💖മംഗല്ല്യധാരണം – 1 23

 

“… ദേ ഇവൾ പിന്നെയും. നീ ഒന്നും അല്ല കാരണം ഇതൊക്കെ നടക്കാൻ ഉള്ളതാ അതോണ്ട് നടന്നു. പിന്നെ ഇത് നന്നായി എനിക്ക് അടുത്ത് തന്നെ ഒരു ബന്ധുവിന്റെ കല്യാണം ഉണ്ട് അതിലേക്കുള്ള ലീവ് ആയി…” വായിൽ വന്നത് അങ്ങ് തള്ളി വിട്ടു. അവൾ ചെറുതായി ചിരിച്ചു.

 

 

“… ഇനി ക്ലാസ്സിൽ പോയി ഇരുന്നു മോങ്ങിയാൽ എന്റെന്ന് ഇടി കിട്ടാൻ പോണത് നിനക്കാ…” അത് പറഞ്ഞ് അവളെ തല്ലാൻ എന്നോളം കൈ ഓങ്ങി

 

 

“… പോടാ അവിടന്നു…” ആ മുഖത്തു പുഞ്ചിരി വിരിഞ്ഞു.

 

 

“… എന്തായാലും ഞാനും ക്ലാസ്സിലേക്ക് ഇല്ല നീ പൊയ്ക്കോ…” കാർത്തി അവളെ ക്ലാസ്സിലേക്ക് അയച്ചു. ഞാനും അവനും പാർക്കിങ്ങിലേക്ക് നടന്നു.

 

 

“… അത് ഏത് ബന്ധുവിന്റെ കല്യാണത്തിന മോൻ 1 മാസം ലീവ് എടുത്തേ…” എന്നെ നോക്കി ചിരിച്ചോണ്ട് അവൻ ചോദിച്ചു.

 

 

“…എടാ അത്. നിനക്ക് അവളെ അറിയാലോ. എനിക്ക് സസ്പെന്ഷൻ കിട്ടിയതിൽ നല്ല വിഷമം ഉണ്ട്. അവളെ ഒന്ന് ഒക്കെ ആക്കാൻ വേണ്ടി തള്ളി വിട്ടത് അല്ലെ…”

 

 

“… മ്.. മനസിലായി. ശേ ഞാൻ കൂടി വേണമായിരുന്നു എങ്കിൽ ഒന്ന് കൊഴുപ്പിക്കായിരുന്നു…” സ്വയം കൈയിൽ ഇടിച്ചു അവന്റെ നിരാശ പ്രകടിപ്പിച്ചു.

 

 

“…നീ ഇല്ലാത്തത് നന്നായി ഇല്ലങ്കിൽ അവന് ശവപ്പെട്ടിയിൽ വീട്ടിൽ പോവേണ്ടി വന്നേനെ…” അതും പറഞ്ഞ് ചിരിച്ച് ചിരിച്ച് പാർക്കിങ്ങിൽ എത്തി. നമ്മളെയും കാത്തു ഹിമാലയൻ അവിടെ വെയ്റ്റിംഗ് ആയിരുന്നു. പിന്നെ നേരെ അവന്റെ വീട്ടിലേക്ക് പറപ്പിച്ചു.

 

 

“… അപ്പൊ ശെരിയടാ. വൈകിട്ട് ജിമ്മിൽ വരില്ലേ നീ…?”

 

 

“…ഇന്ന് നടക്കും എന്ന് തോന്നുന്നില്ലടാ .ഈ കേസ് എങ്ങനെ എങ്കിലും വീട്ടിൽ പറഞ്ഞു സെറ്റ് ആക്കണം. നാളെ ഇറങ്ങാം…” അതും പറഞ്ഞ് വീട്ടിലേക്കു വിട്ടു.

 

 

ബൈക്ക് ഗേറ്റ് കടന്നതും ഉമ്മറത്തേക് ഒരു തല പ്രത്യക്ഷപെട്ടു. ദേഷ്യത്തോടെ തിരിച്ചും പോയി.

 

 

അമ്മ മഹാറാണി എല്ലാം അറിഞ്ഞിരിക്കണു. ആ മൊണ്ണ പ്രിൻസി എല്ലാം പറഞ്ഞന്ന തോന്നുന്നേ. എങ്ങനെ എങ്കിലും ഇതിൽ നിന്നും തലയൂരണം ബൈക്ക് വച്ച് പയ്യെ വീട്ടിലേക് കേറി.

 

 

“… ഡാ… നീ കോളേജിൽ പഠിക്കാനാണോ പോണേ അതോ തല്ലുണ്ടാക്കാനോ😡…” അമ്മ നിന്നും കത്തുകയാണ്

 

 

“… അമ്മേ അത്. അവൻ ആണ് ആദ്യം പ്രശ്നം ഉണ്ടാക്കിയത്…” ഞാൻ നിന്നും മെഴുകി

 

 

“… അയ്യോ എനിക്ക് നിന്നെ കുറിച് അറിയാത്തത് ഒന്നും അല്ലല്ലോ. ഒരു നന്മ പുത്രൻ വന്നിരിക്കുന്നു. ഞാൻ നിന്റെ അച്ഛനോട് എല്ലാം പറഞ്ഞിട്ടുണ്ട്. നീ അദ്ദേഹത്തോട് പറഞ്ഞാൽ മതി എല്ലാം…” അമ്മ അതും പറഞ്ഞു കേറി പോയി.

 

 

തത്കാലം രക്ഷപ്പെട്ടു. ഇനി വൈകിട്ട് അച്ഛനെ എങ്ങനെ എങ്കിലും ചാക്കിൽ ആക്കിയാൽ രക്ഷപ്പെട്ടു. അതും വിചാരിച്ചു റൂമിൽ പോയി ബെഡിലേക്ക് ചാടി. വൈകിട്ട് അമ്മു വിളിച്ചപ്പോഴാ ഞാൻ എഴുന്നേറ്റത്.

 

 

“… നീ സ്കൂളിൽ നിന്നും എപ്പോ വന്നു. അച്ഛൻ വന്നോ…” അത് പറഞ്ഞു അവളെ നോക്കി

 

 

“… അച്ഛൻ ഒക്കെ വന്നു. അമ്മ ചേട്ടനെ വിളിക്കുന്നു താഴേക്ക് വരാൻ…” ഞാൻ എഴുനേറ്റു സമയം നോക്കി

 

 

 

ഈശോര സമയം 7.00 pm ആയോ ഇത്രം സമയം ഉറങ്ങിയോ. പയ്യെ താഴെ ഹാളിലേക്ക് ചലിച്ചു. അമ്മ സീരിയൽ കാണുന്നു അമ്മു പഠിക്കാൻ പോയി. അച്ഛൻ ഉമ്മറത്ത്‌ ഇരുന്നു ഫോണിൽ കുത്തുന്നു. ഞാൻ ചെന്ന് ചാടിയത് അമ്മക് മുന്നിൽ ആയിരുന്നു.

 

 

“… ദേ വന്നു നിങ്ങളുടെ പുന്നാര ഗുണ്ട…” അത് പറഞ്ഞ് അമ്മ തിരിച്ചു സീരിയലിൽ മുഴുകി

 

 

ഈ അമ്മ മനുഷ്യനെ കൊലക്കുകൊടുക്കും. ഞാൻ അച്ഛന്റെ അടുക്കലേക്കു ചെന്ന്.

 

 

“… ഇന്ന് എന്തായിരുന്നു കോളേജിൽ പ്രശ്നം…”

 

 

“… അത് അച്ഛാ. ഒരുത്തൻ എന്റെ ഒരു കൂട്ടുകാരിയോട് പ്രശ്നം ഉണ്ടാക്കി അതാ…”

 

 

“… എന്ന് പറഞ്ഞു നീ അവനെ ഇടിക്കോ…” കസേരയിൽ നിന്നും എഴുനേറ്റ് ലേശം ദേഷ്യത്തോടെ അച്ഛൻ ചോദിച്ചു