💑ജസ്റ്റ്‌ മാരീഡ് – 1💑 2അടിപൊളി  

“മാനസി…നീ നന്നായി ആലോചിച്ചു പറയുന്നതാണോ ഇതൊക്കെ.

“മ്മ്…

“ഓക്കേ. തെൻ. ഞാൻ കാരണം നിങ്ങളുടെ എല്ലാം ജീവിതം ശരിയാവുന്നെങ്കിൽ അങ്ങനെ തന്നെയാകട്ടെ.

“ങേ.. യൂ ഷുവർ..?

“യെസ്..

“താങ്ക്യൂ സിദ്ധാർഥ്…”ഷേക്ക്‌ ഹാൻഡിനായി കൈ നീട്ടിക്കൊണ്ടവൾ പറഞ്ഞു.അവൾക് ഷേക്ക്‌ ഹാൻഡ് നൽകിയ ശേഷം ഞാൻ റൂം വിട്ട് പുറത്തേക്കിറങ്ങി.

അവിടെ നിന്ന ആർക്കും മുഖം കൊടുക്കാതെ നേരെ എന്റെ അമ്മയുടെ അടുത്തേക്ക്പ്പോയി. അമ്മയുടെ കയ്യും പിടിച്ചൊരല്പം മാറി നിന്നു.

“എന്താ.. മോനേ.. എന്തായി…?

“അത്…..

“മ്മ്.. കുഴപ്പില്ല. ഞാൻ എന്റെ ആഗ്രഹം പറഞ്ഞെന്നെ ഉള്ളു. മോനു താല്പര്യം ഇല്ലെങ്കിൽ വേണ്ട.

“അമ്മ…അമ്മയ്ക്ക് ആ കൊച്ചിനെ നേരത്തെ അറിയാമോ..

“അഹ്. പിന്നില്ലാതെ. ഒരു 4-5 തവണ കണ്ടിട്ടുണ്ട്.

“സ്വഭാവം എങ്ങനാ…

“അഹ്. നല്ലതാണെന്നാണ് വിശ്വാസം.

“മ്മ്മ്.. എന്നാൽ അമ്മയുടെ ഇഷ്ടം പോലെ നടക്കട്ടെ.

“ങേ.. എന്താ നീ പറയുന്നേ…??”ഒരത്ഭുതത്തോടെ അമ്മ എന്നെ നോക്കി.

“അഹ്. അമ്മയുടെ ആഗ്രഹം പോലെ നടക്കട്ടെ എന്ന്.

“എന്റെ പൊന്നു മോൻ “അമ്മ എന്റെ നെറ്റിയിൽ ഉമ്മ വെച്ചുകൊൻട് പറഞ്ഞു.

പിന്നെ എന്തൊക്കെയാണ് അവിടെ നടന്നതെന്ന് ഒരു പിടിയും കിട്ടിയില്ല. എവിടെ നിന്നോ ആരോ വരന്റെ വേഷം ആയ ഒരു മുണ്ടും ഷർട്ടും എത്തിച്ചു അത് ഇട്ട് പുറത്തിറങ്ങിയ ശേഷമാണ് ഞാൻ അല്പം എടുത്ത് ചാടിയോ എന്നൊരു തോന്നൽ മസിലുണ്ടായത്.150 ഓളം പേർ കല്യാണത്തിന് എത്തിയിട്ടുണ്ട്. അധികം പേരും എന്നെ ഒരു അന്യഗ്രഹ ജീവിയെ നോക്കുന്ന പോലെ നോക്കി നിന്നു. നോക്കിയില്ലെങ്കിലേ അത്ഭുതം ഉള്ളു. ഞാൻ വെറും വരൻ അല്ലല്ലോ..തട്ടിക്കൂട്ട് വരൻ വരെ. ഒരു 1 മണിക്കൂർ കൊണ്ട് ശരിയായത്. ഇത്രയും പേരെ എങ്ങനെ ഹാൻഡിൽ ചെയ്യണം എന്നൊന്നും അറിയാതെ വിയർത്തു മെഴുവി ഞാൻ നിന്നപ്പോളാണ് അരുൺ അവിടേക്ക് വന്നതും, എന്നെ കംഫർട് ആക്കിയതും. മാനസിയുടെ അനിയത്തി മാധവിയെ കെട്ടാൻ പോണ പയ്യനാണ് അരുൺ. അവനും എന്റെ അതെ വേഷത്തിൽ തന്നെയാണ്. ആള് നേവിയിൽ ആണ്. പയ്യൻ എന്നെ ഓരോന്ന് പറഞ്ഞു ധൈര്യം ഒക്കെ തന്നു, ഇതിനിടയിൽ കുറച്ച് താങ്ക്സും. കാരണം ഞാൻ വന്നിലെങ്കിൽ ഒരു പക്ഷെ മാധവി കല്യാണത്തിന് സമ്മതിക്കില്ലായിരുന്നു എന്ന് അരുണും പറഞ്ഞു. അവൾക്ക് മാനസിയുടെ കാര്യം അത്രക്ക് ഇമ്പോര്ടന്റ്റ്‌ ആണത്രേ. സമയം പട പട എന്ന് മുൻപോട്ട് നീങ്ങി.

“മുഹൂർത്തായി…വരന്മാർ രണ്ടാളും ഇരുന്നോളു..”അവിടെ നിന്ന കർമ്മി പറഞ്ഞു.എന്റെ ഹാർട് ബീറ്റ് കൂടി കൂടി വന്നു. ഒരു പേടി നെഞ്ചിൽ ഉടലെടുത്തു. ഒപ്പം ഒരു വയർ വേദനയും. എങ്ങനെയൊക്കെയോ മനസിനെ പറഞ്ഞു മനസിലാക്കി ഞാനവിടെ ഇരുന്നു.

വൈകാതെ തന്നെ താലപ്പൊലിയുമായി കുറച്ച് പെൺകുട്ടികൾ നടന്നു വന്നു. അവരുടെ പിറകിലായി രണ്ട് സുന്ദരികളും. ഞാൻ ജീവിതത്തിൽ ഒരിക്കലും വേണ്ട എന്ന് പറഞ്ഞ നിമിഷം തന്നെ എന്റെ ജീവിതത്തിൽ ദാ നടക്കാൻ പോകുന്നു…ഞാൻ ചെയുന്നത് മണ്ടത്തരമോ എടുത്ത് ചാട്ടമോ ആണോ എന്ന പേടി ഇപ്പോഴും മനസിലുണ്ട്.

മാധവി നേരെ പോയി അരുണിന്റെ അരികിലായി ഇരുന്നു. മാനസി എന്റെ അരികിലും. സത്യത്തിൽ അപ്പോഴാണ് എന്റെ മനസ്സ് ഒന്ന് ശാന്തമായത്.

“പേടിയുണ്ടോ..?”പതിഞ്ഞ സ്വരത്തിൽ മാനസി എന്നോടായ് ചോദിച്ചു.

“ചെറുതായി…

“ഇനി അധികം സമയം ഇല്ല.. തീരുമാനത്തിൽ മാറ്റം ഉണ്ടെങ്കിൽ വേഗം പറ.

“ഇനി വല്ലതും പറഞ്ഞാൽ നാട്ടുകാർ എന്നെ വടിച്ചെടുക്കും.

അത് കേട്ട് അവൾ ഒന്ന് ചിരിച്ചു.

അവിടെ നിന്ന കർമ്മി എന്തൊക്കെയോ ഞങ്ങളെക്കൊണ്ട് ചെയ്യിപ്പിച്ചു. ഒടുവിൽ താലി കെട്ടാനുള്ള സമയം ആയി. താലി വാങ്ങിയതും ചെണ്ടമേളം പോലെ എന്റെ കൈ കിടന്ന് വിറക്കാൻ തുടങ്ങി.ഒന്ന് താലി കെട്ടി പ്രാക്ടീസ് ചെയ്യാൻ പോലും സമയം കിട്ടിയില്ലലോ. എന്തായാലും എങ്ങനെയോ അവളുടെ കഴുത്തിൽ കൊണ്ട് ഞാൻ താലി വെച്ചു. പിറകിൽ നിന്ന ഏതോ ചേച്ചിമാർ ബാക്കി കാര്യം നോക്കി 🥵. അങ്ങനെ ആ കാര്യത്തിൽ ഒരു തീരുമാനമായി.

“സോറി…”പതിഞ്ഞ സ്വരത്തിൽ മാനസി വീണ്ടും എന്നോടായി പറഞ്ഞു. ഒരു ചിരിയിൽ ഞാൻ മറുപടിയിൽ ഒതുക്കി.