💑ജസ്റ്റ്‌ മാരീഡ് – 1💑അടിപൊളി  

“ഇല്ലാ.. ഒരു പ്രശ്നമുണ്ട്

“അതിനി എന്താ…?

“മാധവി.. ഐ മീൻ എന്റെ പെങ്ങൾ. എന്റെ കല്യാണം നടന്നാൽ മാത്രമേ അവളും കല്യാണം കഴിക്കുള്ളൂ എന്ന വാശിയിൽ ആണ്.

“അത്രയേ ഉള്ളോ.. താൻ ഈ പറഞ്ഞതൊക്കെ പെങ്ങളോട് പറ. വെളിയിൽ പോകണം, ടൈം വേണമെനൊക്കെ..

“ഇല്ല. അവൾക് അറിയാം. കല്യാണം മുടങ്ങിത് ഒഴിച്ച് എല്ലാം അവൾക്കറിയാം. പക്ഷെ.. എനിക്കൊരു ജീവിതം ഉണ്ടായാലേ അവൾക്കും ഒന്നിന്റെ ആവശ്യം ഉള്ളു എന്നാ പറയണേ. വാശിക്കാരിയാ..

“ശോ.. ഇനിയിപ്പോൾ എന്ത് ചെയ്യും…?

അൽപനേരം ഇരുവർക്കുമിടയിൽ നിശബ്ദത മാത്രമായിരുന്നു.

മാനസി :-സിദ്ധാർഥ്…

“മ്മ്.

“വിൽ യൂ മ്യാരി മി?

“ങേ..” ഇതെന്ത് മൈർ എന്ന ഭാവത്തിൽ ഞാൻ മാനസിയെ നോക്കിയിരുന്നു.

“ആയ്യോാ…തെറ്റിദ്ധരിക്കണ്ട.. ഞാൻ പറഞ്ഞു തീരട്ടെ…

“എനിക്ക് കല്യാണം കഴിക്കാൻ താല്പര്യം ഇല്ല. സിദ്ധാർദ്ധിനും ഒരു വിവാഹ ജീവിതത്തിൽ താല്പര്യം ഇല്ല. പക്ഷെ എന്റെ കല്യാണം ഇന്ന് കഴിഞ്ഞില്ലെങ്കിൽ, എന്റെ പെങ്ങളുടെ കല്യാണവും മുടങ്ങും. അവൾ മുടക്കും. സോ.. എനിക്ക് ആരെയെങ്കിലും കല്യാണം കഴിച്ചേ പറ്റു..

ഇവളെന്ത് തേങ്ങയാണ് പറയുന്നതെനും നോക്കി ഞാൻ ഇരുന്നു.

“ഞാൻ പറഞ്ഞു വരുന്നത്, ഞാനും സിദ്ധാർത്തും കല്യാണം കഴിക്കുന്നു. ഒരു നാടകം പോലെ.മറ്റുള്ളവരുടെ മുൻപിൽ നമ്മൾ ഹസ്ബൻഡ് ആൻഡ് വൈഫ്‌ ആയിരിക്കും.അല്ലത്തപ്പോൾ വീ ക്യാൻ ബി ജസ്റ്റ്‌ നോർമൽ പീപ്പിൾ.

“🙄.

“എന്തിനാ ഇങ്ങനെ ചെയുന്നതെന്ന് അല്ലേ.. ഒരു 1 ഇയർ ടൈം. പൈസ റെഡി ആയാൽ ഞാൻ വെളിയിലോട്ട് പോകും. ഐ ജസ്റ്റ്‌ നീഡ് ടൈം.

“മാനസി.. പ. പക്ഷെ….

“സിദ്ധാർഥ്.. ഞാൻ തനിക് ഒരു ശല്യവും ആകില്ല. ഞാൻ ഒരു പ്രശവും ഉണ്ടാക്കാതെ ഒതുങ്ങി കൂടിക്കോളം. ശ്രീ ദേവി ആന്റിയുടെ പരാതിയും തീരും. തനിക്ക് മാരീഡ് ലൈഫും നയിക്കേണ്ട..1 കൊല്ലം കഴിഞ്ഞ് ഡിവോഴ്സ് ചെയ്യാം. താൻ എന്ത് പറയുന്നു. എല്ലാവരും ഹാപ്പി ആകും.

എന്ത് മറുപടി പറയണമെന്ന് അറിയാതെ ഞാൻ കിളിപോയി ഇരുന്നു.

“സിദ്ധാർഥ്, ഐ നോ. ഞാൻ എന്റെ ഭാഗത്ത് നിന്ന് മാത്രം ചിന്തിച്ചിട്ടാണ് ഇതൊക്കെ പറഞ്ഞത്. താൻ ആലോചിച്ചു മറുപടി പറഞ്ഞാൽ മതിയാകും.

അൽപനേരം കസേരയിൽ ഇരുന്ന് ആലോചിച്ച ശേഷം ഞാൻ അവളോടൊന്നും പറയാതെ വാതിൽ തുറന്ന് പുറത്തേക്കിറങ്ങി. വാതിലിൽ നിന്നും മാറി രണ്ട് രൂപങ്ങൾ നില്കുന്നത് ആദ്യ കാഴ്ചയിൽ തന്നെ ഞാൻ കണ്ടു. ഒന്ന് രാധിക ആന്റിയും, മറ്റൊന്ന് മാനസിയുടെ പെങ്ങൾ മാധവിയു. കല്യാണം വേഷത്തിൽ തന്നെയാണ് അവളുടെയും നിൽപ്പ്. ഞാൻ അകത്തേക്ക് കയറി, വീണ്ടും കതകടച്ചു.

എന്നെ തന്നെ നോക്കി മാനസി കസേരയിൽ ഇരിപ്പുണ്ട്. ഞാൻ ജന്നലിന്റെ അരികിലേക്ക് ചെന്ന ശേഷം ഒരു സിഗരറ്റ് കത്തിച്ചു വലിച്ചു, മാനസി പറഞ്ഞ കാര്യങ്ങൾ ഒന്നുകൂടി റീവൈണ്ട് ചെയ്ത് നോക്കി. മറ്റുള്ളവരുടെ മുൻപിൽ ഒരു കല്യാണ നാടകം കളിക്കണം. അതും അവളുടെ കാര്യങ്ങൾ ശരിയാകുന്നത് വരെ, സിനിമയിലും കഥകളിലും പറയാൻ കൊള്ളാം, പക്ഷെ ജീവിതത്തിൽ….? മാനസി പറഞ്ഞത് പോലെ അമ്മയുടെ സന്തോഷം എന്നൊരു പോയിന്റ് ഉണ്ട്. അതാണ്‌ എന്നെ ഇപ്പോഴും ഒരു കുടുക്കിലാക്കിയിരിക്കുന്നത്. ഒരുപക്ഷെ ഞാൻ സമ്മതിച്ചാൽ മാനസി പറഞ്ഞത് പോലെ എല്ലാവരും ഹാപ്പി ആവും.1 കൊല്ലം കഴിഞ്ഞു അവൾ അവളുടെ പാട് നോക്കി പൊക്കോളും.പക്ഷെ, ഇവളുടെ സ്വഭാവം ഒക്കെ എങ്ങനെയെന്നു ദൈവത്തിനു അറിയാം. അവസാനം പണി കിട്ടിയാലോ…? Divorce ആയ ശേഷം മോചനദ്രവ്യവും പറിയും വേണമെന്ന് പറഞ്ഞു വന്നാലോ…? പക്ഷെ കണ്ടിട്ട് നല്ല കൊച്ചാണെന്ന് തോനുന്നു.അവളോട് കണ്ട മാത്രയിൽ പ്രേമവും പറിയും ഒന്നും തോന്നിയിട്ടല്ല, ഞാൻ കാരണം കുറേ പേരുടെ ജീവിതം നന്നായാലോ…?

“മാനസി…നീ നന്നായി ആലോചിച്ചു പറയുന്നതാണോ ഇതൊക്കെ.

“മ്മ്…

“ഓക്കേ. തെൻ. ഞാൻ കാരണം നിങ്ങളുടെ എല്ലാം ജീവിതം ശരിയാവുന്നെങ്കിൽ അങ്ങനെ തന്നെയാകട്ടെ.

“ങേ.. യൂ ഷുവർ..?

“യെസ്..

“താങ്ക്യൂ സിദ്ധാർഥ്…”ഷേക്ക്‌ ഹാൻഡിനായി കൈ നീട്ടിക്കൊണ്ടവൾ പറഞ്ഞു.അവൾക് ഷേക്ക്‌ ഹാൻഡ് നൽകിയ ശേഷം ഞാൻ റൂം വിട്ട് പുറത്തേക്കിറങ്ങി.

അവിടെ നിന്ന ആർക്കും മുഖം കൊടുക്കാതെ നേരെ എന്റെ അമ്മയുടെ അടുത്തേക്ക്പ്പോയി. അമ്മയുടെ കയ്യും പിടിച്ചൊരല്പം മാറി നിന്നു.

“എന്താ.. മോനേ.. എന്തായി…?

“അത്…..

“മ്മ്.. കുഴപ്പില്ല. ഞാൻ എന്റെ ആഗ്രഹം പറഞ്ഞെന്നെ ഉള്ളു. മോനു താല്പര്യം ഇല്ലെങ്കിൽ വേണ്ട.

“അമ്മ…അമ്മയ്ക്ക് ആ കൊച്ചിനെ നേരത്തെ അറിയാമോ..

“അഹ്. പിന്നില്ലാതെ. ഒരു 4-5 തവണ കണ്ടിട്ടുണ്ട്.

“സ്വഭാവം എങ്ങനാ…

“അഹ്. നല്ലതാണെന്നാണ് വിശ്വാസം.

“മ്മ്മ്.. എന്നാൽ അമ്മയുടെ ഇഷ്ടം പോലെ നടക്കട്ടെ.

“ങേ.. എന്താ നീ പറയുന്നേ…??”ഒരത്ഭുതത്തോടെ അമ്മ എന്നെ നോക്കി.

“അഹ്. അമ്മയുടെ ആഗ്രഹം പോലെ നടക്കട്ടെ എന്ന്.

“എന്റെ പൊന്നു മോൻ “അമ്മ എന്റെ നെറ്റിയിൽ ഉമ്മ വെച്ചുകൊൻട് പറഞ്ഞു.

പിന്നെ എന്തൊക്കെയാണ് അവിടെ നടന്നതെന്ന് ഒരു പിടിയും കിട്ടിയില്ല. എവിടെ നിന്നോ ആരോ വരന്റെ വേഷം ആയ ഒരു മുണ്ടും ഷർട്ടും എത്തിച്ചു അത് ഇട്ട് പുറത്തിറങ്ങിയ ശേഷമാണ് ഞാൻ അല്പം എടുത്ത് ചാടിയോ എന്നൊരു തോന്നൽ മസിലുണ്ടായത്.150 ഓളം പേർ കല്യാണത്തിന് എത്തിയിട്ടുണ്ട്. അധികം പേരും എന്നെ ഒരു അന്യഗ്രഹ ജീവിയെ നോക്കുന്ന പോലെ നോക്കി നിന്നു. നോക്കിയില്ലെങ്കിലേ അത്ഭുതം ഉള്ളു. ഞാൻ വെറും വരൻ അല്ലല്ലോ..തട്ടിക്കൂട്ട് വരൻ വരെ. ഒരു 1 മണിക്കൂർ കൊണ്ട് ശരിയായത്. ഇത്രയും പേരെ എങ്ങനെ ഹാൻഡിൽ ചെയ്യണം എന്നൊന്നും അറിയാതെ വിയർത്തു മെഴുവി ഞാൻ നിന്നപ്പോളാണ് അരുൺ അവിടേക്ക് വന്നതും, എന്നെ കംഫർട് ആക്കിയതും. മാനസിയുടെ അനിയത്തി മാധവിയെ കെട്ടാൻ പോണ പയ്യനാണ് അരുൺ. അവനും എന്റെ അതെ വേഷത്തിൽ തന്നെയാണ്. ആള് നേവിയിൽ ആണ്. പയ്യൻ എന്നെ ഓരോന്ന് പറഞ്ഞു ധൈര്യം ഒക്കെ തന്നു, ഇതിനിടയിൽ കുറച്ച് താങ്ക്സും. കാരണം ഞാൻ വന്നിലെങ്കിൽ ഒരു പക്ഷെ മാധവി കല്യാണത്തിന് സമ്മതിക്കില്ലായിരുന്നു എന്ന് അരുണും പറഞ്ഞു. അവൾക്ക് മാനസിയുടെ കാര്യം അത്രക്ക് ഇമ്പോര്ടന്റ്റ്‌ ആണത്രേ. സമയം പട പട എന്ന് മുൻപോട്ട് നീങ്ങി.

“മുഹൂർത്തായി…വരന്മാർ രണ്ടാളും ഇരുന്നോളു..”അവിടെ നിന്ന കർമ്മി പറഞ്ഞു.എന്റെ ഹാർട് ബീറ്റ് കൂടി കൂടി വന്നു. ഒരു പേടി നെഞ്ചിൽ ഉടലെടുത്തു. ഒപ്പം ഒരു വയർ വേദനയും. എങ്ങനെയൊക്കെയോ മനസിനെ പറഞ്ഞു മനസിലാക്കി ഞാനവിടെ ഇരുന്നു.

വൈകാതെ തന്നെ താലപ്പൊലിയുമായി കുറച്ച് പെൺകുട്ടികൾ നടന്നു വന്നു. അവരുടെ പിറകിലായി രണ്ട് സുന്ദരികളും. ഞാൻ ജീവിതത്തിൽ ഒരിക്കലും വേണ്ട എന്ന് പറഞ്ഞ നിമിഷം തന്നെ എന്റെ ജീവിതത്തിൽ ദാ നടക്കാൻ പോകുന്നു…ഞാൻ ചെയുന്നത് മണ്ടത്തരമോ എടുത്ത് ചാട്ടമോ ആണോ എന്ന പേടി ഇപ്പോഴും മനസിലുണ്ട്.

+14

-1