റോഷൻ :”അല്ലെങ്കിലും ലീഗൽ ആയുള്ള കല്യാണം ഒന്നും പറ്റില്ല എന്ന് എനിക്കറിയാം…പക്ഷെ വടക്കേ ഇന്ത്യയിൽ ചിലയിടത്ത് ഒരു സ്ത്രീക്ക് ഒന്നിലധികം ഭർത്താക്കന്മാർ ഉള്ള സ്ഥലങ്ങൾ ഉണ്ട് എന്ന് എനിക്കറിയാം…ഹിമാചൽ പ്രദേശിലെ കിണ്ണാവൂർ എന്ന സ്ഥലത്ത് ഇത് സാധാരണ കാര്യമാ…നമുക്ക് കല്യാണം ഒക്കെ കഴിഞ്ഞു അവിടെ പോയി ജീവിക്കാം ചേട്ടാ “…
ഇത്രയും കേട്ടത്തോടെ ആദിത്യന്റെ കിളി പോയി.. കാരണം ആ സ്ഥലത്തെപ്പറ്റി അയാൾ ഇതിനോടകം അയാൾ റിസേർച് നടത്തിയിരുന്നു…അതേ കാര്യം തന്നെയാണ് ഇപ്പോൾ ഈ 18 കാരൻ ചെക്കന്റെ വായിൽ നിന്നും കേട്ടത്…
ആദിത്യൻ ” നീ പറഞ്ഞത് ഒക്കെ ശരി…പക്ഷേ ഒരു കാര്യമുണ്ട്…ഇവൾ ഇത് ഇവിടെ ജോലി ചെയ്യാൻ തുടങ്ങിയിട്ട് ഒരു വർഷം ആയതേ ഉള്ളൂ…ഇനിയിപ്പോൾ രണ്ടുവർഷം കൂടി കഴിയാതെ ഇവിടെ നിന്നും ട്രാൻസ്ഫർ കിട്ടുക സാധ്യമല്ല.. എന്തായാലും ഈ നാട്ടിൽ ജീവിച്ചു കൊണ്ട് ഇങ്ങനെ ഒരു പരിപാടി സാധ്യമല്ല…നാട്ടുകാർ നമ്മളെ മൂന്നിനേം…പ്രത്യേകിച്ച് നിങ്ങൾ രണ്ടു പേരെയും തല്ലി കൊല്ലും…”
ഇതു കേട്ടത്തോടെ റോഷൻ ഒന്നു സൈഡ് ആയി…അണ്ടി കളഞ്ഞു പോയ അവനോടായി ആദിത്യൻ തുടർന്നു…”ഒരു രണ്ടു കൊല്ലം കൂടി കാത്തിരിക്കാൻ നിനക്ക് കഴിയുമോ? മാത്രമല്ല, കെട്ടിക്കഴിഞ്ഞാൽ പെണ്ണിന് ചിലവിന് കൊടുക്കുക എന്നത് ഭർത്താവിന്റെ ഉത്തരവാദിത്തമാ…ആ സമയം കൊണ്ട് നീ പഠിച്ചു എന്തെങ്കിലും ജോലി സാമ്പാദിക്കാൻ പറ്റുമോ എന്നും കൂടി നോക്ക്…”
ഇത്രയും പറഞ്ഞു ആദിത്യൻ “ഇപ്പൊ ഇനി എന്താ?” എന്ന മട്ടിൽ റോഷന്റെ മുഖത്ത് നോക്കി…അവന്റെ മുഖത്തു സങ്കടവും ദേഷ്യവും തിളച്ചു മറിയുന്നുണ്ടായിരുന്നു…മെല്ലെ അവൻ എഴുന്നേറ്റു പുറത്തേക്ക് പോയി…
ആ സംഭവത്തോടെ അവൻ കുറച്ചു ദിവസത്തേക്ക് ഇങ്ങോട്ട് വരാതെ ആയി… അതൊക്കെ വലിയ വിഷമമുണ്ടാക്കി. അത് അവൾ ആദിത്യനോട് ഒരു ദിവസം ഫോൺ വിളിച്ചപ്പോൾ പറയുകയും ചെയ്തു…
ആദിത്യൻ :” നിനക്ക് അങ്ങനെ അവൻ മിണ്ടാതെ നടക്കുന്നതിൽ വിഷമമുണ്ടെങ്കിൽ നീ അങ്ങോട്ട് ചെന്ന് മിണ്ട് “…
കീർത്തി ” അപ്പോൾ അവൻ മറ്റേ കാര്യം തന്നെ വീണ്ടും പറഞ്ഞാലോ? ”
ആദിത്യൻ :” അതിലുള്ള അഭിപ്രായം ഞാൻ ക്ലിയർ ചെയ്തതല്ലേ? നീയും അതുതന്നെ ഉറപ്പിച്ചു പറ “…
പിറ്റേന്ന് വൈകിട്ട് ജോലി കഴിഞ്ഞു വന്നതിനു ശേഷം കുട്ടികളെ വിളിക്കാനായി റോഷന്റെ വീട്ടിൽ എത്തിയ കീർത്തി അവന്റെ രണ്ടാനമ്മ ജാനകി ചേച്ചിയോട് റോഷൻ എവിടെ എന്ന് അന്വേഷിച്ചു.
” റോഷാ, എനിക്ക് കുറച്ച് സാധനങ്ങൾ വാങ്ങാൻ ഉണ്ട്… നീ ഒന്ന് വീട്ടിലേക്ക് വരാമോ ഞാൻ ലിസ്റ്റ് തരാം…” റോഷൻ വന്നപ്പോൾ കീർത്തി അവനോട് പറഞ്ഞു. അവന്റെ അമ്മയുടെ മുൻപിൽ വച്ച് ആയതുകൊണ്ട് അവൻ മറുത്തൊന്നും പറഞ്ഞില്ല.
റോഷൻ ” ചേച്ചി പോയി ലിസ്റ്റ് എഴുതി വെക്ക്.. ഞാൻ വരാം “.
ഏകദേശം ഒരു 10 മിനിറ്റ് കഴിഞ്ഞ് കാണണം.. കീർത്തിയുടെ വീട്ടിലെ കോളിംഗ് ബെൽ അടിച്ചു. കീർത്തി ചെന്ന് വാതിൽ തുറന്നു.. റോഷനാണ്…
കീർത്തി ” നീ എന്തേ ഇപ്പോൾ ഇങ്ങോട്ട് വരാത്ത റോഷ..? ”
റോഷൻ “ചേച്ചി ലിസ്റ്റ് എടുക്ക്..”
കീർത്തി ” ചേട്ടൻ അന്ന് അങ്ങനെ പറഞ്ഞത് കൊണ്ടാണോ നീ??? ആ പറഞ്ഞത് ശരി തന്നെ അല്ലേ? ആമുഖ കാര്യങ്ങൾ ഒന്നും കുട്ടിക്കളി അല്ല.. അതൊക്കെ പോട്ടെ, അങ്ങനെ പറഞ്ഞതല്ലാതെ നിന്നോട് ഇങ്ങട് വരണ്ട എന്നൊന്നും ചേട്ടൻ നിന്നോട് പറഞ്ഞില്ലല്ലോ.. ഉവ്വോ? ”
റോഷൻ ” ഇക്കാര്യമൊക്കെ നമുക്ക് പിന്നെ സംസാരിക്കാം ചേച്ചി ഇപ്പോൾ ചേച്ചി ലിസ്റ്റ് എടുക്ക്…”
കീർത്തി പിന്നെ അവനോട് ഒന്നും സംസാരിക്കാൻ വന്നില്ല നേരെ ചെന്ന് ലിസ്റ്റും കുറച്ചു പണവും എടുത്തു കൊടുത്തു… അവൻ തിരിച്ചു വരുമ്പോൾ സംസാരിക്കാം എന്ന് കരുതി. പക്ഷേ അവൻ തിരിച്ചു വന്ന കോളിംഗ് ബെൽ അടി കേട്ട് വന്നപ്പോഴേക്കും അവൻ പോയി കഴിഞ്ഞിരുന്നു… സഞ്ചിയിൽ അവൻ വാങ്ങി കൊണ്ടുവന്ന സാധനങ്ങൾ എല്ലാം വാതിലിനടുത്ത് വെച്ചിട്ടുണ്ടായിരുന്നു… ബാക്കി കാശ് അവിടെ നിലത്തു ഒരു കഷ്ണം കല്ല് മുകളിൽ കയറ്റി വച്ചു ഇരിക്കുന്ന നിലയിൽ കാണപ്പെട്ടു. അത് അവളെ വിഷമിപ്പിച്ചിരുന്നു… നടക്കുന്നതും മുഴുവൻ അവൾ ആദിത്യനെ അറിയിച്ചുകൊണ്ടിരുന്നു.. അങ്ങനെ രണ്ടുമൂന്നു പ്രാവശ്യം ആയപ്പോൾ ആദിത്യൻ അവളോട് ചോദിച്ചു “നിനക്ക് ശരിക്കും അവൻ പറഞ്ഞതുപോലെ അവന്റെ ഭാര്യയാവാൻ താല്പര്യമുണ്ടോ?”
Please continue with the next part. Very good story!