💝 ഗോലിസോഡാ 💝 – 4 2

 

“””””””””””””””കുട്ടാ…….”””””””””””””””

 

സ്വപ്നം വിട്ട് ഉറക്കത്തിൽ നിന്നും ഞെട്ടി എഴുന്നേൽക്കുമ്പോ ഞാൻ നന്നേ അണക്കുന്നുണ്ടായിരുന്നു. കുറച്ച് നേരം വേണ്ടി വന്നു ഞാൻ നോർമൽ ആവാൻ. എല്ലാം കൊള്ളായിരുന്നു, പക്ഷെ ആ മാഞ്ഞു പോയത് അത് മാത്രം വേണ്ടായിരുന്നു. ഞാനങ്ങ് ഉരുകിത്തീർന്നിരുന്നു.

 

പിന്നെയാണ് കുട്ടനിലോട്ട് കണ്ണ് പോയത്. അവനിപ്പോഴും നല്ല ഉറക്കത്തിലാണ്. എന്റെ മുഖം ഇപ്പോഴും അവന്റെ കഴുത്തിൽ തന്നാണ്. കൈകൾ അവനേം ചുറ്റിപ്പിടിച്ചിരിക്കുന്നു. നല്ലുറക്കത്തിൽ ആണേലും അവനെന്നെ പൊതിഞ്ഞ് പിടിച്ചിട്ടുണ്ട്. പണ്ടത്തെ പോലല്ല ഭയങ്കര ബലമായി. അവന്റെ കൈകളുടെ ബലം നന്നായി എനിക്കറിയാൻ പറ്റി. അവനിൽ നിന്നും വിട്ട് മാറാൻ മനസ്സ് അനുവദിക്കുന്നില്ല. പക്ഷെ പോയെ പറ്റൂ.

ഇല്ലെങ്കിൽ ചിലപ്പോ ആരേലും കണ്ട് വന്നാൽ ഞാൻ കാരണം വെറുതെ അവനും പ്രശ്നമാവും. അവന്റെ കൈകൾ പതിയെ അവനുണരാതെ എടുത്ത് മാറ്റി. അതുവരെ എനിക്ക് കിട്ടിയിരുന്ന ഒരു സുരക്ഷിതത്വം., അത് ഞാനിപ്പോ മിസ്സ്‌ ചെയ്യുന്നു…..!!

പിരിന്ന് മാറി അലങ്കോലമായി കിടന്ന മുടിയെ പിന്നിലേക്ക് കെട്ടി വച്ചു. ഇനിയുമിരുന്നാൽ പറ്റില്ല, തിരിഞ്ഞ് കുട്ടന്റെ നെറ്റിത്തടത്തിൽ ഒരു സ്നേഹ ചുംബനം കൊടുത്തു. കഴിഞ്ഞ രാത്രി എനിക്ക് സമ്മാനിച്ചതിന്റെ സന്തോഷം, അതുമല്ലെങ്കിൽ എനിക്ക് ഇഷ്ട്ടമുണ്ടായിട്ട്….!!

 

വാതില് തുറന്ന് വെളിയിലേക്കിറങ്ങി. ഇന്നലെ തലവേദന ആണെന്നും പറഞ്ഞ് കിടക്കുമ്പോ ചേച്ചിമാരും എന്നോടൊപ്പം കൂടിയിരുന്നു., അവര് പിന്നെ ഉറങ്ങി കഴിഞ്ഞാൽ നേരം വെളുത്ത് സൂര്യൻ ഉദിച്ചല്ലാതെ എഴുന്നേൽക്കില്ല. പണ്ട് തൊട്ടേ അങ്ങനായത് കൊണ്ട് അവരുറങ്ങാൻ വേണ്ടി കാത്തിരുന്നു ഞാൻ……..!!

 

മുറിക്ക് മുന്നിലെത്തി ചാരിയ വാതിൽ പയ്യെ തുറന്ന് ഒരു കള്ളനെ, അല്ലാ കള്ളിയെ പോലെ ഞാനാകത്തേക്ക് കേറി. ഒന്നുമറിയാത്ത ഭാവത്തിൽ കാട്ടിന്മേൽ കേറി നടുക്കായി കിടന്നു. അങ്ങേ അറ്റത്ത് തങ്കിയേച്ചിയും ഇങ്ങേ അറ്റത്ത് പിങ്കിയേച്ചിയും., എഴുന്നേറ്റ് പോവുമ്പോ എങ്ങനെ കിടന്നോ അതേ മാതിരി തന്നെ അവരിപ്പോഴും കിടക്കുന്നുണ്ട്.

 

❤️❤️

“””””””””””””ചേച്ചി……””””””””””””””

“””””””””””മ്മ്……”””””””””””””””

“”””””””””””ആ പഴേ ആൽബം ഇപ്പോഴും ഇവിടുണ്ടോ…….??”””””””””””””

“”””””””””””അതൊക്കെ ഇപ്പോഴും ഓർമ്മയുണ്ടോ നിനക്ക്…….??”””””””””””

“”””””””””””പിന്നില്ലാതെ…..??””””””””””””””

“”””””””””””കാണണോ മാളൂട്ടി……??””””””””””

“””””””””””””അഹ് കാണണോന്നുണ്ട്…..!!”””””””””””””

“””””””””””””ഞാൻ പോയെടുത്തിട്ട് വരാം. കുട്ടന്റെ മുറിയിൽ കാണും……”””””””””””

 

തങ്കിയേച്ചി അതും പറഞ്ഞേഴുന്നേറ്റു. ഞാനിപ്പോഴും സോഫയിൽ കിടക്കുവാണ്. അമ്മയുടെ മടിയിലാണ് എന്റെ തല. ചേച്ചിയുടെ മടിയിൽ എന്റെ കാലുകളും. രണ്ടാളും മസ്സാജൊക്കെ ചെയ്ത് തരുന്നുണ്ട്. ഹാളിൽ എല്ലാവരും ഇരിപ്പുണ്ട്., ഒരാളൊഴികെ. നേരത്തെ തങ്കിയേച്ചി പോയി നോക്കിയിരുന്നു, ഉറക്കാന്നാ പറഞ്ഞേ പാവം. വിശേഷങ്ങളും കഥ പറച്ചിലുകളുമൊക്കെയായി ഭയങ്കര സന്തോഷത്തിലാ എല്ലാരും.

 

“”””””””””””””കുട്ടൻ എണീച്ചു. അവൻ കുറച്ച് കഴിഞ്ഞിട്ട് വരാന്നും പറഞ്ഞു…..!!””””””””””””

 

ആൽബവും കൈയിൽ പിടിച്ച് തങ്കി ചേച്ചി വന്ന് പിങ്കിയേച്ചിയുടെ ഒപ്പം അടയും ചക്കരയും പോലെ ഇരുന്നു. അല്ലേലും അവരങ്ങനെ തന്നാ. ഉരുമിച്ച് കിടക്കും ഒരുമിച്ച് എഴുന്നേൽക്കും, ഒരുമിച്ച് കഴിക്കും. ചില കാര്യങ്ങൾക്ക് മാത്രമേ മാറ്റമുള്ളൂ. ഒരുമിച്ച് പിറന്നത് കൊണ്ടാവാം ഇങ്ങനെയൊക്കെ.

 

ആൽബം എടുത്ത് രണ്ട് മൂന്ന് പേജുകൾ മറിക്കുമ്പോ ഓർമയും അതിനോടൊപ്പം തന്നെ സഞ്ചരിച്ചിരുന്നു.

 

“””””””””””””മാളു നിന്റെ ഫോൺ കിടന്ന് അടിക്കാൻ തുടങ്ങിട്ട് കൊറേ നേരായല്ലോ…??നീ എന്താ പെണ്ണേ സ്വപ്നം കാണുവാണോ…??””””””””””””