ഗോലിസോഡാ 7

GolisodaPart 7  | Author : Nedumaran Rajangam

[ Previous Part ]

ക്രൂരതകൾ ഒന്നിനുമൊരു പലഹാരമല്ല, ശേ തെറ്റി പരിഹാരമല്ല. ക്രൂരതകൾ അവസാനിപ്പിച്ച് സ്നേഹത്തിന്റെ പാതയിലേക്ക് കടക്കുന്ന ആ മാലാഖയുടെ അല്ലേ ആ ചെകുത്താന്റെ കഥ……..!! കഥ ഇഷ്ടപ്പെട്ടില്ലെങ്കിൽ 500 ❤️ ഉം ഇഷ്മായാൽ 200 ❤️ ഉം തന്ന് ഈ കൊച്ചു കലാകാരനെ…….

ബാക്കി മറന്നുപ്പോയി. (കുറച്ച് ചെളി കൂടിയാലെ ആള്ക്കാര് ശ്രദ്ധിക്കൂ.) അധികം പ്രതീക്ഷ വക്കാതെ വായിച്ചാൽ നിങ്ങളുടെ മനസ്സ് നിറഞ്ഞ് പോകാം. പ്രതീക്ഷ വച്ച് വായിച്ചാൽ നിങ്ങളുടെ മനസ്സ് നിറഞ്ഞ് എന്നെ പ്രാവാം. പ്രാക്ക് ഒഴുവാക്കൂ…….!!

പിന്നെയെന്റെ ചങ്ങാതി., പ്ലാബിങ് കം ഇലട്രിഷൻ കം……. അങ്ങനെ കൊറേ കം ഉള്ള ഇരിഞ്ഞാലയിൽ കുടക്കാരൻ എന്റെ അളിയൻ.

(Dei ava en friend da darling 😂)ഈ പാർട്ട്‌ നിനക്കുള്ളതാ. മ്മ് enjoy enjoy.

പിന്നെ നമ്മള് ചിലരെ friends ആയും brothers ആയുമൊക്കെ കാണും. അത് ഹൃദയം കൊണ്ടാ. എന്നാ അവരും നമ്മളെ അങ്ങനെ തന്നെയാണോ കാണുന്നത് എന്ന് അറിയില്ലല്ലോ…..?? ചിലപ്പോ അവരുടെ മേൽ നമ്മളെടുക്കുന്ന freedom അതൊന്നും അവർക്ക് ഇഷ്ട്ടമായിരിക്കില്ല. ചിലരെയൊക്കെ ഇപ്പോഴാ ശെരിക്കും മനസ്സിലാവണേ, ലോല ഹൃദയനായ എനിക്ക് അതൊക്കെ സഹിക്കാൻ പറ്റുന്നതിലും അപ്പുറമാണ്.

അപ്പൊ വായിച്ചിട്ടൊക്കെ വാ. നമ്മളിവിടെയൊക്കെ തന്നെ കാണും……!! എന്നാ ശെരി പോണ്…………

😏 ……………… ❤️❤️ …………….. 😏

ഗോലിസോഡാ…….!!

“””””””””””അയ്യോ എന്റെ മോളെ…..””””””””””””

പ്രാണൻ വെടിഞ്ഞുള്ള ആരുടെയോ നിലവിളി ആണ് എപ്പോഴോ മയങ്ങി പോയ എന്നെ ഉണർത്തുന്നത്. ബെണ്ടിൽ അവളെ കാണാണ്ടായപ്പോ ഒന്ന് സംശയിച്ചു., നിലവിളി ശബ്ദങ്ങൾ ഉയർന്ന് കേട്ടുക്കൊണ്ടേയിരുന്നു. അനാഥമായി കിടക്കുന്ന ആ വീൽചെയറിനെ നോക്കി ഞാനെഴുന്നേറ്റു./p>

“””””””””””കുട്ടാ…….”””””””””””””

തങ്കിയുടെ ഉച്ചത്തിലുള്ള അലർച്ച കേട്ട് ഒന്ന് പതറിയെങ്കിലും സമയം കളയാതെ ഞാൻ ഓടുവായിരുന്നു. എല്ലാം മറന്നുള്ള ഒട്ടത്തിനിടക്ക് എവിടോ തട്ടി ഞാൻ വീണു. മരവിച്ച് പോയ രണ്ട് കാലുകൾ എന്റെ കണ്മുന്നിൽ ഞാൻ കണ്ടു. വെച്ച് വെച്ച് എഴുന്നേൽക്കുമ്പോ കാണുന്നത് സത്യമാകരുതേ എന്നതിയായി ഞാനാശിച്ച് പോയി. ശ്വാസം നിലച്ച അവളുടെ ശരീരം., അതിനെ പുൽകി വാവിട്ട് കരയുന്ന മറ്റുള്ളവർ. ഒടുവില് അവൾ യാത്രയായി. അപ്പോഴുമാ അധരങ്ങളിൽ നിറഞ്ഞ് നിന്നത് ചിരിയാണ്. യുദ്ധം വിജയിച്ച യോദ്ധാവിന്റെ ചിരി……..!!

ചില സ്വപ്നങ്ങൾ ചില മാറ്റത്തിനായിയുള്ള തുടക്കങ്ങൾ ആവാം……..!!

3 AM

പുറത്ത് അതിശക്തിയായി തന്നെ ആർത്തലച്ച് പെയ്യുന്നുണ്ട് മഴ. ശരീരം കോച്ചിപ്പിടിക്കുന്ന തണുപ്പ്, മുറിക്കുള്ളിൽ ഫുൾ സ്പീഡിൽ കറങ്ങുന്ന ഫാൻ. എന്നിട്ടും ഞാനെന്തേ വിയർക്കുന്നു…..??

മനസ്സിനെ അലട്ടിയിരുന്നു ആ ചോദ്യം. ഫോണിലേക്ക് നോക്കുമ്പോ സമയം മൂന്ന് ആകുന്നതേയുള്ളൂ. കണ്ണടക്കുമ്പോ കാണുന്നത് ജീവശവമായി കിടക്കുന്ന അവളെയാണ്., കണ്ട സ്വപ്നം മനസ്സിലേക്ക് വീണ്ടും കടന്ന് വന്നപ്പോ ഒരു ഞെട്ടലോടെ ഞാൻ ചാടി പിടഞ്ഞെഴുന്നേറ്റു. എന്നാലിതൊന്നും അറിയാതെ കിടുകിടാ വിറച്ച് കിടക്കുന്ന അവളെ കണ്ടപ്പോ ഒരേസമയം ആശ്വാസവും പേടിയും തോന്നി എനിക്ക്.

“””””””””””ഏയ്‌…….””””””””””””

കൂടെ കിടന്ന് കവിളിൽ തട്ടി നോക്കി പല്ല് കൂട്ടിയിടിക്കുന്ന ശബ്ദം നന്നായി തന്നെ കേക്കാം. അതോടൊപ്പം അവളെന്തോ കുശുകുശുക്കുന്നുമുണ്ട്.

“””””””””””പ…..,,പാ..,….,പാപി……..”””””””””””

വിറയലോടെ വ്യക്തതയില്ലാതെ മുറിഞ്ഞുപ്പോയ വാക്കുകൾ കേട്ട് നെഞ്ചോന്ന് പിടഞ്ഞു.

“””””””””””മാളു…….”””””””””””

ഹൃദയം അറ്റ് പോകുന്ന വേദനയോടെ ഞാനവളെ വിളിച്ചു. ആ ഇരുട്ടിലും കവിളിൽ തെളിഞ്ഞ് കണ്ട ചുവന്ന കൈപ്പാട്, അധരങ്ങളിൽ കട്ട പിടിച്ചിരുന്ന രക്തകറ. വേദനയോടെ അവളെ തൊട്ട് തലോടുമ്പോ ചത്ത മനസ്സും ഒഴുകി ഇറങ്ങിയ കണ്ണുനീരും ഉള്ളിന്റുള്ളിൽ എവിടെയോ അടച്ചിട്ട ആ പഴേ ഉണ്ടക്കണ്ണിയോടുള്ള അടങ്ങാത്ത ഇഷ്ട്ടത്തേ ചൂണ്ടി കാട്ടി. ആ സ്വപ്നം എന്നിലെ എന്നെ പൂർണമായും ഇല്ലാതാക്കിയിരുന്നു. ഇല്ല ഇനിയൊന്നും വേണ്ടാ, ഇനിയുമവളെ ദ്രോഹിച്ചാ, ഇല്ലാ., എനിക്ക് കഴിയില്ല. എന്റെയുള്ള് നിറയെ വിഷമായിരുന്നു./p>

“”””””””””””നീയല്ല പാപി ഞാനാ, ഈ ഞാൻ…….!!”””””””””””””

എഴുന്നേറ്റ് ചെന്ന് അലമാരക്കുള്ളിൽ നിന്നും പഴയൊരു കമ്പിളി പുതപ്പ് കുടഞ്ഞെടുത്തു. പണ്ട് പനിച്ച് കിടക്കുമ്പോ അമ്മ പുതപ്പിക്കാൻ എടുത്തിരുന്നത്. വിറങ്ങലടിച്ച് കിടക്കുന്ന ആ കൊച്ചു കുട്ടനെ അമ്മ നന്നായി പുതപ്പിച്ച്, കൂടെ അമ്മയും കിടന്ന് തന്റെ നെഞ്ചോട് എന്നെ ചേർത്ത് ആ മാതൃഹൃദയത്തിലെ ചൂട് പകരുന്നത് കണ്ണുനീരോടെ ഞാനോർത്തു.

അവളേം നന്നായി പുതപ്പിച്ചു. എന്റെ ചൂടേറ്റ് ഉറങ്ങാൻ അതിയായി ആശിച്ച അവൾക്ക് ഇപ്പൊ പൂർണ മനസ്സോടെ ഞാനെന്റെ ചൂട് നൽകി. അതേ പുതപ്പിനുള്ളിൽ കേറി എന്റെ നെഞ്ചോട് അവളെ ചേർത്ത് നെറ്റിയിലേക്ക് വീണ് കിടന്നാ മുടിയിഴകളെ മടിയൊതുക്കി, നെറ്റിത്തടത്തിൽ ഒരു ചുടുചുംബനവും നൽകി അവളേം ഇറുക്കെ പുണർന്ന് ഞാൻ കിടന്നു. ചെയ്ത് കൂട്ടിയ മഹാപാരാധങ്ങളെ ഓർത്ത് ഒരായിരം വട്ടം മാപ്പിരന്ന് കൊണ്ട്.

മയക്കത്തിലേക്ക് അടുക്കുമ്പോഴും ഉള്ളിലൊരേ പ്രാർത്ഥനയായിരുന്നു, ഇനിയീ മാറ്റവും വെറുമൊരു സ്വപ്നമായി തീരരുതേ എന്ന്……..!!

എപ്പോഴോ കണ്ണ് തുറന്ന ഞാൻ കാണുന്നത് സ്വബോധത്തിൽ അല്ലെങ്കിൽ പോലും കൈകൾ കൂട്ടിയുരുമി വിറച്ച് മാറി കിടക്കുന്ന അവളെയാണ്. മറന്നുപ്പോയാ കാര്യം ഓർത്തെടുത്ത ഞാൻ ഒട്ടും സമയം കളയാതെ തന്നെ ഫാൻ ഓഫ്‌ ചെയ്തു. നേരെ കിടത്തി ഒന്നൂടെ നന്നായി അവളെ പുതപ്പിച്ചു., കിടക്കാൻ തോന്നിയിരുന്നില്ല. കാലല്പം പൊക്കി എന്റെ മടിയിലേക്ക് എടുത്തു വച്ചു. കൈകളാൽ കൂട്ടിതിരുമ്മി അവളുടെ പാദങ്ങൾക്ക് ഞാൻ ചൂടേകി.

“””””””””””കു…..,,,,കുട്ടാ…. കുട്ടാ……,””””””””””””

സ്വപ്നത്തിൽ വിളിക്കുന്നതാവും എന്ന് കരുതി കേട്ടെങ്കിലും ആ വിളിയെ ഞാൻ കേട്ടില്ലെന്ന് നടിച്ചു.

“””””””””””കു…… ട്ടാ……. കുട്ടാ…….”””””””””””

എന്നാൽ നിർത്താതെ അവളെന്റെ പേര് ഉച്ചരിച്ചോണ്ടേയിരുന്നപ്പോ പാദം തിരുമ്മുന്നത് നിർത്താതെ തന്നെ ഞാൻ അവളെ നോക്കി.

0

0