സന്തോഷം =കാമം + സ്നേഹം

Santhosham = Kamam + Sneham | Author : D Castro

ഹായ് എല്ലാവർക്കും നമസ്കാരം ഇതുവരെ വായന മാത്രമേ ഉണ്ടായിരുന്നുള്ളു ആദ്യമായിട്ടാണ് ഇത്തരത്തിലുള്ള ഒരു ഉദ്യമത്തിന് മുതിരുന്നത് ഇഷ്ടപെട്ടാൽ സപ്പോർട്ട് ചെയ്യുക. ആദ്യ പാർട്ട്‌ ആയത് കുറച്ച് വിശദീകരിച്ചാണ് കഥ മുന്നോട്ട് പോവുന്നത് മാത്രമല്ല കമ്പിയും കുറവായിരിക്കും 😜

പതിവുപോലെ രാവിലെ തന്നെ ചായയും കഴിഞ്ഞു രാഹുൽ പുറത്തേക്കിറങ്ങി. ചെന്നുപെട്ടതാവട്ടെ മീൻ വാങ്ങിയിട്ട് വരുന്ന അമ്മയുടെ മുന്നിൽ ഇപ്പൊ തുടങ്ങും കേട്ട് തഴമ്പിച്ച ആ പല്ലവി രാഹുൽ ഓർത്തു.

“രാവിലെ തന്നെ ഇറങ്ങിയോ തെണ്ടാൻ. പ്ലസ്‌ ടു കഴിഞ്ഞെന്ന് വെച്ചു വീട്ടിൽ കയറാതെയുള്ള നിന്റെ നടപ്പ് അത്ര നല്ലതൊന്നും അല്ല അച്ഛൻ വരട്ടെ ഇതിന്റെ കാര്യത്തിൽ ഒരു തീരുമാനം എടുക്കുന്നുണ്ട് ”

പറഞ്ഞു തുടങ്ങിയാൽ അമ്മ നിർത്തില്ല എന്ന് അറിയാവുന്ന രാഹുൽ അവിടെ നിന്ന് വേഗം വലിഞ്ഞു. പിന്നിൽ നിന്ന് അമ്മ എന്തൊക്കെയോ പറയുന്നത് അവന് കേൾക്കാമായിരുന്നു അതൊന്നും വക വെക്കാതെ അവൻ മുന്നോട്ട് നടന്നു. അമ്മ ഇങ്ങനെ ഒക്കെ അവനെ പേടിപ്പിക്കാൻ പറയുമെങ്കിലും അച്ഛനോട് ഇതുവരെ ഒന്നും പറഞ്ഞിട്ടില്ലെന്ന് അച്ഛൻ വിളിച്ചു സംസാരിക്കുമ്പോൾ അവന് മനസ്സിലാവാറുണ്ട്. അധികം വൈകാതെ തന്നെ അവന്റെ ലക്ഷ്യ സ്ഥാനമായ നാസർക്കയുടെ വീട്ടിൽ എത്തി. നാസർക്ക ഒരു ഇലക്ട്രീഷ്യൻ ആണ്. ചെറുപ്പകാലം മുതലേ ഇലക്ട്രോണിക്സിൽ താല്പര്യമുള്ള രാഹുൽ ക്ലാസ്സ്‌ ഇല്ലാത്ത ദിവസങ്ങളിൽ മൂപ്പരുടെ കൂടെ കൂടും.

അത്യാവശ്യം നല്ല രീതിയിൽ പഠിക്കുന്നത് കൊണ്ട് പ്ലസ് ടു വിന് എന്തായാലും നല്ല മാർക്ക്‌ ഉണ്ടാകും എന്ന് രാഹുലിന് ഉറപ്പായിരുന്നു. റിസൾട്ട്‌ വന്നതിന് ശേഷം നല്ല ഒരു കോളേജിൽ ഇലക്ട്രോണിക് എഞ്ചിനീയറിംഗ് കോഴ്സ് ചെയ്യണം എന്നതാണ് രാഹുലിന്റെ ആഗ്രഹം. രാഹുൽ കൂടെയുള്ളത് നാസർക്കാക്കും വലിയ സഹായമാണ്. അദ്ദേഹം കുറെ നാൾ ഗൾഫിൽ ഒരു ഇലക്ട്രോണിക് ഉപകരണങ്ങൾ നിർമ്മിക്കുന്ന ഫാക്ടറിയിൽ ജോലി ചെയ്തിരുന്ന ആളായിരുന്നു.

ഒറ്റ മോൾ ഉള്ളതിനെ കെട്ടിച്ചു വിട്ടശേഷം സ്വസ്ഥമായി നാട്ടിൽ തന്നെ എന്തെങ്കിലും ചെയ്തു കൂടുക എന്നതായിരുന്നു മൂപ്പരുടെ ഒരു പ്ലാൻ. എന്നാൽ വിധി വേറൊരു വിധത്തിൽ ആണ് അദ്ദേഹത്തെ പരീക്ഷിച്ചത്.മകളുടെ കല്യാണം കഴിഞ്ഞു കുറച്ചു ദിവസത്തിനുശേഷം ചെറിയ ഒരു നെഞ്ച് വേദന വന്നതായിരുന്നു എല്ലാത്തിന്റെയും തുടക്കം.

സ്കാനിങ്ങും മറ്റു ടെസ്റ്റുകൾ ഒക്കെ കഴിഞ്ഞപ്പോൾ ആണ് മനസ്സിലായത് രക്തകുഴലുകളിൽ നാലോളം ബ്ലോക്കുകളും കൂട്ടത്തിൽ ഹൃദയ വാൽവിനും ചില പ്രശ്നങ്ങൾ ഉണ്ട് എന്നും. നാല് വാൽവുകളിൽ രണ്ടെണ്ണം ശരിയായി തുറക്കുകയോ അടയ്ക്കുകയോ ചെയ്യുന്നില്ലായിരുന്നു.പെട്ടെന്നുള്ള സർജറിയും ആശുപത്രിവാസം ഒക്കെ കഴിഞ്ഞപ്പോഴേക്ക് വീട് ജപ്തിയുടെ വക്കിൽ എത്തി. അങ്ങനെ ആ വീട് വിറ്റ് ബാങ്കിലെ കടവും നാട്ടിലുണ്ടായിരുന്ന മറ്റു കടങ്ങളും വീട്ടി നാസർക്കയും കുടുംബവും രാഹുലിന്റെ നാട്ടിലേക്ക് വന്നിട്ട് ഏകദേശം മൂന്നു വർഷം ആവുന്നതേ ഉള്ളു.

കുടുംബക്കാരുടെ സഹായത്തോടെ അടുത്തുള്ള ടൗണിൽ ഇലക്ട്രോണിക് റിപ്പയർ കട ഇട്ടു. അതിൽ നിന്ന് കിട്ടുന്ന വരുമാനത്തിൽ നിന്നാണ് ആ കുടുംബം കഴിഞ്ഞു പോകുന്നത്. അതിന് പുറമെ അത്യാവശ്യം വർക്കുകൾ വീട്ടിൽ നിന്നും ചെയ്യുമായിരുന്നു.തങ്ങൾക്കൊരു ബാധ്യത ആവുമെന്ന് കരുതി പിന്നെ കുടുംബക്കാർ ഒന്നും തിരിഞ്ഞു നോക്കിയിരുന്നില്ല ആ കുടുംബത്തെ.

രാഹുലിന് നാസർക്ക ചെറിയ പോക്കറ്റ് മണി ഒക്കെ കൊടുക്കുമെങ്കിലും അവൻ വാങ്ങാറില്ല. അച്ഛൻ ഗൾഫിൽ ആയത് കൊണ്ട് അവന് പൈസക്ക് ഒന്നും അത്ര വലിയ ബുദ്ധിമുട്ട് വരാറില്ല, അഥവാ വന്നാൽ തന്നെ അമ്മയെ ഒന്ന് സോപ്പിട്ടാൽ കഴിഞ്ഞാൽ അത് ഒപ്പിക്കാം, മാത്രവുമല്ല വരുമാനത്തിന് വേണ്ടി അല്ലല്ലോ അവൻ ഈ ജോലി ചെയ്യുന്നത്.

അവൻ നാസർക്കയുടെ വീട്ടിലേക്ക് കയറുമ്പോൾ മൂപ്പർ കടയിലേക്ക് പോകാൻ നിൽക്കുകയായിരുന്നു. ആക്ടിവയുടെ മുന്നിൽ സഞ്ചിയിൽ എന്തൊക്കെയോ ഉപകരണങ്ങൾ വയ്ക്കുന്നുണ്ടായിരുന്നു.