്കിറങ്ങി.
ഇന്റർവെൽ കഴിഞ്ഞു തിരികെ വരുമ്പോഴും വരാന്തയിൽ വെച്ചു , സ്റ്റാഫ് റൂമിനരികെ വെച്ചു മഞ്ജുവിനെ കണ്ടുമുട്ടിയെങ്കിലും ഞാൻ അവരെ ശ്രദ്ധിക്കാതെ ഒപ്പമുള്ളവനോട് ഗൗരവപ്പെട്ട ലോക കാര്യങ്ങൾ ചർച്ച ചെയ്യുന്ന പോലെ അഭിനയിച്ചു നടന്നു നീങ്ങി.
മഞ്ജു എന്നെ ദേഷ്യത്തോടെ നോക്കുന്നത് ഞാൻ തിരിഞ്ഞു നോക്കുമ്പോൾ കാണുന്നുണ്ട്. ഞാൻ പെട്ടെന്ന് മുഖം വെട്ടിച്ചു കടന്നു കളഞ്ഞു .
ആ ദിവസം ഞാൻ മാക്സിമം അവരെ അവോയ്ഡ് ചെയ്തു . പറഞ്ഞ വാക്ക് പാലിക്കാനും നമുക്കറിയാം ! പക്ഷെ മഞ്ജു അത് തമാശക്ക് എന്നെ ശുണ്ഠി പിടിപ്പിക്കാനായി പറഞ്ഞതാണെന്ന് പിന്നെയാണ് ഞാൻ മനസിലാക്കിയത് . പക്ഷെ എന്റെ ആ പെരുമാറ്റം അവരെ അന്ന് കൂടുതൽ ദേഷ്യം പിടിപ്പിച്ചു . ഉച്ചക്കും ഞാൻ മൈൻഡ് ചെയ്യാതെ പോയപ്പോൾ ഇടുപ്പിനു കയ്യും കുത്തിയുള്ള ആ നിൽപ് കണ്ടു ഞാൻ പതിയെ ചിരിച്ചു .
കോളേജ് വിട്ടതും അന്ന് നേരത്തെ ഇറങ്ങി. ഇനി മഞ്ജു എങ്ങാനും വഴിയില് കണ്ടാൽ ലിഫ്റ്റ് തരാൻ വേണ്ടി നിർത്തും. അപ്പോൾ പിന്നെ കേറാതിരിക്കാൻ പറ്റത്തില്ല . അതുകൊണ്ട് ഞാൻ വേഗം ഇറങ്ങി , പിന്നാലെ ശ്യാമും ! ഞങ്ങൾ നേരെ ബസ് സ്റ്റോപ്പിലേക്ക് നടന്നു . അവിടെ ഉള്ള കൂൾ ബാറിൽ ചെന്നിരുന്നു ഓരോ കാര്യങ്ങൾ സംസാരിച്ചിരിക്കവേ കഴിക്കാനുള്ള ഫ്രഷ് ലൈമും പപ്സും എത്തി.
അത് കുടിച്ചുകൊണ്ട് ശ്യാം എന്റെ മുൻപിലേക്ക് മഞ്ജു മിസ്സിന്റെ വിഷയം എടുത്തിട്ട്.