🚀🚀മഞ്ജിമ തുടക്കവും ഒടുക്കവും – 3🚀🚀അടിപൊളി  

എങ്കിൽ കൂടി തന്നോട് മഞ്ജിമ എല്ലാം പറയും എന്നറിയാവുന്ന ഫാത്തിമ ഒന്നും ചോദിക്കാൻ പോയിരുന്നില്ല. മഞ്ജിമയുടെ മുഖം കണ്ടത് കൊണ്ട് തന്നെ ആണ് ഫാത്തിമ മഞ്ജിമയോട് തന്റെ കൂടെ കാറിൽ പോവാം എന്ന് പറഞ്ഞത്.

മഞ്ജിമയുടെ ഫോണിൽ അഭിയുടെ മെസ്സേജ് വന്നു : വൗ, മോളെ കിടു. കിക്കിടു. നീ അവിടെ മോഡലിംഗ് ചെയ്യുന്നുണ്ടോ. വല്ല സിനിമയിലും അഭിനയിക്കാൻ പ്ലാൻ ഉണ്ടോ,, എന്നുള്ള ചാറ്റ് കണ്ട് മഞ്ജിമ അറിയാതെ പുഞ്ചിരിച്ചു. പക്ഷെ അധികം നീണ്ടു നിന്നില്ല, മഞ്ജിമയുടെ മുഖ ഭാവം പഴയ പോലെ ആയി. ഫോൺ ഓഫ്‌ ചെയ്ത് ഡാഷ് ബോർഡിൽ ഒരു മയവും കൂടാതെ ഇട്ടു. കുറച്ച് ശക്തിയിൽ തന്നെ.

ഫാത്തിമ ഇടം കണ്ണിട്ട് എല്ലാം കാണുന്നുണ്ടായിരുന്നു. മഞ്ജിമക്ക് മെസ്സേജ് വന്നതും, മുഖത്ത് വന്ന പുഞ്ചിരിയും, പെട്ടെന്ന് തന്നെ അത് മാഞ്ഞതും.

അതുവരെ കണ്ട മഞ്ജിമ ആയിരുന്നില്ല അന്ന്. കൂടെ ഉള്ളവരോട് വളരെ പതിയെ ചിരിച്ചു സംസാരിച്ചിരുന്ന മഞ്ജിമ ദേഷ്യത്തോടെ ഒരു മയവും ഇല്ലാതെ സംസാരിക്കുന്നത് കണ്ട് എല്ലാവരും അതിശയപ്പെട്ടു.

അച്ഛൻ മരിച്ചു എന്ന് ഫോൺ വന്ന ശേഷവും, സങ്കടം ഉള്ളിൽ ഒതുക്കി പുഞ്ചിരിച്ചു ജ്യുവലിനോട് അച്ഛൻ മരിച്ചു ഞാൻ വീട്ടിൽ പോവാണ്, ഈ കോസ്റ്റും ജ്യുവൽ ഫിനിഷ് ചെയ്ത് ഫോട്ടോ ഫോണിൽ അയച്ചാൽ മതി എന്ന് പറഞ്ഞ മഞ്ജിമ അല്ലായിരുന്നു അത്.

ജ്യുവൽ ഫാത്തിമയെ നോക്കി. ഫാത്തിമ ജ്യുവലിനോട് ഒന്നും പറയണ്ട എന്ന ആംഗ്യം കാണിച്ചു. രാവിലെ മുതൽ തന്നെ മഞ്ജിമയെ ചുറ്റി പറ്റി ഫാത്തിമയും ഉണ്ടായിരുന്നു. മഞ്ജിമയുടെ ഉള്ളിൽ ഉള്ള കാര്യം എത്ര വലുതാണ് എന്നറിയാൻ തന്നെ.

മഞ്ജിമ ദേഷ്യപ്പെട്ട ശേഷം ഒന്നു കണ്ണടച്ചു കുറച്ച് നേരത്തേക്ക് നിന്ന നിൽപ്പിൽ തന്നെ. പിന്നെ നേരെ പോയത് ബാത്‌റൂമിലേക്ക് ആയിരുന്നു.

എന്തിനാ അറിയില്ല, മഞ്ജിമയുടെ കണ്ണുകൾ നിറഞ്ഞു. ഒരുപാട് തവണ മുഖം വെള്ളം ഒഴിച്ചു കഴുകി. സ്വയം മുഖത്ത് രണ്ട് അടി അടിച്ചു ശക്തിയിൽ തന്നെ. എന്നിട്ട് മനസ്സിൽ പറഞ്ഞു : മഞ്ജു അവൻ നിന്റെ ആരുമല്ല. ആരുമല്ല. നീ നിന്റെ ലോകത്തു ആണ്. അവൻ അവന്റെയും.

മുഖം ഒന്നുടെ കഴുകി, ചെറിയ ടച്ച്‌ അപ്പ്‌ ചെയ്ത്, തന്റെ സ്വതസിദ്ധമായ പുഞ്ചിരി മുഖത്തു ഫിറ്റ്‌ ചെയ്തു മഞ്ജിമ തിരിച്ചു നടന്നു എല്ലാവരുടെയും അടുത്തേക്ക്.

മഞ്ജു എല്ലാവരോടും സോറി പറഞ്ഞു കൊണ്ട് തുടങ്ങി. മൂഡ് ശരിയല്ലാത്തോണ്ട് പറ്റിയതാണ്. എല്ലാവരും ക്ഷമിക്കണം. ഐആം റിയലി റിയലി സോറി.

എല്ലാവരും മഞ്ജുവിനോട് ചിരിച്ചപ്പോൾ, മഞ്ജിമയുടെ ചുവന്ന കണ്ണുകളും വീർത്ത മുഖവും, ചുണ്ടിലെ വ്യാജ പുഞ്ചിരിയും കണ്ട് ജ്യുവലും ഫാത്തിമയും ഉറപ്പിച്ചു മനസ്സിൽ എന്തോ കാര്യമായ സങ്കടം ഉണ്ട് മഞ്ജുവിന്, ആരോടും പറയാൻ ഇഷ്ടപെടാത്ത, ഒരു സങ്കടം.

എച്ച് കെട്ടിയ പുഞ്ചിരിയുമായി മഞ്ജു തന്റെ ജോലിക്കാര്യങ്ങൾ തുടർന്നു കൊണ്ട് പോയി. നിഴല് പോലെ ഫാത്തിമ പിന്തുടർന്നിരുന്നു മഞ്ജുവിനെ എപ്പോഴും.

ഈവെനിംഗ് 6 മണിക്ക് ഫാത്തിമ പറഞ്ഞു : മഞ്ജു, നമുക്ക് ഇന്ന് അല്പം നേരത്തെ ക്ലോസ് ചെയ്തു പോവാം.

മഞ്ജു : 4 ദിവസമേ നമ്മുടെ കയ്യിൽ ഉള്ളു. അതിനു മുൻപേ തീർക്കണം.

ഫാത്തിമ : അതൊക്കെ തീരും ഞാനല്ലേ പറയണത്.

ഫാത്തിമ പറഞ്ഞാൽ അത് അന്തിമം ആണ്. പിന്നെ മഞ്ജിമ മറിച്ച് ഒന്നും പറയാൻ പോയില്ല.

കായലരികെ ഉള്ള മഞ്ജിമയുടെ ഇഷ്ടപ്പെട്ട ഹോട്ടലിൽ ഇഷ്ടപ്പെട്ട സീറ്റിൽ മഞ്ജിമക്ക് ഇഷ്ടപ്പെട്ട ഭക്ഷണം മുന്നിൽ വച്ച ശേഷവും യാതൊരു മാറ്റവും ഫാത്തിമ മഞ്ജുവിൽ കണ്ടില്ല. ഉള്ളിൽ എന്തോ കാര്യമായി കിടന്നു കളിക്കുന്നുണ്ട് എന്ന് മനസ്സിലായി ഫാത്തിമക്ക്.

അവിടെ നിന്ന് കുറച്ച് മാത്രം ദൂരമുള്ള വ്യൂ സ്പോട്ടിൽ വണ്ടി നിർത്തി ഫാത്തിമ ചോദിച്ചു : എന്ത് പറ്റി??…

മഞ്ജിമ ഫാത്തിമയെ നോക്കി കണ്ണ് തുറിച്ചു : ഒന്നുല്ല ഇത്ത..

ഫാത്തിമ : മഞ്ജു.. നിനക്ക് അറിയാം, ഈ ഫാത്തിമയിൽ നിന്ന് ആർക്കും ഒന്നും ഒളിക്കാൻ ആവില്ല എന്ന്. പ്രത്യേകിച്ച് നിനക്ക്. പറ…….

മഞ്ജിമയുടെ തൊണ്ട വരണ്ടു. ഉള്ളിൽ അടക്കി പിടിച്ച സങ്കടം പുറത്തു കരച്ചിലായി മാറി.

കാലങ്ങൾക്ക് ശേഷം മഞ്ജിമ കരയുന്നത് കണ്ടപ്പോൾ ഫാത്തിമയുടെ പിടിയും വിട്ടു പോയി. അറിയാതെ ഫാത്തിമക്കും കണ്ണുകൾ നിറഞ്ഞു. മഞ്ജിമയുടെ സ്ഥാനവും അത്രക്കായിരുന്നു ഫാത്തിമയുടെ മനസ്സിൽ.

ഫാത്തിമ മഞ്ജുവിനെ തോളിൽ തട്ടി സമാധാനിപ്പിക്കാൻ ശ്രമിച്ചു. കുറച്ച് സമയം എടുത്തു മഞ്ജിമയുടെ കരച്ചിൽ കുറച്ച് എങ്കിലും അടങ്ങാൻ.

മഞ്ജിമ കണ്ണ് തുടച്ചു മൂക്ക് ചീറ്റി പറഞ്ഞു : അവൻ, അവൻ അഭി?..

ഫാത്തിമ : ആര്?..

മഞ്ജിമ : അഭി, അഭിജിത്ത് ….

ഫാത്തിമ ഓർത്തു, മഞ്ജുവിന്റെ ഓർമകളിൽ, കഥകളിൽ അങ്ങിനെ ഒരു പേര് എവിടെയാ കെട്ടിട്ടുള്ളത് എന്ന്..

ഫാത്തിമ : ആര്, നിന്റെ ആ ഫ്രണ്ടോ?..

മഞ്ജിമ : മ്മ്മ്….

ഫാത്തിമ : അവൻ, എന്താ ഉണ്ടായതു മഞ്ജു കരയാൻ മാത്രം.എന്താ അവൻ ചെയ്തേ?.. നീ പറ എന്നോട്.

മഞ്ജിമ : എനിക്കറിയില്ല ഇത്ത, നിങ്ങളോട് ഞാൻ എന്താ പറയേണ്ടത് എന്ന്. എനിക്ക് തന്നെ അറിയില്ല എന്താ എന്റെ ഉള്ളിലെ സങ്കടം എന്ന്. കുറച്ച് സമയം തരാമോ. ഞാൻ ആലോചിക്കട്ടെ എന്താ എന്റെ പ്രശ്നം എന്ന്.

ഫാത്തിമ വണ്ടി എടുത്തു. ബാക്കി വീട്ടിൽ ചെന്നു കേൾക്കാം എന്ന് വച്ച്.

ഫാത്തിമ മനസ്സിൽ പല തവണ പറഞ്ഞു ” അഭി, അഭി, അഭിജിത്ത് , അഭിജിത്ത് “…..

വീട്ടിൽ ചെന്ന് വില കൂടിയ സ്കോച്ച് വിസ്കി പൊട്ടിച്ചു രണ്ട് ഗ്ലാസുകളിൽ ഒഴിച്ചു ഐസ് ക്യൂബ് ഇട്ടു ഒന്നു മഞ്ജിമക്ക് നേരെ നീട്ടി ഫാത്തിമ. ഫാത്തിമക്ക് അറിയാം കള്ള് അകത്തു ഒരു പെഗ് ചെന്നാൽ മഞ്ജിമയിലുണ്ടാവുന്ന മാറ്റം.

മഞ്ജിമ ഗ്ലാസ്‌ എടുത്തു ഒറ്റ വലിക്കു തീർത്തു. എന്നിട്ട് സ്വന്തമായി ഒന്നുകൂടെ ഗ്ലാസിൽ ഒഴിച്ചു അതുകൂടെ വലിച്ചു കയറ്റി.

ഫാത്തിമ കണ്ണും തുറിച്ചു നോക്കി ഇരുന്നു. തടയാൻ നിന്നില്ല. കാരണം ഇപ്പോൾ വരും മഞ്ജിമയുടെ മനസിലെ സങ്കടം പുറത്ത് എന്ന് ഫാത്തിമക്ക് അറിയാമായിരുന്നു.

ഫാത്തിമ തടയുന്നതിനു മുൻപേ, ഒരു ലാർജ് കൂടെ ഒഴിച്ചു മഞ്ജിമ വായിലോട്ടു കമഴ്ത്തി.

പക്ഷെ ഫാത്തിമയെ അമ്പരപ്പിച്ചു കൊണ്ട് മഞ്ജിമ ഉറക്കെ ഉറക്കെ ചിരിച്ചു എന്നിട്ട് പറഞ്ഞു : ഞാൻ എന്ത് പൊട്ടിയ, എന്തിനാ ഞാൻ കരഞ്ഞേ.. ഛേ… എല്ലാവരും എന്താ വിചാരിച്ചു കാണുക. എന്റെ ഫോൺ എവടെ ഇത്ത. ജ്യുവലിനെ ഒന്നു വിളിക്കട്ടെ.

+8

0