💑ജസ്റ്റ്‌ മാരീഡ് – 1💑 2അടിപൊളി  

“മ്മ്. തന്റെ വയസ്സ് എത്രയാ..23.

“അപ്പോൾ മാധവിക്ക്..?

“21.

“താൻ എവിടേയ്ക്കാ പോകാൻ നിൽക്കുന്നത്..?

“കാനഡ ആയിരുന്നു ശെരിക്കും പ്ലാൻ. ബട്ട്‌ പൈസ ഒരു പ്രശ്നമാണ്.അത് കൊണ്ട് മിഡിൽ ഈസ്റ്റിൽ നിന്ന് ഓഫർ വന്നാൽ അവിടെ പോകും. കുറച്ച് പൈസ ഒക്കെ ആയ ശേഷം കാനഡ നോക്കും.

“താൻ എന്താ നാട്ടിൽ നിൽക്കാൻ നോക്കാത്തത്…?

“അത്…എന്തോ…എനിക്കി നാട്ടിൽ നിൽക്കാൻ ഒരു ഇഷ്ടവുമില്ല. പിന്നെ അവിടെ ആകുമ്പോൾ കുറച്ച് കൂടെ സാലറി കിട്ടും. അമ്മയെ പറ്റുന്ന കാലത്തോളം നന്നായി നോക്കണം. ഈ നാട്ടിൽ നിന്നാൽ അതൊക്കെ പാടാണ്.

“മ്മ്മ്…അതെ.. ഞാൻ ഒരു കാര്യം കൂടെ ചോദിച്ചോട്ടെ…?

“മ്മ്..

“താൻ എന്താ കല്യാണം വേണ്ട എന്ന്

പറയുന്നത്…,?

ആ ചോദ്യത്തിന് മറുപടി പറയാൻ അല്പം ബുദ്ധിമുട്ട് ഉണ്ട് എന്ന ഭാവത്തിൽ അവളുടെ മുഖം മാറി.

“മാനസി.. ഞാൻ ചോദിച്ചെന്നെ ഉള്ളു. തന്റെ പ്രൈവസി ആണെങ്കിൽ പറയണ്ട. ജസ്റ്റ്‌ ആസ്ക്ക്ട്. എല്ലാം തുറന്ന് പറയാൻ ഞങ്ങൾ ഭാര്യ ഭർത്തക്കൾ ഒന്നുമല്ലലോ…”ചിരിച്ചുകൊണ്ട് ഞാൻ പറഞ്ഞു.

“ഏയ്. ഒന്നുമ്മില്ല. എന്തോ.. തോന്നിയില്ല.

“മ്മ്

“സിദ്ധാർഥ്വിനു നല്ല തേപ്പ് കിട്ടിയിട്ടുണ്ടല്ലേ.. 😅😅

“അമ്മ പറഞ്ഞോ..?

“മ്മ്…. തന്റെ കല്യാണം കാണണമെന്ന് ഭയങ്കര ആഗ്രഹമായിരുന്നു തന്റെ അമ്മയ്ക്ക്. ഒരിക്കൽ കണ്ടപ്പോൾ പറഞ്ഞിട്ടുണ്ട്.

“മ്മ്മ്. അഹ്. ഇന്നിപ്പോൾ നല്ല സന്തോഷത്തിലാ…ആഹ്…പറ്റുന്ന വരെ അവർ സന്തോഷിക്കട്ടെ…. അല്ല. തന്റെ അമ്മയിനി വീട്ടിൽ ഒറ്റയ്ക്കു ആകില്ലേ..?

“ഇല്ല. അരുണും മാധവിയും കൊണ്ട് പോകും. അരുണിന്റെ അച്ഛനും അമ്മയും മരിച്ചതാ…കുറച്ചുനാൾ അമ്മ വീട്ടിൽ ഒറ്റയ്ക്കു ആകും.

“എടൊ.. എന്നാൽ എന്റെ വീട്ടിൽ വന്നു നിൽക്കാൻ പറ.

“വേണ്ടടോ.. ഒരു ബാധ്യതതും ഇല്ലാതെ എന്നെ ആ വീട്ടിൽ കയറ്റുന്നത് തന്നെ വലിയ കാര്യം. അമ്മ കൂടി ഇനി വേണ്ട. അവർ അവിടെ ഓക്കേ ആകും. അരുൺ നല്ല പയ്യനാ.. പിന്നെ അരുൺ ആന്ധ്രയിൽ

ആണ്. ഇടയ്ക്ക് ഇടയ്ക്കെ വരുള്ളൂ. അപ്പോൾ അവൾക്കൊരു കൂട്ടാകും അമ്മ.

“മ്മ്മ്മ്..

ഏകദേശം അര മണിക്കൂർ ഡ്രൈവിൽ ഞങ്ങൾ വീടെത്തി. വീട്ടിലെത്തിയപ്പോൾ ഒരു പട തന്നെ അവിടെ കാത്ത് നിൽപ്പുണ്ട്. വണ്ടിയിൽ നിന്ന് ഇറങ്ങിയ മുതൽ എല്ലാവരും നല്ല കളിയാക്കൽ ആയിരുന്നു എന്നെ, ആഹ്. അമ്മാതിരി ഷോ ആയിരുന്നു. ചിരി അടക്കാൻ മാനസിയും നന്നേ കഷ്ടപ്പെടുന്നുണ്ടായിരുന്നു. നിലവിളക്കുമായി ഞങ്ങൾ അകത്തേക്ക് കയറി…. ദേവിയെ…ഇനി എന്തൊക്കെയാണോ എന്തോ നടക്കാൻ പോകുന്നത്. എന്റെ റൂമിലേക്കാണ് ഞങ്ങളുടെ ആദ്യം പോയത്. എന്റെ റൂം ഇത്രയും വൃത്തിയായി ഞാൻ ആദ്യമായി ആണ് കാണുന്നത്.അമ്മയ്ക്ക് സ്തുതിയായിരിക്കട്ടെ .

“മോളേ.. ദാ.. ഈ ഡ്രസ്സ്‌ ഇട്ടോ റീസെപ്ഷന്..”അമ്മ ഒരു കവർ മാനസിക്ക് വെച്ചുനീട്ടി..

“”ചേട്ടായി…ചേട്ടായിക്കുള്ള ഡ്രസ്സ്‌ അപ്പുറത്തെ റൂമിൽ വെച്ചിട്ടുണ്ട്. പോയി റെഡിയായി വാ…ചേച്ചിയെ ഞങ്ങൾ റെഡി ആക്കിക്കോളം…”കസിൻ പിള്ളേർ റൂമിലേക്ക് വന്നുകൊണ്ട് പറഞ്ഞു.

ഓൺ ദി സ്പോട്ടിൽ തന്നെ ഞാൻ ഇറങ്ങി. എന്നെ എടുത്തിട്ട് നന്നായി കുറയാൻ നില്കുവാന് എല്ലാരും. സോ, പിടി കൊടുക്കാത്തതാണ് വൃത്തിയെന്ന് എനിക്കറിയാം.

റൂമിൽ പോയി കുളിച്ചു റെഡി ആയതും എന്റെ ചില കസിൻ ചേട്ടന്മാർ റൂമിലേക്ക് എത്തി.

“ആഹാ.. കല്യാണ പയ്യൻ റിസപ്ഷന് റെഡിയാകുവാണോ…?”കൂട്ടത്തിൽ ഏറ്റവും മൂത്ത ദിലീപ് ചേട്ടൻ ചോദിച്ചു.

മറുപടി ഒന്നും പറയാൻ ഇല്ലാതെ നാണിച്ചു ഞാൻ തല താഴ്ത്തി നിന്നു.

“എടാ പുല്ലേ.. എത്ര ആലോചന കൊണ്ട് വന്നതാ.. അപ്പോഴൊക്കെ അവന് പട്ടി ഷോ.. എന്നിട്ടിപ്പോ….”ദിലീപേട്ടൻ പറഞ്ഞു.

“ചേട്ടാ.. അത്…

“എടാ.. എന്നാലും എന്ത് അർത്ഥത്തിലാ നീ ഇതിൽ കേറി ചാടിയത്…”രാജീവ്‌ ചേട്ടൻ ചോദിച്ചു.”ശെ.. രാജീവേ വിട്. എന്തായാലും പുതുമണവാളൻ ആല്ലേ.. ഇനി ഒന്നും പറയണ്ട….”ദിലീപ് ചേട്ടൻ പറഞ്ഞു.

പിന്നേയും കുറേ നേരം അവർ എല്ലാം കൂടെ എന്നെ നിർത്തി പൊരിച്ചു.

കുറേ കഴിഞ്ഞു ദിലീപ് ചേട്ടൻ എന്നെ പുറത്തേക്ക് കൊണ്ട് പോയി കുറേ സംസാരിച്ചു. ഞാൻ ഓക്കേ ആണോ മാര്യേജിൽ എന്നായിരുന്നു ചേട്ടന്റെ ടെൻഷൻ. സംസാരം നടക്കുന്നതിന് ഇടയ്ക്കാണ് ദിലീപ് ചേട്ടൻ എന്നെ വിളിച്ചു കാണിച്ചത്.