💞ആയിരം കണ്ണുമായി – 1 8

 

ഇത്രയും പറഞ്ഞു ശ്രുതി പോകാൻ ഒരുങ്ങി

 

അഖിൽ : ഹലോ നിക്ക് പറഞ്ഞിട്ട് അങ്ങനെ പോയാൽ എങ്ങനെയാ

 

ശ്രുതി : എന്താ എന്തെങ്കിലും സംശയം ഉണ്ടോ

 

അഖിൽ : ഉണ്ടല്ലോ… ഞാൻ ഈ റൂൾസ് ഒന്നും പാലിച്ചില്ലെങ്കിലോ?

 

ശ്രുതി : പാലിച്ചില്ലെങ്കിൽ താൻ വിവരം അറിയും അത്രേ ഉള്ളു

 

ഇത്രയും പറഞ്ഞു ശ്രുതി അവിടെ നിന്നും പോയി

 

റോണി : അളിയൻ പേടിക്കാതിരിക്ക് ഇത്തവളുടെ സ്ഥിരം ഏർപ്പാടാ ഒരു കോപ്പും നടക്കില്ല

 

അഖിൽ :പേടിയോ അതും ഈ നീർക്കോലിയെ കണ്ടിട്ട്… നേരെ നിൽക്കാൻ പോലും അവൾക്ക് ആവതില്ല ആ അവളാ

 

ഇതേ സമയം ശ്രുതി

 

ലക്ഷ്മി : എന്താടി ആള് എങ്ങനെയുണ്ട്

 

ശ്രുതി : പ്രതീക്ഷിച്ച പോലെ തന്നെ അവന്മാരുടെ തനി പകർപ്പ്… ഇനി ഇവന്റെ കൂത്തുകൾ കൂടി കാണേണ്ടി വരും…

 

അന്നേ ദിവസം രാത്രി ഹോസ്റ്റൽ റൂം

 

അജ്മൽ : അഖിൽ അളിയന് ഒന്നുകൂടി ഒഴിച്ചു കൊടുക്ക്

 

അഖിൽ : ഹേയ് വേണ്ട ഡ്രൈവ് ചെയ്യേണ്ടതാ… ഇപ്പോൾ തന്നെ ഓവറാ

 

അരുൺ : ടാ റോണി ആ റൂൾസ്‌ റാണിക്കിട്ട് എന്തെങ്കിലും പണികൊടുക്കണ്ടേ കുറേ ആയി അവളുടെ ഷൊ തുടങ്ങിയിട്ട് ഇന്ന് അഖിലിനോട് റോൾ എടുത്തത് കണ്ടില്ലേ

 

അഖിൽ : അവളുടെ പേരെന്താ പറഞ്ഞെ ശ്രുതിയോ, ക്രുതിയോ….

 

അജ്മൽ : വെറും ശ്രുതി അല്ല മൈരത്തി ശ്രുതി അങ്ങനെ പറ അളിയാ നൊണ്ടിച്ചി..

 

റോണി : നമുക്ക് പണി കൊടുക്കടാ നല്ല അവസരം വരട്ടെ 8ന്റെപണി തന്നെ കൊടുക്കാം

 

അഖിൽ : ടാ നിങ്ങള് കേട്ടിട്ടില്ലേ ചെമ്മീൻ ചാടിയാൽ മുട്ടോളം പിന്നെ ചാടിയാൽ ചട്ടിയിൽ… അധികം ചാടിയാൽ അവളെ ഞാൻ വറുത്ത്‌ കോരും പഴയ കോളേജിൽ ഇതേ പോലെ ഒരു മൈര് ഉണ്ടായിരുന്നു സ്നേഹ ഇവളെ കാണുമ്പോൾ ആ മറ്റേ മോളെയാ ഓർമ്മ വരുന്നെ… എന്നാൽ ശെരി ഞാൻ ഇറങ്ങുവാ നിങ്ങളിരുന്ന് ബാക്കി അടിച്ചോ

 

ഇത്രയും പറഞ്ഞു അഖിൽ അവിടെ നിന്നും ഇറങ്ങി

 

രോഹിത്ത് : ടാ റോണി നിന്നെ സമ്മതിച്ചു എത്ര പെട്ടെന്നാ അവനെ കുപ്പിയിലാക്കിയത് ഒപ്പം രണ്ട് കുപ്പിയും എടുപ്പിച്ചു

 

റോണി : ടാ എന്റെ മനസ്സിൽ നല്ലൊരു പ്ലാൻ ഉണ്ട് ആ ശ്രുതിക്കിട്ട് പണിയാൻ നമ്മൾ കുറേയായി കത്തിരിക്കുവല്ലേ നേരിട്ട് എന്തെങ്കിലും ചെയ്താൽ ചിലപ്പോൾ പ്രശ്നമാകും അതുകൊണ്ട് അതിന് നമുക്ക് ഇവനെ ഉപയോഗിക്കാം രണ്ടിനേയും ഒന്നു കൊളുത്തി വിട്ടുകൊടുത്താൽ മതി ബാക്കിയൊക്കെ താനേ നടന്നോളും

 

അജ്മൽ : അത് കൊള്ളാം നല്ല ഐഡിയയാ ഇലക്കും മുള്ളിനും കേടില്ലാതെ കാര്യം നടന്നോളും

 

രോഹിത്ത് : പണി ശ്രുതിക്കും പഴി അഖിലിനും അല്ലേ…

 

****************

പിറ്റേന്ന് രാവിലെ അഖിൽ വളരെ വേഗത്തിൽ ക്യാമ്പസിലേക്ക് ബൈക്ക് ഓടിച്ചു കയറ്റി പെട്ടെന്നാണ് വേഗത്തിൽ വരുന്ന അഖിലിന്റെ ബൈക്കിനു മുന്നിലേക്ക് ശ്രുതി വന്നു ചാടിയത് അഖിൽ പെട്ടെന്ന് തന്നെ ബ്രേക്ക് പിടിച്ചു

 

അഖിൽ : എന്താടി ചാവാൻ നോക്കുവാണോ?

 

ഇത് കേട്ട ശ്രുതി ദേഷ്യത്തോടെ അഖിന്റെ അടുത്തേക്ക് എത്തി

 

ശ്രുതി : തെമ്മാടിതരം കാണിച്ചതും പോര നിന്ന് ഡയലോഗും അടിക്കുന്നോ.. ബൈക്കിൽ സർക്കസ് കാണിക്കാൻ ഇത് റൈസിങ്ങ് ട്രാക്ക് ഒന്നുമല്ല ഓടിക്കാൻ അറിയില്ലെങ്കിൽ ഇത് വീട്ടിൽ വച്ചേച്ച് വരണം… എന്റെ ദേഹത്തെങ്ങാൻ വണ്ടി മുട്ടിയെങ്കിൽ വിവരം അറിഞ്ഞേനെ

 

അഖിൽ : നീ എന്ത് ഉണ്ടാക്കും എന്നാ ഈ പറയുന്നെ… മത്തങ്ങപോലെ രണ്ട് കണ്ണുണ്ടല്ലോ എന്നിട്ടും നിനക്ക് ബൈക്ക് വരുന്നത് കാണാൻ പറ്റിയില്ലേ നിന്നെ കണ്ണിൽ എന്താ കുരു ആണോ പിന്നെ നീ പറയുമ്പോൾ വീട്ടിൽ വച്ചിട്ട് വരാൻ ഇത് നിന്റെ തന്ത ഒന്നും വാങ്ങി തന്ന ബൈക്ക് അല്ല മനസ്സിലായോടി..

 

ശ്രുതി : വീട്ടിലുള്ളവരെ പറഞ്ഞാൽ ഉണ്ടല്ലോ 😡

 

അഖിൽ : മാറ് നൊണ്ടി കൊണക്കാതെ അവൾ ഉണ്ടാക്കാൻ വന്നേക്കുന്നു മൈര്

 

ഇത്രയും പറഞ്ഞു അഖിൽ വണ്ടി മുന്നോട്ടേക്ക് എടുത്തുകൊണ്ട് പോയി… ഒട്ടും പ്രതീക്ഷിക്കാതെ ആ വിളികേട്ട ശ്രുതി മിഴിച്ചു നിന്നു