💝 ഗോലിസോഡാ 💝 – 7 1

 

“”””””””””കുട്ടാ…….””””””””””

 

ആ വിളി ശ്രദ്ധിക്കാതെ തന്നെ നേരത്തെ ചെയ്ത കൂട്ട് അവളുടെ പാദങ്ങൾ മടിയിലേന്തി ഞാൻ ചൂട് കൊടുത്തു. അപ്പോളവൾ ആഗ്രഹിച്ചത് അത് തന്നെ ആയിരിക്കില്ല., പക്ഷെ സുഖമായി ഉറങ്ങാൻ അതവൾക്ക് ആവശ്യമാണ് എന്നെനിക്ക് തോന്നി. തോന്നലായിരുന്നില്ല. അത് സത്യം തന്നായിരുന്നു, ചെറു ചിരി ചുണ്ടിലൊളിപ്പിച്ച് അവൾ മയക്കത്തെ പുൽകുന്നത് ഞാൻ നോക്കി കണ്ടു.

 

………. ❤️❤️ ……….

 

6 MONTHS AGO………!!

 

“””””””””””അയ്യോ എന്റെ കുട്ടൻ…..””””””””””””/p>

 

ഞാനാർത്തലച്ച് കരയാൻ തുടങ്ങി. കഴിഞ്ഞ് പോയതൊക്കെയും ഓർക്കുമ്പോ ചങ്ക് പൊട്ടിപ്പോവും പോലെ തോന്നിയെനിക്ക്. ഒന്നും വേണ്ടിയിരുന്നില്ല. ഞാനാ., തെറ്റ് മൊത്തം എന്റെ ഭാഗത്താ. ദേഷ്യം വന്ന് ഞാനെന്തൊക്കെയാ എന്റെ കുട്ടനെ വിളിച്ച് വാരി പറഞ്ഞേ…..?? അവന് വേണ്ടിയായിരുന്നു ഇത്രേം കാലം കാത്തിരുന്നേ, എന്നിട്ടീ ഞാൻ തന്നെ എന്റെ കുട്ടനെ…….

 

സഹിക്കാൻ കഴിഞ്ഞിരുന്നില്ല. അവന്റെ ഭാഗത്ത് എന്ത് തെറ്റാ ഉള്ളേ…..?? ഇങ്ങനുള്ള വീഡിയോസ് കാണുന്നത് അവൻ മാത്രാണോ…..?? ഇതീ പ്രായത്തിന്റേത് അല്ലെ…..?? എല്ലാം അറിയാമായിരുന്നിട്ടും ഞാനെന്തേ അപ്പൊ അങ്ങനെയൊക്കെ…..?? ഭഗവതി……..

 

“””””””””””മോളെ……”””””””””””

 

മുറിക്കുള്ളിലേക്ക് വന്ന ആ അമ്മയുടെ മുഖം കണ്ടപ്പോ പിടിച്ച് നിർത്താൻ കഴിയാതെ അമ്മേ വലിഞ്ഞ് മുറുക്കി ഞാൻ അലമുറയിട്ട് കരയാൻ തുടങ്ങി.

 

“””””””””””ഇങ്ങനെ കരയല്ലേ മോളെ….., അവൻ മോളോട് ചെയ്തതിന് അമ്മ ക്ഷെമ ചോദിക്കുവാ. അമ്മേടെ ഉണ്ടക്കണ്ണി എല്ലാം മറന്നേക്ക്……!!”””””””””””

 

“””””””””””അമ്മേ കുട്ടൻ……”””””””””””

 

എന്നെ തട്ടി ആശ്വസിപ്പിക്കുമ്പോഴും ഞാൻ തിരക്കിയത് അതാണ്…..!!

 

“””””””””””വേണ്ട മോളെ അവനെ പറ്റിയിനി ഒരക്ഷരം പോലും മിണ്ടരുത്. അവനെ പെറ്റ് വളർത്തിയതിൽ ഞാനിപ്പോ ദുഖിക്കുവാ. എനിക്കിനി അങ്ങനൊരു മോനില്ലാ. മോൾടെ മനസ്സിന്നും അവനെ എടുത്ത് കളഞ്ഞേക്ക്. അവന്റെ മുഖമോർക്കുമ്പോഴേ എനിക്കിപ്പോ വെറുപ്പാ……!!”””””””””””

 

എടുത്തടിച്ചത് പോലാമ്മാ വിലപിക്കുമ്പോ അവരുടെ സ്നേഹത്തെ കളങ്കപ്പെടുത്തിയത്, ഞാനാണെന്ന് ഓർത്തപ്പോ നിന്ന നിൽപ്പിൽ അങ്ങ് മരിച്ചിരുന്നേൽ എന്ന് ആശിച്ചുപ്പോയി.

 

“””””””””””അയ്യോ അമ്മേ അങ്ങനെയൊന്നും പറയാതമ്മേ…., കുട്ടനല്ലാ, എന്റെ കുട്ടനല്ല., ഞാനാ ഈ ഞാനാ തെറ്റുകാരി. ഞാൻ കാരണാ എല്ലാം ഞാൻ കാരണാ….”””””””””””

 

നടന്നതെല്ലാം തന്നെ വിതുമ്പലോടെ പറഞ്ഞവസാനിപ്പിക്കുമ്പോ മരവിച്ച അവസ്ഥയിലായിരുന്നു അമ്മ.

 

“””””””””””ടി…….””””””””””””

 

ഒരലർച്ച കേട്ടു, മുഖമുയർത്തി നോക്കുമ്പോ തന്നെ ഞാൻ കണ്ടു എന്നെയടിക്കാനായി കൈയോങ്ങുന്ന ചേച്ചിയെ. കണ്ണടച്ച് പോയി. എന്നാലടി കിട്ടിയില്ല. അടച്ച കണ്ണ് തുറക്കുമ്പോ കാണുന്നത് എന്നെ വെറുപ്പോടെ നോക്കുന്ന തങ്കിയേച്ചിയെയും അടിക്കാനോങ്ങിയ കൈ പിടിച്ച് വച്ചേക്കുന്ന പിങ്കിയേച്ചിയേമാണ്.

 

“””””””””””മതിയായല്ലോ നിങ്ങൾക്കെല്ലാവര്ക്കും മതിയായല്ലോ….?? എന്റെ കുട്ടന് പറയാനുള്ളത് ആരേലും കേട്ടോ…..?? എല്ലാരും കൂടെ അവനെ അടിച്ചോടിച്ചില്ലേ…..?? സമാധാനമായില്ലേ അമ്മയ്ക്കും ബാക്കിയുള്ളോർക്കും., എവിടെ പോയോ എന്റെ കുട്ടൻ. എല്ലാരും കണ്ടത് ഇവളുടെ മുഖത്തെ പാടാ. എന്നാ ഞാനേ കണ്ടുള്ളൂ അവന്റെ മുഖം. എന്നിട്ടും അത് പോലും ശ്രദ്ധിക്കാതെ അവനെ വീണ്ടും വീണ്ടും നിങ്ങളെല്ലാരും ചേർന്ന് പൊതിരെ തല്ലി….. കുട്ടാ…….””””””””””””/p>

 

അലറി കൊണ്ട് നിലത്തേക്ക് വീണ് പൊട്ടി കരയുന്ന തങ്കിയേച്ചിയെ ചേർത്ത് പിടിച്ച് വിതുമ്പുവാണ് പിങ്കിയേച്ചി. എല്ലാരുടേം കണ്ണിലും ചെയ്ത പാപത്തെ കുറിച്ചുള്ള സങ്കടവും കണ്ണുനീരും. ഇതിനെല്ലാത്തിനും കാരണക്കാരി ഈ ഞാനും. ഞാനൊറ്റയൊരുത്തി……!!