പിന്നെന്തിനാ എന്നോട് ഫ്രണ്ട് വരും എന്ന് പറഞ്ഞത്?..
അത് നാവിയെ ഞാൻ പരിചയപെട്ടിട്ട് കുറച്ചു മണിക്കൂറുകൾ അല്ലേ ആയിട്ടുള്ളു.
അതുകൊണ്ട് ഞാൻ വല്ലതും ചെയ്യും എന്ന് കരുതിക്കാണും അല്ലേ?..
ശേ അങ്ങനെ ഒന്നും അല്ലടാ എനിക്ക് നിന്നെ വിശ്വാസം ഇല്ലാഞ്ഞിട്ടല്ല. നിന്നെ പരിജയ പെട്ടിട്ട് കുറച്ചല്ലേ ആയുള്ളൂ പിന്നെ എങ്ങനെയാ നിന്നോട് ഞാൻ ലിഫ്റ്റ് ചോയ്ക്ക്യ. അതും ഈ രാത്രി അതാ ഒരു മടി..
എന്തിനാ ഗായത്രി മടി അങ്ങനെ ഒന്നും വിചാരിക്കരുത് നമ്മൾ ഇപ്പൊ നല്ല ഫ്രണ്ട്സ് അല്ലേ അപ്പൊ നിനക്ക് ചോദിക്കാമല്ലോ ഒരു ലിഫ്റ്റ് തരുമോ എന്ന്.
സോറി ഞാൻ അങ്ങനെ ചിന്തിച്ചില്ല ഒരിക്കലും നിന്റെ കൂടെ വരാൻ പേടിച്ചിട്ടല്ല കേട്ടോ.
അതെന്താ ഇടക്കിടക്ക് പേടിച്ചിട്ടല്ല എന്ന് ഇങ്ങനെ എടുത്ത് പറയണേ?..
ഏയ്‌ ഒന്നുല്ല ഇനി നീ ഞാൻ നിന്നെ അങ്ങനെ കണ്ടു എന്ന് വിചാരിക്കണ്ട അതുകൊണ്ട് പറഞ്ഞതാ….
ഓഓഓഓ ഓക്കേ ഓക്കേ…
അല്ല ഞാൻ പോയിരുന്നേൽ പിന്നെ എങ്ങനെ പോവാ വീട്ടിൽ ഓട്ടോ വിളിക്കുവോ?..
ആ ബെസ്റ്റ് അവരെക്കൊണ്ടാ വല്ലാത്ത കഷ്ടം എനിക്ക് കണ്ണെടുത്താൽ കണ്ടൂടാ മൈ..
പെട്ടെന്ന് അവൾ പറയാൻ വന്നത് നിർത്തി എന്തോ അബദ്ധം പറ്റിയ പോലെ പിന്നെ ഒന്നും മിണ്ടിയില്ല. എനിക്ക് മനസിലിയി ഇവൾക്ക് അവരുമായി എന്തോ പ്രശ്നം ഉണ്ടെന്ന്.
എന്താ നിർത്തിയത് ബാക്കി പറയുന്നില്ലേ?..
അവൾ പറഞ്ഞ തെറി ഞാൻ കേട്ടു എന്ന് അവൾക്ക് മനസ്സിലായി.
അത് പെട്ടെന്ന് അങ്ങ് പറഞ്ഞപ്പോ വന്നു പോയതാ അവര് കുറച്ചു പിശകാ ഒരുമാതിരി നോട്ടവും സംസാരവും എനിക്ക് എന്തോ പോലെയാ നടന്നു പോയാലും അവന്മാരുടെ ഒന്നും വണ്ടിയിൽ ഞാൻ പോകില്ല.
ആഹ്ഹ് അങ്ങനെ എന്നാൽ റെയിൽവേ യിൽ ഒരു കംപ്ലയിന്റ് കൊട്ത്തൂടെ?…
അതോണ്ടൊന്നും കാര്യമില്ല പിന്നെ നേരെ ബസ് കിട്ടുന്നത് കൊണ്ട് ഒന്നിനും പോവാറില്ല.
മ്മ്മ്മ് പിന്നെ തെറി ഇങ്ങനെ പറയുന്നത് നല്ലതല്ല കേട്ടോ.
ഞാൻ അവളെ ഒന്നു കളിയാക്കും വിധത്തിൽ പറഞ്ഞു.
ആഹ് അത് ഞാൻ ഇന്ന് ട്രെയിനിൽ നിന്നും കണ്ടു ആരാ ഈ പറയുന്നേ.
ഓഹ്ഹ് സോറി കേട്ടു ല്ലേ?
ഹ്മ്മ് കേൾക്കാതിരിക്കാൻ ഞാൻ പൊട്ടിയൊന്നും അല്ലല്ലോ അതും എന്റെ ചെവിക്കടുത്തൂന്നല്ലേ പറയുന്നേ. എന്നിട്ടിപ്പോ എന്നെ കളിയാക്കുന്നോ.
ഞാൻ ഒന്ന് ചിരിക്കുക മാത്രം ചെയ്തു..
അല്ല ഇതിപ്പോ ഡെയിലി എത്രയെണ്ണം വിളിക്കും?.
എന്ത്?…
അല്ല ഇന്ന് വിളിച്ച തെറിയെ..
അത് അങ്ങനെ ഒന്നുല്ല ദേഷ്യം വന്നാൽ അപ്പൊ വിളിക്കും അത്ര തന്നെ.
ദേഷ്യം വന്നാൽ വേറെ എന്തൊക്കെ വിളിക്കാം ഇതുതന്നെ വിളിക്കണോ?…
ഓഊ അപ്പൊ ഗായത്രി ദേഷ്യം വന്നപ്പോ വിളിക്കാൻ വന്നത് എന്തായിരുന്നു?…
അത് കേട്ടപ്പോൾ പിന്നെ അവൾ ഒന്നും പറഞ്ഞില്ല ഒന്നും മിണ്ടാതെ ഇരിപ്പായി.
ഡോ ഞാൻ ചുമ്മാ പറഞ്ഞതാ ഇതിലൊന്നും വല്ല്യ കാര്യമില്ല അതു വിളിച്ചു എന്ന് വെച്ചിട്ട് ആരും മോശക്കാരൊന്നും ആവുന്നില്ല.
പെട്ടെന്ന് അങ്ങ് വന്നു പോയതാ സോറി…
എന്തിന് സോറി ഇതുപോലെ ഇതിന്റെ ഡബിൾ ഡോസിൽ ഞാൻ കേൾക്കാറുണ്ട് പലതും അപ്പൊ ഇതൊക്കെ സില്ലി.
മ്മ്മ് മ്മ്മ്മ് മ്മ്മ്മ്…
അത് വിട് അല്ല ഞാൻ അന്ന് ചോദിക്കാൻ വിട്ടു ശെരിക്കും 30 വയസൊക്കെ ഉണ്ടോ?…
കണ്ടിട്ട് എന്ത് തോന്നുന്നു?…
എനിക്ക് അങ്ങനെ ഒരാളെ കണ്ടാൽ പറയാൻ ഉള്ള കഴിവൊന്നും ഇല്ല. പ്രത്യേകിച്ച് നിങ്ങൾ സ്ത്രീകളുടെ..
ഓഹ്ഹ് എനിക്ക് 28 ആയിട്ടുള്ളു….
ഓഹ്ഹ് ഒക്കെ ഞാൻ ചുമ്മാ ചോതിച്ചതാ.
മ്മ് ഓക്കേ…
കുറച്ചു ദൂരം കൂടി കഴിഞ്ഞപ്പോൾ പിറകിൽ നിന്നും അവൾ എന്നോട് നിർത്താനായി പറഞ്ഞു. ഞാൻ നോക്കുമ്പോൾ ഒരു വീട് പോലും അവിടെ കാണാനുമില്ല ഞാൻ ചുറ്റും ഒന്ന് നിരീക്ഷിച്ചു എന്നിട്ട് ഒന്ന് ആലോചിച്ചു ഇവളെന്തിനാ ഇവിടെ നിർത്താൻ പറഞ്ഞത്.
ഇവിടെ എന്താ ഒരു വീട് പോലും കാണുന്നില്ലല്ലോ?…
ഞാൻ അവളോടായ് ഒരു സംശയത്തോടെ ചോദിച്ചു.
അത് വീട് കുറച്ചു മുകളിലോട്ട് പോണം..
അതും പറഞ്ഞു അവൾ ഒരു കാടുപ്പിടിച്ച ഒരു ഇടവഴി കാണിച്ചു തന്നു. ഞാൻ അവളെ തന്നെ നോക്കി നിന്നു എന്നിട്ടവളോടായി ചോദിച്ചു..
ഈ കാട്ടിലൂടെയോ?…
അത് കുഴപ്പമൊന്നുമില്ല ഞാൻ നടന്നു പൊക്കോളാം..
അവൾ പോകാൻ നിന്നപ്പോൾ ഞാൻ അവളെ തടഞ്ഞു.
നിക്ക് ഞാനും കൂടെ വരാം ഒറ്റക്ക് പോവണ്ട…
അയ്യോ അതൊന്നും വേണ്ട ഞാൻ സ്ഥിരം പോകുന്ന വഴി തന്നെയാ കുഴപ്പമില്ല നവി പൊയ്ക്കോ..
ഒരുപാട് ദൂരം ഉണ്ടോ ഇവിടുന്ന് വീട്ടിലേക്ക്?…
ഇല്ല ഒരു അഞ്ഞൂറ് മീറ്റർ ഉണ്ടാവും. എന്ന ശെരി ഞാൻ പോയി നീ വേഗം വീട്ടിലേക്ക് പൊക്കോ പിന്നെ താങ്ക്സ് ട്ടോ…
അവൾ എന്നോട് നന്ദി സൂചകമായി ഒന്ന് നോക്കി കോണ്ട് തലയാട്ടി.
എനിക്കവളെ അങ്ങനെ വിടുന്നതിൽ എന്തോ ഒരു മനസ് അനുവദിക്കാത്ത പോലെ പെട്ടെന്ന് ഞാൻ അവളെ വിളിച്ചു. അവൾ എന്നെ തിരിഞ്ഞു നോക്കിയതും ഞാൻ എന്റെ ബാഗിൽ നിന്നും ഒരു പേപ്പർ എടുത്ത് അതിൽ എന്റെ ഫോൺ നമ്പർ എഴുതി അവളുടെ അടുത്തേക്ക് നടന്നു എന്നിട്ട് അതവളുടെ കയ്യിൽ കൊടുത്തു.
അവൾ ഇതെന്താ എന്ന മട്ടിൽ എന്നെ തന്നെ നോക്കി നിന്നു. ഇതവൾ വേറെ ഒരു അർത്ഥത്തിൽ എടുക്കാൻ പാടില്ല ഇങ്ങനെ ഒക്കെ ആണല്ലോ പൊതുവെ ഒരു പെൺകുട്ടിയുടെ നമ്പർ കോഴികൾ മേടിക്കാറ് അതിനാൽ ഞാൻ അതങ്ങ് മാറ്റി എന്നിട്ട് എന്റെ ഒരു സ്ഥിരം പരിപാടി അങ്ങ് കാച്ചി നോക്കി..
ഇതെന്റെ നമ്പർ ആണ് നീ വീട്ടിൽ എത്തിയാൽ അപ്പൊ തന്നെ എന്നെ അറിയിക്കണം. വേറെ ഒന്നും വിചാരിക്കരുത് നിന്റെ നമ്പർ കിട്ടാൻ വേണ്ടീട്ട് ഒന്നും അല്ല വീട്ടിലെ വേറെ ആരുടേയും നമ്പറിൽ നിന്നും അറിയിച്ചാലും മതി……
ഇത്രേം പറഞ്ഞു കോണ്ട് ഞാൻ നിർത്തി എന്നിട്ട് അവളെ ഒന്ന് നോക്കി അവളുടെ പ്രതികരണം എന്താണ് എന്നറിയാൻ ഞാൻ അവളെ നോക്കി. അവൾ ആ പേപ്പർ മടക്കി നേരെ ബാഗിൽ വെച്ചിട്ട് ഞാൻ അറിയിച്ചോളാം എന്നും പറഞ്ഞു ഒന്ന് ചിരിച്ചിട്ട് തിരിച്ചു നടന്നു.
അവളുടെ നിഴൽ മാഞ്ഞു പോകുന്നവരെ ഞാൻ അവിടെ തന്നെ നിന്നു. പിന്നെ നേരെ വണ്ടി തിരിച്ചു രാത്രി ഏറെ താമസിച്ചാണ് ഞാൻ വീട്ടിലെത്തിയത്. വന്നപാടെ ഞാൻ കണ്ണനെ വിളിച്ചു ഇനി ഇന്ന് ഇറങ്ങണോ എന്ന് ചോദിച്ചു നാളെ കാണാം എന്നും പറഞ്ഞു ഞാൻ കുളിച് ഫ്രഷ് ആയി..
പെട്ടെന്നാണ് ഗായത്രിയെ പറ്റി ഞാൻ ചിന്തിച്ചത് ഫോൺ എടുത്ത് നോക്കിയപ്പോൾ ഒരു നമ്പറിൽ നിന്നും മെസ്സേജ് വന്നിട്ടുണ്ട് തുറന്നു നോക്കിയപ്പോൾ വീട്ടിൽ എത്തിയിട്ടുണ്ട് എന്ന് പറഞ്ഞു ഒരു മെസ്സേജ് ഉണ്ട് ഞാൻ അതിനു ഒരു ലൈക്‌ കൊടുത്തു ബാക്ക് അടിച്ചു. അതു വേറെ ഒന്നുംകൊണ്ടല്ല കൂടുതൽ മെസ്സേജ് അയച്ചു ഞാൻ എന്റെ തന്നെ വില കളയാൻ പാടില്ലല്ലോ. പിന്നെ നോക്കിയത് ഇത്തയുടെ മെസേജ് ആണ് എത്തിയോ എന്നൊരു മെസ്സേജ് വന്നിട്ടുണ്ട് ഞാൻ വന്നു എന്നും പറഞ്ഞു ഒരു മെസ്സേജ് അയച്ചിട്ടു.