“‘ പ്രണയിച്ചിരുന്ന കാലത്ത് നീയെനിക്ക് വേണ്ടി നിന്റെ ഇഷ്ടങ്ങൾ ത്യജിച്ചതാണെന്ന് മനസ്സിലാക്കാൻ നമ്മൾ വേർപിരിയേണ്ടി വന്നു . നോൺ വെജ് ഇഷ്ടപ്പെടുന്ന നിനക്ക് ഞാൻ ഒന്നും ഉണ്ടാക്കി തന്നിരുന്നില്ല . കിച്ചണിൽ എന്റെ ഇഷ്ടങ്ങൾക്കായിരുന്നു ആധിപത്യം . ഒരിക്കലും ഞാൻ നിന്റെ ഇഷ്ടങ്ങൾ അറിഞ്ഞില്ല . പ്രണയവും വിവാഹവും രണ്ടും രണ്ടാണെന്ന് മനസ്സിലായപ്പോൾ ….”‘
“‘മെറിൻ .. മഴ ..മഴ വരുന്നു ..നമുക്കാ മരത്തിനടിയിലേക്ക് നിൽക്കാം …”‘
“”ഇവിടെങ്ങും ഒരു വീടോ കടയോ ഒന്നുമില്ല മെറിൻ ഒന്ന് കയറി നിൽക്കാൻ … ഇത് തലവഴിയിടൂ . നിനക്ക് അലർജിയുളളതല്ലേ …നനയണ്ട “‘ ഓവർ കോട്ടൂരി മെറിൻ പുതപ്പിക്കുമ്പോൾ അവൾ ജീവന്റെ നെഞ്ചിലേക്ക് ചാരി .
:”” ഈ ചൂട് ഉളളപ്പോൾ എനിക്കൊരു പനിയും വരില്ലെടാ …ഇന്ന് ..ഇന്നത്തെ ദിവസം തീരാതിരുന്നെങ്കിൽ …”” മെറിന്റെ സ്വരത്തിലെ കണ്ണുനീരിന്റെ നനവ് ജീവനും അതേ അവസ്ഥയിലായിരുന്നതിനാൽ അവൻ തിരിച്ചറിഞ്ഞു .
“‘ നിനക്ക് എന്നാണ് ഫ്ലാറ്റ് ഒഴിവാക്കി കൊടുക്കേണ്ടത് ? …”‘
“‘ നിന്റെ അറിവിൽ ഏതേലും ഫ്ലാറ്റ് ഒഴിവുണ്ടോ …?”’ മെറിൻ കണ്ണുകളുയർത്തി അവനെ നോക്കി .
“”’ ഉണ്ട് ..ഫ്ലാറ്റ് നമ്പർ 14 B . വാടക തരേണ്ട
ഒന്നിച്ചു ഓഫീസ് വിട്ടു കയറി വരുമ്പോൾ ഒരു ചായ ഉണ്ടാക്കി തരാനും , ഫുഡ് ഉണ്ടാക്കി തന്നിട്ട് എങ്ങനെയുണ്ടെടാ കുരങ്ങാന്നു ചോദിക്കാനും , രണ്ടെണ്ണം അടിച്ചിട്ട് മൂന്നാമത്തേത് ഒഴിക്കുമ്പോൾ മതിയെടാ ഓവറാക്കണ്ടാന്ന് പറയാനും ..നീ എന്റെ ഫ്ലാറ്റിലേക്ക് പോരെ ..”‘
“‘ഡാ ..ഡാ ..എന്താ ..എന്താ നീ പറഞ്ഞെ ..നീ കുടിയും തുടങ്ങിയോ ..സമ്മതിക്കില്ല ഞാൻ പട്ടീ ..””‘ മെറിൻ അവന്റെ നെഞ്ചിൽ മുഷ്ടി ചുരുട്ടിയിടിച്ചു .
“‘ ഇന്നത്തെ ദിനവും അവസാനിക്കയാണ് അങ്ങനെ വീണ്ടുമൊരു വാലന്റൈൻസ് ഡേ കാരണമായി നമ്മളൊന്നിക്കാൻ അല്ലേടാ “” മഴമാറി തെളിഞ്ഞ അസ്തമയ സൂര്യന്റെ പ്രകാശം അവരെ ചുവപ്പണിയിച്ചു…
“‘ഹാപ്പി വാലന്റൈൻസ് ഡേ മെറിൻ …”‘
“‘ഹ്മ്മ് .. അതൊക്കെ പ്രണയിക്കുന്നവർക്കല്ലേടാ ..നമ്മൾ ഭാര്യാ ഭർത്താക്കന്മാരാണ് “”
“‘ .നീ എന്നിൽ നിന്ന് പോയപ്പോഴാണ് ഞാൻ വെറും സീറോയാണെന്ന് മനസ്സിലായത് ..നീയില്ലാതെ ഞാനും ഞാനില്ലാതെ നീയും പൂർണമല്ലന്നു മനസ്സിലാക്കിയ ഈ നാൾ .. ഇതല്ലേ നമ്മുടെ ആദ്യ വാലന്റൈൻസ് ഡേ ..നമ്മൾ ഇപ്പോഴും പ്രണയിക്കുന്നില്ലെടാ …”’
“‘അതെ പരസ്പരം മനസ്സിലാക്കിയും വിട്ടുവീഴ്ചകൾ ചെയ്തും ഈ ജീവിതം മുഴുവൻ നമുക്ക് പ്രണയിക്കണം ചെക്കാ . അതിന് വേണ്ടി ദൈവം വീണ്ടുമൊരു ദിനം തിരഞ്ഞെടുത്തു … മനസ് നിറഞ്ഞ വാലന്റൈൻസ് ആശംസകൾ “”’ മെറിന് പറഞ്ഞു തീർക്കാനാവാതെ ജീവന്റെ ചുണ്ടുകൾ അവളെ മുദ്ര വെച്ചിരുന്നു…….
സ്നേഹപൂർവ്വം
Jithuz😊💕
