💖മംഗല്ല്യധാരണം – 1 23

 

 

“… അവൾ എനിക്ക് അമ്മുവിനെ പോലെയാ അച്ഛാ. അതാ ഞാൻ അവനെ ഇടിച്ചേ…” അത് കേട്ടതും പിന്നെ ഒന്നും മിണ്ടാതെ അകത്തേക്കു പോയി

 

 

“… ആ കുട്ടിക്ക് വല്ലതും പറ്റിയോ…” പോണ പോക്കിൽ അച്ഛൻ തിരക്കി.

 

 

“… ഇല്ല അച്ഛാ…” അതിന് ഒരു മൂളൽ നൽകി അച്ഛൻ പോയി

 

 

ഭാഗ്യം അച്ഛൻ സീൻ ആക്കിയില്ല. പിന്നെ അമ്മയുടെ അടുത്ത് പോയി. അമ്മക്കുട്ടിയുടെ മടിയിൽ പോയി കിടന്നു. പുള്ളികാരിയുടെ ദേഷ്യം മാറ്റിയിട്ടാണ് അവിടെ നിന്നും എഴുന്നേറ്റെ. കുറച്ചു കഴിഞ്ഞു എല്ലാരും ചോർ കഴിക്കാൻ വട്ടം കൂടി.

 

 

“… എത്ര മാസം ഉണ്ട് സസ്പെന്ഷൻ…” അച്ഛൻ തിരക്കി

 

 

“… 1മാസം 🫣…”

 

 

“… എന്താ അത് വരെ പരിപാടി…”

 

 

“… പ്രതേകിച്ചു ഒന്നും ഇല്ല ജിമ്മിൽ പോണം അത് മാത്രമേ ഉള്ളു…”

 

 

“… അവിടെ പോയി ഓരോന്ന് പഠിച്ചു അത് പയറ്റുന്നത് പിള്ളേരുടെ നെഞ്ചത്ത്‌…” അമ്മ ചെറുതായി എന്നെ കുത്തി പറഞ്ഞതാ.

 

 

ഫുഡ്‌ കഴിച്ച് നേരെ റൂമിൽ പോയി. ഉച്ചക്ക് ഉറങ്ങിയത് കൊണ്ട് ഉറക്കവും വരുന്നില്ല. എന്നാ പിന്നെ ഞാൻ എന്നെകുറിച് നിങ്ങളോട് പറയാം.

 

 

 

എന്റെ പേര് നിങ്ങൾക് മനസിലായി കാണുമല്ലോ ആദിദേവ്. അത്യാവശ്യം നല്ലൊരു സാമ്പത്തികം ഉള്ള വീടാണ് എന്റെ . അച്ഛനും അമ്മയും പിന്നെ അനിയത്തി അമൃത എന്ന അമ്മു. അച്ഛൻ ബിസിനസ്സ് ആണ് അമ്മ വീട്ടിൽ തന്നെ. അമ്മു +2 പഠിക്കുന്നു. ചെറിയൊരു പഠിപ്പിസ്റ്റ് എന്നുവേണം പറയാൻ.

 

 

ഞാൻ +1 പഠിക്കുന്ന സമയത്ത് ആണ് സീനിയർ ഒരു ചേട്ടൻ റാഗിംഗ് എന്ന പേരിൽ എന്നെ പിടിച്ച് ഇടിച്ചു. പക്ഷെ എനിക്ക് ഒന്നും ചെയ്യാൻ പറ്റിയില്ല. നല്ല രീതിയിൽ ഇടിയും കിട്ടി മാനവും പോയി. എങ്ങനെ എങ്കിലും ഈ അപമാനത്തിന് പകരം ചോദിക്കണം. അപ്പൊ എന്റെ മുന്നിൽ തെളിഞ്ഞ വഴിയാണ് ജിം 😁. പിന്നെ വൈകാതെ അങ്ങോട്ട് ചേക്കേറി. അവിടത്തെ ആശാന്റെ മോൻ ആണ് കാർത്തി ഞാൻ അവനോട് പെട്ടെന്ന് അടുത്തു എന്റെ വിഷമം എല്ലാം പറഞ്ഞു. എല്ലാം കേട്ട അവൻ എന്നെ ബോക്സിങ് എന്ന കലാരൂപത്തിലേക്കു സ്വാഗതം ചെയ്തു. അവൻ കൊച്ചിലെ ബോക്സിങ് പഠിക്കുന്നുണ്ട്. പയ്യെ പയ്യെ ഞാനും ബോക്സിങ്ങിലേക്ക് ചുവടു വച്ചു . ഒരു വർഷത്തിന് ശേഷം +2 എക്സാം കഴിഞ്ഞ് ഇറങ്ങിയ ആ സീനിയർ തെണ്ടിയെ സ്കൂളിൽ ഇട്ടു തല്ലി. എന്റെ 1 വർഷത്തെ പ്രതികാരം അന്നത്തോടെ അവസാനിപ്പിച്ചു. അന്ന് മുതൽ സ്കൂളിൽ ഞാൻ സ്റ്റാർ ആയി. +2 പിന്നെ ഒരേ പൊളി മൂഡ്. പോരാത്തതിന് ബോക്സിങ് വഴി ഡിസ്ട്രിക്റ്റ് ലെവലിൽ മത്സരിക്കാൻ പറ്റി. ആ സംഭവത്തിന്‌ ശേഷം എനിക്ക് ഏറ്റവും പ്രിയപ്പെട്ടത് ജിമ്മും ബോക്സിങ്ങും ആയി കൂടെ കാർത്തി എന്റെ ബെസ്റ്റ് ഫ്രണ്ട് ആയി. അവനും എന്റെ അതെ പ്രായം ആയിരുന്നു. +2 നല്ല മാർക്കോടെ പാസ്സ് ആയപ്പോ അച്ഛൻ ഹിമാലയൻ വാങ്ങി തന്നു. പിന്നെ അതിലാണ് കറക്കം. എനിക്കും കാർത്തിക്കും ഒരേ കോളേജിൽ തന്നെ അഡ്മിഷൻ കിട്ടി അതും സെയിം ക്ലാസ്സ്‌. പിന്നെ പറയണോ.

 

 

കോളേജിൽ എത്തി 1,2 ദിവസം കൊണ്ട് തന്നെ എല്ലാരുമായി നല്ല കൂട്ടായി. ഒരു ദിവസം ഉച്ചക്ക് lunch break സമയത്ത് കാർത്തി തമാശയ്ക് ഇടിച്ചിട്ടു ക്ലാസിനു പുറത്തേക്ക് ഓടി. അവന്റെ പിന്നാലെ ഞാനും കഴിക്കാൻ ഉള്ള ചോറുമായി എഴുന്നേറ്റ ഒരു പെങ്കൊച്ചിനെയും തട്ടി മറിച്ചോണ്ട് ഞാൻ വീണു.

 

 

മൈര് മൂഞ്ചി. നോക്കിയപ്പോ നിലത്തു മുഴുവൻ ചോർ. ഒരു വെള്ള അനാർക്കലിയും കഴുത്തിൽ ഒരു ചെറിയ ചെയിനും കാതിൽ കുഞ്ഞി കമ്മലും ഇട്ട സുന്ദരി. അവളുടെ കണ്ണുകൾ നിറയുന്നുണ്ട്. ആദ്യം ഞാൻ ഒന്ന് പേടിച്ചു ആദ്യമായിട്ടാണ് ആ കൊച്ചിനെ കാണുന്നെ. പിന്നെ ഞാൻ നിലത്തു കിടന്ന ചോർ എല്ലാം വരി പത്രത്തിൽ ഇട്ടു അവളും നിറകണ്ണുകളോടെ ചോർ എല്ലാം വാരി.

 

 

“… സോറി ഞാൻ കണ്ടില്ലായിരുന്നു…” ജാളിയതയോടെ ഞാൻ പറഞ്ഞു. മറുപടി ഒന്നും പറയാതെ അവൾ പുറത്തേക്ക് പോയി. അതിനു പിന്നാലെ എന്റെ കണ്ണുകളും. എന്റെ കണ്ണുകൾ പോയി നിന്നത് പുറത്തേക്ക് പോവുന്ന അവളെ നോക്കി നിൽക്കുന്ന കാർത്തിയെ ആയിരുന്നു.