💝 ഗോലിസോഡാ 💝 – 7

“”””””””””””വരുവോ…..??”””””””””””

വീണ്ടും ദയനീയമായുള്ള ചോദ്യം. അഭിനയം ആണോ…..?? ആണേ നാട്ടു നാട്ടു വിന് അല്ല മാളൂട്ടീടെ വിശപ്പിന്റെ വിളിക്കായിരിക്കും ഓസ്കാർ…….!!

“”””””””””അഭിനയം ആണെന്ന് തോന്നുന്നുണ്ടോ കുട്ടാ……?? എന്നാ വരണ്ട. ഞാൻ വിശന്നിരുന്നോളാം……!!””””””””””

അതൂടെ കേട്ടതും പിന്നെയെനിക്ക് പിടിച്ച് നിർത്താൻ കഴിഞ്ഞില്ല.”

“”””””””””വാ ഇങ്ങോട്ട്……”””””””””””

അവളേം വീൽചെയറിൽ എടുത്തിരുത്തി ഞാൻ ഹാളിലേക്ക് ചെന്നു. അവിടെ ഞങ്ങളേം പ്രതീക്ഷിച്ചെന്ന പോലെ എല്ലാരും ഇരുപ്പുണ്ടായിരുന്നു. ആരേം കൂടുതല് ഗൗനിക്കാൻ നിന്നില്ല. അവളേം ഇരുത്തി, തൊട്ടടുത്തായി ഞാനുമിരുന്നു. പ്രാർത്ഥന ഇല്ലാതെ, മിണ്ടാട്ടം ഇല്ലാതെ, കളിചിരി ഇല്ലാതെ അന്നാദ്യമായി എല്ലാരും ഭക്ഷണം കഴിക്കാൻ തുടങ്ങി. പേരിന് വേണ്ടി മാത്രം അല്പം കഴിച്ചെന്ന് വരുത്തി എഴുന്നേറ്റു. അതും അവൾക്ക് വേണ്ടി. കൈയും വായും കഴുകി പിന്നേം മുറിയിലേക്ക്……..!!

ഇരുന്ന ഇരുപ്പിലെപ്പഴോ കിടന്നു, പിന്നെ മയങ്ങി. ബാങ്ക് വിളിക്കുമ്പോഴാണ് എഴുന്നേൽക്കുന്നത് തന്നെ. ഇത് വരെയും ആള് എത്തീട്ടില്ല. പോയി കുളിച്ചു വന്നു. ചുമ്മാവൊന്ന് ഫോണെടുത്ത് നോക്കി. വിച്ചനൊന്നും ഇപ്പൊ വിളിക്കാറേയില്ല. വിളിക്കണത് പോയിട്ട് ഇന്നവനെ ഒന്ന് കണ്ടത് പോലുമില്ല. അവനുമെന്നോട് വെറുപ്പും ദേഷ്യവുമൊക്കെയാവും. എന്നെ പറഞ്ഞാൽ മതീലോ എല്ലാരേം വെറുപ്പിച്ച് നടക്കുവായിരുന്നില്ലേ ഇത്രേം നാളും.

എന്തോ അനങ്ങുന്ന ശബ്ദം കേട്ടാണ്, ഞാൻ വാതിൽക്കലേക്ക് തിരിയണത്. പിങ്കിയേച്ചിയായിരുന്നു അവളെ റൂമിലേക്ക് കൊണ്ട് വന്നത്. കുളിച്ചിട്ട് ഭസ്മ കുറിയിട്ട് കരിയെഴുതി, പൂക്കളാൽ അലകൃതമായ നൈറ്റി അണിഞ്ഞ് അതീവ സുന്ദരിയായിട്ടുണ്ട് അവൾ., എന്റെ ഉണ്ടക്കണ്ണി…..!! ഏറ്റവും വല്യ ഹൈലൈറ്റ്, പുറത്തേക്ക് ഇട്ടേക്കുന്ന ഞാൻ കെട്ടിയ താലിയും, അതിനെ അടയാളപ്പെടുത്തുന്ന പോൽ നീട്ടി വരച്ച സിന്ദൂരരേഖയിലെ ചുവപ്പുമാണ്…….!! ചിരിയോടെ ഞാൻ നോക്കി നിന്നുപ്പോയി, ഒരു കാമുകനെ പോലെ ആ രാക്ഷസിയേ./p>

എന്റെടയുത്തായി അവളേം കൊണ്ടിരുത്തി പിങ്കി എന്നെ നോക്കി. അവളുടെ ഉള്ളിലെ ചിരി അതൊളിപ്പിക്കാനാവാതെ മുഖത്ത് തെളിഞ്ഞിരുന്നു. സമാധാനത്തിന്റെ, സന്തോഷത്തിന്റെ, അങ്ങനെ എന്തെല്ലാമോ അർഥങ്ങൾ നിറഞ്ഞ ചിരി. എന്റെ മുടി ഒതുക്കി വച്ച് നെറ്റിയിൽ ഉമ്മയും തന്നവൾ ഒന്നൂടെ എന്നെ നോക്കി പിന്നെ വാതിലും ചാരി പോയി.

അപ്പോഴും എന്റെ ചേച്ചിപ്പെണ്ണിനോട് ഞാനൊന്നും മിണ്ടിയിരുന്നില്ല. എന്നാൽ ഒരായിരം വട്ടം ക്ഷെമ ചോദിച്ചു, മിഴികളാൽ, കണ്ണുനീരിനാൽ……!!

“””””””””””പിങ്കിയേച്ചിയോട് ഇനിയെങ്കിലും ഒന്ന് മിണ്ടിക്കൂടെ……?? പാവല്ലേ ചേച്ചി…..?? ഇതിനെല്ലാത്തിനും കാരണം ഞാനാണെന്ന് ഓർക്കുമ്പോഴാ……!!”””””””””””

അവള് പോയ വഴിയേ നോക്കിയിരുന്ന ഞാൻ ആ ചോദ്യം കേട്ടാണ് ശ്രദ്ധ മാറ്റുന്നത്.

“””””””””””ഏയ്‌ ഞാൻ പലവട്ടം പറഞ്ഞതല്ലേ എല്ലാം മറക്കാൻ…..?? ഒന്നൂടെ പറയാ, എല്ലാം ഒരു ദുസ്വപ്നം മാത്രം. കേട്ടോ…..??”””””””””””

അതിനവൾ മറുപടി തന്നില്ല, നിറഞ്ഞ കണ്ണുനീര് ഒപ്പുവായിരുന്നു. പാവം……!!

“””””””””””ഏയ്‌ പോട്ടെടാ. അറിയോ മാളുയേച്ചി, ഒരാണിന് സ്വാതന്ത്ര്യത്തോടെ തല്ല് കൂടാനും, ഉമ്മ കൊടുക്കാനും, സ്നേഹിക്കാനും, കരയിക്കാനും, ഭൂമിയിലൊരു പെണ്ണുണ്ടെങ്കിൽ അതവന്റെ സ്വന്തം പെങ്ങളാണ്. എന്റെ പെങ്ങളല്ലേ ഒരു സോറി പറഞ്ഞാൽ, അല്ലെങ്കിൽ കെട്ടിപ്പിടിച്ചൊരു ഉമ്മ കൊടുത്താൽ തീരുന്നതേയുള്ളൂ എല്ലാം……!! മ്മ് സമയം ആവട്ടെ……”””””””””””

അവളുടെ മനസ്സ് മാറ്റാനും കൂടിയാ അത് പറഞ്ഞേ. അപ്പോഴും ഞാൻ ഓർക്കുവായിരുന്നു ആ ചേച്ചിമാരുടെ കുഞ്ഞനുജനായി കുറുമ്പ് കാട്ടിയിരുന്ന കാലം…….!!

“””””””””””കുട്ടാ…….”””””””””””

“””””””””””മ്മ്…….”””””””””””

“”””””””””എന്നേം ഒരുപാട് സ്നേഹിക്കൂലേ…..??””””””””””

പ്രതീക്ഷ നിറഞ്ഞ ആ ചോദ്യത്തിൽ അസൂയ ഉണ്ടായിരുന്നോ…..?? അതോ അതുമെന്റെ തോന്നലോ……??

“””””””””””എന്റെ ജീവിതം തുടങ്ങിയത് നിന്നോടൊപ്പമല്ല., പക്ഷെ എനിക്കുറപ്പുണ്ട്, എന്റെ ജീവിതത്തിന് ഒരവസാനമുണ്ടെങ്കിൽ അത് നിന്നോടൊപ്പമായിരിക്കും. ആ അവസാന നിമിഷം വരെ ഞാനുണ്ടാകും നിന്റെ കൂടെ……!! സ്നേഹിച്ചോളാം, വേദനിപ്പിക്കാതെ സ്നേഹിച്ചോളാം. കുറവുകളെയോർത്ത് നീ വിഷമിക്കുമ്പോ ഞാനുണ്ടാകും കാലായും ജീവനായും…..!!””””””””””””

ഞാനത് പറഞ്ഞ് കഴിയുമ്പോ ആർക്കോ വേണ്ടി കണ്ണുനീരുതിർന്നിരുന്നു. വീൽചെയറും എടുത്തെറിഞ്ഞ് എന്റെ മാറിലേക്ക് വീഴാൻ അവളേറേ ആഗ്രഹിച്ചിരുന്നു ആ സമയം മൊത്തം. അതറിഞ്ഞ നിമിഷം ഒന്നാലോചിക്കാൻ പോലും നിക്കാതെ അവളേം എടുത്തുയർത്തി ഞാൻ ബെണ്ടിലേക്ക് വീണു. അവൾ താഴെയും ഞാൻ മേലെയും. കണ്ണുകൾ തമ്മിൽ പരസ്പരമുടക്കുമ്പോ അറിയാണ്ട് അവൾ ചെയ്ത തെറ്റുകൾക്ക്, അറിഞ്ഞ് ഞാൻ ചെയ്ത തെറ്റുകൾക്ക് ഒരായിരം വട്ടം ക്ഷെമ ചോദിക്കുവായിരുന്നു. പീന്നീട് വിതുമ്പലും എങ്ങലടിയും. ഒടുവിൽ ആകാശം മൂടിയ കാർമേഘങ്ങൾ ഇടിച്ചു കുത്തിപ്പെയ്തിരുന്നു എന്റെ നെഞ്ചിലേക്ക്……!!/p>

കണ്ണുനീരിനിടയിലും അവളെന്റെ അധരങ്ങളെ കവർന്നിരുന്നു. കുറുമ്പോടെ, വാശിയോടെ, സ്നേഹം വാക്കുകൾ കൊണ്ട് പറഞ്ഞ് അറിയിക്കുവാൻ പറ്റാതെ വരുമ്പോഴാണ് അത് ചുംബനമായി മാറുന്നത്. പറയാൻ തുടങ്ങുവായിരുന്നു ഞങ്ങൾ സ്നേഹത്തെ കുറിച്ച്. അതിന്റെ അടയാളം തന്നായിരുന്നു, പൊട്ടിയൊഴുകിയ ചുവന്ന നിറം……!!

………… ❤️ ❤️ …………

അവളേം ചേർത്ത് പിടിച്ച് എപ്പോഴോ മയങ്ങി പോയിരുന്നു. കൊറേ നാള് കൂടി സ്വസ്ഥമായൊരുറക്കം. വേട്ടയാടാൻ ദുസ്വപ്നങ്ങൾ എത്തിയില്ല. പുറത്ത് ആർത്തലച്ച് പെയ്യുന്ന മഴയോടൊപ്പം വിളിക്കാതെ വന്ന അതിഥിയുടെ നെഞ്ചുലച്ച ശബ്ദം കേട്ടാണ് ഞെട്ടിയെഴുന്നേൽക്കുന്നത്. അപ്പോഴും പൂച്ച കുഞ്ഞ് ചൂടേറ്റ് ഉറങ്ങുവാണ്. ഇവളിതൊന്നും അറിയുന്നില്ലേ…..?? അവളെ ഉണർത്താതെ വിട്ടകന്നെഴുന്നേറ്റു. മുറിയിലെ ജനാല തുറന്നിട്ടു, പെരുമഴ തന്നാണ് തകർത്ത് പെയ്യുന്നത്. അതിനോടൊപ്പം ഇടവിട്ടിടവിട്ട് ഇടിമിന്നലും. തണുത്ത ഇളം കാറ്റ് അകത്തേക്ക് കേറിയപ്പോ ശരീരമൊന്ന് വിറച്ചു. കൂടുതല് ആസ്വദിക്കാൻ നിക്കാതെ ജനലും കുറ്റിയിട്ട് തിരിച്ച് കേറി കിടന്നു. കണ്ണ് തുറക്കാതെ ബെഡ് മൊത്തമായി അവൾ കൈയാൽ പരതുവാണ്, അതാവസാനിച്ചത് എന്റെ നെഞ്ചിൽ തല ചായ്ക്കുമ്പോഴാണ്. കോരിച്ചൊരിയുന്ന ആ മഴയിൽ മുറിയിലേക്ക് അരിച്ചിറങ്ങുന്ന ആ തണുപ്പിൽ തമ്മിൽ തമ്മിൽ ചൂടേകി എത്രയോ നേരം കിടന്നു.

0

0