എൻ്റെ തേർഡ് സെമസ്റ്റർ നടക്കുന്ന സമയം എനിക്കും ഉണ്ടായിരുന്നു എന്നെ ഏറെ സ്നേഹിച്ച ഒരാൾ അല്ല ഞാൻ ഏറെ സ്നേഹിച്ച ഒരാൾ…. “റാം..” എന്നായിരുന്നു അവൻ്റെ പേര്… എൻ്റെ സീനിയർ ആയിരുന്നു കക്ഷി… മാത്രവുമല്ല അവൻ്റെ അമ്മ ഞങ്ങടെ പ്രൊഫസർ ആയിരുന്നു…. ഞങ്ങടെ റിലേഷൻ ഒരാളും അറിയരുതെന്ന് അവൻ പറഞ്ഞിരുന്നു….
ഞാൻ ഈ വിവരം എല്ലാപേരിൽ നിന്നും മറച്ചു വച്ചു എൻ്റെ ബെസ്റ്റ് ഫ്രണ്ട് ആയ ടീനയിൽ നിന്ന് പോലും….. എല്ലാ പേരും കരുതിയത് ഞാൻ സിംഗിൾ ആണെന്നാണ്… അതിനാൽ അത്യാവശ്യം proposals എല്ലാം വരുമായിരുന്നു…..
അങ്ങനെ ഒരു ദിവസം ഞാൻ ടീനയുടെ വീട്ടിൽ വന്നപ്പോൾ ടീനയും ടിജോയും മാത്രമേ ഉണ്ടായിരുന്നുള്ളൂ… ഞങ്ങളും എന്നത്തേയും പോലെ തമാശകളോക്കെ പറഞ്ഞുകൊണ്ടിരുന്നു……
എന്തോ ആവശ്യത്തിന് ടീന ഒന്ന് മാറിയപ്പോൾ ടീജോ എൻ്റെ അടുത്തേക്ക് നീങ്ങി ഇരുന്നിട്ട് പറഞ്ഞു…..
“അശ്വതി….”
“എനിക്ക് നിന്നോട് ഒരു കാര്യം പറയാനുണ്ട്… ഞാൻ ഇന്ന് night നിന്നെ വിളിക്കും….”
എനിക്കെന്തോ പന്തികേട് തോന്നി….
സാധാരണ ബോയ്സിനെ പോലെ ഒലിപ്പിക്കാൻ ആണോ…. യെയ്…. അവൻ ആ ടൈപ്പ് അല്ല…..
ആ എന്താണെന്ന് നോക്കാം….
രാത്രി ഏകദേശം 10മണി ആയപ്പോ അവൻ്റെ കോൾ വന്നു…
അൽപ സമയം normal സംസാരം കഴിഞ്ഞപ്പോൾ ഞാൻ ചോദിച്ചു… എന്താ പറയാനുണ്ടെന്ന് പറഞ്ഞത്….???
കുറെ മുഖവുരയ്ക്ക് ശേഷം ഞാൻ പ്രതീക്ഷിച്ചത് പോലെ എന്നോട്… അവൻ ഇഷ്ടമാണെന്ന് പറഞ്ഞു…. ഞാൻ എൻ്റെ ചേട്ടനെ പോലെ മാത്രം കണ്ടിട്ടുള്ള അവനെ എനിക്ക് മറ്റൊരു രീതിയിൽ കാണാൻ പറ്റില്ല മാത്രവുമല്ല ഞാൻ ആൾറെഡി committed ആണെന്ന് അവനോട് പറയാനും പറ്റില്ല….
ഞാൻ പരമാവധി ഒഴിയാൻ നോക്കി… പക്ഷേ അവൻ വിട്ടില്ല… അവസാനം ഞാൻ ഒന്ന് ആലോചിക്കട്ടെ എന്ന് പറഞ്ഞു കട്ട് ചെയ്തു…. റാം വീട്ടിൽ present ചെയ്യുന്നത് വരെ ആരും അറിയരുത് എന്ന് പറഞ്ഞത് കൊണ്ട് ഞാൻ ആകെ ത്രിശങ്കു സ്വർഗത്തിലായി…
ടീനയോട് പറഞ്ഞാലോ എന്ന് ഓർത്തു… അതിനായി ഒരു ദിവസം അവളോട് ടീജോയെ പറ്റി ചോദിച്ചു…. അവള് എന്തൊക്കെയോ മറയ്ക്കുന്നതയി തോന്നി മാത്രവുമല്ല ഇവൻ കാരണമാണ് ദുബൈയിലെ ബിസിനെസ്സ് മതിയാക്കി നാട്ടിലേക്ക് വരേണ്ടി വന്നത് എന്ന് കൂടി അറിഞ്ഞപ്പോൾ എനിക്ക് ഏകദേശം ധാരണ കിട്ടി പക്ഷേ അവൻ എന്ത് പറഞ്ഞാലും പപ്പയും മമ്മിയും അതേ വിശ്വസിക്കൂ… അവൻ പരമാവധി അത് മുതലെടുക്കാറും ഉണ്ട്….
“നിനക്കൊരു കാര്യം അറിയോ…. അവൻ്റെ marriage already fixed ആണ്…..” അതും ഒരു പണച്ചാക്ക്….. അവൾ ചിരിച്ചു കൂട്ടത്തിൽ ഞാനും… അപ്പോ ഇനി അവനുമായുള്ള സമ്പർക്കം പരമാവധി ഒഴിവാക്കാൻ തീരുമാനിച്ചു… അതുകൊണ്ട് തന്നെ ഞാൻ ടീനയുടെ വീട്ടിലേക്ക് പോകാതെ ആയി….. പക്ഷേ ടിജോ പലപ്പോഴായി വിളിച്ചുകൊണ്ടേ ഇരുന്നു…. ഒരു ദിവസം ഞാൻ അവനോട് ഈ കല്യാണത്തിൻ്റെ കാര്യം ചോദിച്ചു.. അവൻ കുറെ സെൻ്റി അടിച്ചു… അവനു ആ പെണ്ണുമായി മാനസികമായി പൊരുത്തപ്പെടാൻ പറ്റില്ല എന്നൊക്കെ ഉള്ള പറഞ്ഞു സ്ഥിരം ഡയലോഗ്….. പിന്നെ പിന്നെ അവൻ ഒരു ശല്യമായി മാറി.. ഒരിക്കൽ ഞാൻ റാമിനോട് ഇവനെ പറ്റി പറഞ്ഞു… അവൻ ഇത് ഒട്ടും serious ആയി എടുത്തില്ല മാത്രവുമല്ല എന്നെ ഇവനെ വച്ച് ഇടക്കിടക്ക് കളിയാക്കാനും തുടങ്ങി… അതുകൊണ്ട് ഞാൻ പിന്നീടുള്ള കാര്യങ്ങൾ അവനോടു പറയാതെ ആയി…. പക്ഷേ ശല്ല്യം സഹിക്കാതെ വന്നാൽ നമ്മുടെ റിലേഷനെ പറ്റി പറയാൻ അവൻ സമ്മതിച്ചു….
അങ്ങനെ ഒരു ക്രിസ്തുമസ് കാലം…
ടീനക്ക് സ്കൂട്ടർ ആക്സിഡൻ്റ് ആയി… കാലിൽ fracture ഉണ്ടായിരുന്നു…. ഞാനും ഫ്രണ്ട്സും അവളെ ഹോസ്പിറ്റലിൽ പോയി കണ്ടു… അന്നാണ് കുറെ കാലത്തിനു ശേഷം ടിജോയേ ഞാൻ കണ്ടത്…. അതുകഴിഞ്ഞ് 1week കഴിഞ്ഞായിരുന്നു ക്രിസ്തുമസ്…
ടീന ക്രിസ്തുമസിന് എന്നെ അവരുടെ വീട്ടിലേക്ക് ക്ഷണിച്ചു…. എൻ്റെ വേറെ രണ്ടു ഫ്രണ്ട്സിനെ കൂടി അവള് invite ചെയ്തിട്ടുണ്ടായിരുന്നു… അതുകൊണ്ട് തന്നെ എനിക്ക് അവിടെ പോകാൻ ഒരു പ്രശ്നവും തോന്നിയില്ല…. ഞങ്ങൾ രാവിലെ ഒരു 11 മണിക്ക് എത്തി… ടിജോയെ അവിടെ ഒന്നും കണ്ടില്ല അതുകൊണ്ട് ഞങ്ങൾ എല്ലാപേരും കൂടി ഒരു മേളം തന്നെ ആയിരുന്നു…. ടിജോ അവിടെ ഇല്ലെന്നും 2 days ആയി ബാംഗ്ലൂർ ആണെന്നും കൂടി അറിഞ്ഞപ്പോൾ ഞങ്ങടെ സ്വർഗമായി മാറി ടീനയുടെ വീട് …