💞ആയിരം കണ്ണുമായി – 10 17

 

അജ്മൽ : എന്റെ പൊന്ന് റോണി പുതിയ ഐഡിയയൊന്നും കൊണ്ട് വരല്ലേ.. ഇടികൊള്ളാൻ എനിക്ക് വയ്യ..

 

അരുൺ : എനിക്കും…രണ്ടെണ്ണവും കൂടി എന്തോ കാണിക്കട്ടെ… അവസാനം അവൻ തന്നെ അവൾക്ക് പണികൊടുത്തോളും

 

ഇതേ സമയം അഖിലും ശ്രുതിയും

 

ശ്രുതി : വിശക്കുന്നു എന്ന് പറഞ്ഞിട്ട് എന്താ നോക്കി നിൽക്കുന്നെ വാ

 

അഖിൽ : ആ കോപ്പന്മാർ നമ്മളെ തന്നെ നോക്കി നിൽക്കുന്നുണ്ട് ഇവനൊന്നും എത്ര കൊണ്ടാലും പഠിക്കില്ലേ

 

ശ്രുതി : അവമ്മാർ എന്തോ ചെയ്യട്ടെ നീ വാ

 

അവർ മുന്നോട്ട് നടന്നു

 

ഭക്ഷണത്തിന് ശേഷം ഇരുവരും കോളേജിന് മുന്നിൽ

 

അഖിൽ : വാ കയറ് ഞാൻ വീട്ടിൽ വിടാം

 

ശ്രുതി : വേണ്ട ഞാൻ ബസിൽ പൊക്കോളാം

 

അഖിൽ : അങ്ങനെയിപ്പോൾ പോകണ്ട.. എനിക്ക് വേണ്ടി വന്നതല്ലേ ഞാൻ തന്നെ കൊണ്ടുവിടാം… ഇല്ലെങ്കിൽ നാളെ മുതൽ നീ വീട്ടിൽ ഇരുന്നോളണം

 

ശ്രുതി : ശെരി വരാം പോരെ…

 

അഖിൽ പതിയെ അവളെ ബൈക്കിൽ കയറ്റിയ ശേഷം ബൈക്ക് മുന്നോട്ട് എടുത്തു

 

ശ്രുതി : ടാ സത്യമായും നീ എഴുതിയല്ലോ അല്ലെ..എന്നെ പറ്റിക്കാൻ പറഞ്ഞത് ഒന്നുമല്ലല്ലോ

 

അഖിൽ : എഴുയെടി…ഞാൻ എന്തിനാ നിന്നെ പറ്റിക്കുന്നെ

 

ശ്രുതി : ഇന്ന് പോയിട്ടു നല്ലത് പോലെ പഠിച്ചോണം.. നാളെ ഗ്രാമറാ അറിയാല്ലോ

 

അഖിൽ : ഗ്രാമർ ആണെടി പ്രശ്നം…

 

ശ്രുതി : ഒരു പ്രശ്നവും ഇല്ല ഏറ്റവും എളുപ്പം ഗ്രാമറാ പെട്ടെന്ന് ജയിക്കാം, എല്ലാത്തിനും ഓപ്ഷൻ ഉണ്ടാകും..

 

അഖിൽ : നീ പറയുന്നത് അല്ലെ

 

ശ്രുതി : അല്ലടാ സത്യം…

 

*************

 

പരീക്ഷയുടെ അവസാന ദിവസം ശ്രുതി പതിവ് പോലെ അഖിലിന് വേണ്ടി കാത്തിരിക്കുകയായിരുന്നു

 

“ശ്രുതി എന്താ ഇവിടെ ”

 

പെട്ടെന്ന് തന്നെ ശ്രുതി മുന്നിലേക്ക് നോക്കി അത് ദേവി മിസ്സ്‌ ആയിരുന്നു

 

ദേവി : തനിക്ക് എക്സാം ഇല്ലല്ലോ പിന്നെ എന്താ ഇവിടെ

 

ശ്രുതി : അത് മിസ്സ്‌…

 

ദേവി : താൻ ആ അഖിലിന്റെ കൂടെ വന്നതാണോ

 

ശ്രുതി : അതെ മിസ്സ്‌… അവനെ ഹെൽപ് ചെയ്യാൻ

 

ദേവി : എന്ത് ഹെൽപ് താൻ ഇവിടെ വന്നിട്ട് അവന് എന്ത് ഹെൽപ് കിട്ടാനാ… 😡 നശിക്കാൻ തന്നെയാ ശ്രുതിയുടെ തീരുമാനം അല്ലെ

 

ശ്രുതി : എന്താ മിസ്സ്‌ ഇങ്ങനെയൊക്കെ പറയുന്നെ

 

ദേവി : പിന്നെ എന്താ പറയേണ്ടേ… താൻ നല്ല കൊച്ചായിരുന്നില്ല ഇപ്പോൾ കണ്ട ക്രിമിനൽ മൈൻഡ് ഉള്ളവരുടെ കൂടെയല്ലേ ഏത് നേരവും

 

ശ്രുതി : അഖിൽ അങ്ങനെയൊന്നും അല്ല മിസ്സേ… ഞാൻ അവനെ എക്സാമിന് ഹെൽപ് ചെയ്തിരുന്നു.. ഒരു സപ്പോർട്ടിന് വേണ്ടിയാ

 

ദേവി : എന്ത് സപ്പോർട്ട്… അവനൊക്കെ റാങ്ക് വാങ്ങാൻ പോകുവല്ലേ… തനി ക്രിമിനൽ

 

ശ്രുതി : എന്താ മിസ്സേ ഇങ്ങനെ പറയുന്നെ അവനിപ്പോൾ ഒരു പ്രശ്നവും ഉണ്ടാക്കുന്നില്ലല്ലോ….

 

ദേവി : തനിക്ക് അവനെ പറ്റി എന്തെങ്കിലും അറിയാമോ… അവന്റെ പഴയ കോളേജിലെ ട്യൂട്ടറെ ഈ ഇടയ്ക്ക് ഞാൻ കണ്ടിരുന്നു അവന്റെ കാര്യങ്ങൾ എല്ലാം ഞാൻ അറിഞ്ഞു.. ഒരു വഴിയും ഇല്ലാത്തത് കൊണ്ടാ അവര് അവനെ അവിടുന്ന് പുറത്താക്കിയെ..ഇതൊക്കെ നേരത്തെ അറിഞ്ഞെങ്കിൽ എന്റെ ക്ലാസ്സിൽ ഇരുത്താൻ ഞാൻ സമ്മതിക്കില്ലായിരുന്നു…

 

ശ്രുതി : ഇപ്പൊ അവൻ അങ്ങനെയൊന്നും അല്ല മിസ്സേ… എല്ലാവർക്കും ഒരു സെക്കന്റ്‌ ചാൻസ് കൊടുക്കണ്ടേ… ആരും സപ്പോർട്ട് ചെയ്തില്ലെങ്കിൽ പഴയതിനെക്കാൾ മോശമാകും… എല്ലാവരും ഇങ്ങനെ മോശമാണ് എന്ന മുൻവിധിയോടെ പെരുമാറിയാൽ അവൻ അങ്ങനെയല്ലേ ആകുള്ളു

 

ദേവി : നിനക്ക് എന്താ ശ്രുതി പറഞ്ഞാൽ മനസ്സിലാകില്ലേ… അവന്റെ കൂടെ നടന്ന് എന്തെങ്കിലും പറ്റിയാൽ

 

ശ്രുതി : ഒന്നും പറ്റില്ല…

 

ദേവി : തന്നോട് പറഞ്ഞിട്ട് കാര്യമില്ല… ഞാൻ വീട്ടിൽ വിളിക്കാം

 

ശ്രുതി : അഖിൽ എന്റെ ബന്ധുവാ വീട്ടിൽ പറഞ്ഞിട്ട് തന്നെയാ ഞാൻ വന്നെ

 

ദേവി : ബന്ധുവോ…

 

ശ്രുതി : എന്റെ മാമന്റെ മോനാ…അതുകൊണ്ടാ ഹെൽപ് ചെയ്യുന്നെ.. അവൻ ഒരു പ്രശ്നവും ഉണ്ടാക്കില്ല ഉറപ്പ്