🚀🚀മഞ്ജിമ തുടക്കവും ഒടുക്കവും – 3🚀🚀അടിപൊളി  

മഞ്ജിമ നീക്കാൻ തുടങ്ങിയപ്പോൾ ഫാത്തിമ അലറി : ഇരിക്കെഡി അവിടെ. കാര്യം പറഞ്ഞോ. അല്ലെങ്കിൽ അവൻ എവടെ ആണെങ്കിലും തപ്പി പിടിച്ചു ഇവിടെ കൊണ്ട് വന്നു പട്ടിയെ തല്ലുന്നപോലെ തല്ലി ആണെങ്കിലും ഞാൻ കാര്യം അറിയും.

മഞ്ജിമ ശരിക്കും പേടിച്ചു ഫാത്തിമയുടെ മുഖ ഭാവം കണ്ട്. മഞ്ജിമ കുറച്ച് നേരം ഫാത്തിമയെ തന്നെ നോക്കി ഇരുന്നു. എന്നിട്ട് പതിയെ പതിയെ നീങ്ങി നീങ്ങി ഫാത്തിമയുടെ അടുത്തു എത്തി തന്റെ മുഖം ഫാത്തിമയുടെ തോളിലേക്ക് ചാരി, ഫാത്തിമയെ കെട്ടിപിടിച്ചു.

ഫാത്തിമക്ക് പിന്നെ ഒന്നും പറയാനും ചെയ്യാനും കഴിഞ്ഞില്ല. ഇരുന്നു കൊടുത്തു, തന്നെ കെട്ടിപിടിച്ചു ഇരിക്കുന്ന മഞ്ജിമക്കൊപ്പം.

കുറച്ച് നേരത്തെ സൈലൻസിന് ശേഷം മഞ്ജിമ പറഞ്ഞു : ഇത്തക്ക് എപ്പോഴെങ്കിലും ഒരു കൂട്ട് വേണം തോന്നിയിട്ടുണ്ടോ?..

ഫാത്തിമ മഞ്ജിമയുടെ മുഖം പിടിച്ചു ഉയർത്തി : അവൻ പഴയ വല്ല നമ്പറും ഇട്ടു വന്നോ??..

മഞ്ജിമ : ഇല്ല ഇത്ത. അവന്റെ കല്യാണം ഉറപ്പിച്ചു.

ഫാത്തിമ : ഇതാര് പറഞ്ഞു, അവനുമായി നിനക്ക് കോൺടാക്ട് ഉണ്ടോ?.

മഞ്ജിമ : അമ്മ പറഞ്ഞാ അറിഞ്ഞേ.

ഫാത്തിമ : എന്നിട്ട്?..

മഞ്ജിമ താൻ അമ്മ പറഞ്ഞത് കേട്ടതും അത് കഴിഞ്ഞ് താൻ ചെയ്ത കാര്യവും പറഞ്ഞു.

ഫാത്തിമ : നീയെന്തിനാ അങ്ങോട്ട് പോയി തോണ്ടാൻ നിന്നത്?..

മഞ്ജിമ : വളരെ ആഴത്തിൽ പതിഞ്ഞ മുഖം ആണ് അവന്റെ, എന്റെ മനസിനുള്ളിൽ. എന്റെ ആദ്യ പ്രണയം, മൈ ഡ്രീം ബോയ്. എന്റെ മുത്ത്, എന്റെ ചക്കര കുട്ടൻ..

ഫാത്തിമ മുൻപൊരിക്കൽ മാത്രം കേട്ട പേര്, കുറെ നാളുകൾക്കു ശേഷം ഇന്നാണ് ആ പേര് കേട്ടത്. പക്ഷെ ആ പേരിനു മഞ്ജിമയുടെ ഉള്ളിൽ ഇത്രക്കും ആഴത്തിൽ ആയിരുന്നു കിടന്നിരുന്നത് എന്ന കാര്യം അറിഞ്ഞിരുന്നില്ല .

ഫാത്തിമ : ഇന്നലെ ചാറ്റിയിട്ട്?..

മഞ്ജിമയുടെ നാക്ക് കുഴഞ്ഞു തുടങ്ങിയിരുന്നു…

മഞ്ജിമ : എന്റെ കഴപ്പ്, ഞാൻ കെട്ടാൻ പോകുന്ന കുട്ടിയുടെ ഫോട്ടോ ചോദിച്ചു. ആ തെണ്ടിക്ക് ഇല്ല പറഞ്ഞാൽ മതിയാരുന്നു. അപ്പോൾ തന്നെ തന്നു അവൻ . അപ്പോൾ തന്നെ. നാറി, തെണ്ടി, ചെറ്റ.

ഫാത്തിമക്ക് ചിരി വരുന്നുണ്ടായിരുന്നു എങ്കിലും ചോദിച്ചു : അതിനു?..

മഞ്ജിമ കണ്ണ് തുറിച്ചു : അതിനെന്താ എന്നോ, പെർഫെക്ട് മാച്ച് ആണ് ഇത്ത. ടോട്ടലി പെർഫെക്ട്. ഇത്ത എത്ര പൈസ മുടക്കി എന്റെ മുഖത്തിന്‌ ഇത്ത മേക്കപ്പ് ഇട്ടാലും ഞാൻ ആവുമോ അവനു അവള് മാച്ചിങ് ആയ പോലെ. ജിമ്മിൽ ഒക്കെ പോയി സമയം കളഞ്ഞു. ടോട്ടലി വേസ്റ്റ്. ഐആം ടോടല്ലി വേസ്റ്റ്.

മഞ്ജിമ മുഖം വീണ്ടും ഫാത്തിമയുടെ തോളിൽ വച്ചു. കണ്ണുകൾ അടഞ്ഞു തുടങ്ങി മഞ്ജിമക്ക്.

മഞ്ജിമ ഉറക്കെ വിളിച്ചു പറഞ്ഞു : അവനു എന്നെ കെട്ടികൂടെ, എനിക്കെന്താ കുറവ്. ഭംഗി ഇല്ലേ, കാശ് ഇല്ലേ. അവനു വെറുതെ ഇരുന്നു തിന്നാൽ പോരെ, ഞാൻ നോക്കില്ലേ അവനെ പൊന്നു പോലെ.

മഞ്ജിമ തല പൊക്കി പകുതി അടയുന്ന കണ്ണുമായി ഫാത്തിമയോട് പറഞ്ഞു : ചുള്ളനാണ് എന്റെ അഭി, എന്റെ അഭികുട്ടൻ. അടുത്ത ജന്മം ഉണ്ടെങ്കിൽ ഇത്ത അവൻ വേണം എന്റെ കൂടെ. എനിക്ക് അവന്റേത് ആവണം. അവൻ എന്റേത് മാത്രവും.

മഞ്ജിമ പറഞ്ഞു തീരുന്നതിനു മുൻപ് ശർദിക്കാൻ വാ പൊളിച്ചു. പൊത്തി പിടിച്ചു ഫാത്തിമയുടെ തുടകളിൽ വീണു.

മഞ്ജിമയെ പരിചയപ്പെട്ട മുതൽ ഉള്ളിലെ സങ്കടങ്ങൾ എല്ലാം മഞ്ജിമ കേട്ടിട്ടുണ്ട്. അറിഞ്ഞിരുന്നില്ല,,,,അഭി എന്ന പേരും ആളും മഞ്ജുവിന്റെ ഉള്ളിൽ ഇത്രക്കും വേരുകൾ താഴ്ത്തിയിരുന്നത്.

” വാഹ്ഹ്ഹ് ” ആദ്യ വാൾ ആയിരുന്നു അത്. ഫാത്തിമയുടെ തുടയിലും നിലത്തും കൂടെ.

“അഭി, അഭി, അഭി “… മഞ്ജിമ പുലമ്പി കൊണ്ടിരുന്നു……… തന്റെ മനസ്സിന്റെ ഉള്ളിൽ അഭി എന്ന പേരിനു എത്രത്തോളം വ്യാപ്തി ഉണ്ട് എന്ന് ഫാത്തിമയുടെ മടിയിൽ കിടന്നു പുലമ്പി ഫാത്തിമക്ക് വീണ്ടും ബോധ്യം ആക്കി കൊടുത്തു.

ഫാത്തിമ തന്റെ പഴയ കാലം ചികഞ്ഞു എടുത്തു, ഒരിക്കൽ എങ്കിലും ഇങ്ങനെ ഒരാൾ, ആഴത്തിൽ തന്റെ മനസ്സിൽ കയറിയിട്ടുണ്ടോ, പതിഞ്ഞിട്ടുണ്ടോ എന്നറിയാൻ.

10 മണിയോടെ മഞ്ജിമ റെഡി ആയി വന്നു കാർ കി എടുത്തു. കണ്ടത് ഹാളിൽ ഇരിക്കുന്ന ഫാത്തിമയേ ആണ്.

മഞ്ജിമ പുഞ്ചിരിച്ചു ചോദിച്ചു: ഇത്ത പോയില്ലേ?.

ഫാത്തിമ : ഒന്നിച്ചു പോവാം എന്ന് വിചാരിച്ചു.

മഞ്ജിമ : എന്നാൽ ഇറങ്ങാം. ഒരുപാട് തീർക്കാൻ ഉണ്ട് പണികൾ.

പഴയ ഊർജ സ്വല ആയ മഞ്ജിമയെ ആണ് എല്ലാവരും കണ്ടത്. പക്ഷെ മുഖത്ത് ഇരിക്കുന്ന കണ്ണിനു ഉള്ള പ്രത്യേകത, “മനസ്സിന്റെ കണ്ണാടി ആണ് എന്നുള്ളത്”, ഫാത്തിമക്ക് മാത്രമേ അറിയുന്നുണ്ടായിരുന്നുള്ളൂ.

ഒരു ദിവസം,രണ്ടാം ദിനം, മൂന്നാം ദിനം വൈകുന്നേരം കാറിൽ ഇരുന്നു ചോദിച്ചു ഫാത്തിമ മഞ്ജിമയോട് ചോദിച്ചു : സൊ, വാട്ട്‌ എബൌട്ട്‌ അബി…

മഞ്ജിമ വളരെ കൂൾ ആയി മറുപടി പറഞ്ഞു : ആ ഫോണും നമ്പറും എറിഞ്ഞു ഉടച്ചു.. ഇനി എന്ത് അഭി..

ഫാത്തിമ : അഭിയെ ഞാൻ വിളിച്ചിരുന്നു.

മഞ്ജിമ ഞെട്ടി, മുഖഭാവം ആകെ മാറി. ഫാത്തിമ കണ്ടിട്ടില്ല ഇത്രയും അമ്പരപ്പ് മഞ്ജിമയുടെ മുഖത്തു ഇന്ന് വരെ.

മഞ്ജിമ അലറി : എന്ത്, ഇത്ത എന്തിനാ വിളിച്ചേ?,, ഇത്തയോട് ആരാ അവനെ വിളിക്കാൻ പറഞ്ഞെ?.

ഫാത്തിമ : വിളിക്കണം തോന്നി വിളിച്ചു,

മഞ്ജിമയുടെ മുഖത്ത് കണ്ട ദേഷ്യം ഫാത്തിമ ഇന്ന് വരെ കണ്ടിട്ടില്ലായിരുന്നു മഞ്ജിമയെ ഇങ്ങനെ ദേഷ്യപ്പെട്ടു തന്നോട് . നാൻ താൻ നാഗവല്ലി എന്ന സ്റ്റൈലിൽ : നിങ്ങൾക്ക് എന്റെ ജീവിതത്തിൽ പൂർണ അവകാശം ഉണ്ട്. എന്റെ അവസാന ശ്വാസം വരെയും അത് നിങ്ങൾക്ക് ഉള്ളതാണ്. എന്ന് വച്ചു. എന്തിനാ അവനെ വിളിച്ചേ പറ, എന്തിനാ, എന്ത് അവകാശം ആണ് നിങ്ങൾക്കു ഉള്ളത് അവനെ വിളിക്കാൻ.

മഞ്ജിമ അലറുക ആയിരുന്നു. ഇത്ത, മാടം എന്ന് മാത്രം മഞ്ജിമയിൽ നിന്നും കേട്ടിരുന്ന ഫാത്തിമ വരെ ഒരു നിമിഷം ഞെട്ടി തരിച്ചു, മഞ്ജിമയുടെ രൂപ മാറ്റം കണ്ട്.

ഫാത്തിമ ഒന്നു തരിച്ചു എങ്കിലും പറഞ്ഞു : ഞാൻ ആരെയും വിളിച്ചിട്ടില്ല. നീ പേടിക്കേണ്ട.

സോറിയോ കരച്ചിലോ പ്രതീക്ഷിച്ച ഫാത്തിമക്ക് തെറ്റി.

മഞ്ജിമ : ഞാൻ പറഞ്ഞത് ആണ്, ഫോൺ എറിഞ്ഞു ഉടച്ചു, ഇനി ഒരു കോൺടാക്ട്ടും ഉണ്ടാവില്ല എന്ന്..

ഫാത്തിമ : ഫോൺ എറിഞ്ഞു ഉടച്ചത് കൊണ്ട് മനസ്സിൽ നിന്നും പോയോ അവൻ?.. ശരിക്ക് ആലോചിച്ചു പറഞ്ഞാൽ മതി. കാരണം നീ സംസാരിക്കുന്നതു ഫാത്തിമയോടാണ്.

മഞ്ജു ഒന്നു ആലോചിച്ചു ഇരുന്നു, എന്നിട്ട് വണ്ടിക്കു പുറത്തുള്ള അമ്പര ചുംബികളായ കെട്ടിടങ്ങൾ നോക്കി പറഞ്ഞു : ട്രയിങ് മൈ ബെസ്റ്റ്…

+8

0