“എടി നീ ചുമ്മാ കളിയ്ക്കാൻ നിക്കല്ലേ ..അതിങ്ങു താ…വല്യമ്മായി ഇങ്ങു വന്നേ …”
ഞാൻ ഇനി മോഹനവല്ലി അമ്മായി വന്നാലേ രക്ഷയുള്ളൂ എന്നോർത്ത് അവരെ വിളിച്ചു.
“അയ്യോ വേണ്ട വേണ്ട…ഇന്നാ”
ഞാൻ അമ്മായിയെ വിളിച്ചപ്പോ പെട്ടെന്ന് കീഴടങ്ങി .ഫോൺ എന്റെ നേരെ നീട്ടി. ഞാനതു ഗൗരവത്തോടെ വാങ്ങാൻ കൈനീട്ടിയപ്പോൾ എന്നെ ഒന്ന് കളിപ്പിക്കാൻ എന്നോണം അവൾ വീണ്ടും കൈ പിന്നിലേക്ക് വലിച്ചു..എനിക്ക് ദേഷ്യം വന്നു ഒരെണ്ണം പൊട്ടിക്കാൻ തോന്നിയെങ്കിലും ഞാൻ കടിച്ചു പിടിച്ചു .
പിന്നെ പന്തി അല്ലെന്നു എന്റെ മുഖ ഭാവത്തിൽ നിന്നും മനസിലായെന്നോണം അവൾ തിരിച്ചു തന്നു. ഞാനതും വാങ്ങി വീണ്ടും കസേരയിലേക്കിരുന്നു .
“കണ്ണേട്ടൻ എന്താ ഇപ്പൊ ഇങ്ങനെ ?”
അവൾ സ്വല്പം നിരാശയോടെ തിരക്കി..
“എങ്ങനെ ?”
ഞാൻ ഗൗരവം വിടാതെ ചോദിച്ചു.
“അല്ല.പണ്ടൊക്കെ നല്ല കളിയും ചിരിയും ആയിരുന്നല്ലോ ഇപ്പൊ എന്താ കടന്നല് കുത്തിയ പോലെ മുഖം മ്മ്മ്…ന്നു “
അവൾ മുഖം വീർപ്പിച്ചുകൊണ്ട് ചോദിച്ചു.
“എനിക്കൊരു കുഴപ്പവും ഇല്ല..നീ ആയിട്ട് ഉണ്ടാക്കാതെ ഇരുന്ന മതി “
ഞാൻ പതിയെ പറഞ്ഞുകൊണ്ട് ഫോൺ പോക്കെറ്റിലേക്കു തിരിച്ചിട്ടു.
“പിന്നെ ഫോൺ ഞാനെടുത്ത എന്താ ഇത്ര പേടിക്കാൻ..?”
അവൾ മഞ്ഞു ഉരുക്കാനുള്ള ശ്രമത്തിൽ ആണെന് എനിക്ക് തോന്നി ആ ചോദ്യം കേട്ടപ്പോൾ.
“ആ കുഴപ്പം ഉണ്ട്..നിനക്ക് കുഴപ്പം ഇല്ലെങ്കി നിന്റെ ഫോൺ ഒന്ന് കാണിച്ചേ ഞാൻ നോക്കട്ടെ “
ഞാൻ കൈനീട്ടികൊണ്ട് ചോദിച്ചു.
“അയ്യോ..അത് വേണ്ട “
അവൾ ജാള്യതയോടെ പറഞ്ഞു.
“മ്മ്..അതെന്താ ..”
ഞാൻ ചിരിയോടെ തിരക്കി..
“ഒന്നുമില്ല…നോക്കണ്ട അതെന്നെ “
അവൾ പറഞ്ഞു.
“ആഹ്..അപ്പൊ പേടിക്കാനുള്ള വകുപ്പ് ഒക്കെ ഉണ്ടാക്കി വെച്ചിട്ടുണ്ടല്ലേ ?”
ഞാൻ ഗൗരവത്തിൽ ചോദിച്ചു.
“ഏയ് അങ്ങനെ ഒന്നുമില്ല…എന്നാലും വേണ്ട “
അവൾ ചിരിയോടെ പറഞ്ഞു.
“മ്മ്…”
ഞാൻ ഒന്നമർത്തി മൂളി .
“പിന്നെ കണ്ണേട്ടാ സോറി ട്ടോ “
അവൾ മടിച്ചു മടിച്ചു എന്റെ അടുത്തേക്ക് നീങ്ങി ഇരുന്നുകൊണ്ട് പറഞ്ഞു.തിണ്ണയിൽ ചന്തികൾ ഉറച്ചുകൊണ്ട് അവൾ നീങ്ങി അടുത്തെത്തിയാണ് പറഞ്ഞത്.അവളുടെ അടുക്കൽ നിന്നും സുഖമുള്ള ഒരു ഗന്ധം എന്നിലേക്ക് പടരുന്നുണ്ട്. വാസന സോപ്പിന്റെയും നേർത്ത വിയർപ്പിന്റെയും എല്ലാം കലർന്നൊരു ഗന്ധം.
“എന്തിനു ?”
ഞാൻ മുഖം ഉയർത്തി അവളെ നോക്കി..
“അന്നങ്ങനെ പറഞ്ഞതിന് …ഞാൻ പിന്നെയാ ആലോചിച്ചേ ..കണ്ണേട്ടന് വിഷമം ആയിക്കാണും എന്ന് “
അവൾ വിഷമത്തോടെ പറഞ്ഞു.
“എന്ന അന്ന് തന്നെ പറഞ്ഞൂടാരുന്നോ ?”
ഞാൻ ആശ്ചര്യത്തോടെ തിരക്കി..
“അന്ന് വിളിക്കണം ന്നു വിചാരിച്ചതാ..പിന്നെ എനിക്ക് പേടി ആയി..കണ്ണേട്ടൻ ചീത്ത പറഞ്ഞാലോ “
അവൾ ചിരിയോടെ പറഞ്ഞു . എന്റെ മുറപ്പെണ്ണ് ആണ് . ചെറുപ്പം തൊട്ടേ നല്ല കൂട്ടൊക്കെ ആണ് . എന്നാലും ഇവളുടെ ചില നേരത്തെ ആറ്റിട്യൂട് കണ്ടാൽ ദേഷ്യം വരും. പക്ഷെ പെട്ടെന്ന് തന്നെ അലിയുകയും ചെയ്യും…
“അഹ്..അതെന്തായാലും നന്നായി…”
ഞാൻ ചിരിയോടെ പറഞ്ഞു.
“ഹോ..ഇപ്പഴാ സമാധാനം ആയെ…അപ്പൊ ദേഷ്യം ഒന്നുല്ലല്ലോ “
അവൾ ചിരിയോടെ എന്റെ ആടുകൾ തിരക്കി.
“ദേഷ്യം ഒന്നുമില്ല…പക്ഷെ എന്തായിരുന്നു അന്ന് അങ്ങനെ പറയാൻ കാരണം ?”
ഞാൻ അറിയാനുള്ള ആകാംക്ഷയിൽ ഒന്ന് തിരക്കി.
“ഓ..അതങ്ങനെ പറയാൻ മാത്രം ഒന്നുമില്ല ..”
അവൾ ഒഴിഞ്ഞു മാറാൻ ശ്രമിച്ചു.
“ഏയ് അങ്ങനല്ല ..എന്തോ ഉണ്ട് “
ഞാൻ അവളുടെ താഴ്ന്ന മുഖത്തേക്ക് തല ചെരിച്ചു നോക്കി..അവൾ ആ സമയം എന്നെ നോക്കി പുരികം ഉയർത്തി…
“ഒന്നുമില്ലെന്ന് പറഞ്ഞില്ലേ കണ്ണേട്ടാ ..”
അവൾ ദയനീയമായി ഒന്ന് നോക്കികൊണ്ട് പറഞ്ഞു.
“അത് ചുമ്മാതാ..നീ കാര്യമായി എവിടെയോ കുരുങ്ങിട്ടുണ്ടല്ലോ മോളെ “
ഞാൻ ഒരു ചൂണ്ട കൊളുത്തു എന്ന പോലെ ഇട്ടു നോക്കി , ഒരു ചോദ്യം എറിഞ്ഞു. അത് കേട്ടപ്പോൾ അവളും ഒന്ന് പരുങ്ങി. അതോടെ എന്റെ ഊഹം ശരി ആണെന്ന് എനിക്ക് മനസിലായി . എന്തോ ലൈനോ കൊളുത്തോ ഉണ്ട് കക്ഷിക്ക് ..അല്ലാതെ ഈ ഫോണിൽ തന്നെ കുത്തി പിടിച്ചു ഇരിക്കേണ്ട കാര്യമില്ല..