ഗോലിസോഡാ 4

GolisodaPart 4  | Author : Nedumaran Rajangam

[ Previous Part ]

 

---

 

“”””””””””””അമ്മേ……… അമ്മേ……..”””””””””””””

“”””””””””””””യേത്തി അമ്മ കണ്ണ് തോക്കണില്ല. അമ്മ എന്റടുത്ത് പേങ്ങിയോ…..?? അമ്മ കുറ്റനെ നോക്കണില്ല…….!! യേത്തി…..”””””””””””

 

“””””””””””അമ്മേ തീ വക്കല്ലേ അമ്മക്ക് വേജനിക്കും……”””””””””””””

 

“””””””””””””അമ്മ അമ്പാട്ടിടടുത്ത് പോയോ….??””””””””””””

 

“””””””””””””യേത്തി പോവുവാണോ….??”””””‘””””””

 

“”””””””””””മ്മ്…….”””””””””””

 

“””””””””””””പോണ്ടേ പോണ്ടേ……””””””””””””””

 

“””””””””””””””യേത്തിയും ന്നോട് പേങ്ങിപ്പോയി ഇനി കുറ്റനെ കാണാൻ വരൂലാ….!!”””””””””””

 

❤️❤️

 

ദേവീ………..

ഞാനിതെന്തൊക്കെയാ കാണണേ…..?? ഒന്നും മനസ്സിലാവുന്നില്ലല്ലോ…..?? സമയം ഏഴര. വന്ന് കിടന്നത് മാത്രം ഓർമയുണ്ട്. എപ്പോഴോ ഉറങ്ങിപ്പോയി. എന്നാൽ സമാധാനത്തോടെ ഉറങ്ങാൻ പോലുമാ നശിച്ച സ്വപ്നം സമ്മതിച്ചില്ല. എന്നാലും ആരായിരിക്കും ആ കുട്ടികള്……??

 

“”””””””””””””അഹ് എണീച്ചോ…..?? ഞാൻ നേരത്തെ രണ്ട് തവണ വന്നായിരുന്നു. നീ നല്ല സുഖ ഉറക്കായിരുന്നു അതാ ശല്യപ്പെടുത്താത്തേ……!! വാങ്ങോട്ട്, അവിടെല്ലാരും ഉണ്ട്. അതോ നീ പിന്നും കിടക്കാൻ പോവണോ……??””””””””””””

മുഖത്തെയും കഴുത്തിലേം വിയർപ്പ് തുടച്ച് ഞാൻ എഴുന്നേറ്റിരുന്നു.

“””””””””””””ചുമ്മാതല്ല കറന്റ് ബില്ല് കേറുന്നത് ഇങ്ങനെ ac യൊക്കെ കൂട്ടിയിട്ടാൽ പിന്നെങ്ങനെയാ കൂടാണ്ടിരിക്കാ……?? അല്ലാ ഈ തണുപ്പിലും നീ എന്താടാ ചെറുക്കാ വിയർക്കണേ…….??””””””””””””””

 

“”””””””””””””ഏയ്‌ ഒന്നൂല്ലേച്ചി……”””””””””””””

 

“””””””””””””എന്താടാ വയ്യേ നിനക്ക്……??”””””””””””””

 

അവളെന്റെ നെറ്റിയിലും കവിളിലുമായി തൊട്ട് ചോദിച്ചു.

 

“”””””””””””ഒന്നൂല്ലേച്ചി പിങ്കി എവിടെ…..??”””””””””””

 

“”””””””””””അവള് താഴെ ഇരിപ്പുണ്ട്. ഞാനിപ്പോ ദേ ഈ ആൽപം എടുക്കാൻ വേണ്ടി വന്നതാ. നീയൂടെ വാടാ….”””””””””””””

 

“””””””””””””ഞാൻ വരാം ചേച്ചി….., എന്റെ മൂഡ് ശെരിയല്ല. എനിക്കൊന്ന് ഒറ്റക്ക് ഇരിക്കണം. അധികം താമസിക്കാതെ ഞാൻ വരാം….!!”””””””””””

 

“”””””””””‘”ഉറപ്പാണോ……??”””””””””””””

 

“”””””””””””””അഹ് ചേച്ചി…….!!””””””””””””””

 

അവൾ മുറി വിട്ട് പോയി. പോകും മുന്നേ വാതിലും ചാരിയിരുന്നു. മുറിയിലുണ്ടായിരുന്ന വെളിച്ചത്തെയും അണച്ച് ഞാനാ ഇരുട്ടിൽ ഓർത്തെടുക്കാൻ ശ്രമിക്കുവായിരുന്നു., ആ സ്വപ്നത്തെ. അതിന്റെ യാഥാർഥ്യത്തേ…..!!

 

അലമാരയിൽ ഭദ്രമായി ആരും കാണാതെ ചെറിയ ലോക്കറിനുള്ളിൽ സൂക്ഷിരുന്ന ലൈറ്റ്സും തീപ്പെട്ടിയും എടുത്ത് സ്റ്റെപ് വഴി മുകളിലേക്ക് ചെന്നു. ആദി പിടിച്ചിരിക്കുന്ന മനസ്സിന് ചെറിയൊരു ആശ്വാസം കിട്ടാൻ വേണ്ടി. ദുസ്വപ്നം കണക്കേ ഇടക്കിടക്കേ ഉറക്കം കളയുന്ന ദിവസങ്ങളിൽ എന്നെ സഹായിച്ചിരുന്നതും ഈയൊരു ദുശീലം തന്നെയാണ്. ആർക്കും അറിയാത്ത ആരോടും പറയാത്ത ഈ ദുശീലം……..!!

 

ആകാശവും ഉതിച്ചുയർന്ന് നിൽക്കുന്ന പൂർണ ചന്ദ്രനും അതിന് ചുറ്റും കുട്ടിനെന്നപ്പോലെ ഒരായിരം അല്ല ലക്ഷത്തിലുമധികം നക്ഷത്രങ്ങളും. തീപ്പെട്ടി ഉരച്ച് ചുണ്ടിൽ വച്ച ലൈറ്റ്സിന് തീ പകർന്ന് ഒന്ന് ആഞ്ഞ് വലിച്ചു. ഉള്ളിലേക്ക് കടന്ന പുകയെ നിമിഷങ്ങളോളം പിടിച്ച് വച്ചു. പിന്നെ പുറത്തേക്ക് തള്ളി. ഈ രാത്രി ആരും സ്റ്റെപ്പ് കേറി മുകളിലേക്ക് വരില്ലാന്ന് ഉറപ്പുണ്ടായിരുന്നു. അതായിരുന്നു ഇന്നേ വരെയുള്ള ചരിത്രവും. എന്നാൽ കേട്ടിട്ടുണ്ട്, ചിലർ വരുമ്പോ ചരിത്രം പോലും വഴി മാറൂന്ന്………!!

 

പിന്നിൽ നിന്നും കിലുങ്ങുന്ന പാദസരത്തിന്റെ ശബ്ദം കാതിൽ വീണപ്പോ ഞാനാദ്യം കരുതിയത് യക്ഷിയാവും എന്നാ. യക്ഷിയെ പ്രണയിച്ചവൻ വായിച്ച ശേഷം ഒരു യക്ഷിയെ കാണാനും പ്രണയിക്കാനും എനിക്കും തോന്നിയിരുന്നു എന്നുള്ളത് വാസ്തവം. പക്ഷെ തിരിഞ്ഞ് നോക്കുമ്പോ ആഗ്രഹിച്ചത് പോലെത്തന്നെ യക്ഷിയെ ആയിരുന്നു കണ്ടത്. ഉഗ്രരൂപിണിയായ യക്ഷിയെ. ആണ്ടുകളായി ചോര കിട്ടാൻ വെമ്പി നടക്കുവായിരുന്ന ഒരു യക്ഷി. ഉണ്ടക്കണ്ണി….!!