💝 ഗോലിസോഡാ 💝- 5 Like

“”””””””””””രാമാ, നിങ്ങളല്ല ഇറങ്ങേണ്ടത്…..!! എന്തും ഞാൻ സഹിക്കും, പക്ഷെ മോളെ ഇവൻ വിളിച്ചത് സഹിക്കില്ല., അതെന്റെ മനസ്സിൽ ഇപ്പോഴും കിടന്ന് നീറുവാ. എന്റെ വയറ്റിൽ തന്നെ നീ വന്ന് പിറന്നല്ലോ ടാ. ഒന്നും പോരാഞ്ഞിട്ട് എന്റെ കുഞ്ഞിനെ നീ കൈയും വച്ച്. പൊക്കോ, എനിക്ക് നിന്നെ കാണണ്ടാ. എങ്ങോട്ടേലും എറങ്ങി പോ…..!!””””””””””””””

കണ്ണുനീരോടെ അമ്മ പറഞ്ഞു. സത്യം പറഞ്ഞാൽ ചിരിയായിരുന്നു വന്നത്. അവളെന്നെ അടിച്ചതൊന്നും അമ്മ കണ്ട് കാണില്ല, അവളെന്നെ പറഞ്ഞതൊന്നും അമ്മ കേട്ട് കാണില്ല. ഇന്നലെ വന്ന അവൾക്ക് വേണ്ടി സ്വന്തം മകനായ എന്നെ ഇന്നമ്മ ഇറക്കി വിടുന്നു.

“”””””””””‘””അമ്മ വേണ്ടമ്മ അവനൊരു തെറ്റ് പറ്റിയതല്ലേ….?? ക്ഷേമിക്കമ്മാ….., അമ്മക്ക് തന്നെ അറിയാവുന്നതല്ലേ, ദേഷ്യം വന്നാലവൻ എന്തൊക്കെയാ പറേണേന്ന് അവന് പോലും അറിയില്ല. പ്ലീസ് അമ്മ അവനിനി പഠിച്ചോളും അമ്മാ…..”””””””‘””””””

“””””””””””””നിന്നോട് അഭിപ്രായം ചോദിച്ചില്ല തങ്കി. അവൻ പറഞ്ഞ വാക്കിന്റെ അർഥം ഞാൻ വേണോ നിനക്ക് പറഞ്ഞ് തരാൻ…..?? ഏറ്റവും ഇളയത് ആയത് കൊണ്ട് ചെല്ലം കൊടുത്ത് വളർത്തി അതാ ഞങ്ങള് ചെയ്ത തെറ്റ്. എന്ത് നടന്നാലും അങ്ങ് ചിരിച്ച് കാണിക്കുമ്പോ അവനതൊരു ലൈസൻസ് ആയി. ഇനിയില്ല. ഇവനീ വീട്ടിലുണ്ടേ എന്റെ മോളെ ഇങ്ങനോരുന്ന് പറഞ്ഞും ചെയ്തും ഇവൻ കൊല്ലും. വേണ്ട ഇറങ്ങിക്കോ, ഇവിടാർക്കും നിന്നെ കാണണ്ട പൊക്കോ എങ്ങോട്ടാണെലും., തിരിച്ച് വന്ന് പോകരുത്…!!””””””””””””””

അമ്മ അതൂടെ പറഞ്ഞതും തങ്കി അലമുറയിട്ട് കരയാൻ തുടങ്ങി. എടുക്കാനായിട്ട് ഒന്നും തന്നെയില്ല, പേഴ്‌സും താക്കോലും പോക്കെറ്റിൽ തന്നെയുണ്ടായിരുന്നു. എല്ലാവരേം അവസാനമായി ഒന്ന് നോക്കി. അവരുടെയൊക്കേം കണ്ണുകളിൽ എന്നോടുള്ള ദേഷ്യവും വെറുപ്പും മാത്രേ ഉണ്ടായിരുന്നുള്ളൂ. പക്ഷെ എന്റെ ചുണ്ടിൽ ചിരിയായിരുന്നു.

“”””””””””””തങ്കി ഞാനൊരു തെറ്റും ചെയ്തിട്ടില്ല ടി. അത് മറ്റാരേം ബോധിപ്പിക്കാൻ എനിക്ക് തോന്നുന്നില്ല, എന്നാ എനിക്ക് വേണ്ടി കരയുന്ന നിന്നോട് മാത്രേ ഞാൻ പറയുന്നുള്ളൂ, ഞാനവളെ അങ്ങനെ വിളിച്ചിട്ടുണ്ടേ അവളെ കൈ വച്ചിട്ടുണ്ടേ അതിനൊരു കാരണമുണ്ട്. എല്ലാവരും എന്നെയീ നിമിഷം വെറുത്തു., അവരെ തിരുത്താൻ എനിക്ക് കഴിയില്ല. നീ., എന്നെ വെറുക്കല്ലേ തങ്കിയേച്ചി……!!”””””‘””’”””’

വിതുമ്പി കൊണ്ടവളെ ഞാൻ കെട്ടിപ്പിടിച്ചു.

“””””””””””കുട്ടാ……. പോവല്ലേ ടാ…!!”””””””””””””

കരച്ചിലിന്റെ ആക്കം കൂടിയതല്ലാതെ കുറഞ്ഞില്ല. ഇനിയും തുടർന്നാൽ ശെരിയാവില്ല., വേദനയോടെ ആണേലും ഞാനവളെ വിട്ട് മാറി……!!

“””””””””””””എല്ലാരും കൈ വച്ചു എന്തേ നീ മാത്രം മാറി നിന്നേ….?? നിന്റെ അടി കൂടെ കൊള്ളാനുള്ള ആരോഗ്യമൊക്കെ എനിക്ക് ഉണ്ട്. പോവുവാ തങ്കി, ഇനി അടി കൂടാനും വഴക്ക് പറയാനും ഷെയർ ചെയ്ത് കഴിക്കാനും പിണങ്ങുമ്പോ കെട്ടിപ്പിടിച്ച് പിണക്കം മാറ്റനുമൊക്കെ എല്ലാർക്കും പുതിയൊരാളേ കിട്ടിയില്ലേ….?? പറഞ്ഞില്ലായിരുന്നോ, എനിക്കും മുന്നേ നിങ്ങൾക്ക് കിട്ടിയ അനിയത്തി ആണെന്ന്. ഇനിയാ അനിയത്തിയേം സ്നേഹിച്ച് നിങ്ങൾക്ക് സന്തോഷത്തോടെ ജീവിക്കാലോ…?? പോവുവാ, കുട്ടൻ പോവുവാ തങ്കി……!!””””””””””””

അത്രേം പറഞ്ഞ് നിറഞ്ഞ കണ്ണുകൾ ഒപ്പി ഞാനാ വീട്ടിൽ നിന്നും എന്നെന്നേക്കുമായി പടി ഇറങ്ങുമ്പോ കരുതിയിരുന്നില്ല, ഞാനിവിടെ തന്നെ വന്ന് കേറൂന്നും ആ മാരണം പിടിച്ചവള് എന്റെ തലേ തന്നെ ആവൂന്നും……!!

❤️❤️

6 MONTHS LATER PRESET DAY……!!

“”””””””””””ദാ മാമ……!!”””””””””””‘

ഗോലിസോഡയുടെ പൈസയും കൊടുത്ത് തിരിയുമ്പോ കാണുന്നത് ഫോണിലൂടെ കുറുകുന്ന വിച്ചനെയാണ്. മറുതലക്കൽ രേഷ്മയാവും……!! ഏതായാലും അവരുടെ കാര്യമെങ്കിലും സന്തോഷത്തോടെയും സമാധാനത്തോടെയും അവസാനിച്ചാൽ മതി.

“”””””””””””ടാ മതി സൊള്ളിയത്, ബാക്കി വീട്ടിൽ ചെന്നിട്ടാവാം…..!!””””””””””””””