Tomboy Love
Author : Fang leng
ഒരു ഇടവേളക്ക് ശേഷം പുതിയൊരു കഥയുമായി ഞാൻ വീണ്ടും എത്തിയിരിക്കുകയാണ്, ഈ കഥയിൽ അധികം ലോജിക് ഒന്നും ഉണ്ടാകില്ല കുറച്ചധികം സെക്ഷ്യൽ ടെൻഷനും കോമഡിയുമൊക്കെയായി മുന്നോട്ട് പോകുന്ന ഒരു ചെറിയ കഥയയരിക്കും ഇത് എല്ലാവരും അഭിപ്രായം കമെന്റ് ചെയ്യുക 💙💙💙
തിരുവനന്തപുരത്തെ തിരക്കേറിയ ഒരു കോഫീ ഷോപ്പ്
“അപ്പോൾ നീ അവളെ കെട്ടാൻ തന്നെ തീരുമാനിച്ചോ അർജുനെ ”
“നീ എന്താ ഞാൻ ഇതുവരെ പറഞ്ഞതൊന്നും കേട്ടില്ലേ നാളെ പെണ്ണ് കാണാൻ പോകാനാ അവർ പറഞ്ഞത് കല്യാണം ഉടനെ ഉണ്ടാകും ”
“എന്നാലും നീ എങ്ങനെയാടാ ”
“എന്റെ മുന്നിൽ വേറെ വഴിയൊന്നുമില്ല ഇപ്പോഴുള്ള പ്രശ്നങ്ങൾ തീർക്കാൻ ഇതേ ഉള്ളു ഒരു വഴി പിന്നെ ആളുകൾ പറയുന്നത് ശെരിയായികൊള്ളാണമെന്നൊന്നുമില്ലല്ലോ ”
“ശെരി ഇനിയിപ്പോൾ ഞാൻ എന്ത് പറയാനാ നിന്റെ ഇഷ്ടം പോലെ തന്നെ നടക്കട്ടെ എങ്കിലും വീട്ടുകാർക്ക് വേണ്ടി ഇഷ്ടമില്ലാത്ത ബന്ധത്തിന് നിന്ന് കൊടുക്കുക എന്ന്
പറയുമ്പോൾ നിന്റെ ക്യാരക്ടറിന് അത് ഒട്ടും ചേരുന്നില്ല എനിക്കറിയാവുന്ന അർജുൻ എല്ലാ പ്രശ്നങ്ങളെയും വിവേകത്തോടെ നേരിടുന്നവനായിരുന്നു ”
“ഇവിടെ എനിക്ക് ഒന്നും ചെയ്യാനില്ല റിയാസേ ഞാൻ കാരണം എന്റെ വീട്ടുകാർ വിഷമിക്കാൻ പാടില്ല ഞങ്ങൾക്ക് ഇനി ആകെ ബാക്കിയുള്ളത് താമസ്സിക്കുന്ന ആ വിട് മാത്രമാണ് അതു കൂടി നഷ്ടപ്പെടുന്ന കാര്യം എനിക്ക് ഓർക്കാൻ കൂടി വയ്യ ഈ വിവാഹം നടന്നാൽ ഞങ്ങളുടെ എല്ലാ പ്രശ്നവും തീരും സ്ത്രീധനം വാങ്ങി പ്രശ്നങ്ങൾ തീർക്കുന്നത് ചീപ്പണെന്നറിയാം പക്ഷെ എന്റെ മുന്നിൽ വേറെ വഴിയില്ല ”
“അതല്ലടാ ഇത്രയും സ്വത്തുക്കൾ തരാൻ തയ്യാറാകുമ്പോൾ ആ കുട്ടിക്ക് എന്തോ പ്രശ്നമുണ്ടെന്നല്ലേ അതിനർത്ഥം കൂടാതെ നീ അനേഷിച്ചപ്പോൾ അവളെ പറ്റി അത്ര നല്ല അഭിപ്രായമല്ല കേട്ടതെന്നും പറയുന്നു എന്നിട്ടും ഇതുമായി മുന്നോട്ട് പോകാനാണോ നിന്റെ ഉദ്ദേശം ”
“ഞാൻ പറഞ്ഞില്ലേ എനിക്ക് വേറെ വഴിയില്ല വരുന്നത് സ്വീകരിക്കുക അത് മാത്രമാണ് ഇപ്പോൾ എന്റെ മുന്നിലുള്ളത് ശെരി നേരം ഒരുപാടായില്ലേ നീ വിട്ടോ എനിക്കിന്ന് ഒന്ന് രണ്ടിടത്തു കൂടി പോകാനുണ്ട് ”
ഇത്രയും പറഞ്ഞു അർജുൻ പതിയെ തന്റെ ബൈക്കിലേക്ക് കയറി
റിയാസ് :ശെരി ടാ വല്ലതുമുണ്ടെങ്കിൽ വിളിക്ക്
അർജുൻ പതിയെ തന്റെ ബൈക്ക് മുന്നോട്ടേക്കെടുത്തു
അവന്റെ മനസ്സിൽ കഴിഞ്ഞ കാര്യങ്ങൾ ഓരോന്നായി വന്നു കൂടി
“ഏത്ര സന്തോഷത്തോടെ കഴിഞ്ഞതായിരുന്നു എന്റെ കുടുംബം കഴിഞ്ഞ രണ്ട് മാസം കൊണ്ട് എല്ലാം തലകീഴായ് മറിഞ്ഞു ഈ സിറ്റിയിലെ തന്നെ ഏറ്റവും മികച്ച ഹാർഡ്വെയർ കമ്പനികളിലോന്നായിരുന്ന തങ്ങളുടെകമ്പനി ഇത്ര വലിയൊരു പ്രതിസന്ധി നേരിടുമെന്ന് ആരെങ്കിലും കരുതിയിരുന്നോ എങ്ങനെയാണ് ഞങ്ങൾ ആ ചതിയനെ വിശ്വസിച്ചത് അവന്റെ വലയിൽ വീഴാൻ മാത്രം മണ്ടമ്മാരായിരുന്നോ ഞങ്ങളൊക്കെ ഇനി ഒന്നും പറഞ്ഞിട്ടു കാര്യമില്ല മുങ്ങാൻ പോകുന്ന വള്ളത്തിൽ നിന്ന് കരകയറാൻ കിട്ടിയ ഏക കച്ചിതുരുമ്പാണ് ഈ വിവാഹം അതിൽ പിടിച്ചു കയറുകയല്ലാതെ എന്റെ മുന്നിൽ മറ്റു വഴികൾ ഒന്നും മില്ല ”
ഈ വക ചിന്തകളുമായി അർജുൻ വീണ്ടും ബൈക്ക് മുന്നോട്ടെടുത്തു
മണിക്കൂറുകൾക്ക് ശേഷം അർജുൻ തന്റെ വീട്ടിൽ
(അർജുന്റെ കുടുംബാംഗങ്ങൾ
അച്ഛൻ :ശേഖരൻ
അമ്മ : ദേവി
ചേട്ടൻ : അമൽ
ചേട്ടത്തി : ശ്രുതി
അനുജത്തി :സാന്ദ്ര )
അർജുൻ :നിങ്ങളൊന്നും ഇതുവരെ ഒന്നും കഴിച്ചില്ലേ
വീടിനുള്ളിലേക്കെത്തിയ അർജുൻ ഡെയിനിങ് ടേബിളിനു ചുറ്റുമിരിക്കുന്ന തന്റെ കുടുംബാംഗങ്ങളോടായി ചോദിച്ചു
ദേവി :നീ കൂടി വന്നിട്ട് കഴിക്കാമെന്നു കരുതി
അർജുൻ :ഞാൻ പറഞ്ഞതല്ലേ വരാൻ വൈകുമെന്ന്
ശേഖരൻ :അതൊന്നും സാരമില്ല നീ വേഗം കൈകഴുകിയിട്ട് വന്നെ
ഇത് കേട്ട അർജുൻ അല്പസമയത്തിനുള്ളിൽ തന്നെ കൈകഴുകിയ ശേഷം അവിടേക്കെത്തി ഭക്ഷണം കഴിക്കാൻ ആരംഭിച്ചു
അമ്മ : മോനെ നാളത്തെ കാര്യം
അർജുൻ :നാളെ എന്ത് കാര്യം എല്ലാം തീരുമാനിച്ചതു പോലെ തന്നെ നമ്മൾ അവിടെ പോയി പെണ്ണുകാണുന്നു
അമ്മ :അതല്ലടാ നമുക്ക് ഒന്നുകൂടി ആലോചിറ്റിട്ട്
അർജുൻ :എന്ത് ആലോചിക്കാൻ
ശേഖരൻ :ദേവി നീ വെറുതെ അതും ഇതും പറഞ്ഞു അവന്റെ മനസ്സ് മാറ്റല്ലേ എല്ലാം കൊണ്ടും ഇത് നമുക്ക് ചേർന്ന ബന്ധം തന്നെയാ
അമൽ : അതെ അമ്മ അവനെ വെറുതെ കുഴപ്പിക്കാതിരുന്നെ
ശേഖരൻ :പിന്നല്ലാതെ രാജീവിനെയും കുടുംബത്തെയും നമുക്ക് അറിയാത്തതാണോ
അമ്മ :അതല്ല ഏട്ടാ പെൺകുട്ടിയുടെ ഒരു ഫോട്ടോ പോലും അവർ നമുക്ക് തന്നില്ലല്ലോ
ശ്രുതി : ഈ അവസാന നിമിഷം ഫോട്ടോ ഒക്കെ ചോദിച്ചാൽ അവർ വല്ലതും കരുതില്ലേ
ശേഖരൻ :എന്തിനാ ഫോട്ടോ നാളെ നേരിട്ട് കാണാൻ പോകുകയല്ലേ പിന്നെ അമ്മു ഇവിടെ വന്നു നിന്നിട്ടുള്ളതല്ലേ നീയും ഇവനുമെല്ലാം അവളെ കണ്ടിട്ടുമുണ്ട് കുറച്ചുകാലം കോണ്ടാക്ട് ഒന്നുമില്ലായിരുന്നെന്ന് കരുതി പണ്ടത്തെ നമുടെ സൗഹൃദം മറക്കാൻ പാടുണ്ടോ ഇവനെക്കൊണ്ട് അവളെ കെട്ടിക്കാമെന്നു പണ്ട് നമ്മൾ പല തവണ പറഞ്ഞിട്ടുള്ളതല്ലേ
അമ്മ :അതൊക്കെ എത്ര വർഷം മുൻപുള്ള കാര്യങ്ങളാ പിന്നെ അവളിവിടെ വന്നു നിന്നത് ആറിലോ ഏഴിലോ എന്തോ പഠിക്കുമ്പോൾ ആയിരുന്നില്ലേ ഇപ്പോൾ അവൾക്ക് പ്രായം എത്രയായികാണും ഒന്നുമില്ലെങ്കിൽ ഒരു ഫോട്ടോ എങ്കിലും തന്നുകൂടായിരുന്നോ
ശേഖരൻ :എന്നാൽ ശെരി ഞാൻ അവരോട് വരുന്നില്ല എന്ന് പറയാം പോരെ
അർജുൻ :എന്താ അമ്മേ ഇത് ഞാൻ ആദ്യം പെൺകുട്ടിയെ ഒന്ന് കണ്ടോട്ടെ എന്നിട്ട് നമുക്ക് ബാക്കി തീരുമാനിക്കാം അതല്ലേ നല്ലത്
ശേഖരൻ :ഫോട്ടോയാണ് പ്രശ്നമെങ്കിൽ ഞാൻ ഇപ്പോൾ തന്നെ രാജീവിനെ വിളിച്ചു ഒന്ന് അയച്ചു തരാൻ പറയാം അവൻ ആദ്യമേ ഫോട്ടോ തരാൻ പോയതാ ഞാനാ അവനോട് നേരിട്ട് കണ്ടാൽ മതി എന്ന് പറഞ്ഞത് ഇനി ഫോട്ടോ കണ്ടാലെ നിങ്ങൾക്കോക്കെ സമാധാനമാകു എങ്കിൽ ഞാൻ ഇപ്പോൾ തന്നെ വിളിക്കാം
അർജുൻ :അമ്മേ ഇങ്ങനെ ഓരോന്ന് പറഞ്ഞു വഴക്കിടല്ലേ അച്ഛൻ പറഞ്ഞതു പോലെ കുട്ടിയെ ഞാൻ നാളെ നേരിട്ട് കണ്ടോളാം ഇനി ഇതിനെ പറ്റി ഒരു ചർച്ച വേണ്ട
ഇത്രയും പറഞ്ഞു അർജുൻ അവിടെ നിന്ന് എഴുനേറ്റു റൂമിലേക്ക് നടന്നു
ശേഖരൻ : നിനക്കെന്താ ദേവി ഒരു വിധമാ ഞാൻ അവനെ പറഞ്ഞു കാര്യങ്ങൾ ഇതുവരെ എത്തിച്ചത് നീയായിട്ട് അത് ഇല്ലാതാക്കുവാൻ നോക്കുവാണോ
ദേവി : എന്തയാലും നമ്മൾ അവനെ തൂക്കി വിക്കാൻ പോകുവല്ലേ വെറുതെ എങ്കിലും അവന്റെ സമ്മതം ഒന്ന് ചോദിച്ചു കളയാം എന്ന് തോന്നി അതിലിപ്പോൾ എന്താ തെറ്റ്