ഞാൻ അവിടേക്കെത്തുമ്പോൾ വീണ ഉമ്മറത്ത് തന്നെ ഉണ്ട്. പതിവ് പോലെ ഫോണിൽ നോക്കി ഇരിപ്പുണ്ട്.
ഞാൻ ബൈക്ക് തുറന്നിട്ട ഗേറ്റിലൂടെ മുറ്റത്തേക്ക് കയറ്റിയപ്പോഴാണ് അവൾ എന്നെ കാണുന്നത്..
ഞാൻ വണ്ടി നിർത്തി ഇറങ്ങി . അവൾ എന്നെ നോക്കി ചിരിച്ചു.
“ഇത് തന്നെ ആണോ എപ്പോഴും പണി ?”
ഞാൻ ചിരിയോടെ തിരക്കിക്കൊണ്ട് ചെരുപ്പ് അഴിച്ചുകൊണ്ട് ഉമ്മറത്തേക്ക് കയറി.
“ഇത് ഗെയിം കളിക്കുവാ കണ്ണേട്ടാ ..അല്ലാതെ ..”
അവൾ പറഞ്ഞു നിർത്തി..
“മ്മ് ..മ്മ് …നടക്കട്ടെ നടക്കട്ടെ…”
ഞാൻ അവളെ ഒന്ന് ശുണ്ഠി പിടിപ്പിക്കാനായി പറഞ്ഞു.
“എന്ത് നടക്കട്ടേന്ന് ..ശെടാ…വന്നു വന്നു മൊബൈൽ ഗെയിം കളിച്ചാലും കുറ്റം ആയോ “
അവൾ ആരോടെന്നില്ലാതെ പറഞ്ഞു.
“ഞാൻ ചുമ്മാ പറഞ്ഞതാ…അമ്മുമ്മ എന്തിയെ?”
ഞാൻ കസേരയിൽ ഇരിക്കുന്ന അവളുടെ കവിളിൽ ഇടതു കയ്യിലെ ചൂണ്ടു വിരൽ കൊണ്ട് തോണ്ടി കൊണ്ട് പറഞ്ഞു..മൊബൈൽ ഡിസ്പ്ലൈ നോക്കി തല താഴ്ത്തി ഇരിക്കുന്ന അവൾ അതോടെ എന്നെ മുഖം ഉയർത്തി ദേഷ്യത്തോടെ നോക്കി…
“ആഹ്..പോയി നോക്ക് എനിക്കറിയില്ല …”
അവൾ ദേഷ്യത്തോടെ പറഞ്ഞു.
“അതെന്താ നീ ഇവിടുള്ളതല്ലേ ?”
ഞാൻ സ്വല്പം ഗൗരവം അഭിനയിച്ചു.
“കണ്ണേട്ടൻ ഒന്ന് ചുമ്മാ ഇരിക്കുന്നുണ്ടോ ..എനിക്ക് ദേഷ്യം വരുന്നുണ്ട് ട്ടോ “
അവൾ എന്നെ നോക്കികൊണ്ട് എഴുനേൽക്കാൻ ഭാവിച്ചു.
“മ്മ്..വേണ്ട വേണ്ട..”
ഞാൻ അവളുടെ കൈകളിൽ പിടിച്ചു കസേരയിലേക്ക് തന്നെ ഇരുത്തി.
അവൾ എന്റെ കൈ തട്ടി മാറ്റി…
“അയ്യടാ..ദേഹത്ത് തൊട്ടുള്ള കളി ഒന്നും വേണ്ട “
അവൾ എന്നെ തള്ളിക്കൊണ്ട് പറഞ്ഞു..
“ആഹ്..എന്നാലൊന്നു കാണണമല്ലോ ..”
ഞാൻ ചിരിയോടെ പറഞ്ഞുകൊണ്ട് അവളുടെ കവിളിലേക്കു കൈ നീട്ടി..
അവൾ എന്റെ കൈ തട്ടി കളഞ്ഞു..ഞാൻ വീണ്ടും തൊടാനായി നീക്കി…ഇത്തവണ അവൾ അല്പം ശക്തിയിൽ അടിച്ചു ..
“ആഹ്….”
ഞാൻ വേദനിച്ച പോലെ ഭാവിച്ചു കൈ കുടഞ്ഞു കൊണ്ട് അവളെ നോക്കി.
അവളെന്നെ നോക്കി ചിരിച്ചു. എന്നോട് കളിച്ച അങ്ങനെ ഇരിക്കും എന്ന ഭാവത്തിൽ. ഞാൻ പെട്ടെന്ന് അവളുടെ മൊബൈൽ അങ്ങ് റാഞ്ചി ! ഞാൻ ഞൊടിയിടയിൽ അത് പിടിച്ചെടുത്തു എന്റെ പാന്റിന്റെ പോക്കെറ്റിലേക്കു തിരുകി..
അവൾ പൊടുന്നനെ കസേരയിൽ നിന്ന് ചാടി എഴുനേറ്റു ..
“കണ്ണേട്ടാ …കളിക്കല്ലേ..ഇങ്ങു തന്നെ..”
അവളെന്റെ അടുത്തേക്ക് വന്നു. ഞാൻ കൈകൊണ്ട് അവിടെ നില്ക്കാൻ പറഞ്ഞു.
“നിക്ക് നിക്ക്..ദേഹത്ത് തൊട്ടുള്ള കളി ഒന്നും വേണ്ട…”
അവൾ പറഞ്ഞ സെയിം സാധനം ഞാനും ഇട്ടു അലക്കി .
അതോടെ അവളുടെ മുഖം ദേഷ്യം കൊണ്ട് ചുവന്നു..
“എന്ന അതിങ്ങു താ….”
അവൾ നിന്ന് എരിയാൻ തുടങ്ങി..
ഞാൻ ചിരിയോടെ ഫോൺ എടുത്തു കൊടുത്തു.അവൾ അത് കൈനീട്ടി വാങ്ങാൻ തുനിഞ്ഞപ്പോൾ ഞാൻ ഒന്ന് ബലം പിടിച്ചു..അവൾ ഫോൺ വലിച്ചെടുക്കാൻ നോക്കിയിട്ടും ഞാൻ പിടി വിട്ടില്ല…
“ശോ..വീട് കണ്ണേട്ടാ “
അവൾ എന്നെ നോക്കി പല്ലിറുമ്മി..
“സോറി പറ..എന്നാൽ വിടാം…”
ഞാൻ ചിരിയോടെ പറഞ്ഞു.
“എന്ത് പിണ്ണാക്കിനാ?”
അവൾ ദേഷ്യത്തോടെ എന്നെ നോക്കി..
“നീയല്ലേ ഇങ്ങോട്ടു കയറി ചൊറിഞ്ഞത്”
ഞാൻ അവളെ ശുണ്ഠി പിടിപ്പിക്കാനായി പറഞ്ഞു.
“ആഹ്..അത് വന്നു കയറിയപ്പോ തൊട്ടു ഞാൻ കാണുന്നതാ ആരാണെന്നു..എന്നെ കൊണ്ട് ഒന്നും പറയിപ്പിക്കണ്ട “
അവൾ പറഞ്ഞുകൊണ്ട് രണ്ടു കയ്യും ചേർത്ത് പിടിച്ചു ഫോൺ എന്റെ കയ്യിൽ നിന്നും വലിച്ചെടുത്തു.
“ഹാ.നീ പറയെടി…”
ഞാൻ ഫോൺ വിട്ടു കൊടുത്തിട്ടും അവളെ ചൊറിയാനായി അടുത്തേക്ക് നീങ്ങി. അവളുടെ പുറകിലേക്കായി മാറിയ എന്റെ വയറിലേക്ക് അവൾ പെട്ടെന്ന് കൈ പുറകിലേക്ക് നീക്കി ഒറ്റ കുത്ത് ! കൈമുട്ട് എന്റെ വയറ്റിൽ വന്നു പതിച്ചു .
അവൾ വേദനിപ്പിക്കാൻ വേണ്ടി ചെയ്തതല്ലെങ്കിൽ കൂടി ആ മൂവ് അല്പം സ്പീഡിൽ ആയി പോയി. എനിക്ക് അത്യാവശ്യം വേദന എടുത്തു .ചെറുതായി ശ്വാസം മുട്ടുന്ന പോലെ ഒരു ഫീൽ…
“ആഹ്…എടി..”
ഞാൻ പല്ലിറുമ്മിക്കൊണ്ട് ഒന്ന് വളഞ്ഞു.
അവൾ എന്റെ ശബ്ദം ഉയർന്നപ്പോൾ പെട്ടെന്ന് തിരിഞ്ഞു.
“അയ്യാ ചുമ്മാ അഭിനയിക്കല്ലേ മോനെ “