👩🏻‍🍳അടുക്കളയിൽ നിന്ന് ബെഡ്‌റൂമിലേക്ക്👩🏻‍🍳 2അടിപൊളി  

“ഏട്ടാ….. എനിക്ക് വേദന എടുക്കുന്നു.ഇത്രയും സാധനം പുറത്തിട്ടപ്പോ തന്നെ എനിക്ക് വയ്യാതായി.”

“എന്ത് ചെയ്യാനാ..ഇതും കൂടി അല്ലേ ഉള്ളു നീ പിടിക്ക്.”

“ഏട്ടാ… നിങ്ങള് പറഞ്ഞ ആ ബീഹാറി പയ്യൻ എവിടെ ”

“അവൻ പുറപ്പെട്ടുണ്ടെന്നാ പറഞ്ഞേ… അവൻ വരുന്ന വരെ കാത്തിരിക്കാൻ പറ്റില്ല ആ ലോറിക്കാര് ഇപ്പോ വരും.”

“ഈ കട്ടില് പൊന്തിക്കാൻ എനിക്ക് വയ്യ ഏട്ടാ….”

ടിങ് ടോങ്

“ഇതാരാവോ ”

“ഞാൻ നോക്കാം”

രമേശ് വാതിലിനടുത്തെത്തിയപ്പോൾ

“ചേട്ടാ… രമേശ് ആണോ….?”

“അതേ… ജയ്പാൽ ആണോ..? ”

“അതേ ഞാൻ ഞാൻ തന്നെ”

“ആ.. നീ വന്നെതെന്തായാലും നന്നായി ഇതൊക്കെ ഞങ്ങള് പിടിച്ചിട്ടതാ.. ഇനി കുറച്ചു അകത്തുണ്ട് നീ വാ..”

“ശരി ചേട്ടാ…”

ജയ്പാൽ തന്റെ ബാഗ് എടുത്ത് ഒരു ഭാഗത്ത്‌ കൊണ്ടുവച്ച് രമേശിന് പിന്നാലെ നടന്നു.ഒരു മുറിയിൽ എത്തിയതും ഒരു സ്ത്രീയേയും കുട്ടിയേയും അവൻ അവിടെ കണ്ടു.

“എടാ.. ജയ്പാൽ ഇതാണ് എന്റെ ഭാര്യ ദിവ്യ പിന്നെ ഇതെന്റെ മകൻ ദ്രുവ്. ഞങ്ങൾ ഇവനെ ദീപു എന്ന് വിളിക്കും ”

ദിവ്യ ജയ്പാലിനെ നോക്കി ചിരിച്ച ശേഷം.ദിവ്യ രമേശിനോട് പറഞ്ഞു.

“ജയ്പാൽ എന്നല്ലേ നിന്റെ പേര്”

“അതേ”

“എത്ര വയസ്സായി നിനക്ക്”

“ഇരുപത്തി രണ്ട് ”

“ആ.. ജയ്പാൽ ഈ കിടക്ക എടുത്ത് പുറത്തിടണം. നീ വരാൻ വൈകിയതു കൊണ്ട് കുറേ സാധങ്ങളൊക്കെ ഞങ്ങള് തന്നെ പുറത്തിട്ടു ”

അവൻ വരാൻ വൈകിയതിന്റെ നീരസ്സം അവൾക്കുണ്ടായിരുന്നു.അവരൊക്കെ കൂടി ആ കട്ടിൽ പിടിച്ചു പുറത്തിട്ടു.പിന്നീട് അവർ പറഞ്ഞതനുസരിച്ച് അടുക്കളയിലെ പാത്രങ്ങളും മറ്റും അവൻ പുറത്തു കൊണ്ടു വച്ചു.ആ ലോറിയിൽ വന്ന യൂണിയൻക്കാരും അവനും അതൊക്കെ എടുത്ത് ലോറിയിൽ കയറ്റി വച്ച് ആ ലോറിയിൽ അവനും കയറി പുതിയ വാടക വീട്ടിലേക്ക് പുറപ്പെട്ടു.അങ്ങനെ ആ ലോറി പുതിയ വീട്ടിൽ എത്തിയതും കിടക്കയും ടിവിയും സോഫയും മറ്റും അവനും യൂണിയൻക്കാരും പിടിച്ച് വീടിനുള്ളിലേക്ക് കയറ്റി വച്ച്.യൂണിയൻകാരും ലോറിക്കാരും പൈസ വാങ്ങിച്ച് യാത്രയായി.രമേശും ദിവ്യയും അവരുടെ മോനും ജയ്പാലും അവിടെ ബാക്കിയായി.അടുക്കളോട് ചേർന്ന് ഒരു റൂമും കൂടി മൊത്തം മൂന്ന് റൂമും പിന്നെ അടുക്കളയും രണ്ട് അറ്റാച്ച്ഡ് ബാത്ത്റൂമും ഒരു വലിയ ഹാളും ഉള്ള ഒരു വീടായിരുന്നു അത്. അടുക്കയോട് ചേർന്ന റൂം ജയ്പാലിന് കൊടുത്ത് ഹാളിനോട്‌ ചേർന്ന ഒരു റൂം അവരുടെ മകനും മറ്റേ റൂമിൽ അവരും കിടന്നു.

“ആ ചെക്കൻ കൊഴപ്പല്ലാലെ…. ദിവ്യ ”

“ആ ഏട്ടാ കൊഴപ്പം ഒന്നും ഇല്ല.ഇന്നത്തെ പണിയൊക്കെ നന്നായി എടുത്തിട്ടുണ്ട്. രാത്രി വച്ച ഭക്ഷണവും നന്നായിട്ടുണ്ട്.എന്നെ അനാവശ്യമായിട്ട് നോക്കീട്ടൊന്നും ഇല്ല. വായ നോക്കിയല്ല.”

“അതിന് നിന്നെ ആര് നോക്കാനാ.. ഹഹഹഹ ”

“ഏട്ടാ… കാര്യം പറയുമ്പോ തമാശ പറയല്ലേ.. അന്യനാട്ടീന്ന് വന്ന ഒരുത്തനെ വീട്ടിൽ പണിക്കു നിർത്തിയത് തന്നെ ചേട്ടൻ ഇവിടെ ഉള്ളതു കൊണ്ടാ..എന്തെങ്കിലും മോശമായിട്ട് പറഞ്ഞാലോ കാണിച്ചാലോ ഒരാഴ്ച കാക്കില്ല അപ്പോൾ തന്നെ പറഞ്ഞു വിടും.”

“ആ.. ശരി.”

“ഏട്ടാ… ഏട്ടൻ വേറെ ജോലിക്കാരത്തികളെ നോക്കുന്നില്ലേ”

“കിട്ടണ്ടേ മോളെ. പിന്നെ തപ്പി പിടിച്ച് ഓരോരുത്തരേ കിട്ടുമ്പോൾ ഒടുക്കത്തെ റേയ്റ്റാ പറയുന്നേ… ഞാൻ നിന്നോട് ഒരു കാര്യം പറയട്ടേ നീ ചൂടാവരുത് ”

“ആദ്യം കാര്യം പറ. എന്നിട്ട് ചുടാവാണോ വേണ്ടയോ എന്ന് തീരുമാനിക്കാം”

“എടീ… കൊഴപ്പല്യാച്ചാ ഇവനെ തന്നെ സ്ഥിരായിട്ട് പണിക്ക് വച്ചാലോ..”

“ഏട്ടാ…….!!! എന്ത് വിശ്വസിച്ചിട്ടാ ഈ ആണൊരുത്തനെ സ്ഥിരായിട്ട് പണിക്ക് വക്കാ..”

“എടീ.. നീ ഒരാഴ്ച അവന്റെ സ്വഭാവം നോക്ക് നല്ലതാണെങ്കിൽ മതി.അല്ലെങ്കില് പറഞ്ഞു വിടാം”

“ഒരാഴ്ച്ച കൊണ്ട് എങ്ങനെ ഒരാളെ മനസ്സിലാക്കാനാ ഏട്ടാ…”

“നീ ഒന്ന് കിടന്നുറങ്ങിയേ… നിന്നോട് സംസാരിച്ചിട്ട് കാര്യമില്ല.ശരി ഗുഡ് നൈറ്റ്‌”

“ആ.. ഗുഡ് നൈറ്റ്‌”

രണ്ടു പേരും രണ്ടറ്റത്തായി കിടന്നുറങ്ങി.

മൊബൈലിൽ നിന്ന് വന്ന അലാറം ടൂൺ കേട്ടാണ് ജയ്പാൽ രാവിലെ എണീറ്റത്.ശീലമില്ലാതെ എന്തിനാണ് അലാറം ഇപ്പോൾ അടിച്ചതെന്ന് ഓർമ വന്നെങ്കിലും ദിവ്യ ചേച്ചി ഇന്നലെ 6 മണിക്ക് എണീക്കണം എന്ന് പറഞ്ഞതുകൊണ്ടാണ് താൻ അലാറം വച്ചതെന്ന് അവന് അപ്പോൾ ഓർമ വന്നു.വേഗം തന്നെ ബ്രഷ് ചെയ്ത് കുളിച്ച് അന്നത്തെ രാവിലത്തെ പലഹാരവും കറിയും എല്ലാം ഉണ്ടാക്കി കഴിഞ്ഞ് ചായ വക്കാൻ നേരത്താണ് അവരാരും എണീറ്റിട്ടില്ല എന്ന് മനസ്സിലാക്കിയത്.തൽക്കാലത്തേക്ക് അവർ ഉണർന്നിട്ട് ചായ ഇടാം എന്ന് കരുതി അവൻ വീടിനു പുറത്തിറങ്ങി. പ്രകൃതിയെ നോക്കി നടന്നു ചുറ്റും ചെടികളും മരങ്ങളും തിങ്ങി നിറഞ്ഞു നിൽക്കുന്നുണ്ട്.