💞ആയിരം കണ്ണുമായി – 1 8

 

ഇത്രയും പറഞ്ഞു ശ്രുതി മുന്നോട്ട് നടന്നു

 

അഖിൽ : ടാ പോയിട്ട് വരാം.. എന്ത് കോപ്പാണെന്ന് നോക്കട്ടെ

 

ഇത്രയും പറഞ്ഞു അഖിൽ മുന്നോട്ട് നടന്നു

 

ശ്രുതി : ഇപ്പോൾ എങ്ങനെയുണ്ട്… ഞാൻ കംപ്ലയിന്റ് കൊടുക്കും എന്ന് പറഞ്ഞത് വെറുതെയാണെന്ന് കരുതിയോ

 

അഖിൽ : പരാതികൊടുത്താൽ പിന്നെ എന്നെ അങ്ങ് മൂക്കിൽ കയറ്റാൻ പോകുവല്ലേ ഞാൻ ഇതൊക്കെ കുറേ കണ്ടതാ അതുകൊണ്ട് മോള് ചിലക്കാതെ വാ

 

ഇരുവരും hod യുടെ റൂമിൽ

 

Hod : താനാണോ അഖിൽ

 

അഖിൽ : അതെ സാർ

 

Hod : താൻ ഈ കുട്ടിയോട് മോശമായി പെരുമാറിയോ

 

അഖിൽ : ഇല്ല സാർ

 

ശ്രുതി : കള്ളമാണ് സാർ പാർക്കിംഗ് ഏരിയയുടെ മുന്നിൽ വച്ച് എന്നോട് മോശമായി പെരുമാറുകയും മോശം വാക്കുകൾ ഉപയോഗിക്കുകയും ചെയ്തു എന്നെ ബോഡി ഷെയിം ചെയ്തു

 

Hod : എന്താ അഖിലേ ഇത് ഇവിടെയും തുടങ്ങിയോ

 

അഖിൽ : കള്ളമാണ് സാർ ഈ കുട്ടി ഞാൻ വന്ന ദിവസം മുതൽ എന്നെ ബുള്ളി ചെയ്യാൻ തുടങ്ങിയതാണ്… ഞാൻ കംപ്ലയിന്റ് കൊടുക്കും എന്ന് പറഞ്ഞപ്പോൾ വ്യാജ പരാതിയുമായി വന്നിരിക്കുകയാണ്‌ അല്ലെങ്കിൽ ഞാൻ മോശമായി പെരുമാറിയത്തിന് എന്തെങ്കിലും തെളിവ് ഉണ്ടോ എന്ന് ചോദിക്ക്

 

ശ്രുതി : കളളം പറയുന്നത് ഇവനാണ് സാർ… ഞാൻ സത്യമാണ് പറഞ്ഞത് ഞാൻ….

 

Hod : ശ്രുതിയുടെ കയ്യിൽ തെളിവ് വല്ലതും ഉണ്ടോ… അല്ല അഖിൽ തന്നെ എന്താ പറഞ്ഞത്

 

ശ്രുതി : അത് പിന്നെ സാർ… എന്നെ നൊണ്ടി എന്ന് വിളിച്ചു

 

Hod : ഇതാണോ ശ്രുതി വലിയ കാര്യമായി ഇവിടെ വന്നു പറഞ്ഞത്.. കൂട്ടുകാരാകുമ്പോൾ ഇടക്ക് വട്ടപേരൊക്കെ വിളിക്കില്ലേ അതിന് ഇങ്ങോട്ടേക്കു ഓടി വരുകയാണോ വേണ്ടത് അവൻ പിച്ചി… ഇവള് മാന്തി നിങ്ങള് കോളേജ് കുട്ടികൾ തന്നെയല്ലേ… ശ്രുതി ഇങ്ങനെയുള്ള നിസാര കാര്യങ്ങൾക്ക് എന്നെ ഇനി ബുദ്ധിമുട്ടിക്കരുത് നിങ്ങളുടെ ട്യൂട്ടർ ഇല്ലേ ടീച്ചറോട് പറയു.. പിന്നെ അഖിൽ തന്നെ പറ്റി അത്ര നല്ലതൊന്നുമല്ലമല്ല ഞാൻ കേട്ടത് മര്യാദക്ക് നടന്നാൽ നിനക്ക് കൊള്ളാം രണ്ട് പേരും ക്ലാസ്സിലേക്ക് പൊക്കെ

 

ഇത് കേട്ട ഇരുവരും അവിടെ നിന്നും ഇറങ്ങി ശ്രുതി വിഷമത്തോടെ മുന്നോട്ട് നടന്നു അഖിൽ വേഗം അവളുടെ മുന്നിൽ എത്തി

 

അഖിൽ : hod യോട് പറഞ്ഞിട്ട് എന്തായി… നിന്റെ ഡയലോഗ് ഒക്കെ കേട്ടപ്പോൾ ഞാൻ കരുതി എന്നെ ഇന്ന് തന്നെ ടിസി തന്ന് വിടുമെന്ന്.. ഇത്ര മാസത്തിനു ശേഷം എനിക്ക് ഇവിടെ എങ്ങനെ അഡ്മിഷൻ കിട്ടി എന്നാ നീ കരുതുന്നെ hod ക്കും പ്രിൻസിപ്പളിനും എല്ലാം കൊടുക്കേണ്ടത് കൊടുത്തിട്ടുണ്ട് അതുകൊണ്ട് നിന്റെ ഈ ചൊറി പരാതിയൊന്നും അവിടെ എടുക്കില്ല

 

ശ്രുതി : നീ… നിന്നെ…

 

അഖിൽ : ഈ നൊണ്ടികാലും വച്ച് എന്തിനാടി ഇങ്ങനെ മസിലു പിടിക്കുന്നെ

 

ശ്രുതി : എന്നെ അങ്ങനെ വിളിക്കരുത്

 

അഖിൽ : നൊണ്ടിയെ നൊണ്ടി എന്നല്ലാതെ പിന്നെ എങ്ങനെ വിളിക്കണം

 

ശ്രുതി : നിന്നോട് വിളിക്കരുത് എന്നല്ലേ പറഞ്ഞെ

 

അഖിൽ : എന്നാൽ ശെരി നീ വടിയും കുത്തി അങ്ങ് വാ ഞാൻ പോകുവാ

 

ഇത്രയും പറഞ്ഞു അഖിൽ മുന്നോട്ട് നടന്നു ശ്രുതിയുടെ കണ്ണുകൾ അപ്പോഴേക്കും നിറഞ്ഞിരുന്നു

 

അഖിൽ തിരികെ ക്ലാസ്സിൽ

 

റോണി : എന്താ അഖിലെ പ്രശ്നം വല്ലതുമായോ

 

അഖിൽ : ഒരു ചുക്കും സംഭവിച്ചില്ല.. അച്ഛൻ നല്ല പൈസ എറിഞ്ഞാ അഡ്മിൻ വാങ്ങിയത് എന്ന് തോന്നുന്നു അതുകൊണ്ട് അങ്ങേര് പരാതി കാര്യമായി എടുത്തില്ല മറ്റേ മോള് ചമ്മി നാറി വരുന്നുണ്ട്…

 

ഇത്രയും പറഞ്ഞു അഖിൽ ബെഞ്ചിൽ ഇരുന്നു

 

അല്പസമയത്തിനുള്ളിൽ ക്ലാസ്സിലേക്ക് എത്തിയ ശ്രുതി അഖിലിനെ ദേഷ്യത്തോടെ നോക്കിയ ശേഷം തന്റെ സീറ്റിലേക്ക് നടന്നു

 

അഖിൽ : ആരെടാ ഇവള്… പോയി മണ്ടക്കിട്ട് ഒന്നു കൊടുത്താലോ… അവളുടെ മൈരിലെ ഒരു നോട്ടം

 

ഇതേ സമയം ശ്രുതി സീറ്റിൽ

 

ലക്ഷ്മി : എന്താ ശ്രുതി വല്ലാതിരിക്കുന്നെ