🏹🏹വേട്ടക്കാരികള്‍ – 4🏹🏹 21അടിപൊളി  

“……അവള്‍ കുളിക്കാന്‍ കയറാന്‍ നേരത്ത് കുറെ വിളിച്ചതാണ്…കുളി കഴിഞ്ഞു വന്നിട്ടും വാതില്‍ തുറന്നിട്ടില്ലെന്നു കണ്ടപ്പോ നല്ലപോലെ പേടിച്ചു കാണും..!!”

ചേച്ചിയുടെ കലിതുള്ളലിന്റെ കാരണം വ്യക്തമാക്കിക്കൊണ്ട് മമ്മി ചിരിച്ചു.

“ഞ…ഞാന്‍ അറിഞ്ഞില്ല…!!”

“ഞാന്‍ പറഞ്ഞതാ വിളിക്കണ്ടാ ക്ഷീണമുണ്ടാവും…ഉറങ്ങിക്കോട്ടേന്ന്….കേക്കണ്ടേ..!!”

അതുപറയുമ്പോ ആ ചിരിയ്ക്കൊരു ഭാവമാറ്റം വന്നപോലെ എനിക്ക് തോന്നി. ഈശ്വരാ…രാത്രിയില്‍ ബാത്ത്രൂമീന്ന്‍ കാണിച്ചു കൂട്ടിയതൊക്കെ ഇവരറിഞ്ഞോ..? ക്ഷീണമുണ്ടാവുമെന്ന്‍ പിന്നെങ്ങനെ മനസ്സിലായി..!

“ഞാന്‍ ഫ്രെഷായി വരട്ടെ..!!”

ആ സാമീപ്യത്തുനിന്നും രക്ഷപ്പെടാനുള്ള ത്വരയോടെ ഞാന്‍ വേഗം തിരിഞ്ഞു.

“വീണ്ടും പോയി കിടക്കല്ലേ….അവളിപ്പോ റെഡിയായി വരും..!!”

പിന്നില്‍ നിന്നും ഒരു കളിയാക്കുന്ന ചിരിയോടെ മമ്മിയുടെ മുന്നറിയിപ്പ് കേട്ടു.

അതിനു മറുപടി കൊടുക്കാതെ വേഗം മുറിയിലേക്ക് നടന്നു.

പ്രഭാതകൃത്യങ്ങളെല്ലാം കഴിഞ്ഞുവരുമ്പോഴേക്കും ചേച്ചി എന്നെയും കാത്തെന്നപോലെ ഡൈനിങ്ങ്‌ ടേബിളില്‍ ഇരിപ്പുണ്ട്.

ഞാനൊരു പരുങ്ങലോടെ ചിരിച്ചു.

“വാ..ഇവിടെ ഇരി..!!”

മനോഹരമായൊരു പുഞ്ചിരിയോടെ അവള്‍ തൊട്ടടുത്ത ചെയര്‍ തൊട്ടുകാണിച്ചു.

“വല്ലാണ്ടങ്ങ് ഉറങ്ങിപ്പോയി..!!”

വളിച്ച ചിരിയോടെ പറഞ്ഞുകൊണ്ട് ഞാനാ ചെയറില്‍ ഇരുന്നു.

“കാലത്തെ തന്നെ കുഞ്ഞിനെ വഴക്കും പറഞ്ഞ്…!!”

ചേച്ചിയെ കുറ്റപ്പെടുത്തുന്ന പോലെ ചിരിച്ചുകൊണ്ട് മമ്മി ഭക്ഷണം കൊണ്ടുവച്ചു.

“ഓഹ് …അതൊന്നും സാരമില്ല…അല്ലേടാ..!!”

ചേച്ചി കൂളായി ചിരിച്ചുകൊണ്ട് എന്റെ തോളില്‍ പയ്യെ തട്ടി.

ആ ദേഷ്യം മാറിയതിന്റെ സന്തോഷത്തില്‍ ഞാനും നിസ്സാരഭാവത്തില്‍ ചിരിച്ചു.

“അല്ലെങ്കിലും അടിച്ചു കഴിഞ്ഞു തലോടാന്‍ ഇവള്‍ക്ക് നല്ല മിടുക്കാ..!!

ഒരു ചിരിയോടെ പറഞ്ഞുകൊണ്ട് മമ്മിയും ഒപ്പമിരുന്നു.

ഇന്ന് മുതല്‍ ഡ്രൈവിംഗ് പഠിക്കാനുള്ളതാണ്. ചേച്ചി ഇല്ലാത്തതുകൊണ്ട് മമ്മി തന്നെയാവും ഒപ്പമുണ്ടാവുക. അപ്പോഴൊക്കെ അവരെ എങ്ങനെ ഫേസ് ചെയ്യുമെന്ന ചമ്മലും അസ്വസ്ഥതയുമൊക്കെ മനസ്സില്‍ തിങ്ങി നില്‍പ്പുണ്ടായിരുന്നു.

എന്നാല്‍ തമാശ പറഞ്ഞും ചിരിച്ചുംകളിച്ചുമൊക്കെ കഴിപ്പ്‌ തുടരുന്നതിനൊപ്പം‍ ആ പ്രശ്നങ്ങളൊക്കെ കുറേശ്ശെ മാറിത്തുടങ്ങി. അവരാണെങ്കില്‍ ഇന്നലെ അങ്ങനൊരു രാത്രിപോലും ഉണ്ടായിരുന്നില്ല എന്ന മട്ടിലാണ് പെരുമാറുന്നതും.! മനസ്സില്‍ ഇപ്പോഴും ചെറിയൊരു കുറ്റബോധമൊക്കെ ബാക്കിയുണ്ടെങ്കിലും അവരുടെ ആ സമീപനം അതില്‍ നിന്നൊക്കെ ആശ്വാസമേകി.

“ഡാ… നല്ലോണം ശ്രദ്ധിച്ച് വേഗം പഠിച്ചോണം കേട്ടല്ലോ….!”

കാറിലേക്ക് കയറാന്‍ നേരം ചേച്ചി ഒരു തമാശപോലെ ആശംസിച്ചു.

ഞാന്‍ സന്തോഷത്തോടെ തലയാട്ടി. അവള്‍ സ്കൂട്ടറിലാണ് രണ്ടു കിലോമീറ്റര്‍ അകലെയുള്ള മെയിന്‍ റോഡ്‌ വരെ പോകാറ് പതിവ്. അവിടെ അവളുടെ ഒരു കൂട്ടുകാരിയുടെ വീടുണ്ട്. വണ്ടി അവിടെ വച്ചിട്ട് അവിടുന്ന് രണ്ടുപേരും ബസ്സില്‍ കോളേജിലേക്ക് പോകും.

ഇന്നിപ്പോ മമ്മിയാണ് അവളെ കാറില്‍ അവിടെവരെ ആക്കിക്കൊടുക്കുന്നത്. എന്റെ പഠനം കഴിയുന്നത്‌ വരെ അതങ്ങനെ തന്നെയായിരിക്കും.

“പെട്ടെന്ന് വരാം കേട്ടോ…!!”

ഡ്രൈവിംഗ് സീറ്റിലേക്ക് കയറിക്കൊണ്ട്‌ മമ്മി പറഞ്ഞു.

ഞാന്‍ തലയാട്ടി.

“ബൈ ബൈ..!!!”

ചേച്ചി സ്നേഹം നിറഞ്ഞ ചിരിയോടെ കൈവീശി. ഞാന്‍ തിരിച്ചും.

കാര്‍ ഗേറ്റ് കടന്നു പോയതോടെ ഞാന്‍ ഉമ്മറവാതിലടച്ച് ടീവി കാണാനിരുന്നു. മമ്മി വരുന്നതുവരെ വേറൊന്നും ചെയ്യാനില്ല.

സ്റ്റാര്‍ മൂവീസില്‍ ഏതോ ഒരു ആക്ഷന്‍ പടം ഓടുന്നുണ്ട്. എന്നാലത് തന്നെ കാണാമെന്നു കരുതി റിമോട്ട് മാറ്റിവച്ച് സോഫയില്‍ വിസ്തരിച്ചങ്ങിരുന്നു. അഞ്ച് മിനിറ്റ് കഴിഞ്ഞില്ല കോളിംഗ് ബെല്‍ മുഴങ്ങാന്‍ തുടങ്ങി.

മമ്മി വരാനുള്ള സമയമായിട്ടില്ല. പിന്നെ ആരാ..! ഇനി ഇത്തയെങ്ങാനും..!

ആ ചിന്ത വന്നതേ അരക്കെട്ടില്‍ അനക്കം വന്നുതുടങ്ങിയിരുന്നു. ആവേശത്തോടെ ഞാന്‍ വാതില്‍ തുറന്നു.