ഇവൾ തന്നെ എന്നെ കാണിച്ച് കൊടുക്കുന്ന ലക്ഷണമാണല്ലോ ഈശ്വരാ…..അവളുടെ ശബ്ദത്തിൽ തന്നെ ടെൻഷന്റെ സാന്നിദ്യം തിരിച്ചറിയാൻ സാധിക്കുന്നുണ്ട്.
“ഞാനൊന്ന് ബാത് റൂമിൽ പോകാനാ” റൂമിന്റെ വാതിക്കൻ നിന്നു കൊണ്ട് കണ്ണൻ ചെറിയ അമ്പരപ്പോടെ മറുപടി നൽകി
” അതിന് നീ എന്തിനാ ഇങ്ങനെ ഒച്ച ഇടുന്നെ, അവൻ പോകട്ടെ” മായയുടെ അമ്മയാണ് ചോദിച്ചത്
മായ : അതു …… പിന്നെ അത് …. ( മായയുടെ സഹോദരന്റെ മകനാണ് നേരെത്തെ കേട്ട പുരുഷ ശബ്ദത്തിനുടമ. അവൻ കണ്ണനെ തിരികെ എത്തിക്കാൻ വന്നതാണ്. അവനോടും അമ്മയോടും മായ സംസാരിച്ചു കൊണ്ടിരിക്കുമ്പോഴാണ് കണ്ണൻ ഈ ഡോർ തുറുക്കുന്നത്. ഉത്തരം കിട്ടാതെ മായ അവർക്ക് മുന്നിൽ എഴുന്നേറ്റ് നിൽക്കുവാണ്.)
മായ കണ്ണനെ ലക്ഷ്യമാക്കി വേഗത്തിൽ നടന്നു. കണ്ണനെ ദഹിപ്പിക്കാന്നുള്ള നോട്ടമായിരുന്നു മായയുടെ കണ്ണുകളിൽ. തന്റെ നേർക്ക് കലിതുള്ളി വരുന്ന തന്റെ അമ്മയെ കണ്ട് കണ്ണൻ ഭയന്നു. പോരാത്തതിന് താൻ എന്ത് തെറ്റ് ചെയ്തു എന്ന ഭാവമായിരുന്നു കണ്ണന്റെ മുഖത്ത്. മായ കണ്ണന്റെ കൈയ്യിൽ പിടിച് റൂമിന് പുറത്തേക്ക് കൊണ്ട് വന്നു എന്നിട്ട് ലൈറ്റും ഓഫ് ചെയ്ത് ഡോറും വലിച്ചടച്ചു.
” ഈ റൂമിൽ മാത്രമേ ബാത്ത്റും ഉള്ളോ?” മായ കണ്ണനോട് കയർത്തു.
‘താൻ ഇതിനും മാത്രം എന്ത് ചെയ്തിട്ടാ ‘ കണ്ണൻ കരച്ചിലിന്റെ വക്കോളം എത്തിയിരുന്നു അവന്റെ കണ്ണിൽ കണ്ണുനീർ പൊടിഞ്ഞു. മായയുടെ ഈ പ്രവർത്തി കണ്ട് അവളുടെ അമ്മയും സഹോദരപുത്രനും അമ്പരന്ന് ഇരിക്കുവാണ്.
എന്തൊക്കെ സംഭവിച്ചെന്ന് പറഞ്ഞാലും എന്റെ ശ്വാസം ഇപ്പോഴാണ് കുറച്ചെങ്കിലും നേരെ ആയത്. ടെൻഷൻ ഉണ്ടെങ്കിലും ഇപ്പോൾ പകുതി ആശ്വാസമായ് ഞാൻ പതിയെ അവിടെ നിന്നും നേരെ കടലിനടിയിലേക്ക് പതുങ്ങി.
കണ്ണൻ മായയുടെ അപ്രതീക്ഷിത പ്രവർത്തിയിൽ ദുഃഖിതനായ് തലകുമ്പിട്ട് കണ്ണു നിറഞ്ഞ് അപമാനിതനായ് കാരണമില്ലാതെ ശിലകണക്ക് മായയുടെ അരികിലായ് നിന്നു.
“ഈ പെണ്ണിനിത് എന്ത് പറ്റി, എന്തിനാടി നീ കുഞ്ഞിനോടിപ്പോ ഇങ്ങനെ കാണിച്ചെ.? പാവം അവൻ നിക്കുന്ന നോക്കിയെ മോൻ അമ്മൂമ്മേടെ അടുത്ത് വാ …… വാ …..” മായ യുടെ അമ്മ അവളെ ശകാരിച്ചു
മായ താൻ ടെൻഷൻ കൊണ്ട് ചെയ്ത് പോയതാണ് ഇത്രയും വേണ്ടിയിരുന്നില്ല എന്ന് അവൾക്ക് തോന്നി. കണ്ണന്റെ തലയിൽ കൈ കൊണ്ട് തലോടിയ ശേഷം അവൾ അവനോട് വളരെ നേർത്ത ശബ്ദത്തിൽ ശാന്തമായ് പറഞ്ഞു, “മോൻ അമ്മുമ്മയുടെ റൂമിലേതിൽ പൊക്കൊ ”
എന്നിട്ട് അമ്മയുടെയും സഹോദരപുത്രനോടും മാറി മാറി കണ്ണോടിച്ചു കൊണ്ട് മായ പറഞ്ഞു ” ഈ ബാത്ത്റൂമിൽ ഫ്ലഷ് കേടായി കിടക്കുവാ… അതാ.” മായ പറഞ്ഞൊപ്പിച്ചു.
” അതിനാണോടീ നീ കുഞ്ഞിനോടിത്രേം ദേഷ്യപ്പെട്ടെ… ഒരു മയത്തിൽ പറഞ്ഞാൽ നിനക്ക് എന്താ….” മായയുടെ അമ്മ ആരാഞ്ഞു.
മായ : പോട്ടെ, സാരമില്ലെ മോൻ ചെല്ല് (മായ കണ്ണന്റെ തലയിൽ വീണ്ടും തലാേടി )
അപ്പോഴേക്കും കണ്ണന്റെ കണ്ണു നീർ മുഖത്ത് പടർന്നിരുന്നു.കണ്ണൻ മായയുടെ കൈ തട്ടി മാറ്റിക്കൊണ്ട് തന്റെ റൂമിലേക്ക് പാഞ്ഞു.
“കണ്ണാ …..” മായയുടെ സഹോദര പുത്രൻ നീട്ടി വിളിച്ചു. ആരെയും മൈൻഡ് ചെയ്യാതെ കണ്ണൻ റൂമിലെ വാതിൽ വലിച്ചടച്ച് കൊണ്ട് കട്ടിലിലേക്ക് കമഴ്ന്ന് കിടന്നു.
“ഇനി കുറച്ച് നേരത്തേക്ക് അവനെ നോക്കണ്ട” തന്റെ തെറ്റ് ഒരു ചെറിയ ചിരിയിലൊതുക്കി മായ അവരോടായ് പറഞ്ഞു
“നിനക്ക് കുഞ്ഞിനെ കരയിച്ചപ്പോൾ സമാധാനമായില്ലെ” മായയുടെ അമ്മ പറഞ്ഞു നിർത്തി.
” അപ്പോൾ ശരി…. ഞാനെന്നാ ഇറങ്ങുവാണ്, പോയിട്ട് കുറച്ച് പരുപാടി ഉണ്ട്, പോട്ടേ ആന്റീ അമ്മൂമ്മേ ഞാൻ പോയിട്ടു വരാം ”
“നിക്കടാ ചായ കുടിച്ചിട്ടു പോകാം”മനസ്സില്ലാ മനസ്സോടെ മായ പറഞ്ഞു. പക്ഷെ വാക്കിലും പ്രവർത്തിയിലും അത് അവൾ പുറത്ത് കാണിച്ചില്ല.
ഇല്ലെന്ന് പറഞ്ഞു വരുത്തി മായയുടെ സഹോദരപുത്രൻ കാറെടുത്ത് പോയി. “ഞാനൊന്ന് കുളിക്കട്ടെ ” എന്ന് പറഞ്ഞ് മായയുടെ അമ്മയും റൂമിലേക്ക് പോയി. 5 മിനുട്ട് ചുറ്റുപാട് നിരീക്ഷിച്ച ശേഷം സേഫ് ആണെന്ന് ഉറപ്പിച്ച മായ അതി വേഗത്തിൽ തന്റെ റൂമിൽ കയറി ഡോർ ലോക്ക് ചെയ്തു. നേരെ ബാത്ത്റൂം ഡോർ തുറന്നു. അവിടെ ആരും ഇല്ലാത്ത് മായയെ അത്ഭുതപ്പെടുത്തി. അവൾ ഒരു സെക്കൻഡ് ആലോചിച്ച ശേഷം കട്ടിലിനരികിലെത്തി പതിഞ്ഞ സ്വരത്തിൽ പറഞ്ഞു “എടാ പുറത്ത് വായോ ഇത് ഞാനാ”