💞ആയിരം കണ്ണുമായി – 1 8

 

രോഹിത്ത് : ഉം അതൊക്കെ വിട്… എന്തായാലും അഖില് ജോയിൻ ചെയ്തതിന്റെ സന്തോഷത്തിൽ ചെറിയ പാർട്ടി എന്തെങ്കിലും വേണ്ടേ

 

അജ്മൽ : പിന്നെ വേണ്ടേ അളിയൻ എങ്ങനെയാ അടിക്കുവോ

 

അഖിൽ : പിന്നില്ലാതെ… ഞാൻ എന്താ മൊണ്ണയാണെന്ന് കരുതിയോ

 

അരുൺ : എന്നാൽ പിന്നെ വൈകുന്നേരം രണ്ട് കുപ്പി എടുത്ത് കളയാം

 

റോണി : എടുക്കാം പക്ഷെ കാശിന് എവിടെ പോകും… രണ്ട് ദിവസം ദിവസം കഴിയട്ടെ പൈസ സെറ്റാക്കിയ ശേഷം അളിയന് നല്ല പാർട്ടി തന്നെ കൊടുക്കാം

 

അഖിൽ : പൈസ നോക്കണ്ട കുപ്പി ഞാൻ എടുത്തോളാം… അടിക്കാൻ പറ്റിയ നല്ല സ്ഥലം വല്ലതും ഉണ്ടോ

 

അരുൺ : പിന്നില്ലാതെ നമ്മുടെ ഹോസ്റ്റലിൽ ഇരുന്ന് അടിക്കാം എന്റെ റൂമിൽതന്നെ കൂടി കളയാം

 

അഖിൽ : അപ്പോൾ പിന്നെ അങ്ങനെയാകട്ടെ.. എന്തായാലും ഇപ്പോഴാ ഒന്ന് സമാധാനമായത് ഇവിടെ വരുബോൾ എനിക്ക് പറ്റിയ ആരെങ്കിലും ഉണ്ടാകുമോ എന്നായിരുന്നു സംശയം ഇപ്പോൾ ആ പേടി മാറി പക്ഷെ കൂടെ നിന്ന് ആപ്പ് വെക്കരുത് കഴിഞ്ഞകോളേജിൽ രണ്ടെണ്ണം ഉണ്ടായിരുന്നു പ്രശ്നം ഉണ്ടായപ്പോൾ എല്ലാം എന്റെ തലയിൽ ഇട്ട് അവന്മാര് ഒഴിഞ്ഞു

 

റോണി : എന്താ അളിയാ ഇത് ഇനിമുതൽ നമ്മൾ ഒറ്റകെട്ടാണ് എല്ലാത്തിനും കൂടെ തന്നെ ഉണ്ടാകും…

 

ഇന്റർവെൽ ടൈം

 

ലക്ഷ്മി : നീ എങ്ങോട്ടാ ശ്രുതി

 

ശ്രുതി : പുതിയ പയ്യനെ ഒന്ന് കണ്ടിട്ട് വരാം കാര്യങ്ങൾ ഒക്കെ പറയണമല്ലോ… ക്ലാസ്സ്‌ പ്രസിഡന്റ് എന്ന നിലയിൽ അത് എന്റെ ഡ്യൂട്ടിയാ

 

ഇത്രയും പറഞ്ഞു ശ്രുതി വാക്കിങ്ങ് സ്റ്റിക്ക് കുത്തി ലാസ്റ്റ് ബെഞ്ചിനടുത്തേക്ക് നടന്നു

 

അജ്മൽ :അവൾ ഇങ്ങോട്ടേക്കാണല്ലോ

 

“ഹലോ ഞാൻ ശ്രുതി ക്ലാസ്സ്‌ പ്രസിഡന്റ് ആണ് ”

 

അഖിലിനടുത്തേക്ക് എത്തിയ ശ്രുതി അവനോടായി പറഞ്ഞു എന്നാൽ അഖിൽ ഒരു മറുപടിയും നൽകിയില്ല

 

ശ്രുതി : ഹലോ എന്താ ചെവികേൾക്കില്ലേ.. ഞാൻ പറഞ്ഞത് കേട്ടോ

 

അഖിൽ : നീ പ്രസിഡന്റ്‌ ആണ് അതല്ലേ പറഞ്ഞത് അതിനിപ്പോൾ ഞാൻ എന്ത് വേണം…

 

ശ്രുതി : ഒന്നും ചെയ്യണ്ട ഞാൻ ഇവിടുത്തെ ചില റൂൾസ്‌ പറഞ്ഞുതരാൻ വന്നതാ

 

റോണി : അഖിലെ കേട്ടില്ലേ റൂൾസ്‌ റാണി റൂൾസ്‌ പറഞ്ഞു തരാൻ വന്നതാ

 

ശ്രുതി : റോണി നിന്നോട് ഞാൻ ഒന്നും പറഞ്ഞില്ല… ഞാൻ എന്റെ കടമായ ചെയ്യുന്നെ അറിയാതെ എന്തെങ്കിലും ചെയ്തിട്ട് അവസാനം ഞാൻ പറഞ്ഞു തന്നില്ല എന്നുവന്നാൽ അത് എന്റെ തലയിൽ ആകും അതുകൊണ്ട് മാത്രം പറയുന്നതാ അഖില് കേൾക്കുന്നുണ്ടോ

 

അഖിൽ : ഉം… കേൾക്കുന്നുണ്ട്…കേൾക്കുന്നുണ്ട് 🥱

 

ശ്രുതി : ഇത്രക്ക് പുച്ഛം വേണ്ട… ഇപ്പോൾ വന്നു കയറിയതല്ലേ ഉള്ളു എന്തായാലും റൂൾസ്‌ പറയാം

 

“റൂൾ നമ്പർ 1 = ഈ ക്യാമ്പസ് റാഗിങ്ങ് ഫ്രീ ആണ് ആരെയും റാഗ് ചെയ്യാൻ പാടില്ല

 

അഖിൽ : അത് എല്ലാകോളേജും അങ്ങനെ തന്നെയാ

 

റൂൾ നമ്പർ 2 = കോളേജിലോ ക്ലാസ്സിലോ യാധൊരുവിധ ലഹരി പധാർത്തങ്ങളും ഉപയോഗിക്കാനോ കൊണ്ടുവരുവാനോ കച്ചവടം ചെയ്യാനോ പാടില്ല

 

റൂൾ നമ്പർ 3= ക്ലാസ്സ്‌ റൂമിൽ അടിപിടിയും മറ്റും പൂർണ്ണമായും നിരോധിച്ചിരിക്കുന്നു ”

 

അഖിൽ : ഭയങ്കരം തന്നെ

 

ശ്രുതി : കമന്റ് വേണ്ട

 

“റൂൾ നമ്പർ 4=

 

അഖിൽ : ഇതിനൊരു അവസാനം ഇല്ലേ

 

“കോളേജിന്റെ പ്രോപ്പർട്ടികൾ നശിപ്പിക്കുന്ന പ്രവർത്തികൾ അത് ക്ലാസ്സിലേതോ, ലാബിലെതോ ഏതായാലും അനുവദനിയമല്ല.. അങ്ങനെ ഉണ്ടായാൽ പ്രൊപ്പാർട്ടിയുടെ തുകഇരട്ടിയായി തിരിച്ചു പിടിക്കുന്നതാണ് ”

 

“അവസാനമായി റൂൾ നമ്പർ 5 = ക്യാമ്പസിലെ പെൺകുട്ടികളോട് മാന്യമായി പെരുമാറുക അവർക്ക് ഇഷ്ടമില്ലാത്തതരത്തിൽ പിന്നാലെ നടക്കുകയോ മറ്റു തരത്തിൽ ഉപദ്രവിക്കുകയോ ഒന്നും അനുവദനിയം അല്ല ”

 

അപ്പോൾ ഇതാണ് പ്രധാനപ്പെട്ട റൂൾസ്‌ അപ്പോൾ എന്റെ ഡ്യൂട്ടി കഴിഞ്ഞു… പിന്നെ പേർസണലായി ഒരു ഉപദേശം കൂടി തരാം ഇവരുമായുള്ള കൂട്ട് തനിക്ക് നല്ലതായിരിക്കില്ല