ജനൽ പാളികൾ തുറന്നിട്ടാണുള്ളത് പുറത്തെ മഴയുടെ ശബ്ദവും ആ തണുത്ത കാറ്റും ഏതൊരു ഉറക്കമില്ലാത്തവനെയും ഉറക്കുന്നതായിരുന്നു..
ഞാൻ അവളേ നോക്കിയപ്പോൾ അവളുടെ മുഖം നന്നേ ക്ഷീണിച്ചിരുന്നു… കവിളുകളിൽ കരഞ്ഞു ക്ഷീണിച്ചതിന്റെ പാടുകൾ കാണാം…
ഞാൻ പതുക്കെ അവളുടെ അടുത്ത് ഇരുന്നു…
ഒരു നിമിഷം പോലും കണ്ണുകൾ മാറാതെ അവളെ നോക്കി കൊണ്ടിരുന്നു.
അവളുടെ ചുണ്ടുകൾ അല്പം വിറച്ചുകൊണ്ടിരിക്കുന്നുണ്ട് — ഒരുപക്ഷേ സ്വപ്നം കാണുന്നതാവും.
“കല്ല്യാണി…”
ഞാൻ അവളുടെ മുടിയിൽ തലോടി വളരെ സാവധാനം വിളിച്ചു.
പക്ഷേ അവൾ ഉണർന്നില്ല.
ഞാൻ കൈ നീട്ടി അവളുടെ വിരലുകളിൽ സ്പർശിച്ചു.
ഒരുപാട് നേരം കരഞ്ഞവരുടെ വിരലുകൾക്ക് ഒരു വിറയൽ അനുഭവപ്പെടാറുണ്ട് അവളുടെ കൈകളിലും അതേ വിറയലുണ്ടായിരുന്നു….
എന്റെ സ്പർശം കിട്ടിയതും, അവൾ ഉറക്കത്തിനിടയിൽ തന്നെ എന്റെ വിരലുകൾ മുറുക്കി പിടിച്ചു.
അവളുടെ കൈകൾക്ക് നല്ല തണുപ്പുണ്ടായിരുന്നു
അവളുടെ ഈ അവസ്ഥ കണ്ടപ്പോൾ എന്റെ ഹൃദയം മുഴുവൻ കീറിന്ന പോലെ തോന്നി.
ഞാൻ അവളുടെ ചുണ്ടുകളിൽ ഒരുമ്മകൊടുത്തു. അവളുടെ തേനൂറും ചുണ്ടുകളിൽ നിന്നും അവളുടെ കണ്ണീരിന്റെ ഉപ്പുരസം എന്റെ ചുണ്ടുകളിൽ കിട്ടി
ഞാൻ വീണ്ടും അവളേ തലോടിയപ്പോൾ
അവൾ കണ്ണുകൾ അല്പം തുറന്നു.
മങ്ങലേറിയ കണ്ണുകളാൽ അവളെന്നെ നോക്കി
“സിദ്ധു…”
അത് പറയുന്നതിനു മുമ്പേ അവളുടെ കണ്ണുകൾ വീണ്ടും കണ്ണീരൊഴുകാൻ തുടങ്ങി..
“മ്മ്… ”
എനിക്കും ഒന്ന് മൂളാൻ മാത്രമേ പറ്റിയുള്ളൂ… അവളുടെ പേര് പോലും വിളിക്കാൻ എന്റെ നാവു പൊന്തിയില്ല…
എന്റെ ശബ്ദം കേട്ടതും അവളുടെ പാതി തുറന്ന കണ്ണുകൾ പൂ പോലേ വിരിയാൻ തുടങ്ങി…
കിടന്ന കിടപ്പിൽ അവൾ എണീക്കാൻ ശ്രമിച്ചെങ്കിലും അവളുടെ ശരീരം അതിന് അനുവദിച്ചില്ല…
“വേണ്ട കിടന്നോ…… ”
എന്റെ മറുപടി അവൾ കേട്ട ഭാവം നടിച്ചില്ല..
എണീക്കാനായി ഒരുതരം വെപ്രാളമായിരുന്നു അവൾക്ക്…
വീണ്ടും വീണ്ടും എണീക്കാൻ ശ്രമിക്കുന്ന അവളേ കണ്ടപ്പോൾ ഞാൻ പതിയേ അവളേ ബെഡിൽ ചാരി കിടത്തി…
അവളുടെ കൈകൾ എന്റെ കൈകളെ ബലമായി പിടിച്ചിട്ടുണ്ടായിരുന്നു…. എന്നിരുന്നാലും ആ കൈകൾ അവശ്വസനീയമായി വിറക്കുന്നുണ്ട്….
“സോ…സോറി.. ”
വിറക്കുന്ന ചുണ്ടുകൾകൊണ്ടവൾ അതു പറഞ്ഞതും
പിന്നേ ഒരു പൊട്ടി കരച്ചിലായിരുന്നു… ശ്വാസം പോലുമെടുക്കാൻ കഴിയാത്ത തരം കരച്ചിൽ…
അത്രയും നേരമേ എനിക്കും പിടിച്ചു നിൽക്കാൻ കഴിഞ്ഞുള്ളു…
ഞാൻ അവളേ വാരി പുണർന്നു….
എന്റെ നെഞ്ചിൽ കിടന്നു കരയുമ്പോഴും അവളുടെ വായിൽ നിന്നും സോറി സോറി എന്നുള്ള വാക്ക് മാത്രമായിരുന്നു വന്നുകൊണ്ടിരുന്നത്
“എന്നേ നോക്ക്….. ”
എന്റെ നെഞ്ചിൽ കിടന്ന അവളുടെ മുഖം രണ്ടു കൈകൾ കൊണ്ടും വാരിയെടുത്ത് ഞാൻ എന്റെ മുഖത്തിന് നേരേ ഞാൻ പിടിച്ചു..
“എന്റെ പൊന്നല്ലേ കരയല്ലേ പ്ലിസ്….. ”
അവളുടെ കരച്ചിൽ കണ്ട് സഹിക്കാനാവാതെ ഞാൻ കെഞ്ചുന്ന സ്വരത്തിൽ പറഞ്ഞു…
ആ സമയം എന്റെ കണ്ണുകളും നിറഞ്ഞിരുന്നു…
എന്റെ ആവശ്യപ്രകാരം അവൾ കരയുന്നത് നിർത്തിയെങ്കിലും ആ എങ്ങലടി മാത്രം കുറഞ്ഞില്ല ശ്വാസമെടുക്കാൻ പാടുപെടുകയാണ് കല്ല്യാണി….
ഞാൻ അവളേ വീണ്ടും എന്റെ നെഞ്ചിൽ വലിച്ചിട്ടു ആശ്വസിപ്പിക്കാൻ തുടങ്ങി…. പതിയെ പതിയേ അവളും ശാന്തമായി വന്നു….
“ഇനി കരയോ…”
അവളുടെ മുഖം കോരിയെടുത്തുകൊണ്ട് ഞാൻ വീണ്ടും ചോദിച്ചു….
“മ്മഹ്… ”
അവൾ കിതച്ചുകൊണ്ട് പറഞ്ഞു….
സത്യം പറഞ്ഞാൽ അവൾ ഒന്ന് നോർമൽ ആയി വന്നത് കണ്ടപ്പോഴാണ് എനിക്കും സമാധാനാമായത്….
ഞാൻ ക്ലോക്കിലേക്ക് ഒന്ന് നോക്കി സമയം എട്ടര കഴിഞ്ഞിരിക്കുന്നു…
ഏകദേശം ഒരു മണിക്കൂർ വേണ്ടി വന്നു കല്ല്യാണിയേ പൂർണമായും ഒന്ന് സമാധാനിപ്പിക്കാൻ… 😐