എന്റെ ഉള്ളിൽ ഒന്നുകൂടി വേദനയുണർന്നു
അത് തലവേദനയല്ല… മറിച്ച് ചേച്ചിമാരുടെ കണ്ണുനീർ കണ്ടുള്ള കുറ്റബോധമായിരുന്നു..
ചേച്ചിയേ നന്ദു ചേച്ചി പുറത്തേക്ക് കൊണ്ടുപോയി… കരഞ്ഞു തളർന്ന പാറുവിനോടും ഞാൻ പുറത്ത് പോയി ഒന്ന് മുഖം ഒക്കെ കഴുകി വരാൻ ആവശ്യപ്പെട്ടു… ആദ്യം വിസമ്മതിച്ചെങ്കിലും അവളും റൂമിന് വെളിയിലോട്ട് പോയി…
രാവിലേ എങ്ങനെയാണോ മഴ ഇപ്പോഴും അതുപോലെ തകർത്തു പെയ്യുന്നുണ്ട്…ഒരു തരം ഊമ്പിയ മഴ അത് ഇന്ന് പെയ്തില്ലായിരുന്നെങ്കിൽ എന്റെ ചേച്ചിമാരുടെ കണ്ണുനീർ എനിക്ക് കാണേണ്ടി വരില്ലായിരുന്നു… 😤
“മോനേ ഇപ്പോ എങ്ങനുണ്ടടാ… ”
എന്നേ ചിന്തകളിൽ നിന്നും ഉണർത്തിയത് കാർത്തു ചേച്ചിയുടെ ചോദ്യമായിരുന്നു..
“വേദനയുണ്ട്… പക്ഷേ കുഴപ്പമില്ല ചേച്ചി… ”
ചേച്ചി തലയിലെ കെട്ടും ബാൻഡേജും പരിശോധിക്കുകയാണ്…
“ആ കുട്ടി നന്നായിട്ട് കെട്ടിയിട്ടുണ്ട്… ”
കാർത്തു ചേച്ചി തലയിലെ കെട്ടിൽ പിടിച്ചു കൊണ്ട് പറഞ്ഞു…
ഏഹ്ഹ് അപ്പോ ഇത് ചേച്ചി കെട്ടിയതല്ലേ.. 🤔
“ഏത് കുട്ടി… ”
ഞാൻ സംശയം തീർക്കാനായി ചോദിച്ചു…
“മായ…, ഞങ്ങൾ വരുന്ന വരേ അവൾ നിന്റൊപ്പം ഇവിടേ ഉണ്ടായിരുന്നു… കുഴപ്പമൊന്നുമില്ല പക്ഷേ ചോര കുറച്ചു പോയിട്ടുണ്ട് എന്നാ ആ കുട്ടി പറഞ്ഞേ..”
ചേച്ചി എന്റെ മുടി ഒതുക്കികൊണ്ട് പറഞ്ഞു..
ബോധം പോവുന്നതിനു മുന്പേ കണ്ട മായയുടെ മുഖം മനസ്സിലേക്ക് വന്നുകൊണ്ടിരിന്നു..
അപ്പോഴേക്കും ബാക്കിയുള്ളവരൊക്കെ മുഖം കഴുകി വന്നിരുന്നു…
പക്ഷേ അപ്പോഴും എനിക്ക് കല്ല്യാണിയുടെ മുഖം കാണാനായില്ല…
എല്ലാവരും വീണ്ടും വന്നെന്റെ അടുത്തിരുന്നു…
“ബാക്കി ഉള്ളവരൊക്കെ എവിടെ… ”
ഞാൻ ദേവുചേച്ചിനോടായി ചോദിച്ചു…
പ്രധാനമായും കല്ല്യാണി എവിടെ എന്നറിയാനായിരുന്നു ആ ചോദ്യം…
“അവരൊക്കെ താഴെ ഉണ്ട്… ഞാൻ മനപ്പൂർവം ഇങ്ങോട്ട് വരണ്ട എന്ന് പറഞ്ഞതാ…. നിനക്ക് അറിയില്ലേ അമ്മയുടെ ഒക്കെ കാര്യം… ആ പാവം ഇപ്പോ തന്നെ ഒരുപാട് കരഞ്ഞിട്ടുണ്ട്.. കുറച്ചു കഴിഞ്ഞ് വന്ന് കണ്ടോളും…. ”
അതേതായാലും നന്നായി അവരുടെ വിഷമം കൂടേ കാണേണ്ടി വന്നില്ലല്ലോ. പക്ഷേ ഇപ്പോഴും കല്ല്യാണി എവിടെ എന്ന് മാത്രം അറിയാൻ കഴിഞ്ഞില്ല…
“എന്താ ഉണ്ടായേ… ”
നന്ദു ചേച്ചിയുടെ ചോദ്യമെത്തി….
ഞാൻ നടന്ന കാര്യങ്ങൾ ഒക്കെ നല്ല വിശദമായി തന്നെ പറഞ്ഞു…
എല്ലാം കേട്ടു കഴിഞ്ഞപ്പോൾ ദേവു ചേച്ചി എനിക്ക് കാണാൻ മാത്രമായി ഒരു നോട്ടം നോക്കി…
ആ കണ്ണുകളിൽ ഇപ്പോഴും ഞാൻ പറഞ്ഞത് വിശ്വാസമായിട്ടില്ല എന്ന് എനിക്ക് ബോധ്യമായി…
ഒരു പക്ഷേ ആ വീടുമായി എന്തെങ്കിലും ബന്ധ മുണ്ടോ എന്നായിരിക്കും ചേച്ചി വിചാരിച്ചിട്ടുണ്ടാവുക….
ചേച്ചിയെ കുറ്റം പറയാനുമാവില്ല… കാരണം വിശ്വസിക്കാവുന്നതിനുമപ്പുറമല്ലേ ആ വീടിനെ ചുറ്റി പറ്റിയുള്ള കാര്യങ്ങൾ…
ഞാൻ ചേച്ചിക്കും എന്റെ കണ്ണുകൾ കൊണ്ട് സത്യമാണെന്ന രീതിയിൽ മറുപടി കൊടുത്തു….
അത് കണ്ടതും ചേച്ചിയുടെ മുഖത്ത് ഒരു ആശ്വാസം ഞാൻ കണ്ടു…
“എന്നാലും സിദ്ധു നീ അവളോടുള്ള വാശിക്കാണോ ഇതൊക്കെ ചെയ്തേ…, അതുകൊണ്ടല്ലേ തലയിൽ കെട്ടും കെട്ടി ഇവിടേ കിടക്കുന്നെ ”
ദേവു ചേച്ചി അടിക്കാൻ കൈ ഓങ്ങി കൊണ്ട് പറഞ്ഞു….
എനിക്ക് പക്ഷേ ആ ചോദ്യത്തിന് മറുപടി പറയാൻ ഉണ്ടായിരുന്നില്ല… കാരണം ഇതെല്ലാം പൂർണമായും എന്റെ കഴപ്പ് മാത്രമാണ്… എനിക്ക് എന്നോട് തന്നെ ന്യായീകരിക്കാൻ വാക്കുകൾ കിട്ടുന്നില്ല പിന്നേ അവരോടെന്തു പറയാനാണ്…
“സോറി… ”
ഞാൻ തല താഴ്ത്തിപതുക്കെ പറഞ്ഞു…
അത് പറഞ്ഞതും എന്റെ തോളിൽ ഒരടി കിട്ടി.. വലിയ ശക്തിയിൽ ഒന്നുമല്ലയായിരുന്നു
തല ഉയർത്തി നോക്കിയപ്പോൾ ദേവു ചേച്ചിതന്നെയാണ്
ആ മുഖത്ത് ദേഷ്യം ഇരച്ചുകയറുന്നത് ഞാൻ കണ്ടു…