ഹിമേഷുമാരുടെ കഥ
Himeshumaarude Kadha | Author : Karan
ഇതൊരു സയൻസ് ഫിക്ഷൻ സ്റ്റോറി ആണ്. എങ്കിലും പ്രണയം, കക്കൊൾഡ്, ഫെംടം, ട്വിസ്റ്റുകൾ ഒക്കെ വരുന്നുണ്ട്. ഈ പാർട്ടിൽ പേജ് കുറവാണു. അടുത്തതിൽ കൂട്ടുവാൻ ശ്രമിക്കാം.
ടൈംലൈൻ 2
രാത്രി സമയം. ഒരു പന്ത്രണ്ടു മണി കഴിഞ്ഞു കാണും. ഹിമേഷ് ബൈക്കിൽ വരികയാണ്. ഒരു ഇരുപത്തി ആറു വയസുണ്ട് അയാൾക്ക്. അത്യാവശ്യം പൊക്കമുണ്ട്. വെളുത്തു മെലിഞ്ഞതെങ്കിലും ആരോഗ്യമുള്ള ശരീരം ഉണ്ടവനു. മുടി നീട്ടി കഴുത്തറ്റം വരെ വളർത്തിയിരിക്കുന്നു. വണ്ടിക്ക് അത്യാവശ്യം സ്പീഡ് ഉണ്ട്. വിജനമായ റോഡ്. ഹിമേഷിന്റെ ഉള്ളിൽ ചെറിയ പേടി ഉണ്ട്. പെട്ടെന്ന് ഒരു പട്ടി കുറുകെ ചാടി. ഹിമേഷ് വണ്ടി ബ്രെക്ക് പിടിച്ചു. ഹിമേഷ് തെറിച്ചു റോഡരികിൽ വീണു. ഹെൽമെറ്റ് ഊരി തെറിച്ചു പോയി. അവന്റെ തല ഒരു മയിൽകുറ്റിയിൽ ശക്തമായി ഇടിച്ചു.!!
ടൈംലൈൻ 1
സമയം പതിനൊന്ന് മുക്കാൽ. ഹിമേഷ് പേടിച്ചു ഓടുകയാണ്. താൻ പൈസ കടം കൊടുക്കാനുള്ള ഒരു വലിയ ദാദ, അവനെ ബാറിൽ വച്ച് കണ്ടു. കൈയ്യിൽ കിട്ടിയാൽ ഇടിച്ചു ഇഞ്ചപ്പരുവം ആക്കും. അല്ലെങ്കിൽ അവരുടെ കൂടെ അടുക്കളയിലോ ഡ്രൈവർ ആയിട്ടോ ഗുണ്ടാ ആയിട്ടോ പട്ടിയെപോലെ പണി എടുക്കേണ്ടി വരും. അവർ തൊട്ടു പുറകെ ഉണ്ട്. ഏകദേശം പത്തു പതിനഞ്ചു മിനിറ്റ് കൂടി അവൻ ഓടി. അവൻ ഒരിടത്തു ഒളിച്ചു നിന്നു.
പെട്ടെന്ന് അവന്റെ ശരീരം വല്ലാണ്ട് വന്നു. തണുപ്പ് കൂടുന്നത് പോലെ. പെരുവിരലിൽ നിന്ന് തുടങ്ങി അത് തല വരെ എത്തി. തല പൊട്ടുന്ന വേദന. താൻ മരിക്കാൻ പോവുകയാണ് എന്ന് അവൻ ഉറപ്പിച്ചു.
കണ്ണിലേക്ക് വെളിച്ചം കയറി. മനസ്സിൽ ആയിരം ചിന്തകൾ. തന്റെ ജീവിതത്തിന്റെ ഒരു ചെറിയ ട്രെയിലർ തന്നെ ഒരു തിരശീലയിൽ എന്നപോലെ അവന്റെ മുന്നിലൂടെ കടന്നു പോയി. കണ്ണുകൾ പതിയെ അടച്ചു.
ടൈംലൈൻ 2
ഹിമേഷ് കണ്ണ് തുറക്കുമ്പോൾ അവൻ ഒരു റോഡിന്റെ സൈഡിൽ ആണ്. സിനിമയിൽ ഒക്കെ കണ്ടിട്ടുള്ള അമേരിക്കയെ അനുസ്മരിപ്പിക്കുന്ന സ്ഥലം. അവനു എന്താണ് സംഭവിക്കുന്നത് എന്ന് മനസിലായില്ല. കേരളത്തിൽ കുറെ ഗുണ്ടകൾ ഓടിച്ചു താൻ എങ്ങനെ ഇവിടെ എത്തി എന്നത് അവനു മനസിലായില്ല. പതിയെ അവന്റെ തലച്ചോറ് അവനെ കാര്യങ്ങൾ പറഞ്ഞു മനസിലാക്കി. താൻ വേറെ എവിടെയോ ആണ്. ശരീരത്തിൽ പ്രത്യേകിച്ച് കുഴപ്പം ഒന്നും ഇല്ല. ചെറിയ ചില പോറലുകൾ മാത്രം. ഗുണ്ടകളെ അവിടെ ഒന്നും കാണാൻ ഇല്ല. ഇത് സ്ഥലം കേരളം തന്നെയാണ് എന്ന് ഒരു ബോർഡ് കണ്ടപ്പോൾ ഹിമേഷിന് മനസിലായി. അവൻ പതിയെ എഴുന്നേറ്റു. തൊട്ടടുത്ത് ഒരു ബൈക്ക്..!!
“ട്രിങ് ട്രിങ്”!! പെട്ടന്ന് അവന്റെ പോക്കറ്റിൽ ഇരുന്ന ഫോണടിച്ചു. വളരെ മുന്തിയ ഇനം ഫോൺ. “ആരതി വൈഫ്” എന്ന കോൺടാക്റ്റ് ആണ് അവനെ വിളിക്കുന്നത്.
ടൈംലൈൻ 1
ഗുണ്ടകൾ തലങ്ങും വിലങ്ങും അവനെ അന്വേഷിക്കുകയാണ്. ഗുണ്ടകളിൽ ഒരാൾ ഹിമേഷിനെ കണ്ടെത്തി. ശവം ആയിട്ട്.! ഒരു മൂലയിൽ ഹിമേഷ് മരിച്ചു കിടക്കുന്നു. തലയിൽ എന്തോ കൊണ്ട പാട്. അവൻ ബാക്കി ഉള്ളവരെ അങ്ങോട്ടേയ്ക്ക് വിളിച്ചു. അവർ ഞെട്ടി അങ്ങോട്ടും ഇങ്ങോട്ടും നോക്കി. അവിടെ ഒന്നും ആരും ഇല്ല. അവൻ അവിടെ അങ്ങനെ കിടന്നാൽ അവർക്ക് തന്നെയേ പണി കിട്ടൂ. കാരണം കുറെ പേര് അവനെ അവർ ഓടിക്കുന്നത് കണ്ടിട്ടുണ്ട്.
അങ്ങനെ അവന്റെ ശരീരം അവർ എടുത്തു തൊട്ടടുത്ത് കിടന്ന ഒരു ടാർപ്പോളിൻ കൊണ്ട് പൊതിഞ്ഞു. ഒരു ഗുണ്ട പോയി കാർ എടുത്തുകൊണ്ടു വന്നു. അവന്റെ ശരീരം അവർ അതിന്റെ അകത്തേയ്ക്ക് ഇട്ടു. ആരും അധികം പോവാത്ത കടൽത്തീരത്തുള്ള ഒരു മാലിന്യ കൂമ്പാരത്തിൽ കൊണ്ടിട്ട് കത്തിച്ചു.
ടൈംലൈൻ 2
മടിച്ചു മടിച്ചു അവൻ ഫോൺ എടുത്തു.
“ഹലോ”
ആരതി : “എടാ നീ എവിടെ?”
ഹിമേഷ് : “ഞാൻ.. ഞാൻ.. ഇവിടെ…… അടുത്ത് തന്നെ ഉണ്ട്..”
ആരതി : “ആഹ്. പെട്ടന്ന് വാ. ഇത്രയും ലെറ്റ് ആവരുത് എന്ന് ഞാൻ പറഞ്ഞിട്ടുള്ളതല്ലേ.”