ആൻ മുതൽ അഞ്ജലി വരെ – 2
[ മനോഹരൻ മംഗളോദയം ]
[ Previous Part ] [ www.kambi.pw ]
Kambi Stories
അടുത്ത ദിവസങ്ങളിൽ രാജേഷ് ഒരു കാര്യം ശ്രദ്ധിച്ചു.
അഞ്ജലി മാറിയിരുന്നു.അതേ സമയം മാറിയിരുന്നില്ല.
രാവിലെ എഴുന്നേറ്റ് വീട്ടിലെ കാര്യങ്ങൾ നോക്കുന്നതും, സ്കൂളിലേക്ക് പോകുന്നതും, അമ്മയോട് സംസാരിക്കുന്നതും എല്ലാം പഴയ അഞ്ജലി തന്നെ.
അവൾ ഇപ്പോഴും അധികം സംസാരിക്കുന്ന ആളായിരുന്നില്ല.
പുതിയ ആളുകളെ കണ്ടാൽ ഇപ്പോഴും അല്പം മടിയുണ്ടായിരുന്നു.
കുടുംബ ചടങ്ങുകളിൽ പോയാൽ പഴയതുപോലെ തന്നെ ഒരുവശത്ത് ഒതുങ്ങി നിൽക്കും.പക്ഷേ ചെറിയ ചില കാര്യങ്ങൾ മാറിയിരുന്നു.
വളരെ ചെറിയ കാര്യങ്ങൾ. പുറത്ത് നിന്ന് നോക്കുന്ന ഒരാൾക്ക് ഒരുപക്ഷേ ശ്രദ്ധയിൽ പോലും പെടാത്ത കാര്യങ്ങൾ. ഒരു ദിവസം വൈകുന്നേരം ചായ കുടിക്കുമ്പോൾ രാജേഷ് ഒരു കാര്യം പറഞ്ഞു.
പഴയ അഞ്ജലി ആയിരുന്നെങ്കിൽ മിണ്ടാതെ കേട്ടേനെ.
പക്ഷേ ഇത്തവണ അവൾ തന്റെ അഭിപ്രായം തുറന്നു പറഞ്ഞു.
അത് ശരിയോ തെറ്റോ എന്നതല്ല രാജേഷ് ശ്രദ്ധിച്ചത്.
അവൾ ആദ്യമായി സ്വന്തം അഭിപ്രായം പറയാൻ മടിച്ചില്ല എന്നതാണ്.
മറ്റൊരു ദിവസം ഒരു വസ്ത്രം വാങ്ങാൻ പോയപ്പോൾ അവൾക്ക് ഇഷ്ടമുള്ള നിറം അവൾ തന്നെ തിരഞ്ഞെടുത്തു.
“നിനക്ക് ഇഷ്ടമുള്ളത് എടുക്കൂ”
എന്ന് രാജേഷ് പറഞ്ഞപ്പോൾ പതിവുപോലെ “ഏതായാലും മതി” എന്ന് പറഞ്ഞില്ല.
“എനിക്ക് ഇത് ഇഷ്ടമാണ്” എന്ന് പറഞ്ഞു.
രാജേഷ് അപ്പോൾ മനസ്സിലാക്കി.അഞ്ജലി മാറിയത് ധൈര്യം വന്നതുകൊണ്ടല്ല. അവൾക്ക് സ്വന്തം ഇഷ്ടങ്ങൾ ഉണ്ടെന്ന് സമ്മതിക്കാൻ തുടങ്ങിയതുകൊണ്ടാണ്. അവൾ ഇപ്പോഴും അതേ അഞ്ജലി തന്നെ.
പക്ഷേ മുമ്പ് എല്ലാത്തിനും അനുവാദം തേടിയിരുന്ന ആ പെൺകുട്ടി, ഇപ്പോൾ ചില കാര്യങ്ങളിൽ സ്വന്തം തീരുമാനങ്ങൾ എടുക്കാൻ തുടങ്ങിയിരുന്നു.
ഒരു ഞായറാഴ്ച ഉച്ചയ്ക്ക്. മഴ കഴിഞ്ഞ തണുത്ത കാലാവസ്ഥ. മകൻ നല്ല ഉറക്കത്തിലായിരുന്നു. അമ്മ ഒരു കല്യാണത്തിന് പോയിരുന്നതിനാൽ വീട്ടിൽ അവർ രണ്ടുപേർ മാത്രം. അഞ്ജലി അടുക്കളയിൽ തിരക്കിലായിരുന്നു. രാജേഷ് പിന്നിലൂടെ വന്ന് അവളുടെ അരയിൽ കൈ ചുറ്റി.
“എന്താ… ഇപ്പൊ അടുക്കളയിലും romance ആണോ…”
അവൾ ചിരിച്ചു.
“ഭാര്യ mood ആയിട്ട് നിൽക്കുമ്പോൾ ഞാൻ എന്ത് ചെയ്യും…”
“പോടാ…”
അഞ്ജലി ചിരിച്ചുകൊണ്ട് പറഞ്ഞു.
കുറച്ചു നേരം അങ്ങനെ തന്നെ നിന്ന ശേഷം അവൾ പെട്ടെന്ന് ചോദിച്ചു.
“രാജേഷേട്ടാ…”
“ഉം…”
“നമുക്ക് എങ്ങോട്ടെങ്കിലും പോയാലോ…”
“എവിടെ?”
“അറിയില്ല…”
അവൾ കുറച്ചു നേരം ആലോചിച്ചു.
“കുറച്ച് ദിവസം എല്ലാത്തിൽ നിന്നും മാറി.”
“എന്ന് വച്ചാൽ?”
“നമ്മൾ മാത്രം.”
അവൾ മെല്ലെ പറഞ്ഞു.
“ഫോണും ഓഫീസും സ്കൂളും ഒന്നുമില്ലാതെ…”
രാജേഷിന്റെ കൈ അവളുടെ അരയിൽ അല്പം കൂടി മുറുകി.
“നമ്മൾ രണ്ടുപേരും മാത്രം.”
അഞ്ജലി ചെറുതായി തല കുലുക്കി.
“ഉം…”
കുറച്ചു നിമിഷങ്ങൾ ആരും ഒന്നും പറഞ്ഞില്ല.
പിന്നെ രാജേഷ് ചോദിച്ചു.
“അപ്പോൾ എവിടേക്ക് പോകണം?”
“എവിടെയായാലും മതി.”
“അത് പറ്റില്ല.”
“എന്താ?”
“ഈ പ്രാവശ്യം നിന്റെ അഭിപ്രായവും വേണം.”
അഞ്ജലി ചിരിച്ചു.
“എനിക്ക് ശരിക്കും അറിയില്ല.”
“അപ്പോൾ ഞാൻ ഒരു സ്ഥലം പറയട്ടെ?”
“പറ.”
“തായ്ലൻഡ്.”
അഞ്ജലി തിരിഞ്ഞ് അവനെ നോക്കി.
“തായ്ലൻഡോ?”
“ഉം.”
“അത് വളരെ ദൂരെ അല്ലേ?”
“അതാണ് വേണ്ടത്.”
രാജേഷ് ചിരിച്ചു.
“നമ്മളെ ആരും അറിയാത്ത ഒരു സ്ഥലം.”
അഞ്ജലി കുറച്ചു നേരം ആലോചിച്ചു.
പിന്നെ മെല്ലെ ചിരിച്ചു.
“എങ്കിൽ പോകാം.”
രാജേഷ് അവളെ നോക്കി.
“ഇത്ര പെട്ടെന്ന് സമ്മതിച്ചോ?”
“ഞാൻ പറഞ്ഞില്ലേ…”
അവൾ അവന്റെ തോളിലേക്ക് ചാഞ്ഞു.
“സ്ഥലം അല്ല എനിക്ക് വേണ്ടത്.”
“പിന്നെ?”
“നമ്മൾ രണ്ടുപേരും മാത്രം കുറച്ചു ദിവസം.”
രാജേഷ് അവളുടെ മുടിയിഴകൾക്കിടയിലൂടെ വിരലോടിച്ചു.
പിന്നെ പെട്ടെന്ന് ചോദിച്ചു.
“അല്ല…”
“ഉം?”
“നിനക്ക് സ്വന്തമായി ഒരു ആഗ്രഹവും ഇല്ലേ?”