💑ജസ്റ്റ്‌ മാരീഡ് – 1💑അടിപൊളി  

“മോനേ.. എനിക്കീ ജീവിതത്തിൽ ഒരാഗ്രഹമേ ഉള്ളു. നിന്റെ കല്യാണം. ദാ.. നോക്കിയേ…നല്ല കൊച്ചാ മോനേ.. നിനക്ക് ഇഷ്ടവും.

“അമ്മ.. കോമഡി പറയല്ലേ അമ്മ. ഈ കല്യാണം പോയാൽ വേറെ കല്യാണം വരും. നിങ്ങൾ ആ പെണ്ണിനെ ആശ്വസിപ്പിക്കാൻ നോക്ക്. അല്ലാതെ ആരെയെങ്കിലും കൊണ്ട് കെട്ടിക്കാൻ നോക്കാതെ.

ഞങ്ങളുടെ സംസാരം നടക്കുന്ന സമയം അവിടേക്ക് അമ്മയുടെ സുഹൃത്ത് രാധിക വന്നു. അമ്മയുടെ അതെ വയസ്സാണെങ്കിലും മുഖത്ത് നല്ല ക്ഷീണമുണ്ട്. ആഹ്.. ഒരു കരച്ചിൽ ഇപ്പോൾ നടന്നു കാണും.

രാധിക :-എന്താ ശ്രീ.. മോൻ കലിപ്പിലാണോ…? മോൻ പേടിക്കണ്ട…അവൾക് യോഗമില്ലെന്ന് കരുതികൊള്ളാം. എന്തായാലും കുറച്ച് പേരെ കല്യാണത്തിന് വരുള്ളൂ. അത് കൊണ്ട് നാണക്കേട് കുറഞ്ഞു കിട്ടി.

അവരുടെ ശബ്ദത്തിൽ നിന്ന് തന്നെ അവരുടെ മനസ് എത്രത്തോളം കലങ്ങി ഇരിക്കുകയാണെന്ന് മനസിലാക്കാം. അതും പറഞ്ഞു ആ അമ്മ അവിടെ നിന്നും പോയി.

“ടാ.. കാരുണ്യം കാണിക്കുന്നു എന്ന തോന്നൽ ഒന്നും വേണ്ട. അവൾ നല്ല കുട്ടിയ. നിനക്ക് ചേരുമെന്ന് തോന്നി. ഏതോ ഒരുത്തിയെയും ഓർത്ത് നീ എത്ര നാളാ ജീവിക്കുക. എനിക്ക് സഹിക്കാൻ വയ്യ മോനേ.. അഹ്. നീ എന്തോ ചെയ്യ്.”അമ്മയും നല്ല ദുഃഖത്തിൽ ആണ്,പക്ഷെ അത് ആ പെൺകുട്ടിയുടെ ജീവിതത്തേക്കാൾ എന്റെ ജീവിതം ഓർത്താണെന്ന് എനിക്കറിയാം.

“അമ്മ…

“എന്താ.. എന്താ മോനേ.. കല്യാണത്തിന് സമ്മതമാണോ നിനക്ക്.

“എന്റെ പൊന്നമ്മ.. ഒന്ന് നിർത്തു. എനിക്കാ പെണ്ണിനോട് ഒന്ന് സംസാരിക്കണം.

“അതിനെന്താ.. നീ വാ…”ഞാൻ പറഞ്ഞൂ തീരും മുന്പേ അമ്മ ഓടി രാധിക ആന്റിയുടെ അടുത്ത് ചെന്ന് എന്തോ പറഞ്ഞു. ആ പെണ്ണിനെ ഒന്ന് ആശ്വസിപ്പിക്കാൻ വേണ്ടി ഒന്ന് സംസാരിക്കണം എന്നാണ് ഞാൻ ഉദ്ദേശിച്ചത്. ഈ അമ്മച്ചി വീണ്ടും ഇത് സീനാക്കും.

അമ്മയും രാധിക ആന്റിയും കൂടെ എന്നെ മണവാട്ടിയുടെ റൂമിലേക്ക് കൂട്ടിക്കൊണ്ട് പോയി. പെണ്ണിനെ ഒഴികെ മറ്റെല്ലാവരെയും പുറത്തിറക്കിയ ശേഷം എന്നോട് അകത്തേക്ക് പോകാൻ രാധിയ ആന്റി പറഞ്ഞു. ചുറ്റും നിൽക്കുന്നവർ എന്നെ ഒരു കാഴ്ച വസ്തുവായി കാണുന്നത് എനിക്ക് നല്ല ആരോചകമായി തോന്നി. അഹ്. എന്തായാലും ഉള്ളിലേക്ക് ഞാൻ കയറി.ഒരു മണവാട്ടി എന്ന് പറയുമ്പോൾ നമ്മുടെ മനസ്സിൽ ആദ്യം വരുന്ന ഒരു രൂപം കാണുമല്ലോ, നീണ്ട മുടി. അതിൽ മുഴുവൻ മുല്ലപ്പൂവ്, മഷിയെഴുതിയ നീണ്ട കണ്ണുകൾ, കുറേ സ്വർണ്ണാഭരണങ്ങൾ.. അങ്ങനങ്ങനെ…

എന്നാൽ ആദ്യ കാഴ്‌ചയിൽ തന്നെ എന്റെ പ്രതീക്ഷകൾ തെറ്റി. ബോബ് കട്ട്‌ ചെയ്ത് മുടി, തലയിൽ മുല്ലപ്പൂവ് ഇല്ല.. കഴുത്തിൽ ആകെ 3 മാല, അത്യാവശ്യം നല്ലൊരു സാരി. ആദ്യമായി ആണ് ഈ രൂപത്തിൽ ഒരു മണവാട്ടിയെ കാണുന്നത്. എന്തായാലും ആദ്യ കാഴ്ചയിൽ തന്നെ നല്ല ഭംഗിയുണ്ട്.വെളുത്ത നിറമാണവൾക്. അവളുടെ കണ്ണുകൾ അവളുടെ സൗന്ദര്യം ഇരട്ടിയാക്കി തോന്നിപ്പിച്ചു.പൊക്കം കുറവാണ്.ആഹാ.. കൊള്ളാലോ പെണ്ണ് എന്നൊരു തോന്നൽ എന്റെ മനസ്സിൽ നിന്നാരോ പറയുന്നത് എനിക്ക് കേൾകാം.

അവളുടെ കണ്ണിൽ കല്യാണം മുടങ്ങിയതിന്റെ വിഷമം ഒന്നും കാണാൻ ഇല്ലായിരുന്നു. നിർവികാരയായിരുന്നു അവൾ. ഇവളെ ഞാൻ എന്ത് ആശ്വസിപ്പിക്കാനാണ് 🙄.

“ഹായ്…. ” എന്നെ കണ്ടപാടെ അവൾ തന്നെ ആദ്യം വിഷ് ചെയ്തു.

“ഹായ്..

“അമ്മ കാര്യം പറഞ്ഞു. അമ്മയുടെ വിഷമം കൊണ്ട് പറഞ്ഞതാ. കാര്യമാക്കണ്ട.

“കല്യാണം മുടങ്ങിയതിൽ തന്റെ മുഖത്ത് വിഷമം ഒന്നുമില്ലലോ..

“അഹ്. വിഷമിച്ചിട്ടു എന്ത് ചെയ്യാനാ.

“സോറി…തന്റെ പേര്…?

“മാനസി. അല്ല.. എന്താ പേരു?

“സിദ്ധാർഥ്.

“മ്മ്.. അമ്മയ്ക്ക് എന്റെ കല്യാണം നടത്തണം. പാവം എന്റെ സമ്മതം കിട്ടാൻ തന്നെ പാടുപെട്ടു. പക്ഷെ അവസാനം അതിങ്ങനായി.

“എന്ത് പറ്റി..? തനിക് കല്യാണത്തിൽ താല്പര്യമില്ലെ…?

“ഏയ്……അല്ല, സിദ്ധാർദ്ധിനും കല്യാണം വേണ്ട എന്നാണല്ലോ ആഗ്രഹം. ശ്രീദേവിയാന്റി പറഞ്ഞു.

“ഓ.. അമ്മ സംസാരിച്ചോ..?

“മ്മ്

“ആക്ച്വലി അവരുടെ വിചാരം ഞാൻ മാര്യേജിനു സമ്മതിക്കും എന്നാണ്. തന്നെ ഒന്ന് ആശ്വസിപ്പിക്കാം എന്ന് കരുതി വന്നതാ ഞാൻ.

“എന്നെ കണ്ടാൽ ആശ്വസിപ്പിക്കേണ്ട ആവശ്യം ഉണ്ടെന്ന് തോന്നുന്നുണ്ടോ.

“അഹ്.. അതില്ല.

“താൻ ആന്റിയോട് പറയണം. തനിക്ക് ഇഷ്ടപ്പെട്ടില്ല എന്ന്. ഒരു മയത്തിൽ പറഞ്ഞാൽ മതി.പാവം നല്ല വിഷമത്തിലാ.

“ഹും. അമ്മയുടെ വിഷമം ഈ ഇടയ്ക്കൊന്നും തീരില്ല.

“ഏയ്.. താൻ വിഷമിക്കാതെ.. ഇവൻ പോയാൽ വേറൊരു പയ്യൻ…

“ഹും..അതത്ര എളുപ്പമല്ല…

“എന്ത് എളുപ്പമല്ല…പയ്യന്മാർ ഒക്കെ വരുമെടോ…

“എനിക്ക് കല്യാണം കഴിച്ചു ഒരു കുടുംബമായി ജീവിക്കണമെന്നൊന്നും ആഗ്രഹമില്ല.

“അപ്പോൾ കല്യാണത്തിന് സമ്മതിച്ചതോ…?

അമ്മയുടെ വിഷമം മാറ്റാൻ ആണോ..?

“അല്ല. എന്റെ പെങ്ങൾക്ക് വേണ്ടി..

“മനസിലായില്ല…!!

“എനിക്കൊരു പെങ്ങൾ കൂടിയുണ്ട്. അറിയാമല്ലോ.. അവളുടെയും കല്യാണം ഇന്നാ.അവൾക് ലൗ മാര്യേജ് ആണ്.ഞാൻ കെട്ടാതെ നില്കുന്നത്കൊണ്ട് അവളുടേത് നടക്കാതെ ഇരിക്കുവായിരുന്നു.ഞാൻ കെട്ടിയാലേ അവൾ കേട്ടുള്ളു പോലും. ജാതക പ്രകാരം അവൾക് ഇതാണ് കല്യാണ സമയം.അത് കൊണ്ടാ ഇങ്ങനെ ഒരുമിച്ച് നടത്തുന്നത്.

“ങേ…അതിനെന്താ..? അവളെ കെട്ടിച്ചുകൂടെ ആദ്യം.

“സിദ്ധാർഥ്…. അവൾ വാശിയിലാ…അമ്മയുടെ വിഷമം കാരണമാ ഞാൻ മാര്യേജിനു റെഡി ആയത്.

“തനിക് നന്നായി ഒന്ന് വീട്ടിൽ പ്രഷർ ചെയ്തുകൂടെ..?

“ഞനെന്റെ മാക്സിമം നോക്കി.

“മ്മ്…

“ഞാനൊരു കാര്യം പറഞ്ഞാൽ താൻ ആരോടും പറയരുത്.

“എന്താ…?

“ഇന്ന് ഒളിച്ചോടിയില്ലേ…എന്റെ കല്യാണ ചെക്കൻ . അവനൊരു പ്രേമം ഉണ്ടെന്ന് എനിക്ക് അറിയാമായിരുന്നു.

“ങേ ..

“യാ…പെണ്ണുകാണാൻ വന്ന സമയം തന്നെ അവൻ പറഞ്ഞിരുന്നു. ഇന്റർ കാസ്റ്റ് ആയതിനാൽ അല്പം പ്രശ്നം ഉണ്ടാകും എന്നും.

“ഓക്കേ.

“ആക്ച്വലി.. എന്റെയും അവന്റെയും പ്ലാൻ ആയിരുന്നു ഈ മാര്യേജ്. അവൻ ഇന്ന് ഒളിച്ചോടുമെന്ന് എനിക്ക് അറിയാമായിരുന്നു.ഒരേ പന്തലിലെ വിവാഹം ആകുമ്പോൾ എന്റെ കല്യാണം നടന്നില്ലെങ്കിലും എന്റെ പെങ്ങളുടെ കല്യാണം നടക്കുമല്ലോ എന്ന് കരുതി

“വാട്ട്‌ ദി….? താൻ എന്തൊക്കെയാ ഈ പറയണേ.

“യെസ്. ഒരു കുടുംബം,കുട്ടികൾ.. അതൊന്നും എന്നെക്കൊണ്ട് പറ്റില്ല. മാനസികമായി എനിക്ക് ഒരിക്കലും യോജിച്ചു പോകാൻ കഴിയാത്ത കാര്യങ്ങളാണ്. ഒരു 1 കൊല്ലം കൂടി സമയം കിട്ടിയാൽ ഞാൻ പുറത്തേക്ക് പോകും. IELTS ന് ട്രൈ ചെയ്യുന്നുണ്ട്. പിന്നെ പണം അറേഞ്ച് ചെയ്യാനുള്ള കാലതാമസം ആണ്. അതിനിടയിൽ ആണ് ഈ കല്യാണം ഇഷ്യൂ വന്നത്. സോ.. വേറെ വഴി ഇല്ലായിരുന്നു.

“താൻ ആള് കൊള്ളാമല്ലോ…അപ്പോൾ തന്റെ കല്യാണം മുടങ്ങുന്നു, അനിയത്തി മാത്രം കെട്ടുന്നു.. തനിക് സമയം കിട്ടുന്നു…സഭാഷ്. സോ. എല്ലാം പ്ലാൻ പോലെ ഹാപ്പി എൻഡിങ് ആയല്ലോ..

+14

-1