“പിന്നെ..?? “
നെസി ചോദിച്ചു.
“പിന്നെ ഇത്തയുടെ മെഡിസിന് സീറ്റ് ശെരി ആയതിനും “
നൂറാ പറഞ്ഞു.
ഓഹ് അപ്പൊ എനിക്ക് സമാധാനം ആയി ,
“അല്ല അഖിലേട്ടാ ചിലവ് ചെയ്യാൻ ഒരുക്കം അല്ലെ? “
നൂറാ കണ്ണിറുക്കി കൊണ്ട് എന്നോട് ചോദിച്ചു.
“പിന്നെന്താ ചെയ്യാല്ലോ , എപ്പോൾ വേണം എന്നു പറഞ്ഞാൽ മതി ഞാൻ റെഡി “
ഞാൻ പറഞ്ഞു.
“എന്നാ ഇത്താ നമുക്ക് ഇന്ന് തന്നെ ചിലവ് വാങ്ങിച്ചാലോ “
നൂറാ ചോദിച്ചു.
“ഇന്ന് വേണോ നൂറാ. “
നെസി ചോദിച്ചു “
“അതെന്താ ഇത്താ “
നൂറാ നെസിയോട് ചോദിച്ചു.
അതിനുത്തരം ഒന്നും നെസി പറയുന്നത് കേൾകാതിരുന്ന ഞാൻ മിററിലൂടെ നെസിയെ നോക്കി അപ്പോ അവൾ നൂറയോട് ആംഗ്യഭാഷയിലൂടെ സംസാരിക്കുന്നു.
അവളുടെ പ്രവർത്തികൾ കണ്ടപ്പോൾ എനിക്ക് കാര്യം മനസ്സിൽ ആയി .
എന്നെ കൊണ്ട് പൈസ ചിലവാക്കാൻ അവൾക്കു മടി ആണെന്ന് , എന്റെ കഷ്ടപ്പാട് അറിയാവുന്ന അവൾ നൂറയെ ചിലവിന്റെ കാര്യത്തിൽ നിന്നും പിന്മാറ്റാൻ ശ്രമിക്കുന്നു . എന്നെ രക്ഷിക്കാൻ ശ്രമിക്കുന്നു.
കുറച്ചു കഴിഞ്ഞപ്പോൾ
“അഖിലേട്ടാ അല്ലെങ്കിൽ ഇന്ന് വേണ്ടാ പിന്നിട് എപ്പോഴെങ്കിലും അഖിലേട്ടൻ ചെയ്താൽ മതി ചിലവ് “
നൂറാ പറഞ്ഞു.
“അതെന്താ നൂറാ ചിലവ് ഇന്ന് വേണ്ടേ ,?. “
ഞാൻ ചോദിച്ചു .
“ഉം വേണ്ടാ അഖിലേട്ടാ “
“എന്റെൽ പൈസ ഇല്ലെന്നു കരുതി ആണൊ നിങ്ങൾ ചിലവിന്റെ കാര്യം മാറ്റി വെക്കുന്നത് “
ഞാൻ ചോദിച്ചു.
“ഹേയ് അതുകൊണ്ട് ഒന്നും അല്ല “
നെസി ചാടി കയറി പറഞ്ഞു.
“എന്നോട് നുണ പറയേണ്ട നെസി നിങ്ങൾ ആംഗ്യ ഭാഷയിലൂടെ സംസാരിക്കുന്നത് ഞാൻ മിററിലൂടെ ശ്രദ്ധിച്ചിരുന്നു . നിങ്ങൾ പൈസയെ ഓർത്ത് വറീഡ് ആകേണ്ടാ, ഞാൻ ചെലവ് ചെയാം എന്നു പറഞ്ഞത് എന്റെ സന്തോഷത്തിനു ആണു. നിങ്ങൾ രണ്ടാളും എന്തു വേണം എന്നു മാത്രം പറഞ്ഞാൽ മതി “
ഞാൻ പറഞ്ഞു നിർത്തി.
“എന്നാൽ ശെരി അഖിലേട്ടന്റെ ഇഷ്ടം “
നെസി പറഞ്ഞു.
“എന്നാൽ അടുത്തുള്ള ഒരു ഫൈവ് സ്റ്റാർ റെസ്റ്റോറന്റിൽ കയറാം “
ഞാൻ പറഞ്ഞു.
“അഖിലേട്ടാ എനിക്ക് ഒരു ആഗ്രഹം ഉണ്ട്? “
നൂറാ ആണ് ചോദിച്ചത്.
“പറ നൂറാ “
“എനിക്ക് മാത്രം അല്ല നെസിത്താ ക്കും ഉണ്ട് ആ ആഗ്രഹം. “
“ഉം പറ രണ്ടുപേരുടെയും ആഗ്രഹം എന്നെ കൊണ്ട് പറ്റുന്നത് ആണെങ്കിൽ ഞാൻ സാധിച്ചു തരാം “
ഞാൻ പറഞ്ഞു.
“രണ്ടു പേർക്കും ഒരു ആഗ്രഹം തന്നെ ആണു “
“ഉം “
“അതെ ഈ വലിയ റെസ്റ്റോറന്റിൽ ഒക്കെ കയറി മടുത്തു. അഖിലേട്ടനു പറ്റുക ആണെങ്കിൽ ഞങ്ങളെ റോഡ് സൈഡിൽ ഉള്ള ഈ ഉന്തുവണ്ടിയിൽ ഒക്കെ പാചകം ചെയുന്ന കടയിൽ ഞങ്ങളെ കൊണ്ടോകമോ.”
നൂറാ ചോദിച്ചു.
“തട്ടുകട ആണൊ ഉദ്ദേശിച്ചത് നൂറാ “
ഞാൻ ചോദിച്ചു.
“ആ അതു തന്നെ , ഇന്നാള് സനേച്ചി വന്നപ്പോൾ ചേട്ടൻ സനേച്ചി ക്ക് വാങ്ങിച്ചു കൊടുത്തില്ലേ പൊറോട്ട കൊത്തി നുറുക്കിയ മാതിരിയും അതിൽ മുട്ടയും മറ്റും ചേർത്ത് ഉള്ള ഒരു ഫുഡ്, “
“കൊത്ത് പൊറോട്ട ആണൊ “
“ആ അതു തന്നെ , അന്ന് സനേച്ചി ഞങ്ങൾക്കും കുറച്ചു തന്നിരുന്നു, അന്ന് അതു കഴിച്ചതിൽ പിന്നെ അതു വീണ്ടും കഴിക്കണം എന്നു ഒരു മോഹം.വാപ്പച്ചി യോട് പറഞ്ഞാൽ അങ്ങനത്തെ കടയിൽ ഒന്നും കൊണ്ടൊകില്ല . ചേട്ടന് ബുദ്ധിമുട്ട് ആകില്ലെങ്കിൽ ഞങ്ങളുടെ ഈ ആഗ്രഹം സാധിച്ചു തരോ ? “
നൂറാ ചോദിച്ചു.
“പിന്നെന്താ എപ്പോ സാധിച്ചുന്ന് ചോദിച്ചാൽ പോരെ, അടുത്ത നല്ലൊരു തട്ടുകടയിൽ തന്നെ കയറാം നമുക്ക് അവിടെ ഇരുന്നു ചൂടോടെ തന്നെ കൊത്തുപൊറോട്ട യും അകത്തു ആകാം പോരെ , “
ഞാൻ പറഞ്ഞത് കേട്ടപ്പോൾ രണ്ടുപേരുടെയും മുഖം പ്രസന്നം ആയി.
എനിക്ക് അതു കണ്ടപ്പോൾ സന്തോഷം ആയി ഞാൻ അടുത്ത കട നോക്കി വണ്ടി ഓടിക്കാൻ തുടങ്ങി അവസാനം ഒരു തട്ടുകടയുടെ അടുത്ത് കാർ നിർത്തി.
ഞങ്ങൾ കാറിൽ നിന്നും ഇറങ്ങി ആ തട്ടുകടയുടെ അടുത്തേക്ക് നടന്നു .
ഒരു ഉന്തുവണ്ടിയിൽ ഷീറ്റ് കൊണ്ട് കെട്ടിയ നിലയിൽ ആയിരുന്നു തട്ടുകട . അതിനു അടുത്തായി ആൾക്കാർക്ക് ഇരുന്നു കഴിക്കാൻ ആയി ടേബിളുകൾ കിടക്കുന്നു.
മൂന്നാല് ടേബിൾ മാത്രമേ അവിടെ ഉണ്ടായിരുന്നുള്ളു . അതും ഓരോ ടേബിളിനും ഓരോ കുടയുടെ തണലും.. നല്ല ഭംഗി ഉണ്ടായിരുന്നു അതു കാണാൻ .
സമയം നാലു മണി ആകുന്നുണ്ടയൊള്ളു അതിനാൽ ആളുകൾ അധികം ഉണ്ടായിരുന്നില്ല . ആറുമണി ക്കും ഏഴുമണിക്കും ഒക്കെ ആണു നല്ല തിരക്ക് ഉണ്ടാകാറുള്ളത്.