സിനിമയാണ്……….
അതെ…
സിനിമയാണ്…
അതിന്റെ വെള്ളിവെളിച്ചത്തിനപ്പുറമുള്ള നിഗൂഢത, ശ്രീനിവാസനെ അതേ സമയം തന്നെ അസ്വസ്ഥനാക്കുന്നുണ്ടായിരുന്നു..
“” ശ്രീനിവാസൻ ഒന്നും പറഞ്ഞില്ല……….?””
ചിരിയോടെ തന്നെയായിരുന്നു സേതുവിന്റെ ചോദ്യം……
ശ്രീനിവാസൻ ഒരു നിമിഷം അമ്പരപ്പോടെ ഇരുവരെയും നോക്കി…
ശേഷം ചുണ്ടുകളനക്കി…
“” അദ്………. പ്പോ……….””
ശ്രീനിവാസൻ ഒന്നു വിക്കി…
“” അവൾക്ക് അഭിനയമൊന്നും അറിഞ്ഞു കൂടാ………. “
“” അങ്ങനെ പെട്ടെന്ന് ഒരു തീരുമാനമൊന്നും പറയേണ്ട ശ്രീനിവാസൻ……”
സേതു എഴുന്നേറ്റു വന്നു അയാളുടെ ചുമലിൽ കൈ വെച്ചു…
“സാറിന്റെ സിനിമയിൽ വന്ന് അഭിനയം പഠിച്ചവരാ അധികവും…… നമുക്ക് ഒന്നു നോക്കാമല്ലോ… “
സേതു പുഞ്ചിരിച്ചു…
“ പഠിക്കുന്ന കുട്ടിയായിരിക്കാം… പഠനത്തെ ബാധിക്കുന്ന തരത്തിലൊന്നും കാര്യങ്ങൾ ഉണ്ടാകാൻ പാടില്ല…… ഇവിടെ ഒരു പതിനഞ്ചോ ഇരുപതോ ദിവസത്തെ ഷൂട്ടിംഗ് കാണും.. നിങ്ങൾക്കു സമ്മതമാണെങ്കിൽ ഞങ്ങൾ അതിനനുസരിച്ച് ഷെഡ്യൂൾ ചെയ്യാം… “
സേതു ശ്രീനിവാസനെ നോക്കി…
അർദ്ധമനസ്സ് അയാളുടെ മുഖത്തു നിന്നും വായിച്ചറിഞ്ഞു കൊണ്ടു തന്നെ സേതു തുടർന്നു…
“ ഞാനാദ്യമേ പറഞ്ഞല്ലോ… ഒരുപാടു പേർ സാറിന്റെ സിനിമയിൽ ഒരവസരം കാത്തു നിൽക്കുകയാണ്.. ഒരു പുതുമുഖമാണ് ഈ സിനിമയ്ക്ക് ആവശ്യവും… പല നായികമാരും അനിയൻ സാറിന്റെ സിനിമയിലൂടെ വന്നവരാണ് താനും…തള്ളിക്കളയരുതെന്നേ ഞാൻ പറയൂ…”
ശ്രീനിവാസൻ ഉമ്മറവാതിലിലൂടെ അകത്തേക്ക് തല ചെരിച്ചു നോക്കി..
സേതുലക്ഷ്മിയും കുട്ടികളും അത്ഭുതപരതന്ത്രരായി ഒട്ടിച്ചേർന്ന് നിൽക്കുന്നത് അയാൾ കണ്ടു..
ആരും വിശ്വസിച്ചിട്ടില്ല… !
തനിക്കും പൂർണ്ണമായി വിശ്വസിക്കാൻ സാധിച്ചിട്ടില്ലല്ലോ…….
താനെന്താണ് മറുപടി കൊടുക്കാൻ പോകുന്നത് , എന്നൊരു ചോദ്യം അയാൾ സേതുലക്ഷ്മിയുടെ മുഖത്തു കണ്ടു.
“” ആലോചിക്കാം……………”
ഒരു മിനിറ്റു കഴിഞ്ഞ് ശ്രീനിവാസൻ ചുണ്ടുകളനക്കി…
“” അതു മതി ശ്രീനിവാസൻ…… ലൊക്കേഷനിലേക്ക് ഒന്നു വരണം… പറ്റുമെങ്കിൽ എല്ലാവരും കൂടെ… ഒന്നു കാണുന്നതും മനസ്സിലാക്കുന്നതും ഒരു കണക്കിന് നല്ലതാണ്…… “
മധുമിതയെ നായികയായി തീരുമാനിച്ചതു പോലെയായിരുന്നു , സേതുവിന്റെ സംസാരം……
“പേടിയും പരിഭ്രമവും ക്കൈയങ്ങു മാറിക്കിട്ടും… “”
സേതു ചിരിച്ചു…
“ പിന്നെ… നിങ്ങളുടെ സമ്മതമറിഞ്ഞിട്ടു വേണം പ്രതിഫലത്തിന്റെ കാര്യത്തിൽ തീരുമാനമുണ്ടാക്കാൻ… എതായാലും ഒരു ലക്ഷം രൂപ പ്രൊഡ്യൂസറുടെ കയ്യിൽ നിന്നു വാങ്ങിത്തരാമെന്ന് ഞാൻ ഉറപ്പു തരുന്നു…””
അതൊരു ചൂണ്ടയായിരുന്നു…
ചൂണ്ടയിൽ കുടുങ്ങിയതു പോലെ ശ്രീനിവാസൻ അതേ സമയം ഒന്നു പിടയുകയും ചെയ്തു.
ഒരു ലക്ഷം രൂപ…………….!!!
അല്പം , ഉയർന്ന സേതുവിന്റെ ശബ്ദം, നിശബ്ദതയിൽ സേതുലക്ഷ്മിയും കുട്ടികളും കേട്ടു എന്ന് ശ്രീനിവാസനും തീർച്ചയായിരുന്നു…
“” നാളേയ്ക്കാക്കണ്ട… വൈകുന്നേരം തന്നെ ലൊക്കേഷനിലേക്ക് ഒന്നു വന്നോളു എല്ലാവരും… ഞാൻ ലൊക്കേഷനിൽ നിന്ന് വണ്ടി അയയ്ക്കാം… “
സേതു പുഞ്ചിരിയോടെ പറഞ്ഞു……
ശ്രീനിവാസൻ അതിനു മറുപടി പറയാനറിയാതെ നിന്നു…
“” പേടിയൊന്നും വേണ്ട ശ്രീനിവാസൻ…… ഈ സിനിമ പൂർത്തിയാകുന്നതു വരെ നിങ്ങൾക്ക് ഒരു ബുദ്ധിമുട്ടും വരാതെ ഞങ്ങൾ നോക്കിക്കോളാം… പോരാത്തതിന് നിങ്ങളുടെ നാട്ടിൽ തന്നെയല്ലേ ഷൂട്ടിംഗ്…””
ശ്രീനിവാസൻ മന്ദബുദ്ധിയെപ്പോലെ തലയാട്ടി……
സേതുവും അനിയനും യാത്ര പറഞ്ഞിറങ്ങിയതും സേതുലക്ഷ്മി ഉമ്മറത്തേക്കു വന്നു…
“” അവരെന്താ പറഞ്ഞത്…?””
“” സേതു കേട്ടില്ലേ………. ?””
“ കുറച്ച് …. “
“” മധുവിന്റെ കാര്യമാണ് അവർ പറഞ്ഞത്… അവളല്ലേ അമ്പലത്തിൽ പോയത്… ?””
“എന്നാലും………. “
സേതുലക്ഷ്മിക്ക് അത്ര വിശ്വാസം വന്നില്ല…
“” തട്ടിപ്പാണോ ശ്രീനിയേട്ടാ………. ?””
“” തട്ടിപ്പൊന്നുമല്ല… ആ ഡയറക്ടറുടെ ഫോട്ടോ ഞാൻ സിനിമാ മാസികേൽ കണ്ടിട്ടുണ്ട്………….””
മനുമിത കോലായിലേക്കു വന്നു…
“” അതിനു നിനക്കെവിടുന്നു കിട്ടി സിനിമാ മാസിക…… ?””
സേതുലക്ഷ്മി ദേഷ്യത്തിൽ മകളെ നോക്കി…