ജാതകം ചേരുമ്പോൾ 16

Jaathakam Cherumbol Part 16 | Author : Kaavalkkaran

[ Previous Part ] [ www.kambi.pw ]

---

 

കണ്ണിന് മുന്നിൽ എല്ലാം സ്ലോമോഷൻ:

വെളുത്ത ട്യൂബ് ലൈറ്റ്ന്റെ പ്രകാശം ചോരയിൽ പതിഞ്ഞു ചുവപ്പിൽ മിനുങ്ങുന്നു പോലേ…

 

ആഹാ…കാണാൻ നല്ല രസണ്ട്..

 

എന്റെ ശ്വാസം മുറിഞ്ഞുപോകുന്നു.

 

“ഒന്നും… ഒന്നുമില്ല…”

 

എന്ന് അവർ പറഞ്ഞുതീരുന്നതിന് മുമ്പേ —

 

ധഡം!

ശരീരം നിലത്തേക്ക് പതിച്ചു.

 

തലയോട് കൂടി അടർന്നപ്പോൾ ചെവിക്ക് ചുറ്റും ഒരു സൗണ്ട്.

 

വീഴുന്നതിനിടക്ക് എപ്പഴോ ഞാൻ മായയേ കണ്ടപോലെ തോന്നി..

 

കണ്ണിന് മുന്നിൽ വെളിച്ചവും ഇരുട്ടും പരസ്പരം മിന്നിമറിഞ്ഞു.

ശേഷം, എല്ലാം ഇരുട്ട്…

 

എത്ര നേരം കഴിഞ്ഞുവെന്ന് അറിയില്ല…

ഞാൻ കണ്ണുകൾ പതിയെ തുറക്കാൻ ഞാൻ ശ്രമിച്ചു…

 

ആദ്യമൊക്കെ കാഴ്ച മങ്ങലായിരുന്നു.

വെളുത്ത ലൈറ്റുകളുടെ കുത്തിവെളിച്ചം കണ്ണിൽ തട്ടി.

ശബ്ദങ്ങൾ ഒന്നും വ്യക്തമായി കേൾക്കില്ല,

 

കണ്ണുകൾ പൂർണമായും തുറന്നപ്പോൾ കാണുന്നത് റൂമിനുള്ളിലെ കറങ്ങുന്ന ഫാനാണ്….

 

ഭാഗ്യം ചത്തിട്ടില്ല….

 

തലക്ക് കനത്ത ഭാരമുഉള്ളതുകൊണ്ട് തല തിരിക്കാനോ ഒന്ന് എണീക്കാനോ എനിക്ക് കഴിഞ്ഞില്ല….

 

നടന്ന സംഭവങ്ങൾ ഞാൻ വീണ്ടും ഓർത്തെടുത്തു….തലയിൽ നിന്നും ചോര വന്ന ഭാഗത്ത് ഞാൻ ഒന്ന് പരതി നോക്കി..കട്ടിയുള്ള ബാൻഡേജിൽ ആയിരുന്നു കൈ തട്ടിയത്…

 

അത് തൊടുമ്പോൾ വേദന നേരെ തലച്ചോറിലേക്കു കുത്തിയിറങ്ങുന്നതുപോലെ.

 

മൈര്….

 

കുറച്ചു മാറി ചുവരിലെ ക്ലോക്കിലേക്കും കൂടേ ഞാൻ നോട്ടമെറിഞ്ഞു… സമയം ഏഴുമണിയായിരിക്കുന്നു… ഇത്രയും നേരം എനിക്ക് ബോധമില്ലായിരുന്നോ… 😐

 

കൈ വീണ്ടും ബെഡിൽ വച്ചപ്പോൾ കൈ തട്ടിയത് ഒരു ശരീരത്തിലാണ്… വേദന സഹിച്ച് തിരിഞ്ഞു നോക്കിയപ്പോൾ കാണുന്നത് എന്റടുത്തായി ഉറങ്ങുന്ന ദേവുചേച്ചിയെയാണ്..

 

ചേച്ചി എന്റെ ഒരു കൈ മുഖത്തോട് മുറുക്കി പിടിച്ച് ഉറങ്ങുകയാണ്…. കവിളിൽ കരഞ്ഞതിന്റ പാടുകൾ കാണാം…

 

പാവം….

 

വയ്യാഞ്ഞിട്ട് പോലും ഞാൻ ചുറ്റും ഒന്ന് കണ്ണോടിച്ചു.. എല്ലാ ചേച്ചിമാരും റൂമിന്റെ അവിടെയും ഇവിടെയുമായി ഉണ്ട്…. എല്ലാവരും ഉറങ്ങുകയാണ്…

 

പക്ഷേ എത്ര നോക്കിയിട്ടും കല്ല്യാണിയേ മാത്രം കണ്ടില്ല…. അവളുടെ പിണക്കം ഇനിയും മാറിയില്ലേ…

 

ഞാൻ ദേവു ചേച്ചി പിടിച്ചിരിക്കുന്ന കൈ ഒന്ന് വിടുവിക്കാൻ നോക്കി….

 

മ്മഹ് നടക്കുന്നില്ല…. കൈ എടുക്കുന്തോറും ചേച്ചി കൈ മുറുക്കെ പിടിക്കുകയാണ്

 

ഞാൻ വീണ്ടും ശ്രമിച്ചു…. കാരണം കൂടുതൽ നേരം കിടന്നതുകൊണ്ടാവാം നടു നല്ല വേദന…

 

ഒടുവിൽ ചേച്ചിയുടെ കയ്യിൽ നിന്നും എന്റെ കൈ അടർത്തിമാറ്റി സാവധാനം ബെഡിൽ നിന്നും എഴുന്നേറ്റിരുന്നു…

 

“സിദ്ധു….. ”

 

ഇരുന്നതും പെട്ടെന്നൊരു വിളി വന്നു….

 

നോക്കിയപ്പോൾ പാറുവാണ്… അവളുടെ വിളി കേട്ട് ബാക്കിയുള്ളവരും എഴുന്നേറ്റു….

 

ശേഷം പാറു എന്റെ നേർക്ക് ഓടി വന്നു…

 

“സിദ്ധു…..”

 

ആ ഒരു വിളി മാത്രമേ ഞാൻ കേട്ടുള്ളു… അപ്പോഴേക്കും പാറു എന്നേ കെട്ടി പിടിച്ചു കരയാൻ തുടങ്ങിയിരുന്നു….എത്ര ആശ്വസിപ്പിക്കാൻ ശ്രമിച്ചിട്ടും കരച്ചിലിന്റെ ശക്തിയും കെട്ടി പിടിച്ചതിന്റെ മുറുക്കവും കുറഞ്ഞില്ല….

 

അവസാനം ദേവു ചേച്ചിയും കാർത്തു ചേച്ചിയും കൂടിയാണ് പാറുവിനെ എന്നിൽ നിന്നും അടർത്തിയത്…

 

ഞാൻ ദേവു ചേച്ചിയേ ഒന്ന് നോക്കി..

 

ഉറക്കം വിട്ട കണ്ണുകൾ ചുവന്നിരുന്നു—

ആ കണ്ണുകളിൽ ഞാൻ കണ്ടത് എത്ര കരഞ്ഞാലും തീരാത്തൊരു സ്നേഹവേദനയായിരുന്നു

 

ചേച്ചി എന്റെ കൈ വീണ്ടും പിടിച്ചു:

 

എന്തോ പറയാൻ വന്നപ്പോഴേക്കും ആ ചുണ്ടുകൾ വിറച്ചു….പിന്നേ എത്ര ശ്രമിച്ചിട്ടും ചേച്ചിയുടെ വായിൽ നിന്നും വാക്കുകൾ വന്നില്ല… അവസാനം ചേച്ചിയും കീഴടങ്ങി…. ശബ്ദമില്ലാതെ മുഖം കുനിച്ചു ചേച്ചി കരയാൻ തുടങ്ങി… ഒരു എങ്ങൽ മാത്രമായിരുന്നു എനിക്ക് കേൾക്കാൻ സാധിച്ചത്…