ആനി ടീച്ചർ 14
Aani Teacher Part 14 | Author : Amal Srk | Previous Part
പാപ്പിച്ചായന് വിധുവിനെയും കൊണ്ട് വീട്ടിലെത്തി.
” എന്തിനാ ഇപ്പൊ ഇങ്ങോട്ട് വന്നത്? ” വിധു സംശയത്തോടെ ചോദിച്ചു.
” ഞാൻ പറയാം നീ അകത്തേക്ക് വാ ” ഇച്ചായൻ അവനെയും കൊണ്ട് അകത്തേക്ക് ചെന്നു.
മുറി അകത്തുനിന്ന് പൂട്ടിയിട്ടാണ് ഉള്ളത്. ഇച്ചായൻ കതകിന് രണ്ട് തവണ തട്ടി. ശേഷം കുറച്ചു നേരം വെയിറ്റ് ചെയ്തു. വാതിൽ പതിയെ തുറന്നു. മുഖത്താകെ നിരാശപ്പടർന്ന ആനി ടീച്ചറെയാണ് അവൻ കണ്ടത്. വിധുവിനെ കണ്ടപ്പോൾ അവളുടെ കണ്ണുകൾ നിറഞ്ഞു. ഒന്നും നോക്കാതെ പാപ്പിയുടെ മുമ്പിൽ വച്ച് തന്നെ അവനെ കെട്ടിപ്പിടിച്ചു. ഇച്ചായൻ നോക്കിനിൽക്കെ ആനിയുടെ ഈ പ്രവർത്തി അവനെ വല്ലാത്ത അവസ്ഥയിൽ എത്തിച്ചു. ഇവിടെ വച്ച് ആനി അവനെ കെട്ടിപ്പിടിക്കുന്നത് കണ്ടാൽ അമ്മച്ചിക്കും,അപ്പച്ചനുമൊക്കെ സംശയം തോന്നും. ഇതു ഒഴിവാക്കാൻ പാപ്പി ഇരുവരെയും അകത്തേക്ക് കൊണ്ടുപോയി വാതിൽ അടച്ചു.
വിധു ആനി ടീച്ചറെ കൊണ്ട് ബെഡിൽ ഇരുന്നു. അവനെ അധരത്തോട് ചേർന്ന് കെട്ടിപ്പിടിച്ച് മുഖത്തും,കവിളിലും, ചുണ്ടിലുമൊക്കെ നിർത്താതെ ചുംബിച്ചു. ആനിയുടെ ഈ പ്രവർത്തി പാപ്പിയിൽ വല്ലാത്ത മനോവിഷമം സൃഷ്ടിച്ചു. പക്ഷേ അയാൾ അത് പുറത്ത് പ്രകടിപ്പിച്ചില്ല.
” എനിക്ക് നിങ്ങളോട് രണ്ടുപേരോടും ഒരു കാര്യം പറയാനുണ്ട്. ” പാപ്പി ഇരുവരോട് ആയും പറഞ്ഞു.
എന്താണെന്ന് അർത്ഥത്തിൽ ഇരുവരും അയാളെ നോക്കി.
” ആനിക്ക് വിധു ഇല്ലാതെ ജീവിക്കാൻ പറ്റില്ല. ഞാൻ ഇനി എന്തൊക്കെ ചെയ്താലും അതിന് ഒരു മാറ്റം വരാനും പോകുന്നില്ല. ഇങ്ങനെയൊക്കെ ആകുമ്പോൾ ഞാൻ സ്വയം മാറിത്തരുന്നതാണ് നല്ലതെന്ന് തോന്നുന്നു. പക്ഷേ ആനി എനിക്കൊരു ഉപകാരം ചെയ്യണം. എന്നെ ഭർത്താവായി അംഗീകരിക്കാൻ ബുദ്ധിമുട്ട് ആണെങ്കിലും പുറമേ അത് കാണിക്കരുത്. ഇതെന്റെ അപേക്ഷയാണ് ” ഇത് പറഞ്ഞ് തീരുമ്പോഴേക്കും ഇച്ചായന്റെ കണ്ണുകൾ നിറഞ്ഞു. കൂടുതലൊന്നും സംസാരിക്കാൻ നിൽക്കാതെ അയാൾ മുറി വിട്ടു പോയി.
ഇതിനെല്ലാം കാരണം താനാണെന്ന് ഓർത്തപ്പോൾ വിധുവിന് സങ്കടം സഹിക്കാൻ കഴിഞ്ഞില്ല. അവന്റെ കണ്ണും അറിയാതെ നിറഞ്ഞു.
ആനി വീണ്ടും അവനെ കെട്ടിപ്പിടിക്കാൻ ശ്രമിച്ചപ്പോൾ അവൻ തടഞ്ഞു. എന്താണെന്ന് അർത്ഥത്തിൽ ആനി അവനെ നോക്കി.
” ടീച്ചറെ…. ഇത്രയൊക്കെ സംഭവിച്ചിട്ടും ഈ ചെയ്യുന്നത് ശരിയാണെന്ന് തോന്നുന്നുണ്ടോ..? ”
” ഞാനാണോ ഇതിനൊക്കെ കാരണം..? ” ആനി നിറഞ്ഞ കണ്ണുകളുടെ ചോദിച്ചു.
” അല്ല ഒരിക്കലുമല്ല. ഞാനാണ് എല്ലാറ്റിന്റെയും ഉത്തരവാദി. ഇതിന്റെയൊക്കെ അവസാനം എന്താവും എന്ന് എനിക്കറിയില്ല. ” അവൻ നെറ്റി തടവിക്കൊണ്ട് പറഞ്ഞു.
” ആദ്യമായി എന്റെ മനസ്സിൽ പതിഞ്ഞ ഇഷ്ടം നിന്നോടാ… അതിനുപകരം മറ്റൊരാളെ എനിക്ക് ചിന്തിക്കാൻ പോലും പറ്റില്ല. ”
” ഇപ്പൊ എനിക്ക് അത് മനസ്സിലാകുന്നുണ്ട്. എന്നോടുള്ള ഇഷ്ടം പിരിഞ്ഞ് ഇച്ചായനെ ഇഷ്ടപ്പെടാൻ പറഞ്ഞാൽ ടീച്ചർക്ക് അത് സാധിക്കില്ല. പക്ഷേ ടീച്ചർ അത് ചെയ്താൽ മാത്രമേ എല്ലാ പ്രശ്നങ്ങൾക്കും പരിഹാരം ഉണ്ടാവു. ”
” നിന്റെയും,അയാളുടെയും സന്തോഷത്തിനുവേണ്ടി ഞാൻ ത്യാഗം ചെയ്യണം അല്ലേ…? ”
” അങ്ങനെയല്ല ഞാൻ ഉദ്ദേശിച്ചത്.. എന്നോട് കാണിക്കുന്ന സ്നേഹത്തിന്റെ ഒരംശമെങ്കിലും ഇച്ചായനോട് കാണിക്കണം. അതയാൾക്ക് വലിയ ആശ്വാസമായിരിക്കും.” അത് കേട്ട് ആനി മറുപടിയൊന്നും പറഞ്ഞില്ല.
” ടീച്ചറെ എന്നെ ജീവന് തുല്യം സ്നേഹിക്കുന്നുണ്ടെങ്കിൽ ഞാൻ പറയുന്നത് അനുസരിക്കണം. ” അവൻ ആനിയുടെ അരയിൽ ചേർത്ത് പിടിച്ചു കൊണ്ട് പറഞ്ഞു. ആനി ഒന്നും മിണ്ടാതെ അവന്റെ തോളിൽ തല ചെയ്ച്ചു.
അല്പ സമയത്തിന് ശേഷം വിധു മുറി വിട്ട് പുറത്ത് വന്നു.
അപ്പഴാണ് അമ്മച്ചി അവനെ കാണുന്നത്. ” അല്ലാ മോൻ ഇവിടെ ഉണ്ടായിരുന്നോ..? എന്നിട്ട് ആനി ഈ കാര്യം എന്നോട് പറഞ്ഞില്ല.. ”
” ഞാൻ ഇപ്പൊ വന്നതേ ഉള്ളു.. ” മനസ്സില് വന്ന കള്ളം അവൻ തട്ടിവിട്ടു.