💝 ഗോലിസോഡാ 💝 – 7 1

 

എല്ലാരും എന്നെ വെറുത്തു. കുട്ടൻ തിരിച്ച് വരണതും കാത്ത് നാളുകൾ എണ്ണി കാത്തിരുന്നു. എന്നാലവൻ വന്നില്ല. വിച്ചനെ ഒരുപാട് തവണ വിളിച്ച് അന്വേഷിച്ചു. എന്നാ അവിടേം സങ്കടം മാത്രായിരുന്നു ബാക്കി.

 

മറ്റുള്ളവരുടെ വെറുപ്പും കുട്ടന്റെ അവസ്ഥയും എന്നെ ഓരോ നിമിഷവും ഇഞ്ചിഞ്ചായി കൊന്നുകൊണ്ടേയിരുന്നു. ഇങ്ങനെ ജീവിക്കാൻ എനിക്ക് കരുത്തില്ലായിരുന്നു. പക്ഷെ ചാവാൻ ഒരുങ്ങുമ്പോഴൊക്കെ ദൈവം എന്നെ തോൽപിച്ചോണ്ടേയിരുന്നു. അവസാനം തളർത്തി കളഞ്ഞു.

 

………….. ❤️ ❤️ ……………

 

കണ്ണ് തുറക്കുമ്പോ ഞാൻ കാണുന്നത് ഏതോ ഒരു റെയിൽവേ സ്റ്റേഷനാണ്. ട്രെയിനിന്റെ ഇരമ്പിയടുക്കുന്ന ശബ്ദം കാതിൽ നിറഞ്ഞു. പാളത്തിൽ നിന്നുമെന്നെ നോക്കി നിക്കുന്ന ഒരു നിഴൽ രൂപത്തെ ഞാൻ കണ്ടു. മുഖം മാത്രം വ്യക്തമല്ല. എന്നാൽ ഇരുട്ടിൽ നിന്നും വെളിച്ചത്തിലേക്ക് അവൻ നടന്ന് വന്നപ്പോ, ആ മുഖം കണ്ട് ഞാനലറി കരഞ്ഞുക്കൊണ്ട് അങ്ങോട്ടേക്ക് ഓടാൻ ശ്രമിച്ചു. എന്നലെനിക്കതിന് കഴിയുമായിരുന്നില്ല. വീൽചെയറിൽ നിന്നും ചാടി ഇറങ്ങുമ്പോ നിലതെറ്റി ഞാൻ താഴെക്ക് വീണിരുന്നു. അപ്പോഴും അവനെന്നെ നോക്കി ചിരിക്കുവാണ്. തോറ്റ് പോയവന്റെ അങ്ങനെ പറയുന്നതിനേക്കാൾ ശെരി തോൽപ്പിച്ച് കളഞ്ഞവന്റെ ചിരി. പ്രാണവേദനയോടെ ഞാൻ വിളിച്ചലറി. ട്രെയിൻ അടുക്കുന്നു. എന്റെ ഭഗവതി. എന്നെ നോക്കി നിൽക്കെ മരണം അവനെ തിന്നിരുന്നു. മുഖം പൊത്തി ഞാനലറി. ഇല്ല ഇതൊക്കെ വെറും സ്വപ്നമാണ്. ഇല്ല ഞാൻ വിശ്വസിക്കില്ല. പൊത്തിപ്പിടിച്ച കൈ മാറ്റി ഞാൻ നോക്കി, എന്റെയടുത്തായി കിടന്ന് പിടക്കുന്നുണ്ട്. എന്നെ കാണിക്കാനെന്ന വണ്ണം ഒറ്റ തവണ മിടിച്ചത് നിലച്ചു. എന്റെ കുട്ടന്റെ ഹൃദയം……!!

 

 

“””””””””””””കുട്ടാ………””””””””””””””

 

……………. ❤️❤️ …………….

 

 

നല്ല ഉറക്കത്തിലായിരുന്ന ഞാൻ ആ അലർച്ച കേട്ടാണ് ഇരുന്നിടത്ത് നിന്നും ഞെട്ടിയെഴുന്നേൽക്കുന്നത്. ഇപ്പോഴും എന്റെ മടിയിൽ തന്നാണ് അവളുടെ കാലുകൾ. മടിയിൽ നിന്നുമതിറക്കി വച്ച ശേഷം ഞാൻ അവളുടെ അടുത്തേക്കായി പോയി. കണ്ണുകൾ തുറന്ന് പേടിയോടെ അവൾ ചുറ്റും നോക്കുന്നു. നന്നായി തന്നെ വിയർത്തിട്ടുമുണ്ട്. സ്വപ്നം വല്ലതും കണ്ടതാകും./p>

 

“”””””””””കുട്ടാ…….””””””””””””

 

എന്നെ കണ്ടവൾ പൊട്ടിക്കരയാൻ തുടങ്ങി.

 

“”””””””””””എന്താ എന്താ പറ്റിയെ…..?? സ്വപ്നം വല്ലതും കണ്ടോ…..??””””””””””

 

ആദിയോടെ ഞാൻ തിരക്കി. ഒരുനിമിഷം കണ്ണിമാ വെട്ടാതെ എന്നെ നോക്കിയ അവൾ പിന്നീടെന്നെ വാരി പുണർന്നു.

 

“”””””””””””കുട്ടാ…….”””””””””””””

 

വിളിക്കുമ്പോഴും അവൾ നന്നേ പേടിച്ചിരുന്നു, വിതുമ്പുന്നുണ്ടായിരുന്നു. ഞാനും ഒന്നും പ്രതികരിച്ചില്ല, അങ്ങനേലും അവൾക്ക് ആശ്വാസം കിട്ടുവാണേ കിട്ടിക്കോട്ടേന്ന് ഞാനും കരുതി.

 

“”””””””””സ്വപ്നത്തിൽ ആണേലും ഒറ്റക്കല്ല, എന്നേം കൂടെ കൂട്ടിക്കോണം അത് മരിക്കാനായാലും ജീവിക്കാനായാലും…..!!”””””””””””

 

ഇനിയൊരുപക്ഷെ അവൾ എനിക്കെന്തേലും ആപത്ത് വരുന്നതയാണോ സ്വപ്നം കണ്ടത്……??

 

അവൾ ഓക്കെയായി എന്ന് തോന്നിയപ്പോ അവളെ വിട്ടകന്ന് ഞാനെഴുന്നേറ്റു. ബാത്‌റൂമിലേക്ക് നടന്നു.

 

“””””””””സ്വപ്നത്തിൽ ആണേലും എനിക്ക് കാപ്പി ഇട്ട് തന്നല്ലോ, എന്റെ കാല് തടവി തന്നല്ലോ, ന്നേ കെട്ടിപ്പിടിച്ചല്ലോ, എനിക്ക് മുത്തം തന്നല്ലോ……””””””””””””

 

ബാത്‌റൂമിലേക്ക് കേറും മുന്നേ അവള് ആരോടെന്നില്ലാതെ വിളിച്ച് പറയുന്നുണ്ടായിരുന്നു. ഞാൻ തല തിരിച്ച് നോക്കി. മുഖത്ത് നിറഞ്ഞ് നിന്ന സന്തോഷവും ചുണ്ടിൽ നിറഞ്ഞ് നിന്ന ചിരിയും കണ്ടപ്പോ എനിക്കുള്ളിലും ഒരു ചിരി തന്നായിരുന്നു.

 

ഒന്ന് ഫ്രഷ് ആയി രാത്രി ഊരി കളഞ്ഞ ബനിയനും എടുത്തിട്ട് ഞാൻ അവളുടെ അരികിലേക്ക് ചെന്നു.

 

“””””””””””ഈ പെഴച്ചവളെ കൊല്ലാത്തത് എന്താ……??”””””””””””