എനിക്ക് സ്വയം നിയന്ത്രിക്കാൻ കഴിയുന്നില്ല ഞാൻ യാന്ത്രികമായി താഴെ ഇറങ്ങി എൻ്റെ Activa എടുത്ത് എങ്ങോട്ടെന്നില്ലാതെ ഓടിച്ചു…. കണ്ണുനീര് കാരണം പലപ്പോഴും ഒന്നും കാണാൻ പറ്റുന്നില്ല…വണ്ടി ഇങ്ങോട്ടേക്കോ പോകുന്നു…
എന്തോ തകർന്നു വീഴുന്ന പോലൊരു സൗണ്ടോടുകൂടി ഞാൻ വീണു…. ഒന്നും കാണാൻ പറ്റുന്നില്ല … മുഴുവൻ ഇരുട്ട്…. എന്തൊക്കയോ കണ്ണിനു മുന്നിൽ മിന്നി മാഞ്ഞു… എൻ്റെ ബോധം പോയി…..കുറച്ചു സമയത്തിനപ്പുറം പതിയെ കണ്ണ് തുറന്നപ്പോൾ നിറ കണ്ണുമായി അമ്മ മുന്നിൽ നില്കുന്നു…
“അ…..മ്മ്മ്മ…….മ്മേ….” ഇടറിയ ശബ്ദത്തോടെ ഞാൻ മെല്ലെ വിളിച്ചു…..
ഈ വിളി കേട്ടതും അമ്മ എന്നെ കെട്ടിപ്പിടിച്ച് കരയാൻ തുടങ്ങി കൂടെ എൻ്റെ അനിയത്തിയും അമ്മ കെട്ടിപിടിച്ചപ്പോൾ ശരീരം നല്ല വേദന ഉണ്ടായിരുന്നു പക്ഷേ അതിലേറെ വേദന മനസ്സിന് ആയിരുന്നു…..
ഇവർ എന്തെങ്കിലും അറിഞ്ഞു കാണുമോ…???
ഞാൻ പതിയെ അമ്മയോട് ചോദിച്ചു…
“അമ്മേ എനിക്ക് എന്താ പറ്റിയെ….”
ആ കരച്ചിലിന് ഇടയിൽ ചിരിച്ചു കൊണ്ട് അച്ഛനെ വിളിച്ചു എന്നെ കളിയാക്കി കൊണ്ട് പറഞ്ഞു… അവൾക്ക് പോലും മനസിലായില്ല എന്താ സംഭവിച്ചത് എന്ന്…
മോനെ ഇങ്ങു വന്നേ… അമ്മ റൂമിൻ്റെ പുറത്തേക്ക് നോക്കി വിളിച്ചു… ഒരു 20 വയസ്സ് തോന്നിക്കുന്ന ഒരു പാവം പയ്യൻ കേറി വന്നു…
“ഇതാരാ….”
“മോനെ നീ തന്നെ പറഞ്ഞോ….”
“ചേച്ചീ സോറി…. ഞാൻ അറിഞ്ഞൊണ്ടല്ല…”
എനിക്കൊന്നും മനസിലായില്ല
“ഞാൻ രാവിലെ പത്രകെട്ട് എടുത്തോണ്ട് നിന്നപ്പോ എൻ്റെ അടുത്ത് ഒരു പട്ടി വന്നു…” “ഞാൻ ഒരു കല്ലെടുത്ത് എറിഞ്ഞു… ആ പട്ടി തിരിഞ്ഞു ഓടി വന്നു ചാടിയത് ചേച്ചിയുടെ വണ്ടിയുടെ മുന്നിലാ… “
“അറിഞ്ഞൊണ്ടല്ല.. സോറി ചേച്ചി….”
“ആ പോട്ടെ മോനെ.. ഭാഗ്യത്തിന് ഒന്നും സംഭവിച്ചില്ലല്ലോ….അവിടവിടെ കുഞ്ഞു മുറിവ് ഉള്ളൂ… ദൈവം കാത്തു….” അമ്മ പറഞ്ഞു …
“അപ്പോ ആരും ഒന്നും അറിഞ്ഞിട്ടില്ല…. എനിക്ക് അല്പം ആശ്വാസമായി… പക്ഷേ എൻ്റെ ഉള്ളിലെ അഗ്നിപർവ്വതം പോട്ടത്തിരിക്കാൻ ഞാൻ പരമാവധി ശ്രദ്ധിക്കുന്നുണ്ടായിരുന്നു….
എനിക്കൊന്നു കരയാൻ പോലും പറ്റുന്നില്ലല്ലോ…… എന്തൊരു അവസ്ഥയാണിത്… ലോകത്ത് ഒരാൾക്കും ഇങ്ങനെ ഒരു അവസ്ഥ ഉണ്ടാക്കരുതേ…
അല്പസമയം കഴിഞ്ഞപ്പോൾ ടീനയുടെ പപ്പയും മമ്മിയും വന്നു… എനിക്ക് എന്തോ അവരോട് പോലും വെറുപ്പ് തോന്നി…. പക്ഷേ അത് പോലും എനിക്ക് കാണിക്കാൻ പറ്റുന്നില്ല…..
“എന്തിനാ മോളേ ഇത്ര രാവിലെ പോയത് നേരം വെളുത്തിട്ട് പോയാൽ പൊരാരുന്നോ….”
എല്ലാപേരും ഉള്ളത് കൊണ്ട് എനിക്ക് അവരുടെ ചോദ്യം അവഗണിക്കാൻ സാധിച്ചില്ല…
” പെട്ടെന്ന് അമ്മയെ കാണാൻ തോന്നി അതാ… മമ്മി……Sorry….”
അമ്മയുടെ മുഖത്ത് ഒരു പുഞ്ചിരി തെളിഞ്ഞു…. പാവം…
24 മണിക്കൂർ observation കഴിഞ്ഞു പിറ്റേന്നു വീട്ടിൽ എത്തി… ഈ accident ഒരു കണക്കിന് അനുഗ്രഹമായി അല്ലെങ്കിൽ ശരീരത്തിലെ അടയാളങ്ങൾ എല്ലാം ചിലപ്പോ എല്ലാപേരും കണ്ടേനെ ഞാൻ എന്ത് പറയുമായിരുന്നു…..???
അങ്ങനെ കുറച്ചു ദിവസങ്ങൾക്കകം ശരീരത്തിന് പുറത്തുള്ള മുറിവുകൾ ഉണങ്ങി…. പക്ഷേ ഉള്ളിലുള്ള മുറിവുകൾ കൂടി വന്നു….. ദിവസങ്ങൾ കഴിയും തോറും എൻ്റെ അവസ്ഥ മോശമായികൊണ്ടിരുന്നു… എനിക്ക് എന്നെ കൺട്രോൾ ചെയ്യാൻ സാധിക്കുന്നില്ല… എനിക്ക് എല്ലാപേരോടും ദേഷ്യമായി… ഓരോ ചെറിയ കാര്യത്തിന് പോലും ഞാൻ ഭയങ്കരമായി ദേഷ്യപെടും…. എൻ്റെ അനിയത്തിയെ ഒരു ചെറിയ കാര്യത്തിന് ആദ്യമായി തല്ലി….. അവളുടെ കരച്ചിൽ കണ്ട് എനിക്ക് പോലും സഹിച്ചില്ല….
റാം ഒരുപാട് തവണ വിളിച്ചു… പക്ഷേ എനിക്ക് അവനെ ഫേസ് ചെയ്യാൻ ബുദ്ധിമുട്ട് ആയത്കൊണ്ട് അവനെ ഞാൻ പൂർണമായും avoid ചെയ്തു… എനിക്ക് പ്രേമം, സ്നേഹം എന്നു കേൾക്കുമ്പോഴേക്കും ഭയങ്കര ദേഷ്യമായി
അമ്മയും അച്ഛനും പലതവണ എന്നോട് ചോദിച്ചു എന്താണ് പറ്റിയെന്ന്… അവരോട് ഓരോന്ന് പറഞ്ഞു ഒഴിവായി…. ഞാൻ ഇതിന് മുൻപ് അവരോട് ദേഷ്യപെട്ടിട്ടെ ഇല്ല…. പ്രത്യേകിച്ച് അമ്മയോട്.. ഇപ്പൊൾ അമ്മയെ കാണുമ്പോ തന്നെ ഞാൻ എഴുന്നേറ്റ് പോകും…. പക്ഷേ അത് ഒരു മറയായിരുന്നു, എനിക്ക് അമ്മയെ ഫേസ് ചെയ്യാതെ ഇരിക്കാൻ….
ഒരു ദിവസം രാവിലെ അമ്മ എൻ്റെ റൂമിൽ വന്നു ഞാൻ കിടക്കുകയായിരുന്നു…. അമ്മയെ കണ്ടതും ഞാൻ തിരിഞ്ഞു കിടന്നു…. അമ്മ ബെഡിൽ ഇരുന്ന് കൊണ്ട് എന്നോട് പറഞ്ഞു….
“മോളെ… മോൾക്ക് അമ്മയെ ഇപ്പൊൾ ഇഷ്ടമല്ലെന്ന് അമ്മയ്ക്ക് അറിയാം അതുകൊണ്ട് ഞാൻ ഇന്ന് കുടുംബ വീട്ടിലേക്ക് പോകുന്നു… മോൾ സന്തോഷമായിരിക്ക് എൻ്റെ മോളുടെ സന്തോഷമാണ് എൻ്റെ സന്തോഷം….” ആ വാക്കുകൾ ഒരു അസ്ത്രമായി എന്നിൽ തറച്ചു… ഈ ലോകത്ത് ഞാൻ ഏറ്റവും കൂടുതൽ സ്നേഹിക്കുന്നത് അമ്മയെ ആണ്….
ആ അമ്മ എന്നിൽ നിന്ന് അകന്നാൽ പിന്നെ ഈ ലോകത്ത് വേറെ ആരുമില്ല…
എനിക്ക് സഹിക്കാൻ പറ്റിയില്ല ഞാൻ അമ്മയെ കെട്ടിപ്പിടിച്ച് കരയാൻ തുടങ്ങി…
“അമ്മ സോറി അമ്മ….” പൊട്ടി കരഞ്ഞു…..ഒരുപാട് മാപ്പ് പറഞ്ഞു… അമ്മയും കരഞ്ഞു…
അന്നു മുതൽ ഞാൻ മാറാൻ ശ്രമിച്ചു….
അന്നത്തെ സംഭവം നടന്നപ്പോൾ സേഫ് പിരീഡ് ആയിരുന്നത് കൊണ്ടാണോ അതോ അവനു കഴിവില്ലാത്തത്… കൊണ്ടാണോ എന്നറിയില്ല ഭാഗ്യത്തിന് ഞാൻ pregnant ആയില്ല….
അതിനു ശേഷം ഞാൻ ടീനയെയും അവരുടെ full ഫാമിലിയും block ചെയ്തു….. പതിയെ എൻ്റെ പഴയ ജീവിതത്തിലേക്ക് തിരികെ വന്നുകൊണ്ടിരിക്കുന്ന സമയം…. ഒരു unknown നമ്പറിൽ നിന്ന് എനിക്ക് ഒരു കോൾ വന്നു… അറ്റൻഡ് ചെയ്തു…
ഹായ് ആഷ്…..
ടിജോ….. അവനാണ് എന്നെ അങ്ങനെ വിളിക്കുന്നത് ഞാൻ തകർന്ന് പോയി… എനിക്ക് അവനോട് ദേഷ്യമല്ല തോന്നിയത്… വെറുപ്പ്……വെറുപ്പ് മാത്രം….
“എനിക്ക് നിന്നെ കാണണം…”
“ഇല്ല ഇനി നമ്മൾ കാണില്ല… ”
“അത് ഞാനാണ് തീരുമാനിക്കുന്നത്… നീ ആദ്യം എൻ്റെ WhatsApp ബ്ലോക്ക് മാറ്റ് എനിക്ക് ഒരു കാര്യം പറയാനുണ്ട് ..”
“എനിക്ക് കേൾക്കേണ്ട …”
നീ aa block മാറ്റിയിട്ട് ഒരു മെസ്സേജ് മാത്രം നോക്കിയിട്ട് വേണേൽ ബ്ലോക്ക് ചെയ്തോ…
“എൻ്റെ നെഞ്ചൊന്ന് പിടഞ്ഞു….
ഞാൻ WhatsApp unblock ചെയ്തു….
ടിങ്….
ഞാൻ മെസേജ് ഓപൺ ആക്കി… ഞാൻ പേടിച്ചത് തന്നെ സംഭവിച്ചിരിക്കുന്നു…. അന്നു എന്താണോ നടന്നത് അത് എല്ലാം അവൻ റെക്കോർഡ് ചെയ്തിട്ടുണ്ട്… അതും നല്ല ക്ലിയർ ആയി…. അതിൽ ഇടയ്ക്കൊക്കെ ഞാൻ ഇടയ്ക്കൊക്കെ കണ്ണ് തുറക്കുന്നുണ്ട്….
ഞാൻ മരവിച്ച് ഇരുന്നു…. ഇനി ഇതിൽ നിന്ന് എനിക്കൊരു മോചനം ഇല്ല…. ഒറ്റ ദിവസം കൊണ്ട് ഞാൻ കണ്ട സ്വപ്നങ്ങൾ…. ഞാൻ ആഗ്രഹിച്ച ജീവിതം… കുടുംബം… എല്ലാം നശിച്ചു…. ഒരു പെണ്ണിൻ്റെ അനുവാദമില്ലാതെ അവൾക്ക് വിലപെട്ടതെല്ലാം ഒരാൾ കവർന്നെടുത്തിരിക്കുന്നു…. ഏതാനും നിമിഷങ്ങൾ കൊണ്ട് എൻ്റെ ജീവിതം ഇരുട്ടിലേക്ക് തള്ളി വിട്ടിരിക്കുന്നു…. എൻ്റെ കണ്ണിൽ നിന്നും കുടു കുടാ വെള്ളം വന്നുകൊണ്ടിരുന്നു …. ഉടനെ വാട്ട്സ്ആപ്പിൽ അവൻ്റെ കോൾ….. ഞാൻ വിറയ്ക്കുന്ന കൈകൾ കൊണ്ട് അറ്റൻഡ് ചെയ്തു….
