💖മംഗല്ല്യധാരണം – 1 23

 

 

“…ആ ബൾബ് കത്തുന്നില്ല നീ ഒന്ന് നോക്കിക്കേ…”

 

 

ഒരു മേശ അവിടെ ഉണ്ടായിരുന്നു. അതിൽ ചവിട്ടി മുകളിൽ കേറി നോക്കി.

 

 

“… അമ്മേ ഈ ബൾബ് അടിച്ചു പോയി എന്നാ തോന്നുന്നേ…”

 

 

“… അയ്യോ അത് പോയോ. എന്നാ ഈ ബൾബ് ഇട്ടോ…” അതും പറഞ്ഞ് മറ്റൊരു ബൾബ് തന്നു

 

 

“… ഇപ്പൊ എന്തിനാ ഇതൊക്കെ ചെയ്യുന്നേ…” ബൾബ് മാറ്റികൊണ്ട് ഞാൻ ചോദിച്ചു.

 

 

“… എടാ ഈ കൊച്ച് ഈ റൂമിൽ ആണ് താമസിക്കാൻ പോണേ. നിന്റെ ജിമ്മിലെ സാധനങ്ങൾ ഒക്കെ എടുത്ത് മാറ്റിക്കോ…”

 

 

അപ്പൊ അതിന്റെ കാര്യത്തിൽ ഒരു തീരുമാനം ആയി. ഞങ്ങടെ വീട്ടിൽ താഴെ 3 മുറിയും മുകളിൽ 2 മുറിയുമാണ് ഉള്ളത്. അമ്മയ്ക്കും അച്ഛനും അമ്മുവിനും താഴെയാണ് റൂം. മുകളിലത്തെ നില മുത്തുപാണ്ടി കോട്ടയാണ് അത് വേറെ ആരുമല്ല ഞാൻ തന്നെ 😁. ഇന്നത്തോടെ അതിനു ഇടിവ് സംഭവിച്ചു. ഞാൻ ഈ മുറി ചെറിയ ഒരു ഹോം ജിം ആക്കികൊണ്ട് ഇരിക്കയിരുന്നു🥲.

 

 

എന്റെ ജിം എക്യുപ്മെന്റ്സ് എല്ലാം മാറ്റി. അവളുടെ സാധനങ്ങൾ റൂമിൽ സെറ്റ് ചെയ്തു. ഞാൻ അമ്മയുടെ അടുക്കലേക്ക് പോയി.

 

 

“… ഇത് എവിടാ നിന്ന പെട്ടെന്നൊരു ബന്ധു അമ്മക്ക് പൊട്ടി മുളച്ചത്…”

 

 

“…എടാ ഇത് എന്റെ ഏട്ടന്റെ മോൾ ആട. അവൾക് ഇവിടയ അഡ്മിഷൻ കിട്ടിയത് എന്ന് അറിഞ്ഞപ്പോ ഞാനാ നമ്മുടെ വീട്ടിൽ നിൽക്കാം എന്ന് പറഞ്ഞെ…”

 

 

“… ഇത്രയും നാൾ നമ്മുടെ കാര്യം നോക്കാൻ ഒരു ബന്ധുവും വന്നിട്ടില്ലല്ലോ. ഇപ്പൊ അവർക്ക് ഒരു ആവശ്യം വന്നപ്പോ നമ്മൾ വേണം അല്ലെ..?” പുച്ഛത്തോടെ ഞാൻ ചോദിച്ചു

 

 

“… ചാരുന്റെ അമ്മക്ക് നമ്മളോട് ദേഷ്യം ഒന്നും ഇല്ല. ഇടക് എന്നെ വിളിക്കാറുണ്ട്…”

 

 

“… അപ്പൊ അമ്മയുടെ ആങ്ങളക്കോ…”

 

 

“…ഏട്ടന്റെ ദേഷ്യം മാറി വരുന്നുണ്ട്. പിന്നെ എന്റെ അമ്മയ്ക്കും എന്നെ കാണണം എന്നുണ്ട്…” അമ്മ ഒരു വിഷമത്തോടെ പറഞ്ഞു.

 

 

“… അച്ഛൻ എന്ത് പറഞ്ഞു..?”

 

 

“… അച്ഛൻ എതിർപ്പ് ഒന്നും പറഞ്ഞില്ലാ…”

 

 

“… എന്താന്ന് വച്ച കാണിക്ക്…” അതും പറഞ്ഞ് ഞാൻ കേറി പോയി.

 

 

ഇപ്പൊ നിങ്ങൾ ചോദിക്കും എന്തിനാ നീ ഷോഓഫ് കാണിച്ചത് എന്ന്. അമ്മയും അച്ഛനും പ്രണയ വിവാഹം ആയിരുന്നു. രണ്ടുപേരുടെയും വീട്ടിൽ കട്ട കലിപ്പ്. എല്ലാം പ്രണയബദ്ധങ്ങൾ പോലെ ഇവരും ഒളിച്ചോടി ഇവിടെ വന്നു സെറ്റിൽ ആയി. പിന്നെ അമ്മ സ്വന്തം വീട്ടിൽ പോയിട്ടില്ല. കയറ്റിയില്ല എന്ന് പറയുന്നതാവും ശെരി. ഈ ഇടക്ക് അമ്മയുടെ വീട്ടുകാർക്കു ഒരു അയവുവന്നു എന്നാണ് അമ്മുവഴി അറിയാൻ പറ്റിയത്. പിന്നെ അമ്മയ്ക്കും കാണില്ലേ അമ്മുമ്മയെ കാണണം എന്ന്. എനിക്ക് പിന്നെ അമ്മയുടെ ബന്ധുക്കരെ ഇഷ്ട്ടമല്ല. അപ്പോഴാ പുതിയ ഒരു മാരണം എഴുന്നള്ളിയേക്കുന്നെ. രാത്രി ആഹാരം കഴിക്കുന്ന സമയം അച്ഛൻ അവളോട്‌ ഓരോന്ന് ചോദിക്കുന്നത് കേട്ടു ഞാൻ മൈൻഡ് ചെയ്യാൻ പോയില്ല. ആഹാരം കഴിഞ്ഞ് സ്പീക്കറിൽ പാട്ടും വച്ച് ബാൽകണിയിൽ ഇരിക്കയിരുന്നു.

 

 

“… Helo എനിക്ക് അങ്ങോട്ടു വരാമോ…” പിന്നിലായി സൗണ്ട് കേട്ടു നോക്കിയപ്പോ ചിരിച്ചോണ്ട് അവൾ. വരാൻ പറഞ്ഞ് ഞാൻ എഴുനേറ്റു.

 

 

“…ഉറങ്ങറായില്ലേ…” അവൾ കുശലം ചോദിച്ചു.

 

 

“…ഇല്ല ഉറക്കം വന്നില്ല…”

 

 

“…ഞാൻ വന്നത് കൊണ്ടാണോ ഉറക്കം പോയത്…” അവൾ തിരക്കി.

 

 

“…ഏയ്‌ അങ്ങനെ ഒന്നും അല്ല…” ഒഴുക്കൻ മട്ടിൽ ഞാൻ പറഞ്ഞു.

 

 

“… ആദി ഏത് ബ്രാഞ്ച് ആണ്…”

 

 

ഞാൻ എന്റെ ബ്രാഞ്ച് പറഞ്ഞു. അവൾ അവളുടെയും

 

 

“… ആദി എന്ന് വിളിക്കലോ അല്ലെ..?”

 

 

“…ആഹ് വിളിച്ചോ…” ഒരു ചിരിയോടെ പറഞ്ഞു.

 

 

“… അമ്മ പറഞ്ഞു തനിക് നല്ല മാർക്ക്‌ ഉണ്ട് എന്ന് പിന്നെ എന്തിനാ ഈ നാട്ടിലോട്ട് അഡ്മിഷൻ എടുത്തത്..?” എന്റെ ഉള്ളിലെ സംശയം ഡയറക്റ്റ് ആയി തന്നെ ചോദിച്ചു.