ഓട്ടോ സ്റ്റാൻഡിൽ ഇട്ടെങ്കിലും ഉച്ച സമയം ആയത് കൊണ്ട് ആളുകൾ കൂടുതലായി ഒന്നുമില്ല റോട്ടിൽ…
ചേച്ചി വിളിക്കുന്നത് വരെ സമയം പോകുവാൻ
കൂട്ടുകാരുമായി സൊറ പറഞ്ഞു ഇരിക്കുന്നതിന് ഇടയിലാണ് പോക്കറ്റിൽ നിന്നും വീണ്ടും ഫോൺ ബെല്ലടിക്കുന്നത് കേൾക്കുന്നത്..
ഹലോ…
വിടെടാ നായെ..
ഹലോ.. എന്താണ് പറയുന്നതെന്ന് അറിയാതെ ഞാൻ ഫോൺ വീണ്ടും ചെവിയിൽ വെച്ചു ചോദിച്ചു…
പ്ഫ.. ചെറ്റേ.. ഞാൻ നിനക്ക് കിടന്നു തരണം അല്ലെ.. നീ കെട്ടിയോളോട് പറയെടാ… പന്നി…
ചേച്ചി യുടെ ചീറൽ ആണ് കേൾക്കുന്നത്..
അവളെ ആരോ ഉപദ്രവിക്കാൻ നോക്കുന്നുണ്ട്.. എന്റെ മനസ്സിൽ വേഗത്തിൽ സ്കൂളിലേക്ക് ചെല്ലുവാൻ ആരോ ഉൽബോധിപ്പിക്കുന്നത് പോലെ.. വേഗം വേഗം വേഗം… ചേച്ചി അപകടത്തിൽ ആണ് എന്ന് ആരോ ഓർമ്മിപ്പിക്കുന്നത് പോലെ…
ഞാൻ വീണ്ടും വീണ്ടും വീണ്ടും ഹലോ എന്ന് ചോദിച്ചു കൊണ്ട് എന്റെ ഓട്ടോ സ്റ്റാർട്ട് ചെയ്തു.. സ്കൂൾ ലക്ഷ്യമാക്കി കുതിച്ചു…
❤❤
മനസ്സിൽ ഒരുപാട് സംശയങ്ങൾ ഉയരുന്നുണ്ട്.. ചേച്ചിയെ ആരെങ്കിലും ഉപദ്രവിക്കുന്നുണ്ടോ… ഉണ്ടാവാം അതെന്റെ സംശയം അല്ല അത് തന്നെ ആണ് ശരി.. അതാണെല്ലോ അവിടെ നിന്നും തെറി വിളികൾ കേൾക്കുന്നത്…
കുറച്ചു നേരം മുന്നേ മാത്രമേ അവരെ പരിചയപ്പെട്ടിട്ടുള്ളു വെങ്കിലും മനസ്സിൽ നിറയെ ആ മുഖമാണ്.. ഞാൻ എവിടെയോ കണ്ടിട്ടുണ്ട്.. ഇത്തയുടെ കൂടേ ആയിരുന്നോ..
അല്ല എന്റെ ഇത്ത യുടെ കൂടെയല്ലേ.. പിന്നെ ആരുടേ കൂടേ.. ഇനിയും ചിന്തിച്ചു നിന്നാൽ ചേച്ചി യെ ഉപദ്ർവിക്കുന്നവരിൽ രക്ഷപെടുത്താൻ കഴിയില്ല.. എന്റെ ആക്സിലേറ്റർ പതിയെ സ്പീഡിൽ തിരിയാൻ തുടങ്ങി…
പെട്ടന്ന് തന്നെ സ്കൂളിന്റെ അടുത്തേക് എത്തി..
ഗേറ്റ് തുറന്നു ഉള്ളിലേക്കു കയറുമ്പോഴാണ് ആരെയും സഹായത്തിനു വിളിക്കാതെ വന്നത് ഓർത്തത്..
ഛെ..
കൂടുതൽ ആളുകൾ ഉണ്ടെങ്കിൽ എന്റെ ശവം ആയിരിക്കും പുറത്തേക് വരിക.. ഒരു ആവേശത്തിൽ ഓടി വന്നതാണ്…
ഞാൻ പെട്ടന്ന് തന്നെ ഫോണെടുത്ത് ഓട്ടോ സ്റ്റാന്ഡിലെ കൂട്ടുകാരുടെ വാട്സ്ആപ്പ് ഗ്രൂപ്പിലേക് മെസ്സേജ് അയച്ചു…
സ്കൂളിൽ ചെറിയ പ്രശ്നമുണ്ട് പെട്ടന്ന് വരുവാൻ പറഞ്ഞു കൊണ്ട്..
സ്കൂളിൽ ആരെയും കാണുന്നില്ല… വളരെ പെട്ടന്ന് തന്നെ ഓഫീസ് ബ്ലോക്കിലേക് ഞാൻ ഓടി കയറി..
ആരും തന്നെ ഇല്ല.. ഇത് ചേച്ചിയെ കുടുക്കുവാൻ ആരോ മനഃപൂർവം ഉണ്ടാക്കി
എടുത്ത കെണി ആണെന്ന് തോന്നുന്നു…
സ്കൂളിലെ മാനേജർ ഹാരിസിക്കയെ കുറിച്ച് കുറച്ചു നാളായി ഓരോ പരാതി കേൾക്കുവാൻ തുടങ്ങിയിട്ട്.. ഓട്ടോ ഓടിക്കുന്നവർ ആയത് കൊണ്ട് തന്നെ നാട്ടിൽ നടക്കുന്നത് എല്ലാം പെട്ടന്ന് അറിയുവാൻ പറ്റും.. വല്ല മതിൽ ചാട്ടമോ അവിഹിതമോ അങ്ങനെ എന്ത് തന്നെ ആണേലും.. കൂടുതലും കൂട്ടത്തിൽ ഉള്ളവർ തന്നെ ആയിരിക്കും… ചാടുന്നത് എന്ന് മാത്രം..
മാനേജറുടെ റൂമിന് അരികിലേക് എത്തുമ്പോൾ തന്നെ ഉള്ളിൽ നിന്നും ചേച്ചിയുടെ കരയുന്ന ശബ്ദം കേൾക്കാം..
പ്ടാ.. ചെറുതായി മുകളിലെ മാത്രം കുറ്റി ഇട്ടത് കൊണ്ടാണെന്നു തോന്നുന്നു എന്റെ ഒരു ചവിട്ടിൽ തന്നെ ബോൾട് ഇളകി വാതിൽ തുറന്നു..
ഞാൻ നോക്കുമ്പോൾ ചേച്ചി ഹാരിസിക്കയുടെ കൈ വലയത്തിൽ പിടയുകയാണ്.. ഫോൺ നിലത്ത് കിടക്കുന്നുണ്ട്.. അതാരോ ചവിട്ടി പൊട്ടിച്ചത് പോലെ..
എന്നെ കണ്ട ഉടനെ തന്നെ ഹാരിസിക്ക അവളെ വിട്ടു.. ചേച്ചി എന്റെ അടുത്തേക് ഓടി വന്നു.. കൈകളിൽ പിടിച്ചു കരഞ്ഞു കൊണ്ട് പറഞ്ഞു.. ജാബിറെ ഇയാൾ.. ഇയാൾ എന്നെ..
അവിടെ നടന്നത് എന്താണെന്ന് മനസിലാക്കുവാൻ അവളുടെ ഉടുപ്പ് കണ്ടാൽ തന്നെ അറിയുമായിരുന്നു. ഇട്ടിരുന്ന ടോപ്പിൽ കൈകളുടെ ഭാഗത്ത് കീറൽ വന്നിട്ടുണ്ട്…
ഞാൻ പെട്ടന്ന് തന്നെ ചേച്ചിയോട് ഓട്ടോയിലേക് പോയി ഇരിക്കുവാൻ പറഞ്ഞു..
ചേച്ചി വളരെ വേഗത്തിൽ അവിടെ നിന്നും പുറത്തേക് പോയി..
കണ്ടാൽ മാന്യനെ പോലെ നടക്കുന്ന ഒരാളാണ് ഈ ഹാരിസിക്ക.. നാട്ടിലെ അറിയപ്പെടുന്ന പൊസിഷനിൽ എല്ലാം അയാളുണ്ട്.. മാനേജർ ആയും കമ്മിറ്റിയിലെ അങ്കമായും എല്ലാം..