അത് പറഞ്ഞതും അനു എന്റെ കോളറിൽ പിടിച്ച് തേങ്ങി കൊണ്ട് പറഞ്ഞു.
” നിനക്കറിയില്ല അല്ലേ.. നീയും നിന്റെ മറ്റവളും എന്താ ഈ മുറിയിൽ ചെയ്തതെന്ന്..”
ഞാൻ ഒന്നും മനസ്സിലാവാതെ വാ പൊളിച്ച് ഇരുന്നു.
” ഹേയ്.. അനു കോളറിൽ നിന്ന് വിട് അജിത്തിന്റെ.. നമുക്ക്‌ ഇങ്ങോട്ട് മാറി നിന്ന് സംസാരിക്കാം.. മറ്റുള്ളവർ കണ്ട് ഒരു സീൻ ഉണ്ടാക്കേണ്ട.. പ്ലീസ് ”
” അതല്ല രവി ഞാൻ എന്ത് ചെയ്തിട്ടാണ് എന്ന് പറയാൻ പറ ഇവളോട് ”
പെട്ടെന്ന് അവൾ എന്റെ കൈ പിടിച്ചു വലിച്ച് ആ മുറിയിലേക്ക് കൊണ്ട് പോയി . രവിയും പിന്നാലെ അങ്ങോട്ട് കയറി. എന്നിട്ട് അവിടെയുള്ള ലൈറ്റിട്ടു. ആ ബെഡ് ആകെ ചുക്കി ചുളിഞ്ഞ് കിടക്കുന്നു. ആ ബെഡിന്റെ സൈഡിൽ ഒരു പെണ്ണിന്റെ അടി വസ്ത്രം കിടക്കുന്നുണ്ട്.
അനു എന്തോ തിരയുന്ന പോലെ ആ മുറിയാകെ നടന്നു. അപ്പോഴാണ് ഞാൻ ചിന്ദിച്ചത് “ദൈവമേ നാൻസിയെയും എന്നെയും ഒരുമിച്ച് ഇവിടെ കണ്ടത് കൊണ്ട് ഈ ബുദൂസ് തെറ്റിദ്ധരിച്ചതാണ് ”
” നീ നാൻസിയെ ഇവിടെ കണ്ടതിനാണോ ഇവിടെ ഇപ്പൊ ഇതൊക്കെ കാണിച്ചെ.. അവൾ ഞാൻ ഈ ബാത്റൂമിൽ ലോക്ക് ആയപ്പോൾ തുറന്നു തന്നു അത്രേയുള്ളൂ.. അവളാ ബാത്റൂമിൽ ഉണ്ട്‌ പോയി നോക്ക് ”
ഞാൻ അത് പറഞ്ഞപ്പോൾ അവളെന്നെ രൂക്ഷമായൊന്ന് നോക്കികൊണ്ട് ബാത്റൂമിന്റെ ഡോർ തുറന്നു. എന്നിട്ട് ഉള്ളിൽ കയറി വേഗം തിരിച്ചിറങ്ങി .
” ങേ.. അവൾ അതിന്റെ ഉള്ളിൽ ഇല്ലേ.. പിന്നെ ഈ പെണ്ണിതെവിടെ പോയി..”
അനു അവിടന്ന് വന്ന് കട്ടിലിന്ന് അടിയിലേക്ക് നോക്കി. പിന്നെ അവിടന്ന് എണീറ്റു ചുമരിലെ ആ വലിയ കബോർഡ് തുറന്നു.
ഞാൻ ആ കാഴ്ച കണ്ട് ഞട്ടി. ഒരു ടവൽ മാത്രം ചുറ്റി കബോർഡിനുള്ളിലെ ഡ്രസ്സ് തൂക്കിയിടുന്നതിന്റെ ഇടയിലായി നാൻസി നിൽക്കുന്നു.
രവിയും ഞാനും പരസ്പരം മുഖത്തോട് മുഖം നോക്കി. അവൾ അതിനുള്ളിൽ നിന്നിറങ്ങി അനുവിന്റെ കൈ പിടിച്ച് പറഞ്ഞു.
” പ്ലീസ് കുട്ടി.. ഇവിടെയൊരു സീൻ ഉണ്ടാക്കി ജോജോയെ അറിയിക്കല്ലേ.. ഞാൻ എന്റെ പാർട്ടി ഡ്രസ്സ് മാറ്റി ഉടുക്കാൻ വന്നപ്പോൾ അറിയാതെ.. അജിത്തിനും എനിക്കും വന്ന ഒരു കയ്യബദ്ധമാണ് ”
ഇത് കേട്ടതും അനു എന്റെ മുഖത്തേക്ക് രൂക്ഷമായി ഒന്ന് നോക്കി. എന്നിട്ട് രവിയുടെ അടുത്ത് ചെന്ന് പറഞ്ഞു.
” രവി.. നീ വിളിച്ച നിന്റെ ഫ്രണ്ട്സാണ് ഇവിടെ ഉള്ളത്. അവരുടെ മുൻപിൽ നീ നാണം കെടണ്ട എന്നുണ്ടെങ്കിൽ എന്നെ ഇപ്പൊ ഇവിടന്ന് കൊണ്ട് പോയി വീട്ടിലേക്ക് ആക്കി താ..”
ഇത് കേട്ടതും ഞാൻ അനുവിന്റെ മുൻപിൽ ചെന്ന് പറഞ്ഞു.
” ഹേയ് അനു ഇവളെ വിശ്വസിക്കരുത്. ഇവൾ ഇപ്പൊ ഈ പറയുന്നത് പച്ചക്കള്ളമാണ്. ഞങ്ങൾ തമ്മിലിവിടെ ഒന്നും ഉണ്ടായിട്ടില്ല ”
” അജിത്ത്.. സ്റ്റോപ്പ്.. മതി ന്യായീകരിച്ചത്. നിന്നെ പോലെ ഒരു പിശാചിനെയാണല്ലോ ഞാൻ സ്നേഹിച്ചതും എന്റെ ജീവിത പങ്കാളിയാക്കണം എന്ന് ആഗ്രഹിച്ചത്. രവി പ്ലീസ് എന്നെ ഒന്ന് വീട്ടിലാക്കി താ ”
രവി എന്നെ ഒന്ന് നോക്കി എന്നിട്ട് അനുവിനെ കൊണ്ട് താഴെ പോയി. നാൻസി ആ സമയത്ത് ഡ്രെസ്സെല്ലാം എടുത്ത് ബാത്റൂമിൽ കയറി.
എന്റെ കൈകാലുകൾ ഒരു മരവിപ്പ് വന്നപോലെ. തൊണ്ടയിലേക്ക് എന്തോ ഒന്ന് ഉരുണ്ട കയറി തങ്ങി നിൽക്കുന്നു. കണ്ണുകൾ എന്റെ സമ്മതം കൂടാതെ തന്നെ ഒഴുകി കൊണ്ടിരിക്കുന്നു.
ഞാൻ ആ റൂമിലെ ബെഡിൽ പതിയെ ഇരുന്നു. അനു പറഞ്ഞ അവസാന വാക്ക് വീണ്ടും വീണ്ടും മനസ്സിൽ തികട്ടി വന്നുകൊണ്ടേയിരുന്നു.
ഈ ലോകത്തിലെ മറ്റെന്തിനേക്കാളും എനിക്ക് സന്തോഷം തരുന്നത് അനുവിന്റെ സാമിപ്യമാണ്. അവളെ ഞാൻ പ്രണയിച്ചിരുന്നു. ഒരുപാടൊരുപാട് പക്ഷെ എന്റെ പ്രണയം ഞാൻ അവളോട് പറഞ്ഞാൽ ഒരു പക്ഷെ അവളെ എനിക്ക് എന്നന്നേക്കുമായി നഷ്ടപ്പെട്ടാലോ എന്നോർത്ത് എല്ലാം എന്റെ ഉള്ളിൽ മൂടിവെച്ചു.
പക്ഷെ അവളുടെ ഉള്ളിൽ ഞാൻ ഉണ്ടായിരുന്നു എന്ന് അറിഞ്ഞത് മുതൽ എന്റെ ഉള്ള് സന്തോഷിക്കുകയും അത് പോലെ പൊട്ടിക്കരയുകയുമാണ് ഇപ്പോൾ.
ആ സമയം നാൻസി ബാത്രൂം തുറന്ന് പുറത്ത് വന്നു. എനിക്കവളെ കഴുത്തിന് പിടിച്ചു എന്തിന് ഇത് ചെയ്തു എന്ന് ചോദിക്കണമെന്നുണ്ട്. പക്ഷെ എന്റെ ശരീരം തളർവാതം പിടിച്ച രോഗിയെ പോലെ ഒന്നനക്കാൻ പോലും ആവുന്നില്ല. അവൾ വന്ന് എന്റെ കവിളിൽ ഒരു ഉമ്മ തന്നു. എന്നിട്ട് പറഞ്ഞു.
” സോറി അജിത്ത്.. എന്തിന് ഇത് ചെയ്തു എന്ന് ചോദിക്കരുത് ഞാൻ പറയില്ല.. പോട്ടെടോ.. സാരമില്ല..ടേക് ഇറ്റ് ഈസി മാൻ ”
എന്ന് പറഞ്ഞവൾ പുറത്തിറങ്ങി. ഞാൻ ആ ബെഡിലേക്ക് ആ ഇരുന്ന ഇരിപ്പിൽ തന്നെ മലർന്ന് കിടന്നു. എന്റെ കണ്ണിൽ അനുവിന്റെ മുഖം മാറി മാറി വന്ന് കൊണ്ടിരുന്നു.
കുറെ നേരം അങ്ങനെ തന്നെ കിടന്ന ശേഷം ഞാൻ അവിടന്ന് എഴുന്നേറ്റു എന്റെ ബൈക്കെടുത്ത് വീട്ടിലേക്ക് പോയി. പിന്നീടങ്ങോട്ട് എനിക്ക് ഉറങ്ങാൻ കഴിയാത്ത രാത്രികളും പകലുകളുമായി.
കോളേജിൽ ഏതാനും ദിവസങ്ങൾ കൂടിയേ ഇനി ക്‌ളാസുള്ളൂ.. അങ്ങനെയിരിക്കെയാണ് ക്‌ളാസിലെ കുട്ടികൾ പറയുന്നത് കേട്ടത് അനുവിന്റെ കല്യാണമാണ് അടുത്തതാഴ്ച എന്ന് . വരൻ രവി തന്നെ.
‘ ഇല്ല… രവി അവളെ വിവാഹം കഴിക്കാൻ പാടില്ല. വേറെ ആര് വേണമെങ്കിലും അവളെ വിവാഹം ചെയ്തോട്ടെ.. പക്ഷെ കാമം മാത്രം മനസ്സിലുള്ള രവിയ്ക്ക് അവളെ ഞാൻ കൊടുക്കില്ല ‘
ഞാൻ ക്‌ളാസ് കഴിഞ്ഞ് നേരെ തറവാട്ടിലേക്ക് പോയി. അവിടെ മുത്തശ്ശിയും മായേച്ചിയും മാത്രമേ ഉണ്ടായിരുന്നുള്ളു. മാമൻ പുറത്തെവിടെയോ പോയതാണ്.
ഞാൻ അടുക്കളയിൽ പോയപ്പോൾ മായേച്ചി എനിക്ക് ചായ ഉണ്ടാക്കുകയായിരുന്നു.
” മായേച്ചി.. എനിക്ക് അല്പം സംസാരിക്കാനുണ്ട്. ഒന്ന് പുറത്ത് വരോ..”
” എന്തടാ എന്ത് പറ്റി ”
മായേച്ചി ചോദിച്ചപ്പോൾ ഞാൻ പറഞ്ഞു.
” അല്പം സ്വകാര്യമാണ്. മായേച്ചി ഒന്ന് പിറകിലേക്ക് വാ.. മുത്തശ്ശി കാണണ്ട”
അതും പറഞ്ഞ് ഞാൻ വീടിന്റെ പിറകിലെ ചായ്പ്പിലേക്ക് നടന്നു. കുറച്ച് കഴിഞ്ഞപ്പോൾ മായേച്ചി അങ്ങോട്ട് വന്നു.
” എന്താടാ ചെക്കാ.. മനുഷ്യനെ ആധി പിടിപ്പിക്കാതെ എന്താ കാര്യം എന്നൊന്ന് പറയോ..”
” മായേച്ചി.. എന്നെ ഒന്ന് സഹായിക്കണം. അന്ന് ഞാനും രവിയും ഇവിടെ നിന്ന ദിവസം രാത്രി രവിയും മായേച്ചിയും കാട്ടി കൂട്ടിയതൊക്കെ ഞാൻ കണ്ടു. എന്റെ ഫ്രണ്ട് അനുവുമായി അവന്റെ കല്യാണം തീരുമാനിച്ചിരിക്കുകയാണ്. അവനെ പോലെ ഉള്ള ഇരു പെണ്ണ് പിടിയന്ന് ഞാൻ അവളെ വിട്ട് കൊടുക്കില്ല. അന്ന് ഇവിടെ നടന്ന സംഭവം മുഴുവൻ ചേച്ചി അവളോട് പറയണം, ഇല്ലെങ്കിൽ ഇതെല്ലം എനിക്ക് മാമനോട് പറയേണ്ടി വരും ”
ഒറ്റ ശ്വാസത്തിൽ ഞാൻ അത്രേം പറഞ്ഞൊപ്പിച്ചു. മായേച്ചി തീഷ്ണായ മുഖത്തോടെ എന്നെ നോക്കി കൊണ്ട് പറഞ്ഞു.
” ഞാൻ എന്താ ചെയ്യണ്ടേ..”
ഞാൻ മായേച്ചിയുടെ മുഖത്ത് നോക്കാതെ പറഞ്ഞു.
