💖മംഗല്ല്യധാരണം – 1 23

 

 

“…സമാധാനം ആയല്ലോടാ ചെറ്റേ…”അവന്റെ തലക്ക് ഇട്ടു ഒരു കൊട്ട് കൊടുത്ത് ഞാൻ ചോദിച്ചു.

 

 

“… അതിനു ഞാൻ എന്ത് ചെയ്ത്. നിനക്ക് നോക്കി ഒക്കെ നടന്നൂടെ…”

 

 

“…എന്നെ കൊണ്ട് ഒന്നും പറയിപ്പിക്കണ്ട. എടാ അവൾ ഒന്നും പറയാതെയ പോയെ…”

 

 

“… അതിനു…” എന്നെ നോക്കി കാർത്തി ചോദിച്ചു.

 

 

“…എടാ ഞാൻ കാരണം ഒരാളുടെ ഫുഡ്‌ വേസ്റ്റ് ആയില്ലേടാ. ചിലപ്പോ അവൾ ഇന്ന് ഒന്നും കഴിച്ചില്ലങ്കിലോ…”

 

 

“… അവൾ കാന്റീൻ നിന്നും കഴിച്ചോളും. നീ എന്തായാലും സോറി പറഞ്ഞില്ലേ അത് മതി…”

 

 

“… അങ്ങനെ അല്ലടാ ഞാൻ കാരണം അല്ലെ ഇതൊക്കെ സംഭവിച്ചേ എനിക്ക് അവളോട്‌ സംസാരിക്കണം…”

 

 

“… അവൾ അവിടെ പൈപ്പിന്റെ അടുത്തൊട്ട പോയെ നീ പോയിട്ടു വാ…” വല്യ താല്പര്യം ഇല്ലാതെ കാർത്തി പറഞ്ഞു.

 

 

“… അതിനു നീ എവിട പോണു. എല്ലാത്തിനും നീയാണ് കാരണം വാടാ ഇങ്ങോട്ട്…”

 

 

അവനെയും കൊണ്ട് നേരെ പൈപ്പിന്റെ അടുത്തേക്ക് പോയി. അവൾ അവിടെ നിന്നും പാത്രം കഴിക്കുകയാ. നേരെ അവൾക് അടുത്തേക്ക് പോയി.

 

 

“… അതെ സോറി. നേരുത്തേ അറിയാതെ പറ്റിയതാ ക്ഷമിക്കണം…” വിനയത്തോടെ ഞാൻ പറഞ്ഞു.

 

 

“… അത് സാരമില്ല…” അത് പറഞ്ഞു അവൾ പോവാൻ ഒരുങ്ങി.

 

 

“… ഒന്നും കഴിച്ചില്ലല്ലോ. ക്യാന്റീനിൽ വരാവോ. ഫുഡ്‌ ഞാൻ വാങ്ങി തരാം…”

 

 

“… ഫുഡ്‌ വാങ്ങി കൊടുക്കാൻ നീ ആര് അവളെ അപ്പനോ…” കാർത്തി എന്റെ ചെവിയിൽ അടക്കം പറഞ്ഞു.

 

 

“… അത് വേണ്ട…” അവൾ തീർത്തു പറഞ്ഞു.

 

 

“… അത് പറഞ്ഞാൽ പറ്റില്ല എന്റെ ഒരു മനസമാധാനത്തിന് വരണം പ്ലീസ്…”

 

 

അവസാനം അവൾ വരാം എന്ന് സമ്മതിച്ചു. ക്ലാസ്സിൽ പോയി പത്രവും വച്ചു അവളെയും കൂട്ടി നേരെ ക്യാന്റീനിൽ പോയി 3 ബിരിയാണി വാങ്ങി ടേബിളിൽ ഇരുന്നു.

 

 

“… തന്റെ പേര് എന്താ…” കഴിക്കുന്നതിനു ഇടയിൽ ഞാൻ തിരക്കി.

 

 

“…സ്വന്തം ക്ലാസ്സിൽ പഠിക്കുന്നവരുടെ പേര് അറിയില്ലേ…” അവൾ എന്നെ കളിയാക്കി.

 

ഞാൻ ഒന്ന് ചമ്മി. അവൾ ഇച്ചിരി കംഫർട് ആയെന്നു തോന്നി.

 

“…ദിയ 🥰…” പുഞ്ചിരിച്ചോണ്ട് മറുപടി കിട്ടി.

 

 

കാർത്തി ഇതൊന്നും ശ്രദ്ധിക്കാതെ ബിരിയാണിയെ കടന്നാക്രമിക്കായിരുന്നു. ഞാനും ദിയയും നല്ലതുപോലെ പരിചയപ്പെട്ടു. ആൾ ഒരു പാവം തൊട്ടാവാടിയ. കഴിച്ചു കഴിഞ്ഞു ക്ലാസ്സിൽ പോയി. ഇപ്പോഴാ ഒരു ആശ്വാസം ആയെ.

 

 

“… ചിക്കൻ കുറച്ചൂടി വേവാൻ ഉണ്ട് അല്ലെ…” എന്തോ ആലോചിച്ചു കാർത്തി പറഞ്ഞു.

 

 

“… മിണ്ടി പോകരുത്. മനുഷ്യന്റെ കൈയിലെ പൈസയും കളഞ്ഞു…”

 

 

“… ഞാൻ പറഞ്ഞോ അവൾക് ബിരിയാണി വാങ്ങി കൊടുക്കാൻ…” അതും പറഞ്ഞു അവൻ കയർത്തു.

 

 

“…അവൾക്ക് അല്ല നിനക്കാണ് ബിരിയാണി വാങ്ങി തരാൻ പാടില്ലാതെ…”

 

 

“… ഓ ഇപ്പൊ നിങ്ങൾ അച്ഛനും മോനും ഞാൻ നായിന്റെ മോനു അല്ലെ…”

 

 

“… അതെ അത് അങ്ങനെ തന്ന…” അത് പറഞ്ഞു ഞാൻ അവനെ ഒന്ന് മൂപ്പിക്കാൻ നോക്കി അപ്പോഴേക്കും ടീച്ചർ വന്നു. ഇല്ലങ്കിൽ ഇവനെ വെറുപ്പിക്കായിരുന്നു.

 

 

പോകെ പോകെ ദിയയും എന്റെ നല്ലൊരു ഫ്രണ്ട് ആയി. എനിക്ക് അമ്മുവിനെ പോലെയാ ഇപ്പൊ ദിയ.

 

ഞാൻ ഇന്ന് ഒരു തെണ്ടിയെ ഇടിച്ചില്ലേ അവനും സെയിം ഇയർ തന്ന. വേറെ ബ്രാഞ്ച് ആണെന്ന് ഉള്ളു. ആൾ ഒരു നരമ്പൻ ആണ്. കോളേജ് തുടങ്ങി 1 ആഴ്ച കഴിയും മുമ്പ് ദിയയോടു അവനു പ്രണയം. അവൻ പ്രപ്പോസും ചെയ്തും സന്തോഷപൂർവ്വം അവൾ നിരസിച്ചു 😁. പക്ഷെ അവൻ വിടാൻ ഉദ്ദേശം ഇല്ല. തരം കിട്ടുമ്പോൾ എല്ലാം അവളോട്‌ കൊഞ്ചിക്കൊഴയാൻ വരും. ദിയക് അവനെ ഒട്ടും ഇഷ്ട്ടല്ല. ഇന്ന് പിന്നെ എന്റെ കൈയിൽ നിന്നും പോയി. എന്തായാലും ഇനി അവൻ ശല്യം ചെയ്യാൻ വരില്ല.

 

 

രാവിലെ അമ്മയുടെ കലപില ശബ്‌ദം കേട്ടാണ് ഞാൻ ഉറക്കം എഴുന്നേറ്റത്.